دواؤك غذاؤك

15/06/2026

هل العيش المُجمد أو المتقمر أو الناشف يسبب السرطان
العيش لو اتحط فى الفريزر؟

كمان إيه حكاية النشا المقاوم اللى بيتكون فى العيش اللى فى الفريزر؟ أو العيش الناشف؟

كمان لما ترجع تسخن العيش و تقمره بالبلدى
كده هل دا غلط و يعمل سموم و مادة الاكريمااليد و دى مادة تسبب السرطان؟

العيش بعد ما يتخمر و يتعجن و يتخبز بيكون طرى عشان لسه فيه نسبة بسيطة من المحتوى المائى ممكن يتم حفظه عن طريق الفريزر لما بيتحط فى الفريزر درجة الحرارة المنخفضة بتوقف نشاط البكتيريا و كمان بتبطّئ التفاعلات الكيميائية بشكل كبير جداً.

يعنى تفريز العيش لا يكوّن سموم ولا يسبب السرطان زى ما بيتقال فى بعض الفيديوهات المنتشرة.

كمان فى طريقة تانية أنك تحمص العيش أو تقلل المحتوى المائى منه و تقل الميه الحرة Water activity اللى فيه فيصبح العيش ناشف و دى برضه طريقة من طرق حفظ العيش خارج التلاجة لفترة أطول بدون ما يفسد بسرعة

المشكلة فين بقه؟ العيش و هو لسه ساخن و طالع من الفرن و تحطه فى كيس بلاستيك ويتحط مباشرة هيحصل حاجتين من الحرارة العالية و بخار الميه الاتنين دول ممكن يساعدوا على حدوث ما يُسمى علميًا بـ هجرة المركبات من البلاستيك للغذاء

عشان كده سيب العيش يبرد الأول بعد كده يتحط في الكيس أو يتفرز

زمان كانوا بيحطوا العيش فى قماشه أو ورق و دا أصح طريقة للتعامل مع العيش الساخن تمتص جزء من الرطوبة
و بتخلي العيش يبرد طبيعي بدون ما يعرّق و بتسمح للبخار يطلع ومبتحبسوش زي البلاستيك

لما العيش يتخبز بيكون النشا فيه فى صورة سهلة الهضم لكن لما يبرد يتفرز يعنى أو يبقى عيش ناشف يحصل له حاجة اسمها إعادة تبلور للنشا (Retrogradation)

وده بيحوّل جزء من النشا لنوع اسمه النشا المقاوم

والنشا المقاوم دا زى النشا المعقد بطئ الهضم و الامتصاص
كمان بيحسن صحة الأمعاء لأنه غذاء لبكتريا الامعاء النافعة و يقلل الارتفاع السريع فى سكر الدم من العيش

طيب فيه ناس بتحب تسخن العيش أو تقمره مفيش مشكلة خالص طالما التسخين طبيعى بدون حرق

و تأخد بالك أن العيش زى أى نشويات لو اتحرقت بشدة ممكن يتكوّن مركب اسمه الاكريماليد و دا مادة محتمل أن تكون مسرطنة للبشر” (Group 2A).

يبقى مجرد بس تسخنه بس ميتحرقش منك 😄 دا الأهم عشان المادة دى متتكونش

الخلاصة العيش المجمد أو الناشف مفيهوش أى مخاطر صحية و التجميد أو التنشيف بيحول النشا اللى فيه لنشا مقاوم و دا بيكون أحسن لينا و لصحة الجهاز الهضمي و دا برضه مش معناه الإفراط فى تناول العيش المجمد أو الناشف مهو كده كده بقه صحى اكتر و الأهم هو الاعتدال و كمان كل ما كان القمح كامل الحبة هيكون أفضل بكثير من الدقيق الزيرو الأبيض اللى مفيهوش أى قيمة غذائية و طبعا القمح الكامل غنى بالألياف و القيمة الغذائية أعلى

ومتنساش أوعى تحط العيش الساخن فى كيس بلاستيك غير لما يبرد الأول

❤

14/06/2026

العدس الاصفر

غذاء بسيط… لكنه كنز مذهل!
قد يبدو العدس الأصفر مكوّنًا عاديًا في مطبخنا، لكنه في الحقيقة غذاء متكامل يستحق أن يكون من أساسيات كل منزل.
لُقّب بـ "بروتين الفقراء"… واليوم يُثبت العلم أنه أحد أقوى الأطعمة لصحة القلب، الجهاز الهضمي، وتنظيم السكر! 💛🔥
💪🌿 لماذا العدس الأصفر مذهل؟
🥣 مصدر بروتين نباتي عالي الجودة
مثالي للنباتيين والرياضيين، ويساعد في بناء العضلات.
🌾 غني بالألياف الذائبة
يحسّن الهضم، يمنع الإمساك، ويُبطّئ امتصاص السكر—ممتاز لمقاومة الإنسولين والسكري.
❤️ يدعم صحة القلب
البوتاسيوم والمغنيسيوم فيه يساعدان على ضبط الضغط وتقوية القلب.
🩸 مقاومة فقر الدم
يحتوي على الحديد النباتي الذي يدعم خلايا الدم.
⚡ سريع الطهي والهضم
مناسب للوجبات اليومية وللنظام الغذائي المتوازن.
🍲✨ كيف يمكن تناوله؟
🥣 شوربة العدس
دافئة ومغذية تُطهى مع الثوم، البصل، الجزر، الكمون… ثم تُخلط لتصبح ناعمة.
🍋🥄 فتّة عدس
فوق خبز محمّص + ليمون + زيت زيتون + كمون = طعم شهي ووجبة مشبعة.
🍚🧅 مجدرة صفراء
مزيج العدس مع الأرز والبصل… وجبة متوازنة ومحبوبة في كل بيت.
🥟 حشوة للمعجنات أو الكبة النباتية
خيار صحي لذيذ وغني بالبروتين.
🌿🔥 لمسة "الغذاء الميزان" السحرية
لتحسين الهضم ومنع الانتفاخات تمامًا:
✨ أضِف خلطة الشواء من الغذاء الميزان إلى العدس بعد الطهي.
هذه الخلطة تعتمد على خلاصات عشبية محفوظة بـ:
🍶 خل التفاح الطبيعي و زيت الزيتون البكر الطبيعي
وتعمل على:
✔️ دعم القولون
✔️ تنقية الجهاز الهضمي من الغازات والسموم
✔️ تعزيز الامتصاص
✔️ تحسين الطاقة والهضم بعد الوجبة
والأجمل أنها طبيعية 100% بدون أي آثار جانبية 🌿💛.
📩💬

04/06/2026

الجبنة القديمة
أو المِش

دى جبنة تنفع تاكل منها
و لا فيها خطورة.. 🧐

و ساعات بيتكون دود .. نعمل إيه كده المفروض تتآكل ولا تترمى

كمان فيه مادة بيحطوها للمِش بتمنع تكون الدود اسمها البوراكس او بورات الصوديوم أو الدنكار هل المادة دى خطورتها إيه

قبل ما نبدأ الناس اللى متعرفش يعنى ايه جبنة قديمة هى فى الأصل بتاعها جبنة قريش و الجبنة القريش من الجبنة قليلة السعرات الحرارية

بياخدوا الجبنة القريش و يخزنوها فترة عشان تتحول لجبنة قديمة طبعا لو الجبنة طالما اتخزنت و دى عبارة عن مادة غذائية قابلة طبعا للفساد عشان كده بيحطولها كمية كبيرة من ملح اثناء التخزين عشان يمنعها من التعفن

تقريبا عملية تشبه التخليل أو التخمر.. لما يصنعوها بيحتاجوا بادئ يعنى مادة عشان تحول الجبنة بسرعة البادئ هنا هو مِش قديم و يحطه معاه ملح وبعدين يخزنوها فى بلاص أو اوعية فخارية او بلاستيك

و التخزين بيقعد مدة كده تتراوح من ٣ ل ٦ شهور و ممكن توصل لسنة عشان تاكل حتة جبنة حلوة 😄

طبعا الكلام دا صحى؟ بص حضرتك هى جبنة يعنى بروتين كامل الأحماض الأمينية و كالسيوم و معادن قيمة غذائية محتفظه بيها مع وجود بروبيوتك بكتريا نافعة جميل آوى بس الحلو ديما مش بيكمل مع وجود الملح الكتير آوى دا

هيخلى الصوديوم الكتير اوى فيها و طبعا مريض ضغط عالى أو مشاكل فى الكلى أو شخص بيعمل دايت كمية كبيرة من الصوديوم دا هيكون بالنسبة ليه طبعا حاجة مش صحية

هنا برضه لازم نقول أننا لما نيجى ناكلها لازم ناخد كمية صغيره منها على طبق سلطة كبير و معلقة من الطحينة أو زيت الزيتون عشان نقلل شوية من تأثير الملح أو الصوديوم

يبقى الجبنة دى مش بتتاكل لوحدها كده زى الجبنة القريش لو اكلتها و زودت كمان هتكون أفيد بكتير

طيب نيجى لحتة الدود اللى ممكن يتكون عليها دا حصل نتيجة أن الجبنة كانت مكشوفة و تعرضت ذباب فقس بيضه

المِش ب دوده مش دليل جودة ولا "تخمير طبيعى" زى ما بعض الناس فاكره ❌ دا دليل على وجود تلوث أو فساد للجبنة و الدود نفسه قد يحمل ميكروبات خطيرة و الخطر أن الجبنة نفسها اتعرضت للتلوث و دا ممكن ينتقل ليها بكتريا ممرضة للإنسان و نتعرض للتلوث الغذائى و كمان يعرضنا للسموم الفطرية

أول ما تلاقى الجبنة كونت ديدان يبقى الجبنة دى فاسدة و مينفعش تتاكل ..😨

طيب و ايه المادة الدنكار أو بورات الصوديوم او حمض البوريك او البوراكس المادة دى بتستخدم صناعيًا فى المنظفات أو المبيدات أو مواد الحفظ غير الغذائية

بعض صناع المِش بيستخدموه لأنه يمنع نمو الدود والحشرات
يقلل نمو بعض الميكروبات و يساعد على حفظ الجبنة فترة طويلة و يبطّئ فساد المنتج

لكن ده استخدام غير آمن غذائياً و هى مادة مش مصنفة مادة مسرطنة مباشرة للإنسان ..إنما مادة مصنفة لها سُمية و تسبب أضرارًا تناسلية على الانسان

يبقى دى مادة سامة لو اكلتها بكمية كبيرة أو بشكل متكرر.

عشان كده منظمة World Health Organization وهيئات سلامة الغذاء تحذر من استخدامها فى الاكل.

طيب يبقى أى حد بيعمل جبنة القديمة ممنوع من استخدام المادة دى

و فيه بدايل طبيعية أننا نستخدم بعض حبات من الترمس المر أو عرق الحلاوة اسمها شرش الحلاوة او قرون الشطة الحمراء و ممكن كمان طبقة من الزيت على وش البلاص أو وعاء الحفظ عشان برضه تعمل طبقة عزل و كمان ديما نهتم بتغطية جيدة

و الحفظ الجيد عشان سلامة المنتج و سلامة حضرتك

مع أطيب الامنيات بالصحة والعافية

31/05/2026

رسالة من قلب دكتور الجامعة إلي أبويا الرئيس عبد الفتاح السيسي
إحنا ولادك دكاترة الجامعة اللي الناس فاكرانا عايشين في نعيم تحت القبة، بينما الحقيقة غير كدا خالص.
إحنا بنجري طول الشهر يابا عبد الفتاح نحسب المرتب هيكفي إيه ولا إيه…
إيجار؟
ولا مية وغاز وكهربا؟
ولا أكل وشرب ومصاريف مدارس ودروس وعلاج؟
ولا أبحاثنا اللي بندفع عليها من جيبنا عشان اسم مصر يفضل مرفوع؟
ولا مواصلاتنا اللي بقت نار؟
إحنا يا ريس مش مجرد موظفين…
إحنا اللي بنطلع الدكتور والمهندس والمدرس والصيدلي والمحاسب وكل واحد بيمسك مكانه في البلد بعد كدا.
بس للأسف الناس واخدة عننا فكرة إن “دكتور الجامعة مرتاح مادياً”، بينما الحقيقة إن كتير مننا شايل هم آخر الشهر زي أي أب مصري بسيط.
يا ريس…
حضرتك عارف إن دكتور الجامعة طول عمره ليه هيبة ومظهر قدام طلبته ومجتمعه.
بدل، قمصان، كرفتات، شوزات محترمة… مش رفاهية والله، دي طبيعة شغل ومكانة الناس نفسها فرضاها علينا.
وفي الآخر المرتب يقف عاجز قدام أبسط احتياجات الحياة.
إحنا مش بنطلب رفاهية…
إحنا بنطلب حياة كريمة تليق بالعلم اللي بنخدم بيه البلد.
بنطلب إن دكتور الجامعة ميضطرش يشتغل ألف شغلانة جنب رسالته العلمية عشان يعرف يعيش. وأحنا أصلا مالناش إننا نشتغل أي شغل إضافي إلا بإجراءات قانونية محددة
بنطلب إن الباحث المصري يعرف يعمل بحث وتجربة من غير ما يبقى شايل هم الفلوس أكتر من هم العلم نفسه. دا إحنا بنعمل جمعيات عشان نعرف نعمل ابحاثنا العلمية وعلي حساب حياتنا ومتطلبتنا الأساسية والله العظيم
بص لنا يا يابا عبد الفتاح …إحنا تعبنا، والله تعبنا.
ونفسنا نحس إن البلد مقدّرة الناس اللي شايلة العلم وبتربي أجيال كاملة.
يمكن كلمة منك تغيّر حياة بيوت كاملة لدكاترة عايشين مستورين بالرضا… لكن الحمل بقى تقيل. 🇪🇬
وبردوا هفضل أقول دام عزك ياوطن 🩵🇪🇬🩵

29/05/2026

ازكى طعاما


ظهر في الفترة الأخيرة شخص تخصّصه تخدير ونطاق عمله مع الجراح فى حجره العمليات ، ثم خرج من تخصّصه ليفتي في دين الله بغير علم شرعي، ويخالف ما عليه علماء الإسلام وأهل الطب معاً، بل ويشيع بين الناس أن أكل البيض واللبن والخضار والفراخ مضر أو ممنوع، مع الترويج لأفكار تخالف الشرع والعلم معًا.
__________________
🧠 ولأن دين الله لا يؤخذ من التجارب الشخصية ولا من الآراء الفردية، فالرد سيكون من المصدر الأول والأخير والأصح والأوحد: كلام الله الخالق وسنة رسوله ﷺ الذي لا ينطق عن الهوى، بالدليل الواضح القاطع.
قال الله تعالى: ﴿يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا﴾
وقال سبحانه: ﴿يَا أَيُّهَا الَّذِينَ آمَنُوا لَا تُحَرِّمُوا طَيِّبَاتِ مَا أَحَلَّ اللَّهُ لَكُمْ﴾
━━━━━━━━━━━━━━
🧠 أولًا: الخضار والنباتات
قال الله تعالى: ﴿أَوَلَمْ يَرَوْا أَنَّا نَسُوقُ الْمَاءَ إِلَى الْأَرْضِ الْجُرُزِ فَنُخْرِجُ بِهِ زَرْعًا تَأْكُلُ مِنْهُ أَنْعَامُهُمْ وَأَنفُسُهُمْ أَفَلَا يُبْصِرُونَ﴾
تفسير الآية:
“الأرض الجرز” أي الأرض اليابسة التي لا نبات فيها.
“فنخرج به زرعًا” أي ينبت الله الزروع والنباتات بالماء.
“تأكل منه أنعامهم وأنفسهم” أي أن هذا الزرع رزق للحيوان والإنسان معًا.
- وهذه من أوضح الآيات التي تدل على أن النباتات والخضروات رزق مباح للإنسان.
وقال تعالى: ﴿فَأَنبَتْنَا فِيهَا حَبًّا وَعِنَبًا وَقَضْبًا وَزَيْتُونًا وَنَخْلًا﴾
- والقَضْب عند كثير من المفسرين هو الخضروات والنباتات الرطبة التي يأكلها الناس.
بل ذكر الله:
البقل،
والقثاء،
والعدس،
والبصل، في القرآن الكريم، وكلها أطعمة مباحة معروفة.
━━━━━━━━━━━━━━
🧠 ثانيًا: الفراخ (الدجاج)
- ثبت في صحيح البخاري أن النبي ﷺ أكل الدجاج.
فعن أبي موسى رضي الله عنه قال: “رأيت النبي ﷺ يأكل لحم دجاج”.
فهذا دليل صريح واضح على إباحة أكل الفراخ، لأن النبي ﷺ لا يأكل حرامًا ولا يقر الناس على باطل.
- فكيف يأتي شخص ليقول إن ما أكله رسول الله ﷺ مضر أو ممنوع؟
━━━━━━━━━━━━━━
🧠 ثالثًا: البيض
- بيض الطيور المباحة — مثل الدجاج — حلال بإجماع العلماء. وذلك لأن:
الأصل في الأطعمة الإباحة،
ولأن البيض خارج من حيوان مأكول اللحم.
قال الله تعالى: ﴿وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ﴾
والبيض من الطيبات النافعة التي عرفها الناس منذ آلاف السنين.
━━━━━━━━━━━━━━
🧠 رابعًا: اللبن
- قال الله تعالى: ﴿وَإِنَّ لَكُمْ فِي الْأَنْعَامِ لَعِبْرَةً ۖ نُسْقِيكُمْ مِمَّا فِي بُطُونِهَا مِنْ بَيْنِ فَرْثٍ وَدَمٍ لَبَنًا خَالِصًا سَائِغًا لِلشَّارِبِينَ﴾
تفسير الآية:
“لبنًا خالصًا” أي نقيًا طاهرًا.
“سائغًا للشاربين” أي سهلًا طيبًا مستساغًا.
فالله سبحانه وصف اللبن بأنه:
خالص،
وسائغ،
ونعمة للناس.
وكان النبي ﷺ يشرب اللبن بل وقال أن فيه شفاء من كل داء، ولم يأتِ دليل واحد بتحريمه أو منع الناس منه.
━━━━━━━━━━━━━━
🧠 خامسًا: منع الإنسولين عن مريض السكر
- من أخطر ما يُقال للناس هو مطالبة مرضى السكر بإيقاف الإنسولين أو منعهم منه بدون تشخيص طبي صحيح.
علميًا: هناك مرضى — خصوصًا مرضى السكر من النوع الأول — يعتمدون على الإنسولين للبقاء أحياء وإيقاف الإنسولين عنهم قد يؤدي إلى:
ارتفاع خطير جدًا في السكر،
حموضة كيتونية،
جفاف شديد،
غيبوبة،
فشل في أعضاء الجسم،
وقد ينتهي الأمر بالوفاة.
- ولهذا فإن منع مريض يحتاج الإنسولين من علاجه بدون قرار طبي حقيقي يُعد قتل عمد للمريض.
أما شرعًا: فالله تعالى يقول: ﴿وَلَا تَقْتُلُوا أَنفُسَكُمْ﴾
وقال سبحانه: ﴿وَلَا تُلْقُوا بِأَيْدِيكُمْ إِلَى التَّهْلُكَةِ﴾
وقال النبي ﷺ: “لا ضرر ولا ضرار”.
- فالتسبب في هلاك الناس أو منع العلاج النافع عنهم بغير علم أمر خطير جدًا أمام الله.
🧠 طبعاً مش محتاج أرد واتكلم على موضوع السجاير.
━━━━━━━━━━━━━━
🧠 سادسًا: الرد العلمي والطبي
- البيض: مصدر ممتاز للبروتين والكولين وفيتامين B12، ويساعد في الشبع وبناء الجسم.
- الخضروات: من أهم مصادر الألياف والفيتامينات ومضادات الأكسدة، وترتبط صحيًا بتقليل أمراض القلب والسمنة وبعض أنواع السرطان.
- الفراخ: مصدر جيد للبروتين ويساعد في بناء العضلات والتغذية المتوازنة.
- اللبن: غني بالكالسيوم والبروتين والعناصر المهمة للعظام والجسم.
- نعم، قد توجد حالات خاصة:
حساسية،
أو عدم تحمل لبعض الأطعمة، لكن هذا لا يعني تحريم الطعام على كل البشر.
━━━━━━━━━━━━━━
🧠 الخلاصة:-
- زي ما بتقضي ساعات على النت في حاجات كتير ممكن ماتكونش مفيدة، حاول برضه ماتكسلش تدور بنفسك وتعرف الصح من الغلط.
- كل مجال ليه أهله ومصادره الموثوقة، وكل معلومة بقت متاحة قدامك، بس الفرق دايمًا في اللي بيدوّر ويفهم، مش اللي بياخد أي كلام وخلاص شخص معظم مريديه من الاخوان ومنصاتهم تروج له لبث الفرقه فى المجتمع ويتميزون بالسفاله والسب فى النقاش مثله وهذا منهج لجانهم النتاويه

26/05/2026

⛔️🚨 كارثة الـ ATM في مصر.. العطل مش تقني بس، إحنا بنواجه قنبلة بيولوجية!

​⚠️ البلد كلها مقلوبة عشان ماكينات الصراف الآلي عطلانة، والكل مستني اللحظة اللي تشتغل فيها عشان يجري يسحب كاش.

🔴 طوابير مرعبة بتتسابق على بؤرة تلوث متحركة، وفي توقيت هو الأسوأ صحياً!

​إحنا حالياً في فترة انتشار فيروسات وميكروبات شرسة جداً،

مفيش بيت في مصر تقريباً ملوش نصيب منها.. طوابير الـ ATM بالوضع ده هي "الموزع الرسمي" الجديد للعدوى!

​🦠 الخريطة البيولوجية لزراير الـ ATM (أنت مش بتسحب فلوس بس!)

​الدراسات الميكروبية على الأسطح دي بتطلع نتائج تخوف، الماكينة في الظروف الحالية بتتحول لبيئة خصبة لنقل 5 أنواع من أخطر الأمراض المنتشرة اليومين دول:

• ​🔴 الفيروسات التنفسية الشرسة (الموجة الحالية): الشخص اللي واقف في الطابور قبلك بيكح في إيده ويضغط على الأزرار، أو بيعطس ويمسك الماكينة.. الفيروسات دي بتعيش على الأسطح المعدنية والبلاستيكية لساعات، ومستنية ضغطة صباعك عشان تتنقل لجهازك التنفسي.

• ​🔴 النزلات المعوية الحادة (بكتيريا الـ E. coli و Salmonella): بتنتقل فوراً من ملامسة الأسطح الملوثة نتيجة عدم غسل الأيدي، وبتسبب موجات الإسهال والقيء الشديدة والمفاجئة اللي بنشوفها كتير في البيوت حالياً.

• ​🔴 عدوى العيون (الرمد الحبيبي والفيروسي): بمجرد ما تلمس عينك أو تفركها بعد ما تستخدم الماكينة، بتنقل فيروسات سريعة الانتشار بتسبب احمرار حاد وإفرازات مؤلمة في العين.

• ​🔴 البكتيريا العنقودية الجلدية (Staphylococcus): البكتيريا دي بتستغل أي جرح صغير أو تشقق في جلد صوابعك وإيدك، وتسبب التهابات خلوية ودمامل جلدية عنيدة وصعبة العلاج.

• ​🔴 الفطريات المقاومة (Tinea): بتنتقل من أطراف أصابع الأشخاص المصابين بالعدوى الفطرية وتستقر على الأزرار البلاستيكية، وممكن تتنقل لأظافرك وجلدك بسهولة.

​أنت مش بتسحب كاش.. أنت بتسحب "خلطة أمراض مؤجلة" ليك ولأولادك في بيتك لو مش واخد بالك.

​🛡️ بروتوكول الحماية المبتكر (5 تكنيكات طبية وسلوكية للطابور):

​بما إن الكاش ملوش بديل حالياً، والحلول التقليدية مبقتش عملية، دي الخطة الخماسية اللي لازم تطبقها فوراً لحماية نفسك وبيتك:

✅️ ​1. تكنيك اليد الميتة (Dead Hand Strategy):
خصص إيد واحدة بس (الإيد الشمال مثلاً) تكون هي "الإيد الملوثة" اللي هتعمل بيها كل حاجة: تدخل الكارت، تضغط على الزراير، وتستلم الفلوس. الإيد التانية (اليمين) تفضل نظيفة تماماً "معقمة"، وهي دي اللي بتفتح بيها محفظتك، أو تلمس بيها وشك ونظارتك. فصل المهام بين الإيدين بيمنع 90% من انتقال العدوى الذاتي.

✅️ ​2. خدعة كارت الفيزا نفسه (The Card Shield):
بدل ما تلمس الزراير بصوابعك، استخدم "حافة كارت الفيزا" نفسه أو أي كارت قديم في محفظتك واضغط بيه على الأزرار. الكارت مساحته صغيرة، وخامته البلاستيكية سهلة التطهير بمسحة كحول سريعة بعد ما تخلص، وبكده صوابعك ملمستش الماكينة نهائي.

✅️ ​3. فخ شاشة الموبايل (The Phone Trap):
أكبر غلطة بنقع فيها.. بتسحب الفلوس وتطهر إيدك بالكحول، بس في النص بتكون مسكت موبايلك عشان تشوف رسالة البنك أو كود السحب! الموبايل هنا بيتحول لـ "مخزن فيروسات" دائم. لو مضطر تمسك الموبايل وأنت بتسحب، يبقى شاشة الموبايل لازم تترش كحول 70% وتتمسح فوراً مع إيدك، وإلا كأنك معملتش حاجة.

✅️ ​4. الحجر الصحي للفلوس (Money Quarantine):
الفلوس اللي خارجة من الماكينة محملة ميكروبياً. متعدش الفلوس ورا الماكينة بإيدك وتبخ في صوابعك! خد الفلوس زي ما هي وحطها في "جيب منفصل تماماً" في المحفظة، واعتبرها في فترة حجر صحي لحد ما تروح البيت، واغسل إيدك فوراً بالماء والصابون لمدة 20 ثانية قبل ما تلمس أي حاجة تانية.

✅️ ​5. بروتوكول عتبة الباب (Home Boundary):
أول ما تدخل بيتك، محفظتك ومفاتيحك وموبايلك وساعتك يتقلعوا على باب الشقة ويترشوا كحول. بلاش تدخل لولادك وتلمسهم بهدومك وإيدك اللي لسه راجعة من زحمة الطوابير دي. اغسل وشك وإيدك بالصابون كويس جداً الأول،

وبعدها مارس حياتك الطبيعية وأنت مطمن إنك مدخلتش الفيروس لبيتك.
​الوعي في الأوقات دي مش رفاهية، ده خط الدفاع الأول عن بيتك وأولادك ضد الفيروسات اللي مش ملاحقين عليها.

حافظوا على نفسكم.
والتزموا بالبروتوكول ده حمايةً للي بتحبوهم.

​🚨 الدال على الخير كفاعله: الطوابير دلوقتي في الشارع بالآلاف، والناس مستعجلة ومش واخدة بالها.

17/05/2026

خديعة خبز الحبة الكاملة 🍞❌
وتخاريف منع الخضروات في أنظمة التغذية الترند
.​صحيح أن الدقيق الأبيض ضار ومزعج، لكن من أقنع الناس الطيبين أن رغيف الحبة الكاملة ملاك بجناحين، وأن منع الخضار وكثير من الفاكهة بحجة أن أليافها "سلك مواعين" يجرح مصرانيك؟! فنحن أمام أكبر مغالطة كيميائية وحيوية بل تخاريف وخزعبلات ..💢وخلونا نحتكم للعلم لتفسير هذا التناقض الصارخ؛ فألياف الخضار والفاكهة المطبوخة، مثل بكتين الجزر والكوسة والتفاح وألياف الورقيات وخاصة لو مطبوخة أو متبخره كالسوتيه مثلاً والتى هى ألياف قابلة للذوبان في الماء وتتحول داخل الأمعاء إلى مادة هلامية ناعمة وظيفتها حرفياً تبطين وحماية جدار القولون الملتهب ومساعدته على الالتئام، كما أنها الغذاء الشرعي الوحيد للبكتيريا النافعة لإنتاج حمض البيوتيرات الذي يمثل الوقود الحيوي لخلايا القولون، وبالتالي فإن منعها تماماً هو تجويع للقولون وقتل لخلاياه بالبطيء على مدار السنين..💥تقدر تبحث بنفسك عن بروتوكولات "مايو كلينك" المحدثةLow-Residue Diet، وستجد أن أول خطوة لعلاج تهيج القولون والتهابات الجهاز الهضمي النشطة هي تجنب الألياف غير القابلة للذوبان والمتمثلة في نخالة القمح أو الردة الخشنة اللى انت مقتنع أنها شفاء للناس، وذلك لأن جزيئاتها الحادة لا تذوب وتسبب تأثيراً ميكانيكياً أشبه بالخدش لجدار الأمعاء المتجرح أصلاً، مما يزيد من التقلصات والالتهاب بشكل عنيف. وده ثابت بدراسات رسمية وبالمنظار الطويل لآلاف المرضى، وليس كلاماً مرسلاً اتقال فى لايف مع شوية شتايم 💥 إن منع الخضار والفواكه غير انه مصيبه سوده صحيآ فهو يمنع تكوين طبقة الحماية وترميم الأمعاء اللى هو الهدف اللى عايز حضرتك تعالجه.. وفى نفس الوقت أشجع على الردة الخشنة التي تعمل داخل الأمعاء الملتهبة كأداة حادة للاحتكاك والتهيج...💥 كلامي لا يعني أبداً دعوة لتناول العيش الأبيض أو الفينو المليء بالدقيق المكرر والسكر، فالطب لا يعرف العشوائية والعيش الأبيض له أضراره المثبتة على السكر والوزن ومقاومة الإنسولين، ولكن الفكرة هنا هي هذا التناقض الصارخ وغير العلمي.💥 طيب لو المشكلة كانت في الجلوتين فخبز الحبة الكاملة غير خالٍ من الجلوتين، بل على العكس تماماً، نخالة القمح (الردة) تعتبر مخزناً للجلوتين المركز والـ Lectins، وهي بروتينات تزيد علمياً من نفاذية الأمعاء (Leaky Gut) وتستفز الجهاز المناعي، فكيف ندعي حماية الأمعاء ونحن نمنع بكتين الخضروات المرطب ونسمح بالردة الحادة والمشبعة بالجلوتين؟!💥💢​يا سادة، إن أمراض المناعة والقولون معقدة للغاية، والعلم والطب يفرقان بدقة بين أنواع الألياف والمكونات، 💢ولا يمكن تعميم نظام منع عشوائي لجميع مسببات التحسس عن كل البشر بناءً على خطاب عاطفي منقوص! 💥طبيعي جداا ومنطقي إن منع جميع مسببات التحسس يؤدى لتحسن وراحه! فمن يعانى من سلياك أو تحسس جلوتين يرتاح ودول ٦٥% من الشعب المصرى، وتحسس لاكتوز وكازين وزلال بيض.. الخ! كله هيرتاح ، لكن إلى متى؟ وبأى ثمن؟

24/04/2026

20/04/2026

• البسترة

Pasteurization

تُعد البسترة من أهم عمليات المعالجة الحرارية المستخدمة في الصناعات الغذائية، وقد سُمّيت نسبةً إلى العالم لويس باستير، الذي طوّر هذه التقنية في القرن التاسع عشر بهدف الحد من فساد الأغذية والقضاء على الكائنات الحية الدقيقة الممرِضة.
• التعريف العلمي الدقيق للبسترة
البسترة هي عملية معالجة حرارية يتم فيها تسخين الغذاء، خاصة السوائل، إلى درجة حرارة محددة ولمدة زمنية محسوبة بدقة، يعقبها تبريد سريع، وذلك بهدف:
تدمير الكائنات الحية الدقيقة الممرِضة
تقليل الكائنات المسببة للفساد
إطالة العمر التخزيني للمنتج
مع الحفاظ قدر الإمكان على:
القيمة الغذائية
الخصائص الحسية مثل الطعم واللون والقوام
وتُعد البسترة عملية فيزيائية بحتة لا تعتمد على أي إضافات كيميائية.
• الخلفية التاريخية
بدأ استخدام البسترة عندما لاحظ لويس باستير أن تسخين السوائل مثل النبيذ والحليب يمنع فسادها، حيث أثبت أن الكائنات الدقيقة هي السبب الرئيسي للتلف.
• الأساس الميكروبيولوجي للبسترة
تعتمد البسترة على اختلاف مقاومة الكائنات الدقيقة للحرارة، حيث تكون الميكروبات الممرِضة أكثر حساسية للحرارة مقارنة ببعض الكائنات الأخرى.
من أمثلة الميكروبات المستهدفة:
Salmonella
Listeria monocytogenes
Escherichia coli
Campylobacter
آلية التأثير الحراري تشمل:
تكسير البروتينات
تعطيل الإنزيمات الحيوية
إتلاف الغشاء الخلوي
توقف العمليات الحيوية داخل الخلية
• المفاهيم الحرارية المرتبطة بالبسترة
تشمل المفاهيم الأساسية المستخدمة في تصميم عمليات البسترة:
قيمة D: الزمن اللازم لخفض عدد الميكروبات بنسبة 90% عند درجة حرارة معينة
قيمة Z: مقدار التغير في درجة الحرارة اللازم لتغيير قيمة D
قيمة F: الزمن المكافئ اللازم لتحقيق مستوى معين من القتل الميكروبي
• خطوات عملية البسترة
التسخين: رفع درجة حرارة المنتج
مرحلة الثبات: الحفاظ على درجة الحرارة لفترة محددة
التبريد السريع: خفض درجة الحرارة بسرعة لمنع نمو الميكروبات
التعبئة: خاصة في الأنظمة المعقمة مثل UHT
• أنواع البسترة
• البسترة البطيئة (LTLT)
تتم عند 63 درجة مئوية لمدة 30 دقيقة، وتُستخدم في المعامل والإنتاج الصغير، وتمتاز بالحفاظ على الطعم ولكنها غير مناسبة للإنتاج الصناعي الكبير.
• البسترة السريعة (HTST)
تتم عند 72 درجة مئوية لمدة 15 ثانية، وهي الأكثر استخدامًا في الصناعة، حيث تحقق توازنًا جيدًا بين الجودة والسلامة.
• البسترة الفائقة (UHT)
تتم عند درجات حرارة تتراوح بين 135 و150 درجة مئوية لعدة ثوانٍ، وتؤدي إلى إطالة العمر التخزيني بشكل كبير، مع احتمال حدوث تغير طفيف في الطعم.
• لماذا لا تُعقم البسترة الغذاء
البسترة لا تقضي على الأبواغ البكتيرية، كما أنها تترك بعض الكائنات غير الضارة، لأن الهدف منها هو تحقيق السلامة مع الحفاظ على الجودة وليس التعقيم الكامل.
• تأثير البسترة على الغذاء
فقد بسيط في بعض الفيتامينات الحساسة للحرارة
عدم تأثر كبير بالبروتينات والدهون
الحفاظ على الطعم مع تغير طفيف في بعض الحالات
تعطيل الإنزيمات المسببة للفساد
• البسترة والكائنات المفيدة
بعض البكتيريا المفيدة قد تتحمل الحرارة جزئيًا، لذلك يتم أحيانًا إعادة إضافتها بعد البسترة فيما يُعرف بالمزارع البادئة.
• تطبيقات البسترة
الحليب ومنتجات الألبان
العصائر
البيض السائل
المشروبات النباتية
الصلصات
• مخاطر عدم البسترة
تناول منتجات غير مبسترة قد يؤدي إلى التسمم الغذائي والعدوى البكتيرية، خاصة لدى الأطفال والحوامل وكبار السن وضعاف المناعة.
• البسترة ونظام الهاسب
تُعد البسترة نقطة تحكم حرجة لأنها المرحلة الأساسية للقضاء على الميكروبات.
يتم التحكم فيها من خلال مراقبة درجة الحرارة والزمن وكفاءة التبريد، وأي خلل فيها قد يؤدي إلى خطر صحي مباشر.
• دور البسترة في تقليل الفاقد الغذائي
تساعد البسترة على إطالة مدة الصلاحية وتقليل التلف وبالتالي تقليل الفاقد وتحسين كفاءة الإنتاج.
• الأنظمة الصناعية للبسترة
تشمل:
المبادل الحراري ذو الألواح ويُستخدم بشكل واسع في صناعة الألبان
المبادل الحراري الأنبوبي ويُستخدم للمنتجات عالية اللزوجة
نظام الحقن البخاري المباشر ويُستخدم في أنظمة UHT
• تصميم خط البسترة
يتضمن مراحل متتالية تشمل استقبال الخام، الترشيح، التوحيد، التجانس، التسخين، البسترة، التبريد، التعبئة، ثم التخزين.
• البسترة والتحكم الآلي
تعتمد على استخدام حساسات لدرجة الحرارة، وصمامات تحكم، وأنظمة تسجيل بيانات لضمان دقة العملية، بالإضافة إلى أنظمة أمان تمنع خروج منتج غير مطابق.
• العوامل المؤثرة على كفاءة البسترة
تشمل نوع وعدد الميكروبات، درجة الحرارة، زمن المعالجة، تركيب الغذاء، ودرجة الحموضة.
• اختبارات التأكد من نجاح البسترة
يُستخدم اختبار الفوسفاتيز للتأكد من كفاءة بسترة اللبن، حيث يشير وجود نشاط إنزيمي إلى عدم كفاية المعالجة الحرارية.
• الاتجاهات الحديثة
تشمل استخدام تقنيات غير حرارية مثل الضغط العالي والمجالات الكهربائية، بالإضافة إلى تطبيقات النانو لتحسين جودة الحفظ.

د. أسامة محمد عبد المقصود استاذ مساعد الصناعات الغذائية جامعة مدينة السادات

04/04/2026

اتيكيت الاكل في الاسلام

آداب الطعام في الإسلام هي مجموعة من السنن النبوية والآداب الرفيعة التي تهدف إلى تعظيم نعمة الله، والحفاظ على الصحة، ونشر المودة. تشمل التسمية قبل الأكل، الأكل باليمين ومما يلي الشخص، الجلوس بتواضع، عدم عيب الطعام، غسل اليدين، والحمد بعد الانتهاء.

أبرز آداب الطعام في الإسلام:
قبل الطعام:
غسل اليدين.
التسمية: قول "بسم الله" في البداية، وإذا نسي يقول: "بسم الله أوله وآخره".
أثناء الطعام:
الأكل باليد اليمنى: وهو أمر واجب أو متأكد.
الأكل مما يلي الآكل: أي من جانب الطبق القريب منه.
عدم عيب الطعام: إذا أحبه أكله، وإن كرهه تركه دون ذم.
التواضع في الجلسة: وعدم الأكل متكئاً.
أكل اللقمة الساقطة: بعد تنظيفها.
عدم النفخ في الطعام الساخن: والانتظار حتى يبرد.
الاعتدال: تقسيم البطن (ثلث للطعام، وثلث للشراب، وثلث للنفس).
بعد الطعام:
حمد الله وشكره: قول "الحمد لله".
ل*ق الأصابع والطبق: قبل غسل اليدين.
غسل اليدين والفم.

من السنن والمكروهات:
المشاركة: الأكل مع الجماعة يبارك في الطعام.
النهي: تجنب الأكل والشرب في أواني الذهب والفضة.
القِران: تجنب أخذ أكثر من تمرة في آنية واحدة إلا بإذن الرفقة.

تُعد هذه الآداب من "الأدب النبوي" الذي يهذب النفس ويظهر التواضع

د . أسامة محمد عبد المقصود
استاذ مساعد الصناعات الغذائية جامعة مدينة السادات