Dr Mohamed zalat

25/08/2026

في ذكرى مولد خير الأنام سيدنا محمد ﷺ نسأل الله أن يملأ قلوبنا حبا له وأن يرزقنا اتباع سنته والاقتداء بأخلاقه 🌿🤍

اللهم صلِّ وسلم وبارك على سيدنا محمد وعلى آله وصحبه أجمعين

كل عام وأنتم بخير بمناسبة المولد النبوي الشريف أعاده الله علينا وعليكم بالخير والبركة والسلام ✨🕌
ﷺ

24/08/2026

مهما كانت التحديات دايما في أمل للتغيير

تجربة الأستاذة مريم بتثبت إن الصحة هي الحكاية الأهم مش بس الميزان ❤️✨

​اتخلصت من مقاومة الأنسولين ورجعت تعيش حياتها بطبيعتها 💪

​ابدأ رحلتك النهاردة وتواصل معنا للحجز 📩

​ "

18/08/2026

عايزين حاجة ترطب عليكوا في الحر ده ومن غير ما تلخبطوا الدايت 🥤☀️

جمعتلكم أحلى عصاير و سموزي منعشة خفيفة وسهلة وكلها مناسبة للصيف 🍹✨

🍉 1. عصير البطيخ بالنعناع

✴️ المكونات

- 3 أكواب بطيخ متجمد
- عصير نصف ليمونة
- 5 ورقات نعناع
- ستيفيا أو سكر دايت حسب الرغبة
🔥 السعرات حوالي 145 سعر حراري الكمية كاملة

🥭🍍 2. عصير المانجو والأناناس

✴️ المكونات

- كوب مانجو متجمدة
- كوب أناناس متجمد
- كوب مية ساقعة أو مية جوز هند بدون سكر
🔥 السعرات حوالي 180 سعر حراري

🍇 3. عصير العنب الأحمر المثلج

✴️ المكونات

- 2 كوب عنب أحمر بدون بذر ومتجمد
- نصف كوب مية فوارة بدون سكر أو مية ساقعة
- ملعقة كبيرة عصير ليمون
🔥 السعرات حوالي 210 سعر حراري

🥣🫐 4. سموزي التوت بالزبادي اللايت

✴️ المكونات

- كوب توت مشكل متجمد
- علبة زبادي لايت أو يوناني لايت
- نصف كوب حليب شوفان أو خالي الدسم
- ملعقة كبيرة بذور شيا
🔥 السعرات حوالي 280 سعر حراري

🍑🌿 6. عصير الخوخ بالنعناع

✴️ المكونات

- 2 حبة خوخ متجمدة
- 5 ورقات نعناع
- عصير نصف ليمونة
- كوب مية ساقعة
- ستيفيا أو سكر دايت حسب الرغبة
🔥 السعرات حوالي 120–125 سعر حراري

🍵🍋 7. سموزي الشاي الأخضر بالليمون

✴️ المكونات

- كوب شاي أخضر بارد بدون سكر
- عصير ليمونة كاملة
- كوب ثلج مجروش
- 5 ورقات نعناع
- ستيفيا أو سكر دايت حسب الرغبة
🔥 السعرات حوالي 5 سعرات حرارية بس

🍊❤️ 8. عصير الرمان والبرتقال المثلج

✴️ المكونات

- نصف كوب عصير رمان طبيعي بدون سكر مضاف
- نصف كوب عصير برتقال طازج
- كوب ثلج مجروش
- نقطتين مية ورد
🔥 السعرات حوالي 125–130 سعر حراري

🍋🌿 9. ليمونادة بالنعناع والثلج

✴️ المكونات

- نصف كوب عصير ليمون طازج
- كوب ثلج مجروش
- نصف كوب مية باردة
- حزمة نعناع صغيرة
- 2 ملعقة كبيرة سكر دايت أو ستيفيا
🔥 السعرات حوالي 40 سعر حراري

🍧 طريقة التحضير الموحدة

حطوا كل المكونات في الخلاط واضربوها كويس لحد ما تحصلوا على القوام اللي بتحبوه سواء ناعم وكريمي أو ثلجى

ولو المكونات محتاجة سيولة أكتر زودوا شوية مية ساقعة بالتدريج وقدموا المشروب فورا وهو ساقع ومتجمد ❄️🥤

⁉️ يا ترى إيه أكتر مشروب نفسكوا تجربوه الأول 😋🤔

15/08/2026

🥖 عيش كيزر مينى أسمر طري بالسمسم خفيف ومشبع 😋🌾

لو بتدوري على عيش بيتي طري وهش وفي نفس الوقت يكون أخف وأحسن من المخبوزات الجاهزة الوصفة دي هتعجبك جدا 😍❤️

مكوناتها بسيطة وطريقتها سهلة تنفع الساندوتشات أو حتى تتحط في لانش بوكس 🥰🥪

✴️ المكونات

🔸3 أكواب دقيق قمح كامل أو دقيق أسمر حوالي 360 جم 🌾
🔸 1 كوب لبن دافئ حوالي 240 مل 🥛
🔸 بيضة🥚
🔸 ملعقة كبيرة عسل🍯
🔸 2 ملعقة كبيرة زيت🫒
🔸 نص ملعقة صغيرة ملح🧂
🔸 ملعقة كبيرة خميرة فورية
🔸 ملعقة كبيرة سمسم للوش
🔸 شوية مية دافية حسب احتياج العجينة

✴️ الطريقة

1️⃣ في بولة كبيرة حطي اللبن الدافي والخميرة والعسل وقلبيهم كويس وسيبيهم كام دقيقة يتفاعلوا🍯

2️⃣ ضيفي البيضة والزيت وقلّبي كل المكونات مع بعض 🥚

3️⃣ ابدئي ضيفي الدقيق بالتدريج مع الملح واعجني بإيدك لحد ما العجينة تتجمع وتبقى طرية وناعمة ومش بتلزق في الإيد

4️⃣ غطي العجينة وسيبيها تخمر في مكان دافي لحد ما حجمها يضاعف

5️⃣ بعد التخمير طلعي الهوا منها وشكليها رول طويل وبعد كده قطعيها قطع متساوية بالحجم 🔪🥖

6️⃣ رصي القطع في صينية وادهني وشها بلمسة لبن أو بيض ورشي السمسم فوقها

7️⃣ سيبيها ترتاح حوالي 15–20 دقيقة وبعدها دخليها فرن متسخن مسبقً
ا على 180 درجة لحد ما تاخد لون دهبي من فوق وتستوي من جوه 🔥😍
ولما تطلع غطيها بفوطة نظيفة كام دقيقة عشان تفضل طرية وهشة ❤️🥰

📊 القيمة الغذائية التقريبية لو الوصفة طلعت حوالي 16 قطعة

🔥 السعرات حوالي 135–150 سعرة للقطعة

🌾 كربوهيدرات حوالي 20–22 جم

💪 بروتين حوالي 4–5 جم

🫒 دهون حوالي 4–5 جم

⁉️ لو هتعملي الميني عيش ده هتحشيه جبنة 🧀 ولا بيض 🥚 ولا هتستخدميه للساندوتشات 😍👇

12/08/2026

🍰❤️ ريد فيلفت كيك صحية في الميكروويڤ في دقايق 🕛

لو نفسك في حاجة حلوة وهشة من غير ما تبوظي نظامك جربي الكيكة دي 😋

✴️ المكونات

🔸 3 ملاعق كبيرة دقيق شوفان 🌾
🔸 بيضة صغيرة 🥚
🔸 2 ملعقة كبيرة زبادي يوناني قليل الدسم 🥛
🔸 2 ملعقة كبيرة حليب قليل الدسم 🥛
🔸 نص ملعقة صغيرة عسل نحل 🍯
🔸 ملعقة صغيرة كاكاو خام غير محلى 🍫
🔸 ربع ملعقة صغيرة بيكنج بودر
🔸 نص ملعقة صغيرة بودرة بنجر

✴️ الطريقة

1️⃣ اخلطي دقيق الشوفان والكاكاو والبيكنج بودر وبودرة البنجر في المج

2️⃣ ضيفي البيضة والزبادي والحليب والعسل وقلبي بالشوكة لحد ما الخليط يبقى ناعم ومتجانس

3️⃣ دخلي المج المايكرويف من 60 لـ 75 ثانية أول ما الكيكة تمسك من الأطراف وتفضل طرية سنة من النص طلعيها فورا

4️⃣ سيبيها دقيقة تهدى و زينيها بمعلقة زبادي يوناني أو رشة كاكاو ❤️

📊 السعرات التقريبية

حوالي 250–300 سعرة

⏱️ التحضير 3 دقائق
🔥 الطهى 60–75 ثانية
🍰 الكمية لشخص واحد

⁉️ تحبوا الريد فيلف كيك دافية أول ما تطلع من المايكرويف ولا متلجة من التلاجة 😋❤️

08/08/2026

🌙🌸 كل سنة وأنتم طيبين بمناسبة المولد النبوي الشريف

🌰 حلاوة المولد الصحية بطعم لذيذ وسكر أقل

أكيد مع المولد كلنا نفسنا في حلاوة المولد 🥰علشان كده جبتلكم نسخة أخف من الجاهزة بمكونات بسيطة وسكر أقل 👌

✅ مناسبة للدايت مع الاعتدال في الكمية

❌ غير مناسبة لمرضى السكر لأنها تحتوي على العسل

👩‍🍳 طريقة التحضير موحده لكله

✨ نحمص المكسرات .. نحط معلقتين كبار عسل في طاسة على نار هادئة لمدة دقيقة إلى دقيقتين لحد ما يبقى قوامه أخف .. وبعدين نضيف المكسرات و نقلب بسرعة لحد ما تتغلف كلها بالعسل.. و بعدين نفرد الخليط على ورق زبدة و نضغط عليه كويس و نسيبه يبرد أو ندخله التلاجة من 30 إلى 60 دقيقة

✴️ حلاوة السوداني 🥜

🔸 كوب سوداني محمص حوالي 140 جم

🔥 السعرات للوصفة كاملة حوالي 860 سعرة حرارية

🔸 تكفي حوالي 15 قطعة صغيرة القطعة الواحدة حوالي 57 سعرة حرارية

✴️ حلاوة اللوز 🌰

🔸 كوب لوز محمص حوالي 140 جم

🔥 السعرات للوصفة كاملة حوالي 1000 سعرة حرارية

🔸 تكفي حوالي 15 قطعة صغيرة القطعة الواحدة حوالي 67 سعرة حرارية

✴️ حلاوة البندق 🌰

🔸 كوب بندق محمص حوالي 135 جم

🔥 السعرات للوصفة كاملة حوالي 1060 سعرة حرارية

🔸 تكفي حوالي 15 قطعة صغيرة القطعة الواحدة حوالي 71 سعرة حرارية

✴️ حلاوة السمسم

🔸 كوب سمسم محمص حوالي 145 جم

🔥 السعرات للوصفة كاملة حوالي 980 سعرة حرارية

🔸 تكفي حوالي 15 قطعة صغيرة القطعة الواحدة حوالي 65 سعرة حرارية

✴️ حلاوة الكاجو 🌰

🔸 كوب كاجو محمص حوالي 135 جم

🔥 السعرات للوصفة كاملة حوالي 1010 سعرة حرارية

🔸 تكفي حوالي 15 قطعة صغيرة القطعة الواحدة حوالي 67 سعرة حرارية

💡 نصيحة

🔸 حتى الوصفات الصحية محتاجة اعتدال في الكمية لأن المكسرات غنية بالسعرات الحرارية

⁉️ قولولي بقى أكتر نوع من حلاوة المولد بتحبوه و ناويين تبدأوا بيه 🤔

06/08/2026

🥖 العيش الفينو الصحي... طعم شهي بمكونات بسيطة ✨

لو بتحبوا الفينو وبتدوروا على بديل صحي جربوا الوصفة دي بمكونات بسيطة غنية بالألياف والبروتين وهتديكم خبز طري ولذيذ يناسب الفطار أو الساندويتشات 🌿

✴️ المكونات

🔸 200 مل مياه دافية 💧
🔸 كيس خميرة فورية 🧪
🔸 معلقة صغيرة عسل نحل أو سكر دايت🍯
🔸 500 جم دقيق قمح كامل 🌾
🔸 2 كوب صغير زبادي 🥣
🔸 بيضة (اختياري) 🥚
🔸 رشة ملح 🧂
🔸 4 معالق كبيرة زيت زيتون 🫒

✴️ طريقة التحضير

1️⃣ حطوا المياه الدافية في بولة وضيفوا عليها الخميرة والعسل وقلبوهم وسيبوهم 5 ل 10 دقايق لحد ما الخميرة تشتغل وتعمل رغوة ✨

2️⃣ ضيفوا دقيق القمح الكامل والزبادي والبيضة لو هتستخدموها ورشة الملح على خليط الخميرة 🥣

3️⃣ ضيفوا زيت الزيتون واعجنوا كويس من 7 ل 10 دقايق لحد ما العجينة تبقى ناعمة وملمسها مرن ومتتماسك 🤲

4️⃣ غطوا العجينة وسيبوها في مكان دافي لحد ما يتضاعف حجمها⏳

5️⃣ قسموا العجينة لكور متساوية في الحجم عشان كل الأرغفة تطلع بنفس الشكل

6️⃣ افردوا كل كورة بشكل مستطيل وبعد كده لفوها رول واقفلوا الأطراف كويس علشان تاخد شكل الفينو المظبوط 🥖

7️⃣ رصوا الأرغفة في صاج الفرن مع ترك مسافة بسيطة بينهم وغطوهم وسيبوهم يخمروا مرة تانية ⏱️

8️⃣ دخلوا الصاج فرن سخن مسبقا على حرارة 180–200 درجة لمدة 12 إلى 15 دقيقة أو لحد ما الفينو ياخد لون ذهبي جميل 🔥

9️⃣ أول ما يطلع من الفرن رشوا عليه رشة مياه خفيفة وغطوه بفوطة نظيفة لمدة كام دقيقة علشان يفضل طري وهش

💡 نصيحة

🔸 بعد ما الفينو يبرد تماما احفظوه في أكياس محكمة في الفريزر ولما تحتاجوه سيبوه يفك شوية أو سخنوه دقيقتين وهيرجع طري كأنه لسه خارج من الفرن ❄️🥖

⁉️ إيه أكتر الحشوات الصحية اللي بتحبوا تحشوها في الفينو 🤔

04/08/2026

✨ موس الشوكولاتة الكريمي بالأفوكادو 🍫🥑

وصفة بسيطه مكوناتها قليلة لكن طعمها غني وقوامها كريمي بشكل هيعجب أي حد بيحب الشوكولاتة 🍫

✴️ المكونات

🔸 2 حبة أفوكادو ناضجة 🥑
🔸 تلت كوب بودرة كاكاو خام غير محلاة 🍫
🔸 ربع كوب عسل أبيض أو شراب القيقب 🍯
🔸 ربع كوب حليب عادي أو نباتي 🥛
🔸 ملعقة صغيرة فانيليا
🔸 رشة ملح 🧂

✴️ الطريقة

1️⃣ حطوا كل المكونات في الخلاط أو محضر الطعام 🥣

2️⃣ اضربوا المكونات لمدة دقيقة أو دقيقتين لحد ما يبقى القوام ناعم وكريمي

3️⃣ لو لقيتوا القوام سميك زودوا ملعقة أو اتنين حليب واضربوا تاني 🥛

4️⃣ وزعوا الموس في أكواب التقديم 🍨

5️⃣ دخلوه التلاجة لمدة 30 دقيقة عشان يبرد ويتماسك❄️

6️⃣ زينوه ببرش شوكولاتة أو مكسرات مجروشة أو فواكه طازة حسب رغبتكم ✨

💡 نصيحة

اختاروا أفوكادو مستوي وطري لأنه هو السر في القوام الكريمي وكمان استخدموا كاكاو خام بجودة كويسة عشان الطعم يبقى أغنى

🥑 فوائد الأفوكادو 👇

🔸 الأفوكادو غني بالدهون الصحية والألياف والبوتاسيوم وبيحتوي على مضادات أكسدة وده بيخليه إضافة مميزة لأي وصفة

✴️ القيمة الغذائية التقريبية للحصة الواحدة – الوصفة تكفي حصتين

🔥 السعرات الحرارية 240–270 سعرة

🥑 الدهون 18–20 جم

🌾 الكربوهيدرات 18–22 جم

💪 البروتين 3–4 جم

🌿 الألياف 7–8 جم

💬 جربوا الوصفة وقولولنا هتزينوها بإيه؟ برش شوكولاتة ولا مكسرات ولا فاكهة طازة 😍

01/08/2026

🥒 رولات الكوسة باللحمة بطريقة هتخلي حتى اللي مش بيحب الكوسة يجربها 😍

الكوسة من الخضار الغني بالألياف وبتساعد على الشبع وبتدخل بسهولة في أي نظام غذائي متوازن 💚

النهارده هنعملها بطريقة مختلفة وطعمها يجنن وهتعجب كل البيت 😋✨

✴️ المكونات

🔸 500 جم كوسة مقطعة شرائح طولية رفيعة 🥒
🔸 300 جم لحمة مفرومة قليلة الدهن 🥩
🔸 100 جم أرز بني منقوع ومصفى 🌾
🔸 150 جم بصل مفروم 🧅
🔸 150 جم جزر مبشور 🥕
🔸 15 مل زيت زيتون 🫒
🔸 100 جم معجون طماطم 🥫
🔸 100 جم زبادي لايت أو ساور كريم خفيف 🥣
🔸 150 مل مياه 💧
🔸 ملح وفلفل أسود وبهارات حسب الرغبة 🧂
🔸 بقدونس مفروم للتزيين 🌿

✴️ طريقة التحضير

1️⃣ نرش شرايح الكوسة برشة ملح خفيفة وندهنها بمسحة بسيطة من زيت الزيتون علشان تبقى سهلة في اللف 🥒✨

2️⃣ نشوح البصل والجزر في الزيت لحد ما يطروا وياخدوا لون خفيف 🧅🥕🔥

3️⃣ نخلط نص كمية البصل والجزر مع اللحمة المفرومة والأرز البني والبهارات والملح كويس 🥩🌾

4️⃣ نشكل الحشوة أصابع أو كرات صغيرة ونلفها جوه شرايح الكوسة ونرصها في الصينية 🌯

5️⃣ نحضر الصوص بإضافة معجون الطماطم والزبادي والمياه لباقي البصل والجزر ونقلبهم لحد ما الصوص يتجانس 🥫🥣

6️⃣ نصب الصوص على الرولات وندخلها فرن متسخن على 180 إلى 200 درجة لمدة 35 إلى 40 دقيقة 🔥⏱️

🌿 نرش بقدونس على الوش ونقدمها سخنة وبالهنا والشفا 😍

⁉️ تفتكروا الطريقة الجديدة دى هتنجح تشجعكم على أكل الكوسة بشكل مستمر😋 🤔
شاركونى رأيكم فى التعليقات 👇💬

24/07/2026