21/05/2023
مُراد
أكتشاف مكان جديد وراعى رسمى للكبدة و السجق والاكلة الحرشة 🤩🤩
الساندوتش بيبدأ من ١٥ جنيه (كبدة او سجق) و الباستا ب ٣٥ جنيه 🤩🤩
لما تمشي في السوق القديم في الرحاب، هتلاقي نفسك وسط مطاعم كتييير أوي، و هنا بقى الواحد يحتار ياكل منين؟
لاقيت مطعم كبدة و سجق اسمه ((مراد))🧤 و المحل شكله نضيف اوي و دا اللي شجعني اجربه
عاملين فكرة ذكية جدا "بوكس ميكس" صغير / كبير كومبو
يعني البوكس بيبقى فيه ٤ ساندوتشات واحد كبدة & واحد سجق& واحد كفتة مع كولا 🥤و بطاطس محمرة 🍟مع الصوصات & ساندوتش سكالانس لزوم التحلية 😋 بيتقدموا في بوكس شكله شيك
ميزة البوكس الصغير انك هتجرب اكتر من طعم و في نفس الوقت تشبع و تملى التانك .. ولو جعان اوي هات البوكس الكبير
الكبدة مستوية كويس و طرية، مش مزيتة ولا ناشفة، و واخدة تحبيشة بهارات حلوة اوي، السجق بتاعهم كمان نضيف اوي و مش غرقان زيت
من أكتر الحاجات اللي عحبتني عند ((مراد)) المكرونة بالكبدة و المكرونة بالسجق
مبدئيا كدة انا كنت طلبت الحجم الكبير و اكتشفت إنه فعلا كميته كتيره اوي .. بيتعمل بمكرونة سباجيتي مع مكرونة مرمرية Red sauce 🍝 عليهم الكبدة و السجق حسب اختيارك و الكومبو بيتقدم معاه سلطة و كولا
لو عايز تصبيرة خفيفة و طعمها حلو يبقى انصحك تجرب ساندوتش الكفتة بالجبنة في العيش اللبناني، بيبقى فيه سنة Crust جميلة اوي و صوص الحبنة فيه حتة سبايسي كدة بس مش حراق اوي يعني يا دوب نقدر نقول حرش
رقم التليفون
01110110213
العنوان
الرحاب، السوق القديم، محل رقم ٥٧ بجوار ريماس لاند
