31/08/2026
يمكن أصعب حاجة في أي بداية… هي لحظة النهاية. 🤍
النهارده بنكتب الكلام ده وإحنا مش عارفين نوصف إحساسنا بالظبط…
توما مش مجرد كافيه.
توما كان مكان عشنا فيه تفاصيل كتير، قابلنا فيه ناس كتير، ضحكنا فيه، تعبنا فيه، وفرحنا بنجاحات صغيرة يمكن بالنسبة لغيرنا كانت عادية… لكنها بالنسبة لنا كانت كبيرة جدًا.
كل ترابيزة كان عليها حكاية،
كل ركن له ذكرى،
وكل وش كنا بنشوفه داخل من الباب كان جزء من الحكاية.
شكرًا لكل حد اختار يقضي وقته معانا.
شكرًا لكل صاحب بقى عميل، ولكل عميل بقى صاحب.
شكرًا لكل حد شجعنا، ولكل حد قال لنا كلمة حلوة، ولكل حد كان موجود حتى في الأيام الصعبة.
يمكن المكان هيقفل أبوابه…
لكن الذكريات اللي اتعملت جواه مش هتقفل.
بكل حب وامتنان، بنقول لتوما: شكرًا على كل حاجة. 🤍
ولأن لكل حكاية نهاية، قررنا إن رحلتنا مع توما تنتهي هنا، ولذلك الكافيه أصبح معروضًا للبيع/للتنازل، بكل تجهيزاته ومحتوياته.
ولو حد كان نفسه يبدأ حكايته الخاصة، يمكن تكون بداية حكايته من نفس المكان اللي شهد بداية حكايتنا.
وداعًا توما… وشكرًا لكل شخص كان جزءًا من الحكاية. 🤍
للتواصل: برايفت علي بيدج المكان
