09/25/2026
طاكوس منزلي مفرمج
______تحضير عجينة طاكوس_____
في إناء نضع 4 كيسان ونصف فرينة، مغرف كبيرة تاع سكر وملح و كيس خميرة حلويات ونخلط، ثم نصف كاس زيت و5 مغارف كبار تاع حليب ونخلط، ثم نملها بالماء حتى نتحصل على عجينة طرية ومتماسكة.
نعجنها 5د ونغطيها بالكيس بلاستيكي ونخليها تريح 30د. من بعد عاودي جبدّيها وعجنيها
وشكليها 8 كرات باستعمال الفرينة وخليها تريح حوالي ساعة
______تشكيل خبز الطاكوس ___________
بعد ما يريحو كريات ، جبدي بالوحدة ورشي الفرينة وحليها رقيقة. تكوني درتي مقلة ولا طاجين يسخنو وبداي طيبي غير بالوحدة، والسر راه في طياب متخليهاش تحمار، غير تحطيها 10 ثواني قلبيها على الجهة أخرى نفس شيء. تشوفيها نشفت نحيم دوريهم في طرشونة وغطيهم حتى تكملي باقي الحبات.
________ تحضير الدجاج او الشورما________
في إناء حطي صدر دجاج مقطع و عصير نصف ليمون و توابل شورما و كركم وفلفل أسود وفلفل أحمر .ثوم فص و حبة بصل تكون صغيرة ومغرف كبيرة تاع خردل . فنجان زيت وعلبة ياغورت طبيعي وملح ونخلط مليح ونخليه في الثلاجة حوالي 4 ساعات ثم نطيبو في مقلاة ساخنة حتى يطيب وينشف مليح
_______ تحضير كريمة الجبن_______
في كاسرونة نفرغ كاس كريمة سائلة او عوضيها بكاس حليب ومغرف صغيرة نشاء وقطعة كبيرة تاع جبن طري وجبن مبشور وحطي كلشي فوق نار زيدي ملح وفلفل أسود خلطي حتى تثقال شوية نطفي عليها.
______تشكيل طاكوس ______
جيبي الخبز لي طيبتيه حطي عليه صلصة ألجغيان او باربكيو او اي صلصة و زيدي الدجاج ماريني البطاطا مقلية و كريمة الجبن و الجبن مبشور اغلقيه على شكل مستطيل او مربع وطيبيه في طاجين سخون او مقلاة مخططة
# rectte # chef # cuisine femme algérienneوصفات إقتصادية و ناجحة
