Krás

23/03/2026

VEITST TÚ IKKI HVØNN TÚ SKALT VELJA? 🗳️

Vel so ein valbúff frá Krás! 🥩 Skorið av oksasneið og til sølu í flestu Samkeyp og Á-handlunum kring landið. 🇫🇴

21/03/2026

STARVSFÓLK TIL FRAMLEIÐSLUNA AV LIDNUM RÆTTUM HJÁ KRÁS🌯🍗

Vit leita eftir einum álítandi starvsfelaga til okkara framleiðslu í Hósvík, har vit framleiða og viðgera kjøt til handlar og veitarar kring alt landið.

Tínar arbeiðsuppgávur umfata m.a.:
• At gera lidnu rættirnar til handlarnar
• At gera kjøtsós og annað, ið skal brúkast til teir ymisku rættirnar
• At bíleggja vørur til tína framleiðslu
• At halda reinføri í hølinum og vaska upp eftir framleiðslan er liðug
• At vera við til at skapa nýggjar vørur saman við leiðaranum
• At hjálpa til við pakking og annað fyrifallandi arbeiði, tá tørv er á tí

Vit vænta, at tú:
• Ert røkin, ágrýtin og hevur eitt gott handalag
• Ynskir at hjálpa til, har tørvur er á tí
• Er før/førur fyri at arbeiða sjálvstøðugt

Vit bjóða tær:
Eitt spennandi og fjølbroytt arbeiðspláss við góðum starvsfeløgum.
Arbeiðstíðir: Gerandisdagar kl. 07.00 – 15.00
Lønar- og setanarviðurskifti eftir avtalu.

Um Krás:
Krás hevur síðan 1986 framleitt og veitt kjøtvørur til føroyingar. Úrvalið av Krás vørum er fjølbroytt og fevnir bæði um føroyskan viðskera og feskan og frystan døgurðamat. Vit leggja stóran dent á góðsku, reinføri og handverksligar dygdir. Vit húsast í Hósvík, har uml. 15 starvsfólk dagliga starvast.

Umsókn og samband:
Send umsókn og lívsrensl til [email protected] í seinasta lagi sunnudagin 29. mars 2026.

Hevur tú spurningar til starvið, ert tú vælkomin at seta teg í samband við Ásbjørn A. Midjord, leiðara á Krás, á tlf. 23 53 60 ella [email protected].

05/03/2026

Takk fyri øll, sum vitjaðu okkara básar á Gastro messuni 2026!

12/02/2026

Gleð ein, ið tú elskar við fyrstafloks valentin búffi frá Krás 🥩💜

Fæst nú í Samkeyp og Á-handlunum.

12/02/2026

Hoyr samrøðu við Ásbjørn A. Midjord, leiðari á Krás um dagliga virksemið á virkinum í Hósvík.

28/01/2026

Nú kanst tú keypa EIN ella tveir búffar frá Krás 🥩

Vit hava tillagað vøruúrvalið til vaksandi talið av einstaklingshúskum í Føroyum.

Krás vørur eru at fáa í øllum Samkeyp og Á-handlum.

Tá tað kemur til feskan døgurðamat, hevur verið vanligt at framleiða vørur, ið eru ætlaðar tveimum persónum ella einari familju við fleiri børnum. Men nú fer Krás at tillaga vøruúrvalið til vaksandi tal av einstaklingshúskum í Føroyum.

27/01/2026

KRÁS TILLAGAR VØRUÚRVALIÐ TIL EINSTAKLINGSHÚSKI 🥩

Tá tað kemur til feskan døgurðamat, hevur verið vanligt at framleiða vørur, ið eru ætlaðar tveimum persónum ella einari familju við fleiri børnum. Men nú fer Krás at tillaga vøruúrvalið til vaksandi tal av einstaklingshúskum í Føroyum.

Fólkasamansetingin í Føroyum er broytt munandi seinastu árini. Eitt nú er talið av húskjum við einstaklingum voksið rættiliga nógv, soleiðis at tað nú eru 5.435 húski, har bara eitt vaksið fólk býr. Tað er samstundis tað mest vanliga slagið av húskjum í landinum í dag.
Henda broytingin ger, at Krás, ið framleiðir og meirgóðskar kjøt, ynskir at tillaga vøruúrvalið, so tað nøktar núverandi tørvin hjá føroyska brúkaranum.

Krás hevur tí avgjørt at fara undir at framleiða portiónir til einstaklingar, eins væl og til tvey ella fleiri fólk, sum tað higartil hevur verið vanligt. At byrja við, er talan um ribeye búffar og búffar av mjóryggi, sum nú eisini fáast sum einstakir búffar.

“Men tað er ikki einans einstaklingar, sum kunnu hava tørv á t.d. einum búffi í hvørjum ílati. Viðhvørt fær man eitt ólíka tal av vitjandi ella tað kann vera eitt par, sum ikki er samt um hvat slag av búffi keypast skal til somu máltíð. Tá er tað praktiskt at kunnu keypa ein búff av hvørjum slagi og ikki altíð tveir eins í senn”, sigur Ásbjørn A. Midjord, leiðari á Krás.

Krás royndarkoyrur nýggjar vøruúrvalið í eina tíð, og er eftirspurningurin stórur nokk, fer fyritøkan at arbeiða víðari við at framleiða aðrar vørur til einstaklingar.

Krás vørur eru at fáa í øllum Samkeyp og Á-handlum.

16/01/2026

Góða eydnu, Føroyar! 🤾‍♂️🇫🇴🥩

14/01/2026

EM-búffurin fæst nú í Samkeyp og Á-handlunum 🤾‍♂️🇫🇴🥩

2 x 250 g ribeye fyri einans 119,-

Koyr á Føroyar! 💪🥅🤍❤️💙

23/12/2025

Vit ynskja øllum okkara kundum, samstarvsfeløgum og starvsfólkum eini gleðilig jól og eitt eydnuberandi nýggjár! 🎅🎁☃️🥩🍗🍖🍴

Við jólakvøðu

Krás 🎄

19/12/2025

SOLEIÐIS STEIKIR TÚ JÓLAKULOTTUSTEIKINA BEST 🍽🎄

Tak steikina úr køliskápinum 20 min. áðrenn tú steikir hana.

Sker rivur í feittið og krydda væl við salti og pipari - minst til undirsíðuna. 🧂

Legg steikina í eitt fat við nakað av vatni í og set inn í ein heitan ovn á 180°. ⏲

Steik í ein tíma ella til steikin er uml. 55 - 60° inni í. Er steikin meira enn 1 kg, legg so nakað av steikitíð afturat.

Tak síðani steikina úr ovninum og lat hana hvíla í uml. 15 min.

At enda verður kulottusteikin skorin tvørtur um kjøttægrarnar.

Væl gagnist og gleðilig jól! 🎅🎁