gâteau traditionnel et orienta

22/11/2025

Pour vôtre commande contactez moi sur WhatsApp
0554294377

13/11/2025

تحضير وجبات لي عندهم دورات او مناسبات مرحبا بالجميع
0554294377

22/10/2025

في البيت بأسهل طريقة 👍😉
حوالي كأسين فرينة
رشة ملح 🧂
ملعقة صغيرة خميرة كيميائية
ملعقتين كبار زيت نباتي (ولا زبدة ذايبة)
حوالي نصف كاس ماء دافئ
👈 نضع في وعاء كبير الفرينة و الملح و الخميرة ، نخلطهم بشوية زيد و نضيف الماء بالتدريج مع العجن بالأيدي حتى نتحصل على عجينة مساء و طرية و ما تتلصقش 👍😉
(إذا لقيتها ناشفة نزيد غير شوية ماء، وإذا تلصق نزيد شوية فرينة).
نغطيها ونخليها ترتاح حوالي نص ساعة 👍
👈 بعدها ، نقسم العجينة كويرات صغار (قد حبة بيض تقريباً).
نغطيهم باش ما ينشفوش، نرش شوية فرينة فوق الطاولة، و نفتح كل كرة بالرولو حتى تولي رقيقة (ماشي شفافة بزاف)
👈 نسخن الطاجين أو المقلاة الثقيلة (ما تكونش تلسق)
نحط التورتيلا فوقها ونخليها حوالي 20 ثانية ، حتى تبان فقاعات ونقلبها على الجهة الثانية حتى تتحمّر و تدي لون ذهبي .
ما تخليهاش بزاف باش تبقى طرية.
أما التخزين كي نحيها مباشرة نغطيها بطرشونة نظيفة باش تبقى طرية 👍😉
و نقدرو نخزنوها في كيس بلاستيكي يكون محكم الإغلاق .

22/10/2025

Je viens d’atteindre 20 K followers ! Merci pour votre soutien en continu. Je n’aurais jamais pu y arriver sans votre aide. 🙏🤗🎉

15/10/2025

29/08/2025

17/07/2025

أسرار نجاح_صابلي 😍
👈 الحاجة الي تخلي الصابلي هشيش هي أولا لازم تحترمي المقادير تاعو ( 250 غ زبدة .. 125 غ سكر . 2صفار بيضة + بيضة كاملة ... 1 م ص خميرة .. فاني ..500 غ دقيق الابيض=فرينة )
👈 عجينة الصابلي عندها مقادير مضبوطة حيث أنه دائما كمية المرغرين تكون نصف كمية دقيق الابيض وكمية السكر تكون نصف كمية المرغرين يعني ادا درتي باکي مرغرين تاع 250 غ يعني تستعملي 500 غ دقيق ابيض و 125 غ سكر هاذي مقادير ستوندار ممکن تزيد ولا تنقصي شوية دقيق الابيض على حساب واش تاكلك لا بات بصح هذا المبدأ تاع الصابلي . .
👈 ثاني حاجة هي البيض في الحلوة صفار البيض يهشش لعجينة و البياض يبسها .. هادي المعلومة لازم تحفظيها .. على هدا و ادا حبيتي يجيك هشيش استعملي صفار البيض باش تلمي العجينة أحسن ما تستعملي بيضة كاملة يعني 250 غ مرغارين لازملها 2 حبات بيض . .. أنت في عوض اديري 2 حبات كاملين .. دیري 2 صفار و حبة كاملة ..
السر الثالث فالمايزينة ..تقدري تلمي العجينة بالفرينة وحدها و تجي مليحة بصح كي تزيديلها شوية مايزينة جي هشيشة يعني اذا حبيتي الصابلي ديالك . يقرمش شوية ديري فرينة وحدها ادا حبيتي تجي مرملة كيما الغريبية زيديلها مايزينة
👈—رابع سر هو .. العجينة ما تعجنيهاش و لازم تخليها طرية . . هدا ثاني مبدأ في القاطو .. عجينة تلميها طرية كي طيب تجيك طرية
👈 ثاني كي تحلي العجينة تاعك من الأحسن تحليها فوق ساشي باش ما دیریش الفرينة وكي تطبعي ويبقاو الزوائد ماتلميهش وتعاودي تكوريها هنا الصابلي انتاعك رايح يتكمش وتصغر الحبة الزوائد حطيهم فوق بعض وديري فوقهم عجينة جديدة وافتحي هكذا يخرجلك الصابلي على حبة وحدة 👌

17/07/2025

🔴بيتزا كاري.. المحلات🍕🍕🍕
🔴الوصفة بمقادير مضبوطة :
500 غرام فارينة
300 ملل حليب
ملعقة سكر
15 غرام خميرة الخبز (ملعقة ماشي معمرة )
10 غرام ملح .. نصف ملعقة كبيرة
100 ملل زيت ما يعادل 4 ملاعق كبار
🔴طريقة التحضير :
نضع الحليب و السكر و الزيت و الخميرة معا و نحركوهم بالفوي .. ثم نضيف الفرينة و الملح و نكملوا العجن حتى تتشكل لنا عجينة طرية شوية .. ندلكوها شوية. . اومبعدا نغطيوها و نخلوها تتخمر و يتضاعف حجمها شوية .. نخرجوا منها الغازات .. نخلوها تزيد ترتاح شوية على مساحة العمل حوالي 10 دقائق .. و نبداو نفتحوا فيها ...
ملاحظة : 500 غرام فارين تخرجلنا زوج سنيوات بحجم 40 على 30 سنتيمتر.
🔴صلصلة طماطم :
زوج حبات طماطم مرابيين
نصف حبة بصل
زوج وريقات رند .. شوية زعيترة
زوج فصوص ثوم
ملعقة طماطم مصبرة .. ملعقة سكر
ملح .. فلفل أسود .. فلفل عكري .. أعشاب عطرية .. زيت الزيتون. ما تخلوهاش تنشف شعلو عليها غير شوية و طفيو
كي تطيب البيتزا ادهنو الوجه بزيت الزيتون

14/07/2025

تارتولات الليمون،،😍🍋🍋🍋
المقادير:
عجينة التارتولات(عجينة الصابلي)
2مغارف كبار معمرين مليح مارغرين طرية(125غ)
قرصة ملح
صفار بيضة
نص كاس سكر ناعم
2مغارف كبار زيت
مغرف كبيرة مايزينا
ربع مغرف صغيرة خميرة القاطو
كاس و نص فرينة
كريمة موس الليمون
كاس عصير ليمون
كاس معمر ماء
2مغارف كبار مايزينا
3مغارف كبار او اكثر سكر
مغرف صغيرة لافاني
نخلطو المكونات بارد في بارد، ممبعد نحطوها فوق النار حتى تعقاد، وانخليوها تبرد،
طلعي كاس و نص بودرة الشونتي مع كاس ماء بارد من بعد خلطي كلشي مع بعض باش توليلك موس الليمون(خلطي كريمة الشونتي لي طلعتيها مع كريمة الليمون لي طيبتيها)
ملاحظة
لازم الكريمة تخدميها هي اللولا باش تبرد مليح على اقل 2ساعات
تزيين لامورانغ أو كريمة شونتيي

09/07/2025

#وصفة المشكلة 🍯
المقادير
650غ كاوكاو بيض +250كاوكاو بالقشور
225غ سكر عادي +225غ سكر ناعم مبشور ليمون 3ملاعق ونصف ماء زهر ملعقة زبدة طرية 2بيض
العجينة
3كيلات فرينة كيلة ديروها صغيرة منحتاجوش العجين بزاف قرصة ملح لفاني نصف كيلة سمن ذائب وبارد نصف ملعقة صغيرة ملون ابيض لمها بماء زهر
طريقة التحضير الحشو
خلطت كاوكاو وحمصته على بياض خليته برد وطحنته رقيق ضفتله مبشور ليمون وسكر ناعم وزبدة ذوبت سكر عادي مع ماء زهر وضفتلهم البيض خليتهم ساعة مرة مرة نخلطهم حتى لذاب سكر ولميت بيه كاوكاو الا متلملكمش زيدو صفار بيضة
غطيتهم وخليتهم ليلة كاملة
حليتها سمك لتبغو انا درت 2cmوطبعتهم من كملت مع الحشو بديت نحل العجينة
العجينة
خليتها رتاحت قسمتها حليتها باليد
ومبعد في ماشينة في رقم 1_3_4_5طبعهتم هذي بالنسبة لطبقة تحتانية
طبقة فوقانية نحلها مبعد نفوتها في رقم 1_3_4 طبعتهم ونقشتها نخلو مشكلة تبات ليلة كاملة ومبعد نطيبها مدة 10د نحطها في شاربات وفي عسل يكون دافئ
ونزينها
شاربات كاس سكر 2كيسان ماء شريحة ليمون ونطيبها 🍋
شوية جامات لبنات بش تشحعوني نزيد ننشر😍

#حلويات #الياسمينة youtube.com/ صفحتي على الفيسبوك 👇https://www.facebook.com/ELyessmina.cuisineرابط مجموعة الياسمينة على الفيسبو...

02/07/2025

و #صفة #ليبيني اكثر من رائعة محشية بالمربی 🍩🍩
المكونات:
500غ فرينة او 4 كيسان تاع 240مل + كيس خميرة حلوة
1 بيضة + 3 م ك سكر
رشة ملح
3 م ك زيت
م ك خميرة خبز
كاس حليب و كاس ماء دافيين
ساشي سكر فانيلا+قشرة ليمونة
للتزيين:
مربی المشمش
سکر
نخلط المكونات السائلة ثم نضيف الناشفة حتى تتلم بدون دلك عجينة تتلسق نخلوها تخمر ثم نفردها بالحلال و نقطعها دواير و نزيد نخليهم يخمر 10د و ثم نقلوهم و نرمدهم فالسكر و نحشي القلب بمعجون المشماش
لاتنْسـواا متـابعة الصـفحـة وشـــكــراا ❤️