Gâteaux Amani Chorfa

08/04/2026

#حلويات #جزائرية

15/03/2026

كواليس تسجيل حصة تلفزيونية عبر قناة النهار

12/03/2026

ترقبونا قريبا عبر قناة النهار 😘

09/03/2026

إسم الحلوة les calissons حلوة فرنسية بنة تهبل
بما أنو أسعار اللوازم ملتهبةحاولو تركزو على الذوق

المقادير

100غ لوز مع 100 غ كيوي 🥝 مجفف
150غ لوز مع 100 غ مشمش مجفف
100 غ لوز مع 100غ سوريز مجفف
كل نوع حبيتيه مع الذوق تاعو

السيرو

100غ ماء
100 غ فوندو
100 غ غلوكوز

طريقة التحضير

ترحي اللوز مع الفاكهة المجففة تاعك وتلميهم بالسيرو فقط
طيبيهم في السيليكون

الڨلاصاج

حبة بياض بيض
ملعقة ليمون
ملعقة زيت
150غ سكر ناعم او 170 ف على حساب حجم بياض البيض مع ملون او اذواق احسن التلوين
مانيش نشوف تفاعل حبيباتي فضلا وليس امرا كومونتار جام وبارطاج 😘

05/03/2026

اهلا حبيباتي صحا فطوركم
جيتكم بالوصفة الثانية
حبيت تفاعل للصفحة جام برطاج وكومنتار حبيباتي

الشاراك العريان

المقادير
3كيلات فرينة مغربلة
فرصة ملح ورشة خمارة الحلوة
ملعقة كبيرة لافاني
كيلة ناقصة إصبع سكر ڨلاص
نخلط النواشف كامل ونرمي عليهم
كيلة سمن ذايب وبارد +2مغارف زيت
حبة بيض ونبسس مليح ثم نرمي
الماء والمزهر ونطم ماشي نعجن ومن الأحسن تبات
او من 4ساعات للفوق توزن العجين 35غ ونتركه يرتاح ايضا

الحشو 15غ

3كيلات لوز
كيلة ناقصة 2اصابع سكر عادي
ملعقة صغيرة مارغارين او سمن
ملعقة صغيرة لافامي
نعجنها بالمزهر وضروري تبان باش يتعسل

نفاصونيو الحبة ونحط البيض في صحن +لافاني +خلط
نمسح بيه الشاراك من فوق ونرمدو باللوز بقشورو مرحي او لوز ايفيلي ونخليه يرتاح باش نطيبوهم باش يحكمو الشكل تاعهم ويطيبو على فرن ساخن مسبقا مدة 10د من تحت ثم فوق واكيد كل وحدة والفور تاعها
بعد النضج نصير عليهم يصييرة سكر قلاص خفيفة

ملاحظة
1كيلو فرينة على وزن 35غ يعطيلكم 50حبة
والحشو دايما يكون نصف كمية العجين

دعوة خير الوالدة الله يرحمها ياااارب

05/03/2026

اهلا حبيباتي 😘 صحا فطوركم
جيتكم بوصفة الشاراك المسكر حبيباتي
نحب تفاعل للصفحة وجام والبرطاج باش تعم الفائدة
ولي تحب اي وصفة تحكلي في الكومونتار

المقادير
500غ فرينة
250غ سمن غامولي
ملعقة كبيرة لحظة
ملعقة كبيرة سكر ناعم
ملعقة صغيرة لافامي
قرصة ملح
ونلمها ب125غ خليط مابين ماء ومزهر دافيين

الحشو
400غ كوكاو محمص على بياض ومرحي
100غ سكر عادي
🥄 صغيرة عطر اللوز الحلو
وملعقة صغيرة عسل ونعجنوه بالمزهر

التسكار
كاس مزهر
زوج ملاعق سكر ناعم
ملعقة كبيرة فرينة
ملعقة صغيرة مايزينة

لاستيس وين راهي
الطياب على فور ساخن من قبل على 180د
يطيب مدة 20د
من تحت ومن فوق مع بعض باش متشربلكش الكوشة الحشو تاعك وييبس
التسكار لازم يبات باش يتكسر ضروري باش يشرب كامل ليدام

ملاحظة
العجين يرتاح لازم يبات او من 4ساعات فما فوق
والحشو من الاحسن يبات

04/03/2026

فتح تسجيلات لطلبية حلوة عيد الفطر مرحبا بيكم حبيباتي 😘 ووفرتلكم ليبوكس ايضا تعمريه من السعر تحبي 0675724187

06/11/2025

فتح تسجيلات لورشة ليماكارون
تاريخ الورشة عند امال الڨروب للتسجيلات أتصل عبر الخاص او الرقم 0675724187

06/11/2025

ماكاروناتي من حصة الباتيسري 😊☺️

06/11/2025

Tiramisu ☕ 🥂

06/11/2025