23/08/2026
بعد الطريقة دي هتبطلي تشتري بلوبيف جاهز تاني تفتكري إن البلوبيف البيتي محتاج مكونات كتير أو خطوات صعبة تعالي وانا هقولك على الطريقة 👍
المكونات 👇
½ كيلو لحمة مفرومة
🔸 4 قطع دهن دوش حوالي 150 جرام
🔸 1 كوب ماء
🔸 1 بصلة متوسطة
🔸 2 فص توم
🔸 2 ملعقة كبيرة سمنة
🔸 2 ملعقة كبيرة جيلاتين حيواني
🔸 2 م ماء ساخن لإذابة الجيلاتين
🔸 4 ورقات لورا
🔸 4 حبات حبهان
🔸 ملح حسب الرغبة
🔸 فلفل أسود حسب الرغبة
🔸 بهارات لحمة حسب الرغبة
🔸 لون أحمر غذائي اختياري لو عايزة اللون يبقى قريب من البلوبيف الجاهز
الطريقة 👇
أول حاجة نحط في الخلاط كوب المياة + البصلة المتوسطة + فصين التوم + الملح + الفلفل الأسود + بهارات اللحمة.
نضرب كل المكونات كويس جدا لحد ما البصل والتوم يتفرموا تماما ويبقى الخليط ناعم.
نفرغ الخليط في حلةونضيف عليه ½ كيلو اللحمة المفرومة + حوالي 150 جرام دهن دوش.
ونضيف كمان 4 ورقات لورا + 4 حبات حبهان. نرفع الحلة على نار هادية جدا ونسيب اللحمة تستوي براحتها مع التقليب من وقت للتاني.
وهنا أهم سر👇
ما تسيبيش اللحمة تنشف خالص لازم يفضل في الحلة نسبة بسيطة من السائل وقت ما اللحمة تستوي، لأن السائل ده هيكون جزء مهم من القوام والطعم النهائي.
نجهز الجيلاتين: في طبق صغير نحط 2 ملعقة كبيرة جيلاتين حيواني ونضيف عليهم 2 ملعقة كبيرة ماء ساخن نقلبهم كويس جدا لحد ما الجيلاتين يدوب ويتجانس.
📌 الجيلاتين الحيواني ممكن تلاقيه عند العطار. 🥩 دلوقتي بقى أهم خطوة في الوصفة! نشيل ورق اللورا والحبهان من اللحمة ناخد اللحمة وهي لسه دافية ونحطها في الخلاط ونضيف عليها خليط الجيلاتين 2 ملعقة كبيرة سمنة ونضرب الخليط كويس لحد ما يبقى ناعم ومتجانس لكن مش لازم نضربه زيادة عن اللزوم عايزين قوام ناعم ومتجانس مع الاحتفاظ بإحساس اللحمة.
❤️ ولو عايزة اللون يبقى قريب من لون البلوبيف الجاهز ممكن تضيفي نقطة أو نقطتين من لون أحمر غذائي ودي خطوة اختيارية تمامًا.
🥣 التشكيل 👇
نجيب قالب مناسب لكمية الخليط وندهنه بطبقة خفيفة من الزيت نصب خليط البلوبيف في القالب ونسويه من فوق كويس.
ندخله التلاجة من بالليل لحد تاني يوم عشان يمسك ويتماسك تماما.
والنتيجة؟ بلوبيف بيتي متماسك، طعمه غني، وتقدري تتحكمي في مكوناته بنفسك بدل الجاهز.
لكن خلي بالك من التكة دي 👇
سر نجاح الوصفة مش بس في المقادير أهم حاجة ما تنشفيش اللحمة أثناء التسوية وما تكثريش ضرب الخليط في الخلاط. الاتنين دول بيفرقوا جدًا في القوام النهائي!
لو استفدتوا ادعولي دعوة حلوة من قلبكم دمتم لي احلي اخوات في الدنيا ❤️
صلي على الحبيب قلبك يطيب.
اللهم صل وسلم وبارك على سيدنا محمد وعلى اله وصحبه اجمعين وسلم تسليما كثيرا الى يوم الدين.
#البلوبيف
