Abey_Peres

18/10/2026

15/10/2026

የኤርትራው ሻዕቢያ አለም አቀፍ ጫና እየደረሰባቸው ሲሆን ብሪታንያ የባለስልጣናት ቪዛ አገደች

በተለያዩ ዓለም አቀፍና ቀጠናዊ ጉዳዮች ምክንያት ለዜጎቿ ምቹና አስተማማኝ ከባቢ መፍጠር ያቀታት ኤርትራ አለም አቀፍ ማዕቀቦች እየደረሱባት ነው። ሙሉ እድሜውን ለግብፅና ለሌሎች ውጫዊ ፍላጎቶች ብቻ እየኖረች ነው። አለም አቀፍ ወቀሳ ከጊዜ ወደ ጊዜ እየበረታ መጥቷል። ለገዛ ሕዝቧ ሰላምና የኢኮኖሚ ተስፋ መስጠት ባለመቻሏ በሺዎች የሚቆጠሩ ወጣቶቿ በየባህሩና በየበረሃው እየተንከራተቱ ለከፍተኛ እንግልት ሲዳረጉ፣ መንግሥቷ ግን ሀገራዊ አቅሙንና ትኩረቱን የሌሎች ሀገራትን የፖለቲካ ፍላጎት ለማስፈጸም በማዋል ላይ ይገኛል። ይህ የዜጎችን ሰብአዊ መብትና ጥቅም ችላ የማለት አካሄድ በዓለም አቀፉ ማኅበረሰብ ዘንድ ከፍተኛ ቅሬታን እያስከተለ ሲሆን፣ መንግሥት ለገዛ ዜጎቹ ግዴታውን ባለመወጣቱ ሀገሪቱ ለከፋ የፖለቲካና የዲፕሎማሲ ባዶነት እየተዳረገች ትገኛለች።

በዚህም ምክንያት ብሪታንያ ምክንያታዊ በሆነ አሠራርና በግልጽ መነሻ የኤርትራ ባለሥልጣናትና ዲፕሎማቶች ላይ የቪዛና የእንቅስቃሴ ማዕቀቦችን መጣሏ፣ ሀገሪቱ በዓለም አቀፍ ደረጃ ሊገጥማት የሚችለውን አዲስ የማዕቀብ ማዕበል መጀመሪያ ተደርጎ እየታየ ነው። እንግሊዝ የጀመረችው ይህ ጠንካራ የዲፕሎማሲያዊ ማዕቀብ እርምጃ ሌሎች አውሮፓውያንና የምዕራብ ሀገራትም በተመሳሳይ መልኩ እንዲከተሉት መንገድ የሚከፍት ሲሆን፣ ኤርትራ ዓለም አቀፍ ግዴታዎቿን የማታከብርና የዜጎቿን መብት የማታስከብር ከሆነ ከቀጣናዊና ከዓለም አቀፋዊ የዲፕሎማሲ ግንኙነቶች ይበልጥ ተገለልተኛ እንድትሆን ያደርጋታል። ይህ ሁኔታ የሀገሪቱን ዲፕሎማሲያዊ ጫና ከመጨመሩም በላይ፣ በውጭ ሀገራት የሚኖሩና የሚንከራተቱ ኤርትራውያንም ከራሳቸው መንግሥት ጥበቃና ትብብር በማጣታቸው ምክንያት የበለጠ ለከፋ እንግልት እንዲዳረጉ በር የሚከፍት ነው።

13/10/2026

02/10/2026

ጦርነት ጠማቂው ህወሃት ሠራዊታችን እየወሰደ ባለው መልሶ ማጥቃት የእጁን እያገኘ ነው።

ለሠላም ያልተዘረጋ እጅ ለተንኮል ወደር የለውም እንደማባለው የጥፋት ዓላማን ተሸክሞ የህዝብን ሠላም ለማናጋት ጦርነት የገጠመው ህወሃት ከሰሞኑ ኮሩ በወሰደበት ፈጣን የመልሶ ማጥቃት እርምጃ እየተሽመደመደና ንብረቱን ጥሎ እየሸሸ ነው።

ህወሃት ለውድመት ሲጠቀምባቸው የነበሩ መድፎችን ጨምሮ የተለያዩ ተተኳሾችን እና ተቀጣጣዮችን እያዝርከረከ ጥሎ ሸሽቷል።

29/08/2026

የኢትዮጵያ ውሃ ቴክኖሎጂ ኢንስቲትዩት ዘመናዊ ስፔሻላይዝድ ላብራቶሪ በይፋ አስመረቀ!
​ 💧 "ስፔሻላይዝድ ላብራቶሪው የአገሪቱን የውሃ ሃብት ጥራትና ዘላቂነት ለማረጋገጥ ወሳኝ ምዕራፍ ነው" — ክቡር ዶ/ር ኢ/ር ሱልጣን ወሊ (የኢነርጂ ልማት ዘርፍ ሚኒስትር ዴኤታ)
​በውሃና ኢነርጂ ሚኒስቴር ስር የሚገኘው የኢትዮጵያ ውሃ ቴክኖሎጂ ኢንስቲትዩት፤ በአገሪቱ የውሃ ሃብት ጥናትና ምርምር ስራዎች ላይ ታሪካዊ ለውጥ የሚያመጣ ዘመናዊ ስፔሻላይዝድ ላብራቶሪ እና ዘርፈ-ብዙ አገልግሎት የሚሰጡ ህንፃዎችን በይፋ ስራ አስጀምሯል።
ላብራቶሪው አገራችን ከዘመናዊ ግብርና ወደ ኢንዱስትሪ የምታደርገውን ሽግግር በውሃ ጥራትና ደህንነት ጥናት ይደግፋል።
ተቋሙ ብቁ፣ ተግባራዊ ክህሎት ያላቸው ባለሙያዎችን ለማፍራትና የቴክኖሎጂ ሽግግርን ለማፋጠን ከፍተኛ አስተዋፅኦ አለው (ዶ/ር ታመነ ኃይሉ፣ የኢንስቲትዩቱ ዋና ዳይሬክተር)።
አዲሱ ግቢ የኤሌክትሪክ መኪና ቻርጅ ማድረጊያ፣ የስፓርት ማዘውተሪያዎች፣ የመዝናኛ እና የልምድ ልውውጥ ቦታዎችን አካቶ ተገንብቷል።
​በመርሐ-ግብሩ ላይ የህዝብ ተወካዮች ምክር ቤት የውሃ፣ መስኖ፣ ቆላማ አካባቢዎችና አካባቢ ልማት ጉዳዮች ቋሚ ኮሚቴ ሰብሳቢ ክብርት ወ/ሮ ፈቲያ አህመድን ጨምሮ የሚኒስቴር መስሪያ ቤቱ ስራ ሃላፊዎችና ጥሪ የተደረገላቸው እንግዶች ተገኝተዋል።
​ 📅 ነሐሴ 21/2018 ዓ.ም (ው.ኢ.ሚ)

20/08/2026

በኦሮሚያ ክልል ከ900 ኪሎ ዋት በላይ የሚያመነጩ አራት የፀሐይ ኃይል ማመንጫ ፕሮጀክቶች ተመረቁ

​ነሐሴ 11/2018 ዓ.ም (ው.ኢ.ሚ) - በኦሮሚያ ክልል ምዕራብ ሐረርጌ ዞን ሐዊ ጉዲና ወረዳ በዓለም ባንክና አጋር አካላት ድጋፍ (በADELE ፕሮግራም) የተገነቡ አራት የፀሐይ ኃይል ማመንጫ ፕሮጀክቶች ተመረቁ።
• ​ በ800 ሚሊዮን ብር በላይ ወጪ የተገነቡት እነዚህ ፕሮጀክቶች በባቴ (200 ኪ.ዋ)፣ ቶርበን (125 ኪ.ዋ)፣ ሃሮ ኦባ (225 ኪ.ዋ) እና ሃሎ ጎባ (350 ኪ.ዋ) ቀበሌዎች ላይ የተዘረጋ ሲሆን፣ በአጠቃላይ ከ900 ኪሎ ዋት በላይ የማመንጨት አቅም አላቸው።
•
• ​ፕሮጀክቶቹ 7.74 ኪ.ሜ የመካከለኛ መስመር፣ 30.29 ኪ.ሜ የዝቅተኛ መስመር ዝርጋታ እና 10 ትራንስፎርመሮችን ያካተቱ ናቸው።
•
• ​ፕሮጀክቶቹ ከ5 ሺህ በላይ አባወራዎችን እንዲሁም የጤናና የትምህርት ተቋማትን የኤሌክትሪክ ተጠቃሚ የማድረግ አቅም ያላቸው ሲሆን፣ በአሁኑ ሰዓት ከ840 በላይ አባወራዎች አገልግሎቱን ማግኘት ጀምረዋል።
•
• ​ የውሃና ኢነርጂ ሚኒስቴር የኢነርጂ ልማት ዘርፍ ሚኒስትር ዴኤታ ክቡር ዶ/ር ኢ/ር ሱልጣን ወሊ ህብረተሰቡ ንብረቶቹን እንደግል በመንከባከብ የአገልግሎት ክፍያውን በወቅቱ ሊከፍል ይገባል ብለዋል።
•
• የኢትዮጵያ ኤሌክትሪክ አገልግሎት ኮሙዩኒኬሽን ስራ አስፈፃሚ አቶ መላኩ ታዬም አስተማማኝ አገልግሎት ለመስጠት በርካታ ስራዎች እየተከናወኑ መሆኑን ገልጸዋል።
•
​በምርቃቱ ላይ የፌዴራልና የክልል የስራ ሃላፊዎች፣ የዞንና የወረዳ አመራሮች፣ የሀገር ሽማግሌዎች እንዲሁም አከባቢው ነዋሪዎች ተገኝተዋል።

17/08/2026

!

​ነሐሴ 09/2018 ዓ.ም (ው.ኢ.ሚ) — የውሃና ኢነርጂ ሚኒስቴር ከኢትዮጵያ ኤሌክትሪክ አገልግሎት ጋር በመሆን በኦሮሚያ ክልል ምስራቅ ሀረርጌ ዞን ቁንቢ ወረዳ ያስገነባቸው 850 ኪሎ ዋት አጠቃላይ አቅም ያላቸው የፀሃይ ኃይል ማመንጫ ፕሮጀክቶች (Solar Mini-grid) መመረቃቸውን አሳወቁ።

​ፕሮጀክቶቹ የተገነቡባቸው ዋና ዋና ቦታዎች፡-
• ​ሀሪሮ ከተማ፡ 600 ኪሎ ዋት ማመንጨት የሚችል ሲሆን፣ በ408 ሚሊዮን ብር ወጪ ተገንብቶ 2,943 አባወራዎችን ተጠቃሚ ያደርጋል።

• ​ሀሮጉራቲ ቀበሌ፡ 250 ኪሎ ዋት የሚያመነጭ ሲሆን፣ በ232 ሚሊዮን ብር ወጪ ተገንብቶ 703 አባወራዎችን ተጠቃሚ ያደርጋል።

​በምረቃ መርሃግብሩ ላይ የተገኙት የውሃና ኢነርጂ ሚኒስቴር የኢነርጂ ልማት ዘርፍ ሚኒስትር ዴኤታ ክቡር ዶ/ር ኢ/ር ሱልጣን ወሊ፤ ፕሮጀክቶቹ ከግሪድ ርቀው የሚኖሩ ነዋሪዎችን የኃይል ጥያቄ የሚመልሱ መሆናቸውን ገልጸዋል።

በቀጣይም እ.ኤ.አ. በ2035 70% ከግሪድ እና 30% ከግሪድ ውጪ ያሉ ማህበረሰቦችን የኃይል ተጠቃሚ ለማድረግ ታቅዷል ብለዋል።

​የኢትዮጵያ ኤሌክትሪክ አገልግሎት የኮሙኒኬሽን ስራ አስፈፃሚ አቶ መላኩ ታዬ በበኩላቸው፣ በተጠናቀቀው በጀት ዓመት ብቻ 26 የፀሃይ ኃይል ማመንጫ ፕሮጀክቶች ለአገልግሎት መብቃታቸውን ገልጸዋል።

​

25/07/2026

በቅድመ ጎርፍ መካከል ስራ ከ229 ሺህ በላይ ሰዎችን ከመፈናቀል ማዳን ተችሏል
+++++++++++

በጎርፍ ተጋላጭነታቸው ቅድሚያ በተሰጣቸው አካባቢዎች በተሰራው የቅድመ ጎርፍ መከላከል ስራ ከ229 ሽህ በላይ ሰዎችን ከመፈናቀል ማዳን መቻሉን የውሃና ኢነርጂ ሚኒስቴር አስታወቀ።

ከተጠሪ ተቋማትና ከክልሎች ውሃና ኢነርጂ ቢሮዎች ጋር የ2018 በጀት ዓመት የእቅድ አፈጻጸም ግምገማ እያካሄደ ይገኛል።

የውሃና ኢነርጂ ሚኒስትር ኢንጂነር ሀብታሙ ኢተፋ እንደገለጹት፤ በጎርፍ ተጋላጭነታቸው ቅድሚያ በተሰጣቸው ተፋሰሶች አካባቢ 255 ነጥብ 65 ኪሎ ሜትር የሚደርስ የቅድመ ጎርፍ መከላከል ሥራ ተሰርቷል።

ባለፉት ሦስት ዓመታት ይከሰት የነበረው የጎርፍ አደጋ በከፍተኛ ሁኔታ መቀነስ ተችሏል።

የጎርፍ መከላከል ሂደቱ በአዋሽ ተፋሰስና በስምጥ ሸለቆ ሀይቆች አካባቢ የተተገበሩ ናቸው ያሉት ሚኒስትሩ፤ በዚህም 70 ሺህ 140 ሄክታር የእርሻ ማሳና 229 ሺህ 189 ሰዎችን ከመፈናቀልና ከጉዳት መከላከል መቻሉን ጠቁመዋል።

በሁሉም ክልሎች በሚባል ደረጃ ቅንጅታዊ አሰራር እውን ማድረግ መቻሉን በመግለጽ፤ በክልሎች መካከል ያለው የንጹህ መጠጥ ውሃ የተደራሽነት ልዩነት ለማጥበብ ትኩረት ተደርጓል ብለዋል።

በሀገሪቱ አጠቃላይ የመጠጥ ውሃ አቅርቦት ሽፋን 75 ነጥብ 59 በመቶ ደርሷል። በተጠናቀቀው በጀት ዓመት የገጠርና ከተማ የመጠጥ ውሃ አቅርቦት ሽፋንን ለማሳደግ በትኩረት መሰራቱንም አብራርተዋል፡፡

በዚህም አጠቃላይ የመጠጥ ውሃ ተጠቃሚ ዜጎች ቁጥር ከ84 ነጥብ 4 ሚሊየን በላይ መድረሱን አስረድተዋል፡፡

20/07/2026

በቤኒሻንጉል ጉሙዝ ብሄራዊ ክልላዊ መንግስት አሶሳ ከተማ በተደረገው የኤሌክትሪፊኬሽን ፕሮግራም የግምገማ እና የግንዛቤ ማስጨበጫ መድረክ ላይበውሃና ኢነርጂ ሚኒስቴር የኢነርጂ ልማት ዘርፍ ሚኒስትር ዴኤታ ክቡር ዶ/ር ኢ/ርሡልጣን ወሊ የተደረገ የመክፈቻ ንግግር