Chef imad 25

06/06/2026

25/05/2026

❌🧊 نسقسيك علاه تروحي تذوبي لحم داخل الماء السخون ولا تروحي تجبديه وتخليه فوق بوطاجي حتى يذوب اااه علااه ؟ 🥩

اذا راكي دايرة في بالك هذي اسرع طريقة باش تذوبي بيها اللحم لالا سيدتي🚫 هذي اسرع طريقة باش تقدمي وجبة فيها خطر ميكروبيولوجي لعائلتك 😬🦠 وي

🔬 علاه التذويب في حرارة المطبخ ولا الماء السخون خطير؟

كي يذوب اللحم في حرارة المطبخ (خصوصا في الصيف ☀️)

📌 السطح الخارجي تاع اللحم يلحق بسرعة لـ:⚠️ “منطقة الخطر”بين:🌡️ 5°C و 60°C

بينما القلب تاع اللحم يبقى مزال مجمد ❄️

📌 وهنا تبدأ الكارثة 👀

البكتيريا لي كانت “راقدة” أثناء التجميد:
🦠 تنوض
🦠 تتكاثر بسرعة
🦠 وبعضها يقدر يفرز سموم

💧اللحم يبدا يفقد سوائله المغذية (متقوليليش بلي كي تذوبي لحم متلقايش ذاك سائل الاحمر لي تحسبيه نتي دم😃)

📌 بصح في الحقيقة هو:🔬 Drip Loss مهوش دم
يعني:
✔️ ماء
✔️ بروتينات ذائبة
✔️ أملاح معدنية
✔️ صبغات عضلية (Myoglobine) لي تمدلنا اللون الاحمر

📌 وهذا يعني فقدان جزء من الجودة الغذائية والتكنولوجية للحم.

♨️🌡️صحا والتذويب بالماء السخون؟

🚫 الماء السخون يخلي السطح الخارجي يبدا “يطيب جزئيا” بصح الداخل مزال مجمد

📌 النتيجة؟
❌ تغير في القوام
❌ فقدان العصائر
❌ وتحفيز نمو البكتيريا

✅ كيفاش نذوبو اللحم بطريقة صحيحة؟

1️⃣ التذويب البطيء (في الثلاجة) 🏆

✔️ أفضل طريقة علميا طريقة مثالية

هبطوا اللحم من المجمد للثلاجة تحت ❄️ على حوالي 4°C قبل الطياب بـ 24 ساعة تقريبا

📌 هكذا:
✔️ اللحم يذوب تدريجيا
✔️ يحافظ على الطراوة
✔️ وما يدخلش لمنطقة الخطر البكتيري

2️⃣ التذويب بالماء البارد 💧

📌 حطوا اللحم في كيس مغلق مليح واغمروه في ماء بارد (ماشي دافئ 🚫)

🔄 بدلوا الماء كل 30 دقيقة.

✔️ أسرع من الثلاجة
✔️ وآمن ميكروبيولوجيا إذا تطبق بشكل صحيح

3️⃣ التذويب بالميكروويف ⚡

استعملوا خاصية:🔬 Defrost

📌 بصح هنا كاين شرط مهم
🚫 لازم يطيب مباشرة بعد التذويب

لأن الميكروويف يبدا يسخن بعض المناطق وهذا يسمح للبكتيريا بالنشاط إذا خليتوه مدة طويلة

⚠️ خطأ شائع آخر

🚫 ممنوع إعادة تجميد اللحم بعد ما يذوب (Refreezing)

علاه؟ 👀

لأن:
📈 النشاط المائي يرتفع
🦠 البكتيريا تنشط من جديد

وإعادة التجميد تعني:
❌ تجميد لحم بدأ فيه النشاط الميكروبي
❌ وتدهور أكبر في الجودة والقوام

💡 معلومة تكنولوجية مهمة

🥩 اللحم لي يذوب داخل الثلاجة:
✔️ يقدر يبقى آمن يوم او يومين إضافيين قبل الطياب

اما اللحم لي تذوب⚡ بالميكروويف💧 ولا بالماء البارد

🚫 لازم يطيب مباشرة.

🧠 في سلامة الغذاء، التذويب الصحيح مهم بنفس اهمية التجميد نفسه 👨‍🔬❄️


..... منقول

15/05/2026

اللهم في يوم الجمعة المبارك، نسألك أن تغسل قلوبنا من كل ضيق، و تشرح صدورنا للإيمان، و ترزقنا من حيث لا نحتسب، و تجعل لنا في كل خطوة توفيقاً و تيسيراً.


#اسلاميات
# #الجزاىر #يارب

25/04/2026

غدا اليوم لعاىلة خراب من قاعة الحفلات الجميلة ❤💪الف مبروك وربي يهنيكم 🤲🤲🎊🎊💝 شخشوخة نسيت مصورتهاش ههه