31 vite Kompania Neranxi
Në vitin 1991, një çift i ri nga Himara, Nikollaq dhe Nurie Neranxi, të diplomuar në Universitetin Bujqësor të Tiranës si Agronomë dhe me grada shkencore, vendosën të lënë profesionet e tyre dhe të nisin një aktivitet privat në sektorin e ushqimit, i cili vijon edhe sot me sukses. Kompania “Neranxi” ka 31 vite që zhvillon aktivitetin e saj në importin, prodhimin dhe përpun
imin e lëndëve të para të industrisë ushqimore, jo vetëm në Shqipëri, por edhe në Kosovë, Maqedoni e Mal të Zi. Duke patur parasysh vështirësitë e tranzicionit dhe luhatjet e forta të sipërmarrjeve private në Shqipëri, ku dështimet shpesh jo për fajin e tyre, kanë qenë të shumta, qëndresa dhe rrugëtimi i këtij aktiviteti, e bën kompaninë “Neranxi” një model jo vetëm të suksesit, por edhe të vizionit, sakrificës dhe qëndresës. Kompania Neranxi ka synuar gjithmonë objektiva të mëdha, të cilat shpesh dukeshin si misione të pamundura, në një Shqipëri me kaq probleme. Një rrugëtim prej më shumë se tri dekadash, në kontekst të një ekonomie tregu gjithmonë në tranzicion dhe problematik, ka bërë që strategjia të jetë vazhdimisht e ndryshme, inovative, por gjithmonë progresive. Misioni dhe vlerat e Kompanisë Neranxi! Misioni i markës Neranxi ka të bëjë vetëm dhe ekskluzivisht me konsumatorin dhe ky mision ka qenë i tillë që në ditët e para të rrugëtimit të saj. Kompania Neranxi ka synuar që nëpërmjet aktivitetit të saj, të promovojë një jetë të shëndetshme, të edukojë kulturë të ushqyeri që siguron një jetë të gjatë dhe pa sëmundje, duke besuar fort se cilësia e jetës fillon dhe mbaron në tavolinë. Klienti është vlera dhe aseti më i madh që ka një kompani. Nëse e vendosim atë si prioritet, nuk devijojmë asnjëherë as nga misioni dhe as nga vlerat. Prandaj forca e markës “Neranxi”, është klienti i saj besnik. Cilësi dhe siguri
Kompania siguron standardet HACCP dhe IFS të cilat përfaqësojnë kriteret e njohura nga zinxhirët kryesorë evropianë dhe ndërkombëtarë të shpërndarjes së ushqimit. Network i dyqaneve “Organic Market Neranxi”
Kompania “Neranxi” ka një rrjet dyqanesh shumice dhe pakice Organic Market në të katër anët e Shqipërisë, në Kosovë, Mal të Zi dhe Maqedoni, duke ndërtuar kështu zinxhirin e pikave të sh*tjes, ku networku është shumë i rëndësishëm jo vetëm në termat e fitimit, por pikë së pari për konsolidimin e imazhit, duke sjellë në vemendjen e të gjithë sipërmarrësve, një hallkë shumë të rëndësishme të një biznesi, siç është strategjia e sh*tjes.
