15/09/2026
بقالى اكتر من ١٢ سنه بعمل بسبوسه ومن خلال السنين دى اكتشفت كل اسباب نجاحها وفشلها فتعالى بقى ادردش معاكى شويه 🤏
🤝 التزامك طبعا بالمقادير مهم سواء بالكوب او الميزان ولااااكن الميزان هينجحها بنسبه ١٠٠ ٪
🤝 نعجن البسبوسه بالمايه افضل من اللبن (الحليب) او الزبادى وبنعوض بحليب بودر بيوديها فى حته تاسعه
🤝 السكر اللى بيدوب مع المايه لازم يدوب كليا عشان ميحجرش جوه الفرن ويخلى البسبوسه تنشف معاكى
🤝 عسل الجلوكوز مهم جداً جداً جداً فى البسبوسه وبيظبط سكرها جدا ومش بديله عسل نحل ولا شربات تقيل 🤷♀️
🤝 السمنه لو بلدى مقولكيش بقى ع جمال البسبوسه حتى لو هتخلطى معاها زيت عشان تبقى اقتصاديه اكتر
🤝 البسبوسه بتستوى ع نار عاليه مش هاديه ولا متوسطه
🤝 البسبوسه تدخل اول رف بعد ارضيه الفرن مش الرف الاوسط
🤝 البسبوسه متغبش فى الفرن عشان هتنشف
🤝 لو مخدتش لون بعد ٤٠ دقيقه شغلى الشوايه
🤝 شربات البسبوسه خفيف ساخن والبسبوسه ساخنه
🤝 البسبوسه مش بتاخد بيكنج بودر خالص
🤝 وكلنا عارفين ان البسبوسه مش بتتعجن
🤝 مقاديرى بقى 😂 هتبسطك اووووووى اووى اووى
📌 واخيرا الوصفه كامله اول كومنت مثبت
