Pazo de Anzuxao

17/06/2026

En Pazo de Anzuxao traballamos o quilómetro 0 de verdade.

O leite que entra pola nosa porta ven de produtores rexistrados da nosa comarca, sen viaxes longas, sen perder as propiedades e con todo o noso carácter.

Apoiar o produto da nosa terra é a única maneira de conseguir un queixo con autenticidade, identidade e o sabor de sempre.

09/06/2026

Din que o luxo é algo difícil de acadar. Nós pensamos que o luxo é algo tan sinxelo coma un padal que sabe distinguir o que é de verdade.

Unha peza de queixo mesturada coa pulpa de arándano e a sorte de vivir onde vivimos, unha combinación infalible. Non pedimos máis para desfrutar.

E ti, es de luxos complicados ou do luxo dun bo Pazo de Anzuxao?

04/06/2026

Hai cousas que non se poden apurar. En Pazo de Anzuxao o reloxo corre de xeito diferente, entre as paredes do noso pazo en Lalín o queixo non se "fabrica", o queixo faise.

Dende que o leite fresco entra polas nosas portas ata que a etiqueta de Denominación de Orixe se coloca na peza, hai un proceso de mimo, silencio e moito agarimo. Somos herdeiros dunha tradición que entende que a excelencia non sabe de présas.

Para facer o mellor queixo do mundo, primeiro hai que amar a terra que o sustenta.

26/05/2026

Hai días nos que o coche vai cheo… e non só de queixo 🧀🚚

No reparto tamén levamos embutidos de Lalín, porque sabemos que hai combinacións que nunca fallan.

Queixo, pan e un bo embutido. Sen complicacións.

Ao final, trátase diso: levar produto de verdade, do noso, directo ás tendas e ás casas.

E ti… es máis de queixo só ou con acompañamento? 😋

20/05/2026

Non todos os queixos se cortan igual… e iso cambia completamente o sabor 🧀

A Tetilla, por exemplo, non é para cortar en lascas finas.

O mellor? Cortes limpos, algo máis grosos, para que manteña a súa textura cremosa.

Se o cortas demasiado fino, perde parte da graxa… e tamén do sabor.

Pequenos detalles que marcan a diferenza.

E ti, como o cortas na casa?

17/05/2026

No Día das Letras Galegas, en Pazo Anzuxao celebramos o que nos define: a nosa lingua e a nosa terra. Porque facer queixo tamén é un xeito de escribir a nosa historia con respecto polas nosas raíces. 🧀📖

Hoxe brindamos cun anaco de queixo por todos aqueles que manteñen viva a nosa cultura. ✨

Feliz Día das Letras Galegas! 🤍🩵

05/05/2026

Gardar o queixo na neveira sen máis… non sempre é a mellor opción 🧀

Se o deixas no plástico no que vén, o máis probable é que perda sabor e textura antes de tempo.

👉 O mellor truco: envólveo en papel (de forno ou especial para queixo) e gárdao nun recipiente pechado.

Así respira, pero non se seca.

Pequenos detalles que fan que o queixo saiba como ten que saber.

E ti, como o gardas na casa?

29/04/2026

🧀 Todo bo queixo comeza moito antes de chegar á mesa.

En Pazo de Anzuxao tomamos pequenas mostras da leite e rexistrámolas cun código para poder seguir cada lote durante todo o proceso de elaboración.

Este sistema de trazabilidade permítenos saber de onde vén cada leite, controlar a calidade e garantir que cada queixo se fai co máximo coidado.

Porque detrás dun bo queixo… tamén hai moito control e moito mimo. ✨

24/04/2026

21/04/2026

🧀 Así, con esta pinta tan apetecible, agardan os nosos queixos o momento de saír da queixería.

Recén elaborados e listos para continuar o seu camiño… ata chegar ás vosas mesas.

E ti… xa estás esperando por algún deles? 😋