18/02/2026
“Cahan Holding”ə məxsus “ENNA” içki zavodu Dubayda keçirilən dünyanın ən böyük qida və içki sərgisi “Gulfood 2026” sərgisində Azərbaycanı öz stendi ilə təmsil edib.
Sərgidə 130 ölkə 6500-dən çox şirkətlə təmsil olunub. 100000-dən çox ziyarətçinin qatıldığı sərgidə Qafqazın ən böyük istehsal gücünə malik içki zavodu olan “ENNA”ya dünyanın bir çox ölkələri tərəfindən yüksək maraq göstərilib. Ən müasir Krones avadanlığı ilə təchiz olunan zavod illik 250 milyon içki istehsal etmək potensialındadır.
Stendi ziyarət edənlər həm şəxsi marka əməkdaşlığı, həm də “ENNA” zavodunda istehsal olunan yerli brendlərimiz - BUZZ Cola, BUZZ Tea, Plus Ower, Dark Horse, Dinamit, Bad boy içkiləri haqqında məlumatlandırılıb. Ziyarətçilərə VR vasitəsilə zavodun virtual turu təşkil olunub. Zavodun istehsal prosesi ilə yaxından tanış olan bir çox ölkələrin nümayəndələri ilə ixrac və istehsalla bağlı ilkin razılaşmalar artıq əldə olunub.
1000-ə yaxın xarici vətəndaşla aparılan sorguda Azərbaycanın “Cola”sı BUZZ Cola 10 ballıq sistemdə 8.5 ballıq nəticə göstərib.
Bundan əlavə, İqtisadiyyat Nazirliyinin dəstəyi, İxracın və İnvestisiyaların Təşviqi Agentliyinin (AZPROMO) təşkilatçılığı ilə Azərbaycanın 23 şirkəti sırasında “ENNA” MMC də öz məhsullarını “Made in Azerbaijan” adı altında vahid ölkə stendində də təqdim edib.
Cənab Prezident İlham Əliyevin uğurlu siyasəti nəticəsində artıq hər kəsin Azərbaycanı tanıması və gücünə bələd olması da ölkəmizi təmsil edən şirkətlər üçün əlavə üstünlük qazandırıb.