AlBaRo

Änggistsäuli und andere leckereien direkt und frisch von "Ihrem" Bauernhof beziehen. Bei der gemütlichen Metzgete kann das Fleisch abgeholt werden.

Unsere Idee/Anliegen ist, dass Du weisst woher Dein Essen eigentlich stammt und was Du genau isst;
Frische, saisonale Produkte direkt vom Bauernhof in deiner nähe. Du kannst Dir die Produkte schicken lassen oder
bei der gemütlichen Metzgete das Änggistsäulifleisch auf dem Hof Obermatt abholen kommen. Unser Betrieb ist IP Suisse und QM zertifiziert. Die Tiere leben in BTS-Haltung (besonders tierfreundliche Stallhaltung) da ist Qualität garantiert!

05/06/2026

Ab sofort chöit Dir mit Feldnah (QR-Code ide Fotos) online gah luege was mir im Mikrolädeli grad im Agebot hei. Wes nech glustet, chöit Dir das ou grad bsteue u mir mache Öich das de zum Abhole parat. Natürlech mit em Pro Bon Märgeli derbi.

Sött äs Produkt usverchouft si, aber Dir hättit Inträsse dran, de chöit Dir nech lah benachtichtige wes wider Vorrätig isch. Äs geit ja geng nachem Motto, dr Ender isch dr Gschwinder. U so heit Dir scho mau ä Vorsprung ;)

Mir würde üs fröiä, we die Funktion rege gnutzt wird!

03/06/2026

Hütt abe (3.6.2026) isch üses Änggistlädeli in Enggistein vo 17.00 bis 18.30 Uhr offe.

D Mittwuchs Aktion isch:
27% Rabatt uf Chochspäck.
Dä Chochspäck isch vakuumiert, tiefgfrore, ca. 300g.
Solang Vorrat.

Üses Änggistlädeli isch vo 17.00 bis 18.30 Uhr offe.

Bim Fleisch hets saftigi Plätzli (Nier u Stotze), Steak (Huft), Ragout, Gschnätzlets, Hackfleisch, Chochspäck, Fleischchügeli u Filet vom Änggistsöili.

Vor Charcuterie hets Moduschinke, Fleischchäs u Hamme. Nöi gits dr feini Schinke - Ufstrich für ufs Brot, härgsteut us feinstem Änggistsöili Schinke. NUR UF VORBSTELLIG.

Wurstware hets Bratwürst, Currybratwurst, Füürtüfu, Grillschnägg, Bärner Zungewurst u üsi nöi Chrüter Bratwurst.

Bratfett u Gröibi si ou wider erhäutlech. So wi di tröchnete Ohre für d Hünd.

Di feine Brönnte Wässerli si i de Sorte Mostlikör, Nusser, Quittenschnaps, Kramer Spezial u Bätzi erhäutlech. Auses natürlech vo üsem Hof. Hie gwachse, hie härgsteut u hie gnosse😊👍

Mir schänke Öich bi Öiem Ichouf dr Pro Bon. Di voui Sammucharte chöit Dir natürlech ou grad ilöse. In BAR 10.- oder la arächne😀💵

Heit Dir no herts Brot deheime? Üser Tier würde sech drüber fröiä!

Mir würde üs über ä Bsuech fröiä 😊

02/06/2026

Mir hei nöii Hof Bewohner 😍 🐝
Di Ärdhummeli hei afa boue u vüuä di Trichterli flissig mit Honig.

Das ha ig so no nie gseh, isch sehr spannend dene zue zluege.

01/06/2026

📢%%% Mittwuche Aktion (3.6.2026) im Änggistlädeli 🛒%%%

27% Rabatt uf Chochspäck!

Dä Chochspäck isch vakuumiert, tiefgfrore, ca. 300g.
Solang Vorrat.

Üses Änggistlädeli isch vo 17.00 bis 18.30 Uhr offe.

29/05/2026

Pro Bon sammle jetz nöi ou im Mikrolädeli müglech!

Wi das im Säubstbedienigs Lädeli funktioniert? Ganz eifach!
Dir scannet mit Öiem Natel dr QR-Code vom gwünschte Produkt i u bim zahle gäht Dir Öie Name u Mailadresse ah.
So chöi mir dr Ichouf Öich zueordne u d Pro Bon Märgeli uf d site lege.
Entweder chömit Dir de am Mittwuchabe vo 17.00 bis 18.30 ids Änggistlädeli Öii Pro Bon Märgeli cho abhole oder Dir überchömetse bir nächste Bstellig/Abholig im Mikrolädeli.

Wie di voui Sammucharte ilöse?
Dir machit dr Ichouf glich, auso Produkt mit em QR-Code iscanne. Bim zahle zieht Dir pro voui Pro Bon Sammucharte Fr. 10.- vom Betrag ab. Wider Name u Mailadrässe igäh (es git ja de wider Pro Bon Märgeli). Di voui Sammucharte chöit Dir üs i Briefchaste iwärfe.

Das isch natürlech aues ä chli uf Vertrouensbasis. Aber mir si zueversichtlech das das klappt u niemer das usnützt.

U wär bis hie gläse het, söu ou belohnt wärde: ab sofort bis ändi Juni gits im Mikrolädeli di dopplete Pro Bon we Dir mit Feldnah, auso mit de QR-Code ichoufit.

27/05/2026

Am 13. Juni gits wider feins Freiland Änggistsöilifleisch.

Das Fleischpäckli isch bsteubar uf üserer Homepage (https://www.albaro.ch/produkte/metzgetepack-freiland).

🚨 BSTEUSCHLUSS ISCH SUNDIG, 31.5.2026 🚨

Das Fleischpäckli besteit us aune feine Fleischstück wo so nes Söili bietet. Die Fleischpäckli si bereits ab 1 Kilo bsteubar, aber Achtung: da isch natürlech de nid vo auem dinne!
Ab 5 Kilo isch ä gueti durchmischig vo aune Fleischstück müglech.
Ds Kilo Freiland Änggistsöilifleisch chostet Fr. 27.-

Abhouort isch: AlBaRo, Hinterenggistein 780, 3077 Enggistein.
Am Samstig, 13.6.2026 vo 14.00 bis 16.00 Uhr.

Mir schänke Öich dr Pro Bon u löse ou gärn di voui Sammucharte i.
Zahle chöit Dir näbst BAR ou mit TWINT oder Charte (Pro Bon gits nur uf Barzahlig).

27/05/2026

Hütt abe (27.5.2026) isch üses Änggistlädeli in Enggistein vo 17.00 bis 18.30 Uhr offe.

D Mittwuchs Aktion isch:
2 für 1 bi de Fürtüfle.
Di Fürtüfle si vakuumiert, tiefgfrore, 1 Paar pro Pack.
Solang Vorrat.

Üses Änggistlädeli isch vo 17.00 bis 18.30 Uhr offe.

Bim Fleisch hets saftigi Plätzli (Nier u Stotze), Steak (Huft), Ragout, Gschnätzlets, Hackfleisch, Chochspäck, Fleischchügeli u Filet vom Änggistsöili.

Vor Charcuterie hets Moduschinke, Fleischchäs u Hamme. Nöi gits dr feini Schinke - Ufstrich für ufs Brot, härgsteut us feinstem Änggistsöili Schinke. NUR UF VORBSTELLIG.

Wurstware hets Bratwürst, Currybratwurst, Füürtüfu, Grillschnägg, Bärner Zungewurst u üsi nöi Chrüter Bratwurst.

Bratfett u Gröibi si ou wider erhäutlech. So wi di tröchnete Ohre für d Hünd.

Di feine Brönnte Wässerli si i de Sorte Mostlikör, Nusser, Quittenschnaps, Kramer Spezial u Bätzi erhäutlech. Auses natürlech vo üsem Hof. Hie gwachse, hie härgsteut u hie gnosse😊👍

Mir schänke Öich bi Öiem Ichouf dr Pro Bon. Di voui Sammucharte chöit Dir natürlech ou grad ilöse. In BAR 10.- oder la arächne😀💵

Heit Dir no herts Brot deheime? Üser Tier würde sech drüber fröiä!

Mir würde üs über ä Bsuech fröiä 😊

24/05/2026

📢%%% Mittwuche Aktion (27.5.2026) im Änggistlädeli 🛒%%%

2 für 1 bi de Fürtüfle!

Di Fürtüfle si vakuumiert, tiefgfrore, 1 Paar pro Pack.
Solang Vorrat.

Üses Änggistlädeli isch vo 17.00 bis 18.30 Uhr offe.

22/05/2026

Bee safe Sprützchanne

Garte Saison faht wider ah u dermit ou ds Pflanze/Blueme giesse. Das birgt aber ou immer wider ä Gfahr für durstegi Biendli.

Drum gits jetz di Sprützchanne mit Usstigshiuf für Biendli.
Sött äs durschtigs Biendli id Sprützchanne gheie, findets de ar Schnuer wider haut u cha säuber use chlättere.

Erhäutlech si di Sprützchanne in Blau mit 10L und in Dunkublau mit 5L im Mikrolädeli.

Adresse

Hinterenggistein 780
Bern
3077

Öffnungszeiten

17:00 - 18:30

Webseite

https://www.albaro.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von AlBaRo erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.