Fati Flower Catering

06/09/2026

⭕ده د. هشام عاشور .. مصري .. مدير مستشفى ايسارليون في ألمانيا ، وطبيب سرطانات النساء العبقري اللي لما تجيب اسمه قصاد الخبراء يقولولك ده مجدي يعقوب بتاع النسا..

الراجل ده مستفز جدا يا جماعة ...

من كتر الاخلاق و الادب اللي هو فيه.. كل ما يسلم على حد مهما كان ... يقوم يقف ... وينحني ... ايووووه .... ينحني زي اليابانيين كدة قصاد اللي بيسلم عليه ... و عينه في الارض من الادب ...

الراجل الجميل اللطيف ده خرج من مصر بعد ما رئيسة... قال له نصا وحرفيا "انا مش هشغلك حتى خدام عندي"
😂😂😂😂😂😂



كالعادة.. دكتور هشام عاشور لم الهدمتين اللي حيلته وهوووب طلع راح ألمانيا ومفيش في جيبه غير 4 الاف جنيه .. ☺☺☺

طلع بقى السلم من أوله... وألمانيا بقت تحلف بحياته...

عينته مدير مستشفى إيسارليون، وهي بالمناسبة مستشفى "حكومي"

المانيا اديته الجنسية الالمانية في مقابل تنازله عن المصرية... رفع قضية على المانيا 😂😂😂
اه وربنا رفع قضية عشان يحتفظ بجنسيته المصرية


بيحكيلي د. هشام عن قانون في ألمانيا يمنع إعطاء الهدايا للأطباء، وازاي ان عائلة أمير سعودي جت تعمل عملية ، وازاي ان الأمير وهو ماشي أهدى الكل بما فيهم طقم التمريض ساعات رولكس، 😂😂😂😂

ياخدوها؟؟ يلبسوها؟؟؟ 😂😂😂

راح الكل مسلمينها للإدارة اللي "باعتها" ودفعت ضرايبها، وبالباقي طوروا المستشفى وجابوا أجهزة كانوا محتاجينها.. 😂😂😂

بيحكيلي د. هشام كمان ازاي انه سفير لمصر بالمعنى الحقيقي للكلمة ، وازاي ان أول حاجة بيقولها لأي حد بيشتغل معاه ، أي حد هيجيب سيرة مصر بحاجة وحشة مايشتغلش معايا، وازاي انه أحياناً يضحك ع الألمان لو شاف ورقة واقعة ف مكان ويقول لهم : يااااه لو انتوا ف مصر .. حد يستجري يرمي ورقة زي دي ف مستشفى ؟؟ دي كانت تبقى مصيبة 😂😂😂😂 ارجوك كفاية ...

د.هشام عاشور جه مصر متبرعاً بالكامل بالكشف على حالات حرجة

دكتور هشام بعد ما قعد سنين ما ينزلش مصر.. اخر مرة وهو واقف معايا عند الرفاعي بتاع الكباب في السيدة.. عينه دمعت.. وقالي: يا اخي والله ما عاوز ارجع ألمانيا...

طبعا انا شبه ركبته العربية بالعافية وتقريبا طردته 😂😂😂 حيضيع مستقبله الراجل في لحظة كباب وكفتة...

دكتور هشام بقى ينزل مرة كل تلات شهور يكشف ويعمل عمليات للمرضي المحتاجين مجانا ..
دكتور هشام حس ان مصر بتنده عليه.. ساب اللي وراه واللي قدامه وجه على ملا وشه...

دكتور هشام لقى مرة اتصال جايله من المستشفى .. احنا عارفين انك كنت يوم واحد يا دكتور ، بس فيه واحدة ست كبيرة قاعدة ع الباب وبتقول مش همشي الا لما يكشف عليا الدكتور هشام، فنزل وراحلها وكشف عليها وادالها فلوس العلاج
فعلا مصر فيها حاجات حلوة كتيرة بعيدا عن السفهاء اللي فاكرين نفسهم مصر ❤

ودة نموذج نتشرف ونفتخر بية كلنا دة هو نمبروان الحقيقي ❤❤

31/08/2026

صفوا النيه

31/08/2026

الله يرحمه ويحسن اليه

رحم الله الفنان الكبير محمد التاجي، فقدنا فنانًا عظيمًا وإنسانًا راقيًا، ترك بصمة لا تُنسى في تاريخ الفن المصري
خالص عزائي لأسرته وكل محبيه، أسأل الله أن يتغمده بواسع رحمته ويسكنه فسيح جناته، ويلهم أهله وذويه الصبر والسلوان

31/08/2026

🔴 الصعيدى الأصيل الذى أبهر الألمان

-المهندس ابراهيم سمك من الاقصر تخرج من هندسة اسيوط

سافر شتوتجارت وطبعا عمل دكتوراه هناك
أول عمارة في شتوتجارت وأطول عمارة عملها بالطاقة الشمسية

إخترع لمبة شارع بتشتغل بالطاقة الشمسية لمدة ٥ أيام متواصلة بدون شحن ودي أطول مدة ممكن تغيب فيها الشمس هناك

-الابتكار بتاعه دلوقتي موجود في ٢٥٠ بلدية هناك

قالوا له عاوزين نشغل محطة قطارات برلين اللي هي أكبر محطة قطارات في أوروبا بالطاقة الشمسية قال لهم من عينيا

بس كده ٠٠٠

ده عمل وحدة الطاقة الشمسية بتاعة البرلمان والمستشارية الالمانية -تخيلوا بقي إن الست ميركل وهي قاعدة في مكتبها النور اللي بتشتغل فيه من الدكتور ابراهيم سمك أبن الاقصر
شركة مرسيدس عملت مصنع كبير اسمه مصنع الالفية فشتوتجارت بيشتغل بالطاقة الشمسية واللي عمله برده هو ابن الاقصر
قالوا له انت كنز ياريت تاخد الجنسية الالماني
وتسيبك بقي من المصري -قال لهم لا انا مصري وعمري ماهتنازل عن جنسية بلدي
انتخبوه رئيس مجلس ادارة الاتحاد الاوروبي للطاقة المتجددة ٨ سنوات متتالية

حصل على اعظم وسام في المانيا واستلمه من المستشار الالماني .شرودر بنفسه -هو عضو في المجلس الاستشاري العلمي للرئيس ..

كان وراء فكرة بيع الطاقة الشمسية من البيوت للحكومة
كان بيحلم ينقل تكنولوجيا الواح الطاقة الشمسية لمصر وبالفعل بيشتغل علي المشروع وقريب جدا جدا هتلاقوا مصنع
كبير قوي في مصر بتكنولوجيا لألواح الطاقة الشمسية
-بتوفر ٥٠ في المائة من التكلفة ومش موجودة في العالم غير في مصر.

هو عايز يصنع الواح الطاقه الشمسيه ويعطيها للناس والفائض من كهرباء الألواح الناس تبيعها للدوله، فكرة جيدة ، تحية تقدير لنوابغ مصر نموذج مشرف ونفتخر بية هو دة نمبر وان الحقيقي 🤍🤍🤍❤️🤍💙

29/08/2026

عن مارك.. الطالب المصري اللي رجع النظر للمكفوفين:

مارك.. ربنا ما أردش ربنا إنه يعيش بالبصر.. اترفض في كذا جامعة لأنه فاقد للبصر.. أخته هي كمان كفيفة.. واتعرضت لتنمر وسخرية من بعض زمايلها.. فقرر يعمل المعجزة اللي تعيد البصر له ولأخته ولكل المكفوفين حول العالم.

مارك.. ابتكر تطبيق بصري.. بيتوصل بالنظارة.. والنظارة تكون متصلة بالتليفون.. التطبيق ده بيتكلم مع فاقد البصر وبيحكي له كل حاجة حوليه.. انت قدامك كرسي.. انت قدامك عربية.. انت كدة ماشي في شارع مواصفاته واحد اتنين تلاتة.. انت قدامك أكل نوعه كذا.. انت قدامك كتاب اسمه كذا والمكتوب في الكتاب كذا كذا كذا.. انت قدامك فاكهة نوعها كذا في طبق شكله كذا.

انت كشخص كفيف بتسأل وهو بيرد عليك.. انت كأن معاك حد قاعد مكان وماشي معاك وعايش معاك كل تفاصيل حياتك.. مش عايز غير تكون لابس نظارة ومعاك تليفون حديث ومنزل التطبيق على الموبايل.

انت حرفيا بقيت بتشوف.. بقى عندك عين بتشوف وتشرح وتقولك دي إيه ودي إيه.. ومواصفات كل حاجة إيه.. ولأنك مارك مصري جدع وابن أسرة مصرية قبطية أصيلة.. قرر يسمع وينفذ نصيحة والدته إن أي مواطن مصري ميدفعش مليم في شراء التطبيق ولا يدفع الاشتراك الشهري بتاعه اللي هو ألف جنيه كل شهر.. إنما الشخص غير المصري يدفع.. ولو مش قادر ميدفعش.

مارك.. لما وصلته رسايل من مصريين إنهم مش معاهم أصلا تليفونات لا حديثة ولا قديمة.. وعايزين يشوف لهم حل علشان يبقى عندهم قدرة إنهم يستفيدوا من الاختراع العظيم ده.. قرر يشتغل إنه يعمل تطبيق خاص بالناس البسيطة الكفيفة اللي لا عندها تليفون ولا تعرف تشغل تليفون.. فيه عظمة أكتر من كدة!.

مارك.. بقى حديث العالم ويستحق يكون حديث العالم.. ولما أستاذة منى الشاذلي استضافته في حلقة امبارح ومعاه أسرته.. جربت النضارة على الهواء في البرنامج والتطبيق شرح كل كبيرة وصغيرة في الاستديو يعني كأن اللي لابسها شايف كل حاجة.. وبأكثر من ١٢ لغة في مقدمتها اللغة العربية.. تشوف وتسمع بلغة بلدك.

كفاية تريندات هابطة وموضوعات شاذة وحوادث بشعـ ة.. شوفوا مارك وطلعوا مارك على مسرح التكريم.. اعملوا منه ترند.. عرفوا الناس بقيمته وقيمة اختراعه وهو لسه طالب جامعي بيبدأ حياته.. سيبكم من اللي قتـ ل وسـ رق وعاق أبوه وأمه وعـ ذب ولاده وحـ رق وكان أعمى البصر والبصيرة.. شوفوا اللي فقد بصره لكن مفقدش البصيرة ورجع البصر لكل اللي كان نفسه يشوف.. شوفوا اللي العالم كله مدين له بعودة النظر لمن فقدوا النظر من جنسيات ١٤٠ دولة ويوم ما باع للعالم كله اختراعه عمل اختراعه لأهل بلده مجانا.

🛑 نداء للسيد وزير التعليم والمسئولين بوزارة التعليم: رجاء شوفوا اختراع مارك ازاي يستفيد منه طلبة مدارس المكفوفين وكل طالب كفيف في مصر.. طالما توافرت الوسيلة نوفرها لأولادنا.. ولادنا من المكفوفين ممكن جدا يستفيدوا بالميزة دي.. أرجوكم فرحوهم بنعمة هذا الاختراع العظيم.

كم أنت عظيم ومبهج وإنسان بأتم معنى الكلمة يا مارك ❤️

#شير من فضلك ورجع الأمل لكل اللي كان حلمه يشوف 🙏