Laila's Cake

08/09/2026

What makes you happy????

06/09/2026

كلامكم الحلو هو اللي بيهون كل تعب

05/09/2026

🎒🥭 عرض العودة للمدارس من Laila’s Cake 🎁
المدارس قربت… وقلنا نسهّل عليكم حكاية الفطار والحلو شوية ❤️
🥭 كيكة مانجا حجم صغير تكفي ٦ أفراد + كيكة عادية هدية
450 جنيه فقط 🎁
والكيكة الهدية تكفي 4 أفراد، والاختيار بين فانيليا أو ماربل 🤎
🍮 ومحبي مكس السعادة ليهم ٤عرض كمان ❤️
قدرة قادر تكفي ٨ افراد + كيكة عادية هدية تكفي 4 أفراد
340 جنيه فقط 🎁
والاختيار بين فانيليا أو ماربل.
📌 العرض متاح حتى 10 سبتمبر أو اكتمال العدد المحدد للطلبات.
الطلب قبلها بيومين، والحجز بأسبقية الحجز على الواتساب ❤️
🥭🍰 حلو للحلو… وكيكة للفطار واللانش بوكس.

04/09/2026

نيجي بقى للسؤال المهم… بكام قدرة قادر دي اللي دوشتنا بيها؟ 😂❤️
خلينا نتفق إن صعب تلاقي حاجة حلوة، مخدومة، وخاماتها نظيفة فعلًا… وبسعر مناسب في نفس الوقت.
بس أنا من الأول سميتها مكس السعادة 😍
عشان طعمها وتركيبتها المميزة، وحاولت أكمل السعادة لآخرها… حتى في السعر ❤️
فمع الالتزام بمكونات عالية الجودة وخامات نظيفة،
مكس السعادة تكفي ٨ أفراد بـ ٣٤٠ جنيه بس. 🥰
وبعمل أوفر كمان كل ما أسعار البيض بتقل،
لأني ببساطة بحب إن السعر يفضل مناسب ليكم قد ما أقدر ❤️
يعني باختصار…
مكس سعادة في الطعم… ومكس سعادة في السعر كمان 😍😂
يعني لو لسه مجربتوش… يمكن دي فرصتكم تدخلوا عالم مكس السعادة 😍😂
ولو جربتوها قبل كده، بصراحة هل
كانت فعلًا مكس سعادة ولا أنا متحيزة لوصفتها؟ 😂❤️

03/09/2026

المدارس قربت… واللانش بوكس بيسلّم عليكم 😂❤️
وحيرة يومية في الفطار السريع: «نعمل إيه بكرة؟!»
دي أسهل وأنجح طريقة للكيك اتعلمتها من ماما الله يرحمها ❤️
وحاولت أغيّر فيها كتير، لأني بحب أجرب وأجرّب وصفات جديدة… بس بصراحة مفيش حاجة حبتها وضبطت معايا زي طريقتها.
جربوها النهاردة، واعملوا فطار رايق للجمعة ❤️
وربنا يروق بالنا جميعًا.
الطريقة اسمها ١..٢..٣..٤ 👇
🍰 المقادير: ١ كوب زيت أو زبدة أو سمنة
١ كوب لبن
١ كوب زبادي صغير
١ كيس بيكنج بودر
١ كيس فانيليا
٢ كوب سكر
٣ أكواب دقيق
٤ بيضات
الطريقة: لو هتستخدمي زيت: نضرب البيض مع السكر والزبادي، وبعدها نضيف الزيت.
ولو هتستخدمي زبدة أو سمنة: نضرب السكر مع الزبدة أو السمنة والزبادي، وبعدها نضيف البيض والفانيليا.
نضيف الدقيق والبيكنج بودر، وعلى أقل سرعة بالمضرب نقلب، ثم نضيف اللبن بالتدريج.
ندخلها صينية مقاس ٢٦ لو عايزينها عالية، أو ٢٨ لو مش عايزينها مرتفعة قوي.
والفرن طبعًا يكون سخن قبلها، على درجة حرارة ١٨٠°، ونصبر عليها 😄
منفتحش الفرن قبل ٤٠ دقيقة على الأقل.
🍫 ولو عايزينها ماربل: نشيل حوالي ثلث الخليط، ونقلب فيه معلقة كاكاو هرمي مذابة في شوية لبن دافئ، ونبدأ ننزل جزء من خليط الفانيليا وجزء من خليط الكاكاو بالتبادل.
ملحوظات مهمة ❤️
• ساووا سطح الصينية كويس، وممكن تخبطوها خَبطة خفيفة على الرخامة.
• ياريت بلاش زبدة أو سمن صناعي… الطبيعي أحلى وأفيد والله. ❤️
صحيح الطبيعي تكلفته أكتر، بس الطعم فعلًا بيفرق.
• ولو هتستخدموا زيت، زيت عباد الشمس ممتاز، والكيكة بتطلع هشة جدًا.
ولو الفرن عندكم من غير مروحة، على فكرة أنا اتعلمت من ماما طريقة جميلة:
تحطوا صينية فيها مية تحت صاج الفرن، وده بيساعد على توزيع الحرارة.
جربوها وقولولي النتيجة ❤️
ولو ظروفكم مش سامحة تعملوها… مستنياكم في Laila’s Cake، نعملكم أحلى كيك 😉🎂

03/09/2026

الدمااااااغ اللي بتعملها قدرة قادر😘😘😀🤩

02/09/2026

01/09/2026

ولسه مكملين بنفس الجودة ان شاءالله

مناسبة عائلية و عملت فيه تورتة مانجا اللي على اليمين و كان في تورتة تاني من مكان مشهور على الشمال ...مش هتكلم عن الحجم لان المفروض انا عاملة الوسط اللي ب اقول انها بتكفي ثمانية و اللي جربها عارف طبعا الحجم ايه🙂 المقاس المقابل على صفحة المكان المشهور بيقول انها بتكفي ٨ برضه مش عارفة ازاي بيدوقوا بس تقريبا😀المهم فرق رهيب في طعم الكريمة المستخدمة الي بيقولوا برضه انها لباني بالمناسبة في نوع كريم شانتيه بيتقال عليه لباني...مفيش فرق بين الكريمة و الكيك تحس ان كله داخل في بعضه ..طعم المانجا مزز جدا مع ان المانجا لسه زي العسل

دعواتكم بقى ابقى laila sucre😀وافتح محل

01/09/2026

متاح بكرة ان شاءالله تسليم سلايز قدرة قادرة ..قطعة مثلثة تكفي فرد ب ٤٥
الطلب واتساب
012 23608779

30/08/2026

بكون سعيدة جدًا إني أكون جزء من لحظات فرحتكم ❤️
لكن بكون أسعد بكتير لما أعرف إن اللي عملته فرّحكم فعلًا 🤍
التورتة دي كانت لحنة عروسة، ومن التصاميم الجديدة اللي جربتها في Laila’s Cake 👰🏻‍♀️✨

ربنا يتمم لكل عروسة فرحتها على خير ويفرح قلوبكم دايمًا

بفكركم تاني مش كل Customized cake لازم تكون غالية 🤍لان كل كيك عندنا معمولة عشانكم مخصوص