22/04/2026
رسالة اخيرة من الجدة
هتوحشوني يا حبايبي
بس قبل ما امشي عندي ليكم رسالة اخيرة
لما مكان يعجبكم و تحبوه ، روحوا زوروا المكان ده كل فترة عشان تشبعوا منه.
لما محل يعجبكم منتجاته، اشتروا منه تاني و شجعوه وسوقوا انتوا ليه بين أصحابكم او علي السوشيال ميديا عشان يفضل مكمل.
لما يكون في حد غالي عليكم ، كلموه واسألوا عليه و زوروه باستمرار عشان تفرحوه.
متستنوش لما الحاجة تروح وبعدها تزعلوا انها راحت.
اسندوا بعض في الوقت اللي محتاجين فيه بعض،
دمتم سالمين
واشوفكم علي خير بإذن الله
الجدة
