04/05/2019
كل عام و أنتم دايما بخير و يا رب رمضان السنة ديه يكون كله خير عليكم جميعا ... احنا على مدار الكام السنة إلى فاتوا و تحديدا من ٢٠١١ لما كان اول مرة نقف فى الشارع بفكرة جديدة حاولنا اننا نكون مختلفين و نقدم حاجة مختلفة و لما غيرنا فى ٢٠١٦ و عملنا فكرة كنا بنحاول نخلق جو جميل و اكل احلى للناس اكل بسيط بأفكار مش موجودة و خلطات و تحويجات مختلفة بس للاسف السنة ديه لظروف خارجة عننا و السفر مفيش
احنا ممكن نكون اكتر ناس متضايقين علشان ربنا يعلم احنا بنتعب بحب فيها ازاى و كم الحب إلى بنحاول نوصله للناس حصالات الخير للأطفال و الهدايا للناس الجميلة و حاجات تانية كتير احنا تعبنا اوى و الله علشان نعمل اسم مش بطال الحمدلله ، احنا زعلانين اننا مش هنقدر نكون جنب ناس كانت بتستنى من السنة للسنة و حبايبنا إلى كانوا بيساعدونا و كانوا ضهر و سند ، احنا زعلانين اننا مفيش اللمة الحلوة و تجميعة الناس الجميلة و الناس إلى مكنتش بتشوف بعض طول السنة و كانوا بيتجمعوا عندنا السحور المجمع بتاع Cairo Scooters Clubو مجموعات تانية كتير للاسف قافلين ال mention و حزين ان ديه كانت هتبقى تانى سنة بأسم #سحس اخويا الله يرحمه و الله انا كنت محضر خلطات بأسمه جديدة و أنواع طعمية و صوصات من الاخر مش هتلاقوها عند حد تانى ، الحمدلله تانى و ربنا يخلف علينا بالخير و نرجع تانى احسن
يا ريت الناس إلى شرفتنا و انبسطتت من اكلنا و عندها صور على العربية تبعتها أو تنزلها عندنا علشان نعمل بيها بوستات حلوة للذكريات :)
