Tola tg

11/02/2025

11/02/2025

Godina Wallagga Bahaa Aanaa Gudayyaa Biilaatti balaa Tiraafikaa mudateen lubbuun namoota 26 darbe

Kallacha Oromiyaa: Guraandhala 04, 2017- Godina Wallagga Bahaa Aanaa Gudayyaa Biilaa Ganda Ifaa Biyyaatti balaa tiraafikaa qaqqabeen lubbuun namoota 26 darbuu ibsameera.

Namoota 42 irra miidhaan qaamaa cimaa qaqqabuun yaalamaa jiraachuu Itti Gaafatamaan Nageenya Tiraafikaa Godina Wallagga Bahaa Inispeektar Asnaqee Masfin Faanaa Miidiyaa Koorporeeshiniitti himaniiru.

Konkolaataan deddeebisa uummataa Taataa jedhamu Magaalaa Shaambuu irraa gara Magaalaa Finfinnee imalaa ture kufee galagaluun miidhaa kana qaqqabsiisuu dubbataniiru.

Lubbuun namoota 26 battalumatti yoo darbu, lakkoofsi namoota lubbuun darbanii dabaluu akka danda’u eeraniiru.

Ka’uumsi balichaa qoratamaa jiraachuus ibsaniiru. Maddi: FMC

11/02/2025

Oduu Gaddaa
Aanaa Gudayyaa Biilaatti Balaa konkolaataa qaqqabeen lubbuun namoota 28 darbee.

Guraandhala 4/2017
Godina Wallaggaa Bahaa Aanaa Gudayyaa Biilaa ganda Caalii Jimaa jedhamee waamamutti Balaa tiraafikaa mudateen lubbuun namoota 28 yoo darbu Namoota 45 irra immoo miidhaa qaamaa cimaan irraa gahun hospitaalaa kan galan ta'uu Qajeelchi Poolisii Godinicha beeksisee.

Balaa kana kan qaqqabsiise konkolaataa Deddeebisaa Uummataa kan ta'e Godina Horroo Guduruu Waallaggaa irraa gara Magaalaa Finfinnee osoo deemaa jiruu Aanaa Gudayyaa Biilaa ganda Caalii Jimaa jedhamee waamamutti garagaluun Lubbuun Namoota 28 darbuun Namoota 45 irra ammoo miidhaa qaamaa cimaan gahuun Hospitaalaa kan galan ta'uu to'ataa Nageenya Tiraafikaa saajin Lalisaa Shaafii himaniiru jechuun Kominikeeshinii Qajeelcha Poolisii Godina Wallaggaa Bahaatu gabaase.
Komishiniin Poolisii Oromiyaa Maatii firoottan namoota balaa kanaan lubbuun isaanii darbeef jajjabina jechaa
Gaddi guddaan kan itti dhagahamee ta'uu ibsee jira.