Parisian Cake

03/06/2024

12/04/2024

14/12/2023

👈لي مكارون وصفة بمقادير مضبوطة المكرون الفرنسي
المقادير : 90 غ بياض بيض
120 غ سكر عادي
120 غ لوز مرحي
120 غ سكر ناعم
رشة ملح ملون غذائي حسب الذوق
طريقة التحضير : في ايناء نخلط اللوز والسكر الناعم ونحطو على جنب
من جهة اخرى نخلط بالباتوغ ولا بيترا البيض مع رشة ملح حتى نتحصل على رغوة بيضاء ونبدأ نزيد في السكر العادي بالتدريج على 3 دفعات بلا منتوقف من الخلط من بعد نزيد الملون ونحبس الباتوغ نكمل نخدم بملعقة خشب ونبدا نزيد في السكر الناعم واللوز بالتدريج ونبدأ نخدم في عملية المكاروناج نخلط من تحت للفوق حتى نتحصل على خليط لامع ومتماسك نديرو في بوش آدوي ونجيب سينية الفرن مفرشة بابي كويصون ولا سيليكون ندير حبات المكارون متساوية مع نكمل كامل الكمية نهز السينية ونخبطها نخرجلو الهواء ونخليه ينشف 30 دقيقة نسخن الفرن على 130 درجة من تحت ندخل السينية الفرن نحطها من فوق كامل وكل 5 دقائق نفتح الفرن بالشوية ونعاود نغلق نخرجلو السخانة باش لي مكارون ميتشققش مدة الطهي 15 دقيقة الى 20 متفوتش
👈الحشو : في كاسرونة ندير 50 غ كريمة السائلة حتى تغلي نطفي عليها ونزيد 150 غ شوكولة بيضاء مقطعة حتى تذوب من بعد نزيد عليها 150 غ كريمة السائلة تكون بزاف باردة نغطيها وندخلها الفريجيدار ساعة من بعد نزيدلها ملعقة صغيرة عطر الفراولة نخلطها بالباتوغ نديرها في كيس حلواني ونعمر بيها لي مكارون
تحبو تعمروه بالشوكولة الطلي لكن في الصيف مننصحش بيها ولا كريمة الزبدة

14/12/2023

قريوش
الوصفة
- 500 غ فرينة (4 كيلات) ننزع منها نصف كاس و نعوضه بالمايزينة(طحين الذرة)
- 125 غ (كيلة) سمن (او زبدة) ذايب و بارد
- 1 (حبة) بيض
- ملعقة اكل خل ابيض
- ملعقة صغيرة خميرة الحلويات
- رشة ملح
الطريقة
نخلط المكونات كلها مع بعض حتى تتجانس ثم نجمع العجينة بخليط من ماء و ماء الزهر حتى نتحصل على عجينة طرية نوعا ما، نلفها في ورق شفاف و نخليها ترتاح 15 دقيقة.بعد ماترتاح نفتحوها ونستعينو بالمايزينة لكن حاجا قليلة برك نطويوها ونخدموها ثلاث مرات بدون آلة التوريق .ومبعد نكملو نفتحوها في آلة التوريق 1.3.5.6

14/12/2023

وصفة تشاراك بعجينة صابلي يذوب فالفم 😍 يستحق التجربة👌😋😋

250غ مارغرين طرية
كاس سكر ناعم
2صفار وبيضة كاملة
رشة ملح
كاس الا ربع نشاء
كيس خميرة كيميائية
ملعقة فانيليا
حوالي 500غ فرينة
الحشو:
كاوكاو+ قرفة+ ماء الزهر+ سكر( الحشو ممكن تستغناي عليه )
التزيين:
كاوكاو محمص ومرحي بقشور + شوكولا الوجدان
طريقة التحضير:
نخلط جميع المقادير مع بعض بواسطة بيترا حتى ينساجموا ثم نلم الخليط بالفرينة والخميرة الكيميائية حتى تصبح طرية نشكل كريات بوزن 26غ نفتح الكرية ونضع الحشو ونغلق ونرولي الكرية كيما تشاراك نخشنو فالوسط ونرقو فالأطراف حتى نكمل الكمية لي عندنا نطبيهم على درجة حرارة متوسطة كي يطيبو نخليهم يبردوو تماما ثم نجيب معجون مشمش ونمسح نصف الحبات بلبانسووو ونرمدهم فالكاوكاو اما نصف الآخر نطليه بشوكلاطة شهية طيبة