12/02/2026
ყველაფერი სპორტის შესახებ ვარდენ მეკალმიშვილთან ერთად.
ახლახანს ბრიუსელში შედგა ერთა ლიგის 2026-27 წლების გათამაშების წილისყრა. წელს საქართველოს ეროვნული ნაკრები კვლავ B ჯგუფში ირიცხება, სადაც 16 გუნდი გამოდის. კენჭისყრა ლეგენდარულმა პატრიკ ვიეირამ ჩაატარა. პატრიკმა ჩვენებთან ერთად უნგრეთის, უკრაინის და ჩრდილოეთ მაკედონიის გუნდების ბურთულები ამოიღო კენჭისყრის დოლურიდან. ჩვენი ჯგუფი საშუალო სირთულისაა და იქ გამარჯვების მოპოვება შესაძლებელია. მთავარი მეტოქე, ისე როგორც წინა გათამაშებაში, ახლაც უკრაინის ნაკრებია, რომელიც ჩვენი ერთ-ერთი უხერხულ მეტოქეთაგანია. ვნახოთ თუ როგორ ითამაშებენ ჩვენი ბიჭები და შეძლებენ თუ არა ისინი ევროპის ჩემპიონატზე ზედიზედ მეორედ მოხვედრას. ყველაფერი ჩვენი ფეხბურთელებისა და მათი ფრანგი მწვრთნელის
ხელშია...
აუცილებლად უნდა აღვნიშნო, რომ დღეს საქართველოს ეროვნული ნაკრების უპირველესი ლიდერის, ხვიჩა კვარაცხელიას დაბადების დღეა, ჩვენი ვარსკვლავ ბიჭუნა დღეს 25 წლის გახდა.
ვულოცავ კვარას იუბილეს და ვუსურვებ უამრავ წარმატებას პირად თუ სპორტულ ცხოვრებაში. დარწმუნებული ვარ, რომ ხვიჩა კიდევ ბევრჯერ გაგვახარებს და უფრო მაღალ საფეხურზე აიყვანს ქართულ ფეხბურთს, და არა მარტო: მჯერა რომ ხვიჩა კვარაცხელია დღემდე გაუგონარ დონეზე აიყვანს საქართველოს და ქართველთა ცნობადობას მთელი ჩვენი პლანეტის მასშტაბით, რომლის 8 მილიარდიანი მოსახლეობის ნახევარზე მეტი ფეხბურთის აქტიური გულშემატკივარია.
