Super Chef - سوبر شيف

15/06/2024

14/06/2024

اهل طنطا ليكم عندي مفاجاه من المريخ

حصل حاجه مشفتهاش من ايام الملك فاروق 😂😂

🌎🌎(( الهديه))🌎🌎 اي حد حيطلب اوردر لغايه اول يوم العيد ليه وافل نوتيلا هديه بي ٧٠ جنيه بمناسبه الافتتاح ( كلمه السر تقولها للكاشير قوله مؤمن عزام ) حتاخد اكتر وافل وهمي في حياتك

الرقم للاستفسار ٠١٠٠٠٩١٤٠٧٩

كنت بتمش في الاستاد بعد شارع ٣٠٦ لقيت كارافن في عائلات وشكله محترم كده روحت قاعد فيه طلبت قهوه عملي قهوه عالميه شويه وجابلي وافل نوتيلا ببص في المنيو لقيته بي ٧٠ جنيه وقالي دا فري

الشاب دا اسمه احمد وفعلا مجتهد ومطحون في الشغل ومؤهل عالي وبتسحق التجربه اسمه شوجر دادي .... حد جرب المكان دا قبل كده ؟؟

{{ العنوان الاستاد بعظ شارع ٣٠٦ اسم الكرافان sugar daddy بعد كرفان ضبش }}}

14/06/2024

خبر محزن .. بالنسبالي و بالنسبه لبعضكم بعد عشره ٧ سنين

معلش دا اخر طلب حطلبه منكم نقرا البوست بس

انا حافظكم اسم اسم اكتر الناس اللي بتعلق وكانت بتدعمني كنت بكتب البوست واستني كومنتاتهم من ايام ما كانت البيدج دي ٥ اعضاء ....
الحمد لله ساعدنا ستات بيوت كتبر تفتح مشاريع من البيت كنا سبب من الاسباب بعد رينا سبحانه وتعالي لتعليم فن الطهي من البيت واحسن من المطاعم بس للاسف انا مبقتش متفرغ للبيدج وقررت ابيعها وهيا تنفع 👇👇
{{لبيع ملابس _اكسسوارات حريمي اي حاجه موجهه للاناث او بيدج عامه }

{{وممكن تتفعل ارباح}} لو نشرت معلومات مفيده حتلاقي الدعم

لان اغلبها ٨٠ % ستات وبنات بيوت محترمه

وحنزلكم في الاسكرينات اللي فيها متوسط اعمار البيدج والجنس والبلد واللي عايز يشتريها يتواصل معايا علي

الواتس 1000914079

السعر《٢٥٠٠》

07/06/2024

ورق عنب بالكوارع
..عشق لا يفهمه الفرافير 😂😂

06/06/2024

اكتر حاجه بنتطلب مني في البيدج وفي الرسايل بمناسبه العيد وقولولي محتاجين تعرفوا ايه تاني عن اللحوم ؟؟؟

{■{■{ }■}■} من Super Chef - سوبر شيف

حتعرفي كل اسرارها اللي من رابع المستحيلات انها تطلع للعميل .. وحخليكي تعمليها احسن من احسن مطعم كلتي فيه في حياتك 😉😉



النهارده يا جماعه حنتكلم عن كفته الحاتي وازاي متفكش منك وهيا في السيخ وحعلمك طريقه عملها ومكوناتها زي ما بتاكليها بره بالظبط وحقولك كمان سر من اسرار المطاعم 😉😉


750جرام لحم مفروم
250 جرام دهن مفروم
عدد 2 بصله مبشوره ونحطلها سنه ملح ونقلبها ونحطها علي المصفاه ونصفيها .. الملح حيخليها تنزل الميه اللي فيها والميه اللي حتنزل منه مسيبها علي جنب حنحتاجها
قرن فلفل حامي مفروم
رشه فلفل
رشه ملح
وسر المهنه معلقه سكر صغيره 😉

وربع معلقه بيكنج صودا ( كربوناته )

نحط البصل وباقي مكوناتنا دي كلها علي بعض ونقلب كويس جداا لحد ما الخليط يتجانس وندخلها التلاجه علي الاقل ساعه تشمع وتمسك في بعض عشان نعرف نصبعها
ونطلعها من التلاجه نحطها في الاسياخ ونبل ايدينا بميه البصل واحنا بنصبعها عشان متلزقش في ايدك وتتبهدل علي السيخ واهم حاجه وهيا علي الفحم تقلبيها باستمرار عشان (متفكش برده)

وعموما في المطاعم عشان تمسك في بعض ومتكشش منه والدهون اللي فيها تفضل موجوده وميزانها ميقلش علي النار ومتنشفش منه مهما سابها في الهوا بيحطلها حاجه كده في الدبيحه اسمها تقليب البطن عامله زي الكاوتش وبلاش افسر اكتر من كده عشان محدش يقرف 😂😂😂

الكفته بالطريقه دي باذن الله عمرها ما حتفك ولا حتكش منك ولو حاسه انها سايبه منك حطي معلقتين بقسماط ناعم

ولو في اي سؤال انا حتابع معاكو في الكومنتات باذن الله

ومتنساش تنضم لاكبر اسره في مصر اسره (سوبر شيف ) ❤

05/06/2024

انا موت من الضحك .. افتحوا الصوره 😂😂😂

05/06/2024

بعيدا عن تخصص البيدج .. بس اهو نستفاد من بعض

ما هي العبارة التي تواسي بها نفسك عندما تضيق بك الحياة ؟؟؟

29/05/2024

الاكيله بس اللي حيعرفوا دي بتاعه ايه وايه فايدتها ؟؟