17/05/2026
Tuttuqaan yeroo gara garaatti irra deddeebiin madda galii Hawaasa Baha Oromiyaa gogsuuf godhamu kun maddi isaa maal irraa akka ta'e maaliif ifa hin taane? Hawaasa Harargeetiif Jimaan madda dinagdee waan maraati. Godinaaleen Biroo kaan Buna, Kaan Xaafii, kaan Qamadii, Kaan garbuu, Kaan Avokaadoo gabaaf dhiyeesseetu galii irraa argata. Harargeen garuu maddi galii fi bu'uurri dinagdee isaa 75% ol Jimaadha. Uummanni kun Jimaa gurguree maatii bulfata. Jimaa gurguree ilmaan barsiifata; Gibira kaffala. Galiin biyyaa hawaasa kanarraa argamu jimaadhaani. Utubaa dinagdee biyyaati. kanaafuu hatattamaan rakkoon uggura jimaa kellaawwan irratti godhamaa jiru kun dhaabbachuu qaba. mootummaan qaamolee Hawaasaa ykn daldaltoota Jimaa fi mootummaa gidduutti mufii uumuuf hojjachaa jiran adda baasee seeratti dhiyeessuu qaba. Labsiin addaa yoo jiraate immoo dursee Qonnaan bulaa fi Daldaltoota hojii kanaan bulan hubachiisuu qaba malee oomisha qarshii guddaan itti ba'e qisaasamu kana callisee ilaaluu hin qabu.
Furmaata barbaadna!
