21/10/2022
Laacibkii h**e ee France iyo Bayern Munich Franck Ribery ayaa ku dhawaaqay inuu isaga fariistay ciyaaraha kubadda cagta.
Heshiiska Ribery ee Salernitana ayaa ku qaadan lahaa inuu sii joogo Serie A ilaa dhamaadka xilli ciyaareedkan, laakiin waxa uu go'aansaday inuu haatan xidho kabaha.
39 jirkaan ayaa sidoo kale u soo ciyaaray kooxo kale oo dhowr ah 22 sano oo uu ku jiray xirfadiisa, sida Metz, Galatasaray, Marseille iyo Fiorentina.
Ribery waxa uu inta badan xirfadiisa ku qaatay Bayern, si kastaba ha ahaatee, halkaas oo uu kula guuleystay sagaal horyaal oo Bundesliga ah 12 sano gudahood.
Waxa uu sidoo kale ku guuleystay lix koob oo DFB-Pokal ah, hal Champions League, UEFA Super Cup iyo FIFA Club World Cup.
Waqtigiisii kooxda Bavarian, Ribery wuxuu u saftay 273 kulan Bundesliga, isagoo u duubay 86 gool iyo 92 caawin.
Waxa uu ku soo qoray Twitter: "Kubaddu way istaagtaa, dareenka gudahaygu ma istaago, qof walba ayaan u mahadcelinayaa tacaburkan weyn."
Ribery waxa uu iskaashi garab oo cajiib ah la sameeyay Arjen Robben, iyadoo labada ciyaaryahan ay ka argagaxeen difaacyada labada garab tobankii sano ee ay ku wada sugnaayeen Munich, ka hor inta aysan labadooduba ka tagin kooxda 2019.
Ribery ayaa 81 kulan u saftay xulka qaranka France guud ahaan isaga oo u dhaliyay 16 gool ka hor inta uuna ka fadhiisan ciyaaraha caalamiga ah 2014-kii,waxana uu xubin ka ahaa kooxdii Les Bleus markii ay ku dhamaysteen kaalinta 2-aad ee Italy koobkii adduunka ee 2006-dii.
Waxa uu u dhaqaaqay Fiorentina ka dib markii uu ka tagay Jarmalka, isagoo dhaliyay shan, caawiyay sagaal gool 51 kulan ka hor inta uusan u saxiixin Salernitana 2021.
Guud ahaan waxa uu kaliya 3 caawin sameeyay 25 kulan oo uu u saftay kooxda,waxana uu saftay kaliya laba jeer xilli ciyaareedkan,labada jeer ee Ogosto,Coppa Italia oo ay la ciyaareen Parma iyo bedelka kulankii guuldarada 1-0 ee Serie A ee gurigooda ay kala kulmeen Roma.
Ribery waxa uu sii joogi doonaa Salernitana si aan ciyaar ahayn, kooxda ayaa tir
