Sweet&spice

06/05/2024

06/05/2024

Brioche 🥚🐇🎣🐣happy Easter
المكونات: ١كيلو دقيق-كيس خميرة فورية-٤معالق كبيرة سكر-٣ملاعق لبن بودرة-٢معلقه خل-٢،٥كوب لبن دافئ-٣بيضات- فانيليا-ربع كوب زيت-كوب الا ربع زبدة طرية-٢ معلقة صغيرة بيكنج بودر
لعجينة الشيكولاتة:تخلط ٣ ملاعق كاكاو مع ملعقة كبيرة زيت وتضاف للعجينة
للتزيين: قرفة—سكر-زبيب- شوكليت شيبس
يدهن الوجه بخليط صفار بيضة+فانيليا +لبن+معلقة نسكافيه
يخبز علي ١٨٠ في الفرن سخن مسبقا لمدة ربع ساعه ويرش بالمياه اول مايطلع من الفرن ويغطي
ممكن تحتفظي به في الفريزر
كل سنة وانتم طيبين🐇🌸🐥

21/12/2023

27/09/2023

10/09/2023

الكشري المصري❤️علي اصوله بكل تفاصيله صدقوني مش هتشتروه تاني من بره لانه هيبقي انضف وارخص واطعم جربوه مش هتندموا❤️الفكره فيه انه في كذا خطوه بس انا هسهلها عليكم يلا بينا😋
الخطوة الاولي❤️تقطيع ٢ بصلة بيضا كبيره بمبشره الشيبسي وده اللي بيخلي البصل مقرمش زي المحلات بدون اي اضافات هتحمري شرايح البصل الابيض في زيت غزير ولازم غزير لاننا هنستخدم الزيت ده في كل المراحل واول لما لون البصل يبقي ذهبي غامق نطلعة علي طول علي مناديل ودي اول خطوة.
الخطوة ٢❤️عمل الصلصة ودي بقي الطعم كله فيها في حلة هنضيف معلقتين من زيت تحمير البصل ونحط عليهم معلقتين ثوم مهروس ومعلقة كسبرة ناشفة ومعلقة كمون ونقلبهم كويس وبعدين نضيف معلقة كبيره خل هتلاقي الريحة ايه بقي 😋ننزل عليهم بنص لتر عصير طماطم ومعلقتين كبار صلصة ومعلقة سكر ومعلقة ملح وفلفل اسود ونسبهم يغلوا غلوتين علشان تتسبك وتتقل وبعدين نطفي ودي مش الصوص الحار ده الصوص الاساسي للناس اللي مش بتحب الحار.
في طاسة علي النار هنضيف معلقتين من زيت البصل وعليهم معلقتين كبار شطة بودر ونحمرهم من غير ما تغير لونها ونضيف معلقتين كبار خل وخلي بالك علشان الريحة هتكون قوية وبس كده خلصت ممكن تضيفي الشطة علي صوص الطماطم او تخليه علي جنب حسب الرغبة.
الخطوة ٣❤️الدقة: علي البارد 😋معلقتين ثوم مهروس وعليهم معلقة كسبرة ناشفة ومعلقة كمون وعصير لمونتين ومعلقتين خل واضربيها كويس وكده احلي دقة كشري خلصت.
الخطوة ٤❤️هننقع كوبيتين عدس بجبة من قبلها بليلة ونغسله كويس لو لاقتيه طري يبقي خلاص لو لسة ناشف يبقي محتاج يا خد غلوتين علي النار في ميه وملح ،نحضر بقي كوبيتين رز وتغسلهم كويس وكوبيتين شعرية وفي حلة علي النار نضيف معلقتين كبار من زيت البصل ونحمر فيهم الشعرية لحد لونها يبقي ذهبي ونضيف الرز والعدس ونقلبهم كويس ونضيف ٤ اكواب مية سخنة ومعلقتين ملح ونسيبهم يتسوا نفس تسوية الرز.
الخطوة ٥❤️نسلق نوعين من المكرونة المقصوصة اصغر حجم حوالي نص كيس وكمان نص كيس اسباجتي بس نكسر الاسباجتي علي ٣ اقسام ونضيف عليهم زيت وملح .
كده خلاص كل المكونات جاهزة نبتدي نجهز الطبق
١-نضيف الرز بالشعرية والعدس وعليهم شوية صوص احمر
٢-نضيف المكرونة فوق الرز وعليهم صوص احمر
٣-نضيف علي الوش البصل المحمر وحمص الشام
٤- نضيف الدقة وصوص الشطة حسب الرغبة.
خلصت الوصفة مراحها كتير بس تجربة تستاهل اعملوها وهتدعولي وبالهنا والشفا😋

05/05/2023

حلاوة الجبن السورية❤️احلي من احلي حاجة😋سهلة جداً و طعمها احلي من بره مليون مرة يالا علي الطريقةلحشوه القشطة المنزلية: ك لبن كامل الدسم- ربع كوب خل- كوب لبن - ٢ ملعقة دقيق- ٢ ملعقة نشا
لحلاوة الجبن❤️٢ كوب جبن موتزاريلا- كوب ماء -نصف كوب سكر- كوب الا ربع سميد ناعم- ماء ورد - شربات حلويات- فسدق مجروش للتزيين❤️
ا- نسخن اللبن واول ما يبتدي يغلي نضيف الخل هنلاقيه فصل والقريش هيطلع علي الوش نلمه ونصفيه
٢-نضيف كوب اللبن ومعلقتين الدقيق والنشا ونقلبهم علي البارد وبعدين نحطهم علي النار ونقلب لحد لما يتقل ويبقي زي المهلبية ، نقوم جابين القريش اللي صفناه ونضيفه علي الخليط ونضربهم بالمضرب الكهربا لحد مينعم وبكده يبقي عندك قشطة حلويات منزلية ممتازة تحشي بها اي حلويات
٣-في حلة علي النار نضيف كوب اللبن وعليه السكر ومعلقتين ماء ورد واول لما يغلي نضيف السميد ونقلب لحد مايختفي نضيف الموتزريلا ونقلب باسبتيولا علي نار هادية لحد لما الجبنة تسيح خالص وتتشكل عجينةونسيبها تبرد خالص
٤-نجيب مفرش بلاستيك او اكياس تلاجة نفتحهاونفردها وندهن المفرش بشوية شربات حلويات ونحط العجينة وعليها كيس تاني ونفردها بالنشابة بسمك ١ سم علي شكل مستطيل ونقطع الزوايد بالسكينة علشان نجمعها ونفردها تاني.
٥- نحط القشطة بشكل طولي علي حرف العجينة ونلفها بالكيس زي السويسرول لفة ونصف ونقطع وبعدين نقطع مربعات يعني بتطلع حوالي سبع قطع في المره ونكرر العمليه دي لحد لما نخلص
٦-نرص القطع في طبق ونضيف عليها الشربات ونضيف عليه معلقتين ماء ود ونزين بالفسدق المجروش
الكمية دي بتعمل حوالي ٤٠ قطعة هنسبها تسقع وبالهنا والشفا😋

05/05/2023