I.basha

I.basha Contact information, map and directions, contact form, opening hours, services, ratings, photos, videos and announcements from I.basha, مدينة نصر/حديقة الطفل/مكرم عبيد, new cairo.
(470)

ا.باشا حلب - القلعة هو زيارة الى البيت الحلبي العريق وحكاية تروي قصة الأصالة والتراث. ا. باشا ( ابراهيم باشا ) هو اسم عائلتي التي منحتني سوريتي التي أحب وأعشق والتي عاهدت نفسي لأجلها بأن أكون وفياً مخلصاً !!! عماد ابراهيم باشا

اليوم عندي فرحة وعيد والسبب: طرفي الإصطناعي الجديد !؟إيه نعم .. طرف كل سبع سنين بدو تجديد !؟ طرف من بلاستيك وحديد .. طرف...
08/12/2025

اليوم عندي فرحة وعيد والسبب: طرفي الإصطناعي الجديد !؟

إيه نعم .. طرف كل سبع سنين بدو تجديد !؟ طرف من بلاستيك وحديد .. طرف ممكن يطلع منو ساق وقدم أو ساعد وإيد !؟

بقول المثل: " مشوار الألف ميل يبدأ بخطوة " !؟
ليحفز الناس تمشي بمشوار النجاح بعد كل فشل .. مشوار النهوض بعد كل سقوط .. مشوار الحرية بعد كل تقييد .. لكن اللي ما قاله المثل بالتحديد:
أنو أول خطوة ب " مشوار الألف ميل " ممكن تبدأ بطرف اصطناعي قاسي وشديد .. طرف متل طرفي العنيد .. طرف متل ساقي وقدمي الحديد .. طرفي: ( طرف الألف ميل الجديد ) ..

السنة وباليوم العالمي للأشخاص ذوي الإعاقة، كان عندي نية اتصور وأنزل صورتي من على مسرح فني وكبير حتى أقول: أنو الفن والموهبة بالحياة مو بس عزف، غناء أو تغريد .. الفن والموهبة الحقيقة أنك تصنع حياة ممكن تفيد .. أنك تصنع من الفقدان والخذلان عطاء ووجدان .. أنك تصنع من الوجع والألم دوا وأمل .. أنك تصنع من المحنة منحة ومن الضيق فسحة ..

الختام عندي متل دايماً: حب وسلام .. رضا وايمان ..
سعيد جداً بحالي المغلوبة بالألم وراضي بقصتي المكتوبة بالقلم لأنو دايماً ربنا هو العاطي وهو الكرم !؟ عطاء أكبر من الحرمان ..

سبحانك ربي ما أجملك .. ما أروعك .. ما أعظمك
لا إله إلا أنت سبحانك .. إنا كنا من الظالمين ..

في اليوم العالمي للأشخاص ذوي الإعاقة:
( من تجربتي في الحياة بين الإعاقة وأصحاب الهمم .. )

عماد ابراهيم باشا ..
الأربعاء ٣ / ١٢ / ٢٠٢٥

الحمدُ لله ربِ العالمين الذي بنعمهِ تتمُ الصالحات ..تم اليوم استدعائي من قبل مسؤول الإدارة السياسية في حلب. لقاء دام أقل...
20/11/2025

الحمدُ لله ربِ العالمين الذي بنعمهِ تتمُ الصالحات ..

تم اليوم استدعائي من قبل مسؤول الإدارة السياسية في حلب. لقاء دام أقل من عشرة دقائق. لقاء سيئ بكل المعايير الرسمية. اتحفظ على ذكر تفاصيل ما حصل داخل مكتب الإدارة، مبنى الحزب سابقاً، بحضور فريقهم تعقيباً على منشوري الأخير:

https://www.facebook.com/share/p/1BYA2oUBdg/
في حال تم اعتقالي أو توقيفي، لا تقلقوا .. سأكون في أيادٍ أمينة داخل أحد سجون مدينتي " حلب " ست الكل ..

عماد ابراهيم باشا
الخميس ٢٠ / ١١ / ٢٠٢٥

..حفلات فنية في i. باشا - القلعة وبإسم " حلب " !؟حفلات للغناء والسرور، رقص، غنج وشوية حبور !؟ ايه والله، وبإسم حلب ست ال...
18/11/2025

..
حفلات فنية في i. باشا - القلعة وبإسم " حلب " !؟

حفلات للغناء والسرور، رقص، غنج وشوية حبور !؟ ايه والله، وبإسم حلب ست الكل كمان، دعوات لعمل الخير: سهر وطرب، مأكولات حلبية، وصناعات تراثية !؟

المكان: مطعمي المُغتصب، أنا المدعو " عماد ابراهيم باشا " !؟ مكان عليه دعاوى قضائية قيد التحقيق في المحاكم السورية، مكان يحوي مُمتلكاتي ومآكولاتي، موادي ومستودعاتي، مكان يحوي شقى عمري صار منصة لعمل الخير !؟ يا ترى " الأجر " أمام الله بروح لوين !؟

كل الشكر لكل الجهات اللي شاركت بهذا العمل الكريم والجبار بإسم حلب .. بإسم الوطن .. بإسم الإنسان ..

على الهامش: وأنا عبكتب المنشور بد.م بارد في الشارع، مرق شب شايل كلب صغير أبيض نوع " كانيش " طلعت بوجهه للكلب وضحكت !؟ لأول مرة بحياتي من أربعين سنة قلت: " يا رب ليش ما خلقتني كلب " !؟

عماد ابراهيم باشا
الثلاثاء ١٨ / ١١ / ٢٠٢٥

..مُفارقة ..الخميس٢٣- ١٠- ٢٠٢٥ كنت بزيارة قانونية ل i. باشا القلعة دامت لساعات. تجولت في أرجاء المنشأة بالكامل !؟ زيارة ...
13/11/2025

..
مُفارقة ..

الخميس٢٣- ١٠- ٢٠٢٥ كنت بزيارة قانونية ل i. باشا القلعة دامت لساعات. تجولت في أرجاء المنشأة بالكامل !؟ زيارة موجعة للغاية !؟

ولا شي كان بمكانه !؟ كل شي كان ينطق صار حجر صامت !؟ أكتر شي موجع كان الزريعة والشجر !؟ ما كان يعرف مين مالك المكان !؟ لكن كان يعرف الموعد بيني وبينه ٧ ونص الصبح سقاية وهندام، وبالليل مع " عبدو " ينقله لتحت الظل حتى ينام ..

خلصت الجولة بالمنشأة ودخلت على مكتبي. كانت صدمة حقيقية !؟ صورة أمي مو بمكانها !؟ كل ما يدل على هويتي واسمي ( i. باشا - ابراهيم باشا ) في المنشأة والمطعم تم نسفه، إزالته، أو طمسه بإسم جديد !؟ كل شي تقبلته وأقسمت يرجع !؟ إلا صورة أمي !؟

ختام الزيارة صارت المفارقة:

قانونياً، يحق لي طلب أي غرض شخصي بشرط موافقة الطرف الآخر. كرامتي ما طاوعتني اطلب !؟ علماً أغراضي الشخصية كلها بالمنشأة !؟ أنا مقيم بالمنشأة على مدار ٢٤ ساعة من سنة فاتت !؟ وما ضل عندي غير ( شنطة السفر ) اللي سافرت فيها اجازة عطرطوس، ورجعت معها على حلب لاقيت حالي بالشارع بلا ولا شي !؟

طلبت عبر الوسيط القانوني ( طرفي البديل ) رجلي الاصطناعية 😅 وأبر الأنسولين ( لأنو مو متوفرات بالصيدليات )، ودمي عسل هالأيام 🥰، لكن كان الرد بالرفض من الطرف الآخر ومحامينه !؟

ايه نعم .. ( الرفض ) !؟
بوقتها تأكدت أنو غز.ة مو بس بف.لسطين
الغز.ة عنا هون بحلب ..

01/11/2025

أ.سيراً في ز.نزانتي .. سجيناً في حلب

لم تكن المرة الأولى لي في السجن داخل ز.نزانتي في قسم العزيزية يوم ا.عتقالي بتاريخ ٢٤ / ٩ / ٢٠٢٥ !؟ حلب مدينتي التي أسر.تني طوال رحلة حياتي منذ ولادتي إلى اليوم وأنا داخل حدودها الجغرافية حتى في غربتي عنها في مصر .. في السعودية .. في لندن

أ.سيراً في حلب !؟
حلب مملكتي، أرضي ووجداني ..
اجسدها في حديثي، عملي، وكياني ..

إنها قصة حبي ..
متابعة شيقة ..

16/10/2025

ب ليلة خميس منشور مليان قصص ..
منشور ما بشبهني بالتعبير ولا بالصياغة !؟

أول شي:
قصتي وصلت للكويت وتحولت من حادثة ومصيبة لقصة كلها فرح وأمل، بس فيها كتير خجل." فرح " لأنو مجموعة رجال أعمال كويتيين، سوريين، وأتراك قرروا يفتحوا ( i. باشا - ابراهيم باشا ) الكويت كاملاً على نفقتهم الخاصة بدون ولا ليرة مني ..
" خجل " لأنهم جميعاً ضحايا للسيد ( أ.ط ) المطلوب في دولة الكويت، والهارب منها !؟
" خجل " من ( أ.ط ) اللي حاول يطمن أحد الأخوة الكويتيين بعدم هروبه من الكويت قائلاً: " أنا راجع الكويت قريباً يا أبو (فلان) لأني بفضل أعيش بسجن الكويت عن ما اعيش حر بسورية ".

تاني شي:
أنا تعبتكم معي هالسنة !؟ كم كبير من الأوجاع اللي ما قدرت اخبيها أو امرقها .. مو كرمالي .. والله مو كرمالي !؟ كرمال هيه أوجاع ممكن تصير مع أي حدا عايش هون .. جوا البلد ..
حادثة الاعتد.اء علي بالقو.ة والسلا.ح مع قت.له دق و دو.س كنت ممكن أكون فيها مشروع شهيد. وراها حاد.ثة سلب مكان وا.نتحال صفة دولة وتشو.يه سمعة بلد. طلعت بعدها مختلس مليار من " i. باشا " مطعمي و " ابراهيم باشا "حلمي وشقى عمري، ا.نسجنت ونمت عل أرض أول ساعة، بعدها الله رحمني بغيبوبة صحيت بعدها لاقيت حالي عسرير ٦٠ سم وايدي معلقة بكلبشة ورا راسي.

تالت شي:
قررت بعد كل الأو.جاع اللي حملتكم اياها قدملكم فيديو وتسجيل لعشاء عرسان وآلة خزانة عملته ب i. باشا - القلعة لأحلى عريس وعروس حلبية، لعل وعسى عوض زعلكم فرح من جديد ..

رابع شي وآخر شي:
أوعوا تزعلوا أو تخافوا علي .. اوعوا تشكوا أني ما رح أنتصر !؟
لأني ( قد ) كل شي عبصير معي !؟ وهيك ربنا قال:
" لا يكلف الله نفساً إلا وسعها "، لو مالي قد التكليف، ما اتكلفت !؟
أنا بقيان هون بحلب .. وحالياً مالي طالع عمصر ولا الكويت ..
أنا باقٍ في حلب حتى ارجع عمحلي بأقرب وقت .. سبق وقلتلكم:
الصح ببقى .. والغلط بطلع لبرا .. ( i.باشا لا بسكر ولا بمو.ت )

أنا الدكتور ميسم ناعسه مدير صالة مطعم i. باشا قلعة حلب والحارس المقيم في المنشأة.يوم الخميس 18/9/2025 الساعة 12:30 ظهراً...
11/10/2025

أنا الدكتور ميسم ناعسه مدير صالة مطعم i. باشا قلعة حلب والحارس المقيم في المنشأة.

يوم الخميس 18/9/2025 الساعة 12:30 ظهراً اتصل فيني أستاذ ( أ.ط ) وخبرني بزيارته للمنشأة كرمال أفتحله الباب، وفعلاً دخل ومعو ٤ أشخاص استقبلتهم بالمطعم، شغلت التكييف وقدمتلهم المشاريب. بعد شوي صحلي ( أ.ط ) وقلي ما تخاف، نحن معنا أمر من النيابة العامة بتشميع المنشأة وإلقاء القبض على عماد ابراهيم باشا، طلبوا مني موبايلي ومنعوني أخبر حدا.

بعدها قام شب اسمه ( ع.ب )، وطالع من موبايله صورة لورقة قلي أنها أمر من النيابة والقضاء ليشمعوا المنشأة ويقبضوا على أستاذ عماد. بعدها قام شب تاني ( أ.خ ) قال أنه المسؤول عن أي حدا بده يجي على المنشأة يطالع أغراض منها. بعدها راحو التلاتة: ( أ.ط - ع.ب - أ.خ ) مع أشخاص تانيين كسروا قفل باب مكتب أستاذ عماد الخاص، وفكوا جهاز ال DVR الخاص بتسجيل الكاميرات، وقال أستاذ ( أ.خ ) أنو بدو ياخد الجهاز على النيابة ليطالعوا محتوياته. بعدها قاموا بتكسير أقفال المكاتب وأبواب المنشأة الرئيسية وتغييرهم.

أنا ما عاد أعرف شو اتصرف، وكيف بدي أخبر أستاذ عماد وهو برا حلب غايب اجازة. خوفي على المطعم والمنشأة من جهة، أو خوفي اذا ما تجاوبت معهم ياخدوني على السجن من جهة.
بقيت معهم متل ما بدهم للساعة 2:30 وقت دوام باقي الموظفين، عطوني موبايلي وطلبوا مني أخبر الموظفين حتى ما يجوا. خبرت الشيف العام ( أبو أمين )، وقلتله أنو عندي أشخاص من النيابة بدهم يقبضوا على أستاذ عماد ويشمعوا المنشأة.

حوالي الساعة 3 دخلوا مجموعة شباب انتشروا بالمطعم، قلي أستاذ ( أ.ط ) هدول أمن بدهم يحموا المكان. بديوا الشباب يفكوا الأرمات: ( i. باشا ) و( إبراهيم باشا )، رحت لعند أستاذ ( ع.ب ) ترجيته يخلوهم بس ليجي أستاذ عماد من السفر، فجاوبني أنو لازم ينشالوا اليوم، وقله لعنصر الأمن: " بدك كبهم، بدك شخ عليهم، شو بدك ساوي ". الساعة 4:30 طالعوني أجيب باكيت دخان من برا وأنا تحت المراقبة.

بالليل خبروني شباب المطعم، وقالولي أنو المطعم مو مشمع كرمال اطلع. رحت لعند الأمن اللي جوا بدي اطلع فمنعوني لبين ما يجي أستاذ ( ع. ب ). وصلوا الشباب مع قسم الشرطة وصاروا يدقوا على الباب الرئيسي، فجاوبهم عنصر الأمن جوا أنو ما عندهم إذن يفتحوا الباب، فتوجهوا عالباب الخلفي وكمان العنصر هونيك ما فتحلهم لنفس السبب. خفت وركضت عالباب بدي اطلع ما خلوني، قالولي ليجي أستاذ ( ع.ب )، وبعدها أجى أستاذ ( ع.ب ) بهدلني وفتح الباب وقلي طلاع لبرا.

اجازة صيف لبضعة أيام بكلفة تساوي " شقى العمر " ..هيك ممكن تنام .. تفيق .. تلاقي حالك بالشارع بلا ولا شي !؟ بلا حماية .. ...
20/09/2025

اجازة صيف لبضعة أيام بكلفة تساوي " شقى العمر " ..

هيك ممكن تنام .. تفيق .. تلاقي حالك بالشارع بلا ولا شي !؟ بلا حماية .. بلا نظام .. بلا قانون

تنام صاحب أهم مشروع واستثمار سياحي في حلب، تفيق تلاقي حالك بشارع عتمة وظلام ما فيو حدا .. وما ضل عندك شي ..

سافرت اجازتي بعرف حالي صاحب مشروع ( مُشغل - مدير وكيل ) وهيك ودعت شريكي مالك حق الاستثمار الأول من البلدية ( أ.ط ) بزيارته الأولى لحلب. لاتفاجئ البارحة الخميس عصراً باتصال من موظف المطعم عبقول : " في شخص أدعى وجود أمر من النيابة العامة بدخول المنشأة وأمر قضائي باعتقالي وتشميع المنشأة مع وضع حرس قضائي لحماية المنشأة .. قاموا بتكسير الأقفال وفك المفاتيح، اقتلعوا جهاز ال dvr الخاص بتسجيل الكاميرات، كما نزعوا اليافطات: " ابراهيم باشا " التي تقوم على إدارة المشروع كاملاً: ( الفندق - المطاعم - المكاتب والمحلات .. )، وتكسير يافطة ( i. باشا ) مطعمي وومملكتي المتواضعة التي ارسم من خلالها حلب الأميرة وسورية العظيمة أمام الوزير والفقير .. أمام الدبلوماسي كما صاحب المآسي .. وأمام الله وحده ..

هيك يا جماعة بصير بعد ٤٨ ساعة فقط من زيارة السيد رئيس بلدية حلب السابق الدكتور " معد المدلجي " وحواره مع السيد ( أ.ط ) وسط مطعمي i. باشا في حلب خلال غيابي .. إيه نعم السيد "مدلجي" عرض خدماته والشركات اللي ممكن تساعد في احياء حلب واعادة بناءها، وطبعاً هيك شركات لازم تدّعي صلتها المقربة من القصر !؟ قُرابة العام وأنا اعمل .. اصحح .. واُقوم أخطاء ومفاسد تمت داخل المشروع ( انشائية ، مالية، قانونية وإدارية ) لأجعل منه منارة استثمارية وسياحية تليق بحلب .. تُشجع على البناء والعمل .. تُشجع على النزاهة .. تُشجع على أن صاحب الحق هو الأقوى بزمن الحرية !؟ لأُمسي مُغتصباً .. لصاً وسارقاً .. آخذ لمليارات صارفهم بدون ايصالات ..

توجه اثنان من موظفي المنشأة ليلاً نحو قسم باب النصر لكتابة ضبط بما حدث واخلاء مسؤوليتهم اتجاهي ( مكاتب، معدات، أجهزة، كاصات، وأغراضهم الشخصية ) .. ضبط مُوجه ضد أشخاص مُعتدين بعد أن تأكدوا بأن كل ما قام به السيد ( أ.ط ) بإسم الدولة والنيابة، القضاء والقانون غير حقيقي ، أشخاص قاموا باحتجاز موظفي الوحيد المقيم بالمشروع مانعين اياه الخروج والتواصل بعد سلبه جواله .. حيث أن المنشأة بدون شمع أحمر وعناصر الحماية هم أفراد مدنيين ( أصدقاء أو مأجورين ). اجتهاد شخصي وفردي قام به السيد ( أ.ط ) نجح من خلاله في اقناع الدورية التي توجهت للمشروع وتم منعها من الدخول بأن عمله قانوني ومُحق .. ليقوم بعدها السيد المسؤول في قسم باب النصر عند الرجوع إليه لكتابة الضبط بحل القضية مع موظفي المطعم بكلمتين: " أنتوا مين !؟ أنتو مالكم حق !؟ خلوا معلمكم يجي يطالب بحقه " .. وهيك انتهت الحادثة بلا ضبط !؟

قضيتي ليست شخصية .. قضيتي مسؤولية اجتماعية .. مسؤولية قانونية تواجه كل مواطن سوري .. مستثمر سوري .. كائن سوري

للأسف معركة جديدة أُعلنها اليوم على الملئ في حياتي العملية بوجه طغاة وفاسدين لن يزولوا حتى تزول الأرض وإلى يوم القيامة ..

ختاماً، في حادثة الاعتد.اء بالقو.ة والسلا.ح علي وعلى منشآتي بإسم الدولة شهر أب الماضي علقت منشوري برسم السيد رئيس الجمهورية وبقيت القضية قيد " التعليق " بدون حل، مع تأمين الحماية الشخصية لي من قبل السيد محافظ حلب "عزام غريب"، أما عن حادثة اليوم، ما في داعي للتعليق !؟ حابب قول شغلة واحدة بس وعلقها:
" يا الله .. مالي غيرك يا الله " ..

ا. باشا مغلق ⛔️ ليس للصيانة
ا. باشا مغلق بمؤامرة تستعيذ منها الحجارة
يمكن يكون هاد منشوري الأخير حراً أو حياً ..

ما تخافوا علي .. للباطل جولات أما للحق جولة واحدة قاضية،
قد تقضي علي وقد اخرج منها باسلاً منتصراً كما عهدتموني ..
جمعة مباركة .. هنا حلب

الجمعة ١٩ / ٩ / ٢٠٢٥

Address

مدينة نصر/حديقة الطفل/مكرم عبيد
New Cairo

Opening Hours

Monday 10am - 2am
Tuesday 10am - 2am
Wednesday 10am - 2am
Thursday 10am - 2am
Friday 10am - 2am
Saturday 10am - 2am
Sunday 10am - 2am

Telephone

+201022668844

Website

Alerts

Be the first to know and let us send you an email when I.basha posts news and promotions. Your email address will not be used for any other purpose, and you can unsubscribe at any time.

Shortcuts

Share