Mom's Catering

08/25/2026

08/24/2026

KARANGALAN NG PROBINSYA: BATANG CAGAYANA, NAG-UWI NG TATLONG INTERNATIONAL TITLES MULA THAILAND

Ipinapaabot ng Pamahalaang Panlalawigan ng Cagayan sa pangunguna ni Governor Egay Aglipay ang mainit na pagbati kay Benedicta Emmanuella “Saci” Emperador Soriano, Grade 5 pupil mula sa Tabang, Sto. Niño, Cagayan, matapos niyang irepresenta ang Pilipinas at mag-uwi ng tatlong international titles mula sa Junior Model International 2026 World Finals sa Bangkok, Thailand.

Matagumpay na nakamit ni Saci ang mga titulong Junior Model International Asia 2026, Pre-Teen Princess of Asia, at Pre-Teen Best Creative National Costume matapos niyang ipamalas ang kanyang kumpiyansa, talento, at husay sa pandaigdigang entablado.

Ang tagumpay ni Saci ay nagbigay ng karangalan sa kanyang komunidad, sa lalawigan ng Cagayan, at sa buong Pilipinas. Patunay ito na ang talento at pangarap ng kabataang Cagayano ay maaaring umabot sa pandaigdigang entablado. Congratulations, Saci!