Our lives - Egyptian Styles

06/08/2025

https://youtube.com/shorts/BAzwzTw2tpI?si=lS6XvO-I8rhqsmyw

شنطة ظهر… قبل غوتشي بـ٣٠٠٠ سنة!اللي قدامك مش تصميم من غوتشي…ولا لويس فيتون… ولا حتى هيرشل!دي أول شنطة ظهر في التاريخ… اتعملت بإيدين مصرية من أكتر من ٣٠٠٠ سنة...

28/07/2025

اللعبة الحلوة.. الفايز هو اللي يسبق بخطوة.. برافو يا مصر

في جيم محترفين على أعلى مستوى اتلعب قدام عنينا، مش الكل فهم خباياه.
مباراة شطرنج ولا أروع كانت بتتعلب على الهوا، لكن ما فَك ألغازها غير المحترفين.

بعد ما مصر أعلنت رفضها القاطع لمخطط التهجير، وعرقلت تصفية القضية الفلسطينية،
يبدو إن شهر يوليو كان ساعة الصفر لإسقاط الدولة المصرية…
لكن المفاجأة؟ كانت بالضربة الاستباقية..

الخطة كانت مرسومة بحرفية:

🔴 الضربة الأولى: تفجير ضخم يهز البلد – شبيه بحادث كنيسة القديسين في ديسمبر 2011 – ينفذه عناصر مدربة من الخارج، تحديدًا من حركة "حسم"، بعد ما تسللوا داخل البلد.
🔴 بعدها، إعلان تمرد في سيناء من خلال كيان وهمي اسمه (عشائر قبائل سيناء) يوم ٢٢ يوليو.
🔴 بالتوازي، استفزاز الشارع ودعوات لحراك شعبي وتهييج الناس لاقتحام الأقسام، عن طريق فيديوهات تمثيلية معمولة بعناية، هنشوف قريب كواليس تصويرها تم نشرها يوم ٢٥ يوليو.
🔴 ووسط كل ده، حملة إعلامية مكثفة بتتهم الدولة المصرية إنها المتسبب في المجاعة في غزة، مع نشر متعمّد لصور الأطفال عشان توصل حالة الغليان لأقصى درجاتها، بخلاف شحن وحقن شائعات علي مدار شهور قبلها.
🔴 ده غير تحريك عناصرهم في الخارج لحصار السفارات المصرية في الخارج اللي بدأ ٢٦ يوليو، عشان المشهد يظهر كأنه حراك شعبي مكتمل الأركان ضد الدولة.

خطة متقنة، لازم توقع أي دولة أجهزتها نايمة أو شعبها مغيب…

لكن هنا كانت الصدمة للمخططين:

▪️ من أول لحظة، العناصر المتسللة كانت مرصودة،
▪️ وقبل تنفيذ العملية، تم تصفية الخلية الإرهابية بالكامل في عملية استباقية دقيقة في بولاق يوم ٢٠ يوليو.
▪️ أما "بيان العشائر" اللي اتروج له بشدة – لدرجة إنه جاب أكتر من ٢٠٠ ألف تفاعل على صفحة رصد لما تم نشره يوم ٢٢ يوليو من كتر الدفع ليه – فالدولة كانت عارفة تفاصيله من شهور، ويمكن من سنين.
▪️ عشان كدا، كانت مصر سبّاقة، ورعت تأسيس اتحاد قبائل سيناء واتحاد القبائل العربية، اللي أصبح هو الكيان الرسمي الوحيد الممثل لأهل سيناء بقيادة الشيخ العرجاني، ويسد أي فراغ ممكن تستغله كيانات مشبوهة في لحظة زي دي، وكمان يتحركوا على الأرض وقت الحاجة إن لزم الأمر، عشان كدا اتهاجم لما اتأسس وحاولوا يشوهوه بأي شكل..

والأروع؟ هو وعي الشعب المصري، اللي رفض ينجرف لأي دعوات هدامة سواء داخل مصر أو برّاها.. وفهم الهدف من فيديو القسم والسفارات ودعوات الحراك المزعوم.. بل واجهها بنفسه علي السوشيال ميديا وفضح مروجيها!

اللعبة كانت حلوة مش بس عشان المخطط فشل…
لكن لأنك كنت سابق بخطوة.

سيناء النهاردة مطهّرة من الإرهاب،
أهلها في حضن الدولة،
أجهزة الأمن صاحيــة، وراصدة، وعارفة إمتى وأزاي تتدخل،
والشعب واعي… فاهم… وعبقري.

علشان كدا، العدو دلوأتي في صدمة…
بيفكر في النقلة التانية…
لأن الجيم لسه مخلصش…
ده لسه بيبتدي.. وهيسخن أكتر

لكن البداية قالت كل حاجة:
في دولة بتخطط، مستعدة
وفي مخابرات راكبة الماتش وسابقة بخطوة،
وفي شعب مش سهل يتضحك عليه.

برافو يا مصريين.. في وسط العتمة انتو النور

27/07/2025

شكرا لك من القلب ❤️

07/07/2025

27/06/2025

🖤 ١- لو ماكلتش هأكله لاخوك
💔 هتربي عنده القلق والتوتر والبخل وممكن يكره اخوه

🖤 ٢- خد ده بس ماتعرفش اخواتك
هتعلمه الانانية و الذاتية ولو أخواته عرفوا وغالباً الأبن المشوه نفسياً ده هيعرفهم عشان يغيظهم هينمي في قلبهم الكره والحسد لأخيهم
لازم نعدل بين أولادنا ومانفرقش بينهم ومانميزش الولاد علي البنات أو العكس

🖤 ٣- ذاكر عشان احبك
ماتعلقوش اي طلب بالحب، الحب لازم يكون غير مشروط
لازم يؤمن ان الحب ده موجود دايما، مهما عمل غلط بيرجع للصواب عشان بيحبكم. فماتحسسوهوش انه هيفقد الحب ده عشان غلط

🖤 ٤- لو ما بطلتش عياط هكرهك
💔 اياكم و اقحام الحب والكره في علاقتكم لأي سبب
استخدام سلاح الحب والكره بيفقد الطفل ثقته في انه جدير بالحب الخالص بيحسسه بالنقص وبيخليه انطوائي
🌺 البديل
أنا بحب الجد والإجتهاد
أنا بكره الكسل و عدم القيام بالواجبات
أنا بكره العياط
الوالدين يكرهوا الفعل مش الفاعل

🖤 ٥- هغضب عليك لو ماعملتش كذا
استخدام سلاح البر لتسخير الأبناء بيرهقهم نفسيا ويوترهم
استخدام سلاح البر ضد ابن واحد واستغلال طيبته لخدمة باقي الأولاد ظلم عظيم

🖤 ٦- لو ما نمتش / أكلتش / سكتش أبو رجل مسلوخة هياكلك هرميك برا البيت للكلب يعضك الخ
أسلوب التخويف بيفقد الأبن الشعور بالأمان ويفقد ثقته فيك كمصدر للحماية وإذا كان أقرب الناس هيعمل كده الغرب هيعملوا في إيه

🖤 ٧- ياللي مفيش منك يا أجمل وأحلي من خلق أنت أذكي واحد أنت أشطر وأمهر واحد
💔 ماتفرطوش في الثناء علي كل حاجة بسيطة يعملها
هيتغر و هيفتكر نفسه نابغة زمانه
💔 وما تبالغوش في محاولات توفير سبل السعادة والراحة و وازنوا بين الرفق والدلع
لانه هيتصدم في العالم الخارجي اللي مافيهوش تقدير لجهوده الجبارة و كله تعاسة وشقاء و مفيش فيه رحمة
ماتبالغوش في تلبية كل طلباته المادية بأسرع وقت لازم شهواتهم تتهذب بالصبر لازم يشاركوا بمصروفهم لازم يحسوا بضغوطكم المادية وياريت تعرفوهم وضعكم المالي وتشركوهم في جلسة لإعداد ميزانية البيت
كمان ماتبالغوش في إهمال ذاتكم وتوفير كل شئ للأولاد لازم يتعلموا منكم إن لكم حق علي نفسكم فيعتعلموا ازاي مايفرطوش في حق نفسهم

🖤 ٨ - حاسب لتقع قم من علي الأرض لبسك هيتوسخ مش قلت لك ماتوقعش علي لبسك أكل
لا ماتوديش الكوبايات لتتكسر أنت مش هتقدر
💔 المبالغة في العناية و المراقبة المستمرة والرعاية اللامتناهية بتخلي أولادنا فاقدين للثقة في قدرتهم علي فعل أي شئ بشكل كامل لإنعدام الخبرات الذاتية
وبتدي رسالة أن اللبس والكوب والأغراض عموما أغلي منه

🖤 ٩ - ماما رتبت الصالة،مش كنتي ترتبي غرفتك الأول؟!
ماما رتبت غرفتي؟ إيييييه ده فيه تراباية هنا وفتفوتة ورقة هناك المرة الجاية تبقي ترتبي بذمة
💔 السلوك المحير من الأهل وعدم رضاهم ولا تقديرهم لمحاولات أولادهم في استرضائهم ونيل مدحهم واستحسانهم بيصيب الاولاد بالإحباط و بالامبالاة والتبلد وفقدان الثقة في النفس وفي الغير ليه يبذل جهد لما مفيش حاجة بتعجب مهما عمل
الموازنة بين المدح والتقدير والمبالغة فيهم ضروري جداً

🖤 ١٠ - أنت غبي أنت سيئ أنت عنيد أنت قليل الأدب
💔 أنك توصم إبنك بصفات وسمات سلبية ناتجة عن تصرف لا واعي لطفل
بيخليها تستقر فوعيه ويبتدي يمارسها كسلوك واعي

🖤 ١١- مفيش فايدة فيك
💔 تولد اليأس من اصلاح الذات و تهيئ الطفل للمزيد من السلوكيات السيئة

🖤 ١٢ - شوف اخوك متميز ازاي؟
💔 اياكم والمقارنة بتولد الإحباط والغيرة والحسد والنفور
راعوا الفروقات الفردية والاختلافات في الشخصية
طريقتكم اللي نجحت مع الكبير مش شرط أبداً تنفع مع اللي بعديه

🖤 ١٣ - جبتلك قميص حرير
💔 الأمر المحرم علي الكبار ماتسمحش له به من صغره

🖤 ١٤- بطل كتر أسئلة و فضول
💔 بتقتل غريزة الإطلاع و حب العلم والمعرفة
بتحرجه وتعمل فجوة بينكم وبين أولادكم

🖤 ١٥ - ماما عاوز اتكلم مش فاضية بابا عاوزك في موضوع مش فاضي
💔 اهمال الحوار مع الأبناء نتيجة الإنغماس في العمل بيولد الإحساس بالنبذ وانعدام الثقة في النفس والإنطواء والتبلد الإنفعالي واللامبالاة لآوامر الوالدين
ومن الممكن أن يتطور لسلوك عدواني والعناد والسرقة
لازم يكون فيه جلسة حوار يومي غير الحوار المتقطع في باقي أوقات اليوم لازم تعرفوا إيه اللي بيدور جوا مخه لازم تعرفوا طباعه و هواياته وآماله وأحلامه لازم تعرفوا أصحابه وفكرته عنهم
لازم يبقي فيه صداقة تراكمية بينكم

🖤 ١٦ - الضربة دي عشان عملت كذا من أسبوع وكذا من شهر
💔 العقاب يا يبقي في نفس الوقت عشان الطفل يستوعب غلطته ومايبقاش عنيف للأسف الضرب علي التوافه من الصغر مابيفيدش بل علي العكس بيشوه
🌺 يا خلاص المسامح كريم لكن تحوش له وتكيل ده ظلم بطفلك

🖤 ١٧ - شوف أنا حاولت معاك كتير بالذوق وخلاص جبت أخري وهضربك و طاخ طوخ طيخ
💔 بيوصل لإبنك كذا رسالة
👊أنت كذاب لأنك ماحاولتش كتير
👊أنت عاجز عن التصرف وبتعبر عن عجزك بضربه
👊أنت متوتر ومضغوط ومحبط وبتنفس وتفرغ فيه غيظك وحنقك
فيولد عنده نوبات الغضب لما يعجز عن شئ أو يحبط و يتوتر وينضغط يخبط ويكسر و يرمي بالعيب واللوم علي الأضعف منه
👊إنك بتضربه عشان أقوي وهو هيعجز عن الرد وبالتالي من حقه يعمل كده مع أخوه الأصغر ولو أصغر واحد هينفس مع الأقارب الأصغر أو حتي لعبه
👊بتشوه معني الحب وتوصل له إن الضرب والحب بيجتمعوا فتأهل بنتك لإن زوجها يضربها وبأقل نظرة تسامحه وعادي كأن شيئا لم يكن

🖤 ١٨ - أنت عارف هموتك من الضرب بالحزام هشررك الدم
لو ماذاكرتش وتفوقت
لو ماخدتش بالك من اخواتك وأحنا في الشغل
لو مارتبتش غرفتك
💔 بنفتكر اننا ممكن نخلي عيالنا مثاليين بالقسوة المبالغ فيها
رغم أن نتيجتها طاعة واحترام مؤقتين في العلن لكن في السر هيستمر وان توقف من رعبه من العقاب في أول فرصة هيكرر الغلط وهيكرره بشكل انتقامي بس عشان يثبت أن عقابكم ولا له أي لازمة
غير كراهيته للطاعة أو الأمر اللي اتعاقب بقسوة عليه
يكره الدراسة يكره النظافة يكره الالتزام بأي شيئ يكره اخوانه
يصاب بالبلادة
يخزن الانفعالات العصبية ويفرغها مستقبلاً علي هيئة نوبات غضب أو صراع انفعالي داخلي

🖤 ١٩- عقاباً لك هحرمك شهر من المصروف / من الكمبيوتر
💔 العقاب الطويل الأمد بييئس الأبن من عملية الإصلاح إيه الدافع مفيش
ولو العقاب هو الحرمان من شئ مابيتكررش كتير زي خروجة العيد أو العيدية بردو نتيجته سيئة جدا

🖤 ٢٠ - اوعي تدخن زيي ده التدخين حرام و مضر بالصحة
💔 أنك تنصح إبنك بما لا تفعل هيربي عنده النفاق .