Moe

Moe Changes
(1)

19/09/2026

ကိုယ့်အနာနဲ့ ကိုယ်
မြုံနေတဲ့ လူတွေချည်းပဲ
မနာဘူးရယ်လို့တော့
ဘယ်ဟုတ်မလဲ

ခန္တီပါရမီမွေးနေလို့သာ
ဒဏ်ရာပေးသူတွေနဲ့
သဟဇာတ ဖြစ်နေရတာ

စိတ်အချဉ်ပေါက်တိုင်း
အချင်းများနေရရင်လည်း
လမ်းဘေးခွေးနဲ့ တောင်
နိစ္စဓူဝ ပြိုင်ဟောင်နေရမှာ ။ ။

#ခွန်ဟိဏ်း( ရေစကြို )

18/09/2026

ကမ္ဘာကြီးအကြောင်းစဉ်းစားခဲ့တယ်
မိုဟာမက်အကြောင်း စဉ်းစားခဲ့တယ်
တိမ်တွေအကြောင်း စဉ်းစားခဲ့တယ်
ရှိမနေတဲ့အရာတစ်ခုအကြောင်း
စဉ်းစားခဲ့တယ်

စောနကမြင်မိတဲ့တိမ်တွေ
အခုမရှိတော့တာဟာလည်း
သဘာဝတရားပါပဲ
စောနက ဖြစ်ခဲ့တဲ့ ခံစားချက်တွေ
အခုမရှိတော့တာဟာလည်း
အကြောင်းတရားတစ်ခုပါပဲ

ဗုဒ္ဓကို ပြန်ရှာတွေ့ခဲ့တယ်
ယေရှုကို ပြန်ရှာတွေ့ခဲ့တယ်
ငါ့ကိုယ်ငါ ပြန်ရှာတွေ့ခဲ့တယ် ။

#ဂန္ဓမာ
#တဘဝစာဒသန

14/09/2026

အိပ်ပျော်သွားရင် နိဗ္ဗာန်
အိပ်မပျော်သေးရင် ငရဲ
ငါ့ဦးခေါင်းက ပူလောင်မှုကို မင်း ရယ်မယ်။

အလကားနေ
ဘယ်သူမှ အဝေးကို ငေးနေမှာ မဟုတ်ဘူး။

#ခင်ဇော်မြင့်

09/09/2026

"သူ့လက်ဖဝါးလေး ဆုပ်ကိုင်ထားချင်တယ် "
ဒီလောက်ပါပဲ
ဘုရားသခင်က
ပိုကောင်းတဲ့အရာတွေ ပေးမယ်ဆိုရင်တောင်
ဒီဆုတောင်းလေးပဲ ပြည့်ချင်ပါတယ် ။

#ခန့်သွယ်

08/09/2026

လူတွေက
လူတွေကို မေ့နေတဲ့ ကာလမှာ
တရားနဲ့လည်း မဖြေနိုင်
အမှားနဲ့လည်း မသေနိုင်

မြစ်ထဲက ငါးတွေလို
ကန်ထဲက ငါးတွေ ဘယ်ပျော်နိုင်ပါ့မလဲ။

#လှသန်း

07/09/2026

ပန်းမပွင့်ရင်တောင်
အရွက်လှဖို့ ကြိုးစားခဲ့သူပါ
ကမ္ဘာမြေ ကျေနပ်ပါလိမ့်မည်။

#အောင်ခင်မြင့်

ဆိုင်ကယ် ဘက်မှန်လေးဟာကမ္ဘာကြီးတခု ဆန့်တယ်ပြောရင်ဒီကောင် ရူးနေပြီလို့ ဆိုကြမလားတံဆိပ်မဖြုတ်ရသေးတဲ့ ချစ်သူအသစ်ကိုဆိုင်ကယ်အ...
05/09/2026

ဆိုင်ကယ် ဘက်မှန်လေးဟာ
ကမ္ဘာကြီးတခု ဆန့်တယ်ပြောရင်
ဒီကောင် ရူးနေပြီလို့ ဆိုကြမလား

တံဆိပ်မဖြုတ်ရသေးတဲ့ ချစ်သူအသစ်ကို
ဆိုင်ကယ်အနောက်မှာတင်ပြီး
အကွေ့အကောက်လမ်းလေး ကျီစယ်ကြမ်းလို့
ကိုယ့်ခါးလေး သူဖက်တဲ့အခါ
ဘဒ္ဒကမ္ဘာမှာ အသက်တမျှပျော်ဖူးတယ်။

#ဆန်းကျော်စွာဝင်း

04/09/2026

“ အိမ်ပြန်ဖြစ်ရင် ဘာလုပ်မှာလဲ “

အိမ်ပြန်ဖြစ်ရင် ဘာမှမလုပ်ပါဘူး။ နှိုးစက်သံမကြားရတဲ့ မနက်ခင်းတွေမှာ စိတ်ချလက်ချ အိပ်မောကျနေမှာ သေချာတယ်။ ဒါက အိမ်ပဲ၊ ဒါကလုံခြုံမှုပဲဆိုတဲ့ အတွေးနဲ့ အိပ်မက်အရှည်ကြီး မက်ကောင်းမက်နေနိုင်ပါတယ်။

အလုပ်နဲ့လက်နဲ့ ပြတ်သွားတဲ့ခဏတော့ ဘာလုပ်လို့ဘာကိုင်ရမလဲ မသိ၊ ကြောင်တောင်တောင်ဖြစ်နေနိုင်ပေမဲ့ ကာတွန်းစာအုပ်တွေ ထိုင်ဖတ်နေတာဖြစ်ဖြစ်၊ တူလေးနဲ့ အရောင်စုံခြယ်တာမျိုးဖြစ်ဖြစ် လုပ်ချင်တယ်။

အေးစက်စက်ရေခဲသေတ္တာထဲက နွှေးစားနေကျ ထမင်းဗူးတွေစားနေရာကနေ ၊ ရုတ်တရက် အမေချက်ထားပေးတဲ့ အိမ်ထမင်းဟင်းတွေကို အဝတပြဲစားနိုင်ပါ့မလားတွေးပူမိတယ်။ ကိုယ့်အစာအိမ်က ပြေးလွှားနေတဲ့အလုပ်နားချိန် အချိန်တိုလေးထဲက အဆာပြေစားရုံလေးနဲ့ အသားကျနေခဲ့တာကိုး။

တကယ်လဲ အိမ်ပြန်ရောက် ဘာမှလုပ်ဖြစ်မှာမဟုတ်ပါဘူး။ အိမ်ဆိုတာ ဘာမှလုပ်စရာမလိုတဲ့နေရာမဟုတ်လား။ ဒီအတိုင်း ငြိမ်ငြိမ်သက်သက်လေးထိုင်နေရုံပဲ။ ထမင်းလက်ဆုံစားပြီး သတင်းကြည့်ရုံပဲ။ လူဆုံတဲ့အခါ စကားဝိုင်းဖွဲ့ရုံပဲ။ တကယ်ပဲ အိမ်ဟာ ဒီအတိုင်းမပြောင်းလဲဘဲ ရှိနေမဲ့နေရာပဲ…။

#အယ်လီယာ

03/09/2026

မဖြစ်ဖြစ်တဲ့နည်းနဲ့
ပိုင်ဆိုင်ဖို့ ကြိုးစားရင်တောင်
မဖြစ်ဖြစ်တဲ့နည်းနဲ့
ထွက်သွားဦးမှာပါပဲ။

#ဂန္ဓမာ

02/09/2026

တိုကျိုမှာ ပန်းကန် ဆေးဆေး
ကွာလာလမ်ပူမှာ ကားရေ ဆေးဆေး
ရန်ကုန်မှာ ပန်းချီပဲ ရေးရေး
ကိုယ့်သွေးအမျိုးအစား ကိုယ်သိရမယ်။

ကွမ်းယာပဲ ရောင်းရောင်း
လက်ဖက်ရည်ပဲ ရောင်းရောင်း
အရက်ဖြူပဲ ရောင်းရောင်း
ငါတို့ဦးခေါင်းကို ထောင်မတ်ပေးတဲ့ ကျောရိုးကို
ကျေးဇူးတင်ရမယ်။

လူတွေက
ကားတွေအကြောင်းကို ပြောကြ
လူတွေက
ဖုန်းတွေအကြောင်းကို ပြောကြ
လူတွေက
ငွေစက္ကူတွေအကြောင်းကို ပြောကြ

လူတွေက
လူတွေကို မေ့နေတဲ့ ကာလမှာ
တရားနဲ့လည်း မဖြေနိုင်
အမှားနဲ့လည်း မသေနိုင်

မြစ်ထဲက ငါးတွေလို
ကန်ထဲက ငါးတွေ ဘယ်ပျော်နိုင်ပါ့မလဲ။

#လှသန်း

Address

Ranchi

Website

Alerts

Be the first to know and let us send you an email when Moe posts news and promotions. Your email address will not be used for any other purpose, and you can unsubscribe at any time.

Shortcuts

Share

Category