Nary cook

Nary cook وصفات يومية سهلة و مجربة

صحا فطوركم حبوباتي ❤️ مع السخانة تاع اليوم ميليق غير حاجة خفيفة.
13/06/2026

صحا فطوركم حبوباتي ❤️ مع السخانة تاع اليوم ميليق غير حاجة خفيفة.

12/06/2026

ميني كيش بالقرعة و جبن البري 👍
إذا حبيتو تحضير مسبقا توجدو العجينة تحطوها فالقوالب زيدو الحشو فوق العجينة
توجدو خليط البيض مع الكريمة و صباح حطوه فوق الكيش و دخلوهم يطيبو 20د على 180
العجينة كنت بارطاجيتها في فيديو نحطلكم الرابط في التعليق المثبت 👍
الحشو:
حبة قرعة رابيتها و عصرتها مليح و ملحتها
تونة منزوعة الزيت
جبن البري تقدرو تعوضوه بالكامومبير
خليط 2بيض ،فنجان كريمة سائلة تقدرو تعوضوها بعلبة جبن ريجيم أو فنجان حليب مخلط مع 2ملاعق فرينة
اعشاب عطرية و حبات طماطم كرزية للتزيين

#كيش #مملحات

مساء الخير و جمعة مباركة للجميع ❤️ و كيما كل جمعة نحطلكم افكار و وصفات تقدرو توجدوهم من قبل و تدوهم معاكم للبحر 🏖️ قولو...
12/06/2026

مساء الخير و جمعة مباركة للجميع ❤️ و كيما كل جمعة نحطلكم افكار و وصفات تقدرو توجدوهم من قبل و تدوهم معاكم للبحر 🏖️ قولولي شكون معول يروح غدوة للبحر ؟

#كيش #وصفات #مملحات

اكلات صيفية خفيفة و ساهلة و الوصفات مع الصور قولولي رقم الاكلة لي عجبتكم في التعليقات 🥰 #وصفات #اكلات #طبخ
11/06/2026

اكلات صيفية خفيفة و ساهلة و الوصفات مع الصور قولولي رقم الاكلة لي عجبتكم في التعليقات 🥰

#وصفات #اكلات #طبخ

10/06/2026

مساء الخير حبوباتي ❤️ وصفة الملوخية بالتفصيل و بكل اسراها ،قولولي جربتوها من قبل؟؟

✅على نار هادئة نحط كيل ملوخية مغربلة 👍مع كيل زيت نباتي (التوانسة يديرو زيت الزيتون الصراحة مجربتهاش)
قوام الملوخية بعد ما طيب نتحكمو فيه بكمية الزيت إذا حبيتوها خفيفة على لي طيبتها ديرو كيلة ملوخية مع كيلة و نصف أو 2 كيلات زيت

✅نخليها على النار مع التحريك حتى تبدا تغلي القدرة و نكون موجدة ماء يغلي لازم يغلي باه متتشكلش حبيبات فالملوخية تاعكم
نبدا نزيد الماء 8 كيلات ماء على مراحل كل مرة نزيد و نخلط ،نزيد الرند و نخليها على نار هادئة مع التحريك مرة على مرة

✅نتبل اللحم بالثوم ملح و فلفل كحل ملعقة طماطم مصبرة فلفل عكري و أنا زدت شوية من مكعب مرق غنمي تقدرو تستغناو عليه و الملح منكثروش لان الملوخية الحجم تاعها ينقص بزاف بعد ما طيب

✅بعد ساعة نزيد اللحم و نخليه يطيب مع التحريك كل 10/15د لمدة 3 إلى 4 ساعات
❌تقدرو تحطو اللحم مع لول و كي يطيب تنحوه و تخلو الملوخية تكمل طيابها و تطلق زيتها
❌ إذا الملوخية طلقت الزيت و اللحم تاعكم مطابش زيدو كمية من ماء سخون و خلوه يكمل طيابو و الملوخية تعاود تطلق زيتها
بعد ما تطلق الزيت تكون واجدة مع كسرة سخونة 😍و بصحتكم ❤️

#ملوخية #طبخ

08/06/2026

صحا عشاكم حبوباتي ❤️ شكون يحب الملوخية

#ملوخية #قسنطينة #عنابة #قالمة

08/06/2026

أسهل قاطو بصوص شوكولا جربتو بحبة بيض وحدة 🧑‍🍳 و يجي طري مشرب و خفيف 👍

#كيك #حلى #حلويات #طبخ

صحا عشاكم حبوباتي ❤️ وجد لعشا كيما شفتو فالستوري درت بطاطا كباب بزاف بنين مع مطلوع و عصرة قارص 🥰 #طبخ #كباب #وصفات ...
07/06/2026

صحا عشاكم حبوباتي ❤️ وجد لعشا كيما شفتو فالستوري درت بطاطا كباب بزاف بنين مع مطلوع و عصرة قارص 🥰

#طبخ #كباب #وصفات

06/06/2026

صحا عشاكم حبوباتي ❤️ كروكات مفرمجين و بلا قليان 👍بصح تاع واش ؟؟

#طبخ #وصفات #كروكات

فريكاسي تونسي ناجح 100% يجيكم مفشفشين و فارغين من داخل لازم تجربو الوصفة 😍 راها مكتوبة مع الصور ✅الكمية لي درت تخرج حوال...
05/06/2026

فريكاسي تونسي ناجح 100% يجيكم مفشفشين و فارغين من داخل لازم تجربو الوصفة 😍 راها مكتوبة مع الصور
✅الكمية لي درت تخرج حوالي20 حبة متوسطة الحجم (قست بفنجان قهوة حليب)
✅ العجينة تقدرو توجدوها من قبل و تخلوها تخمر فالثلاجة حتى 8 ساعات
✅في الرييل نصف العجينة خمرتها عادي درتها فريكاسي و الباقي خمرتها فالفريجيدار و درت بيتزا كاري تجي روعة بهاد العجينة

#فريكاسي #طبخ #وصفات #تونس

Adresse

Algiers Plage

Site Web

Notifications

Soyez le premier à savoir et laissez-nous vous envoyer un courriel lorsque Nary cook publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Nary cook:

Raccourcis

Partager