Kamsou Délices

Kamsou Délices تختص هذه الصفحة بتقديم اشهي وأطيب الأطباق العربية سهلة التحضير وبمواد بسيطة والمقادير المضبوطة والمجربة والناجحة 100/100

طبق كريات البطاطا بالجبن والدجاجالمقادير:البطاطا على حساب أفراد العائلة جبن 🧀 ابيض أو أي جبن 🧀 تفضلوه أطراف دجاج 🐔 أيضا...
09/09/2026

طبق كريات البطاطا بالجبن والدجاج
المقادير:
البطاطا على حساب أفراد العائلة
جبن 🧀 ابيض أو أي جبن 🧀 تفضلوه
أطراف دجاج 🐔 أيضا على حساب أفراد العائلة
2حبات بصل
حمص مشمخ
3ملاعق زيت
ملعقة كبيرة زبدة
التوابل:
ملح +فلفل اسود +زنجبيل +كركم +راس الحانوت
2حبات بيض
فرينة +خبز يابس
زيت للقلي
طريقة التحضير:
نقشر البطاطا و نغسلها جيدا ونقطعها و نحط عليها الملح الفلفل اسود كركم زنجبيل ونفورها ونروح نحضر المرق في طنيجرة نحط الزبدة مع الزيت يدوبو نحط الدجاج 🐔 نقليه مليح امبعد نضيف البصل والتوابل امبعد نمرق بالماء الساخن 🔥 امبعد نحط الحمص ونخليها طيب بعد ما تفور البطاطا نحطها في إناء ونعبزها مليح وهي سخونة ونخليها تبرد امبعد نشكلها ونحشيها بالجبن نرمدها في الفرينة امبعد في البيض امبعد نرجعها للبيض امبعد في الخبز 🍞 اليابس ونحطها في المجمد نصف ساعة ⌚️ امبعد نقليها نحمرها تكون المرقة واجدة نحط فيها الكريات بلا ما يغلو نحطوهم فيها هدا ماكان او الاختبار التاني نقدرو نحطو الكريات في صحن ونحط معاه المرق الحمص والدجاج ونرش عليه المعدنوس
ملاحظة 🗒 : هادي ماشي الوصفة تاع طاجين الخوخ 🍑 هاديك وصفة اخرى
شهية 😋 طيبة دعواتكم

وصفة الزرودية مشرملة(الجزر):الجزر(زرودية) الكمية اللي حبيتو راس ثوم التوابل:ملح فلفل 🌶 أحمر حار 🥵 بابريكا (العكري)كرويةز...
09/09/2026

وصفة الزرودية مشرملة(الجزر):
الجزر(زرودية) الكمية اللي حبيتو
راس ثوم
التوابل:
ملح
فلفل 🌶 أحمر حار 🥵
بابريكا (العكري)
كروية
زيت
2ملاعق خل+معدنوس
طريقة التحضير:
نقشر الزرودية ونغسلها مليح نقطعها دوائر ونفورها ونروح نحضر الدرسة في المهراس نحط الثوم الملح الفلفل 🌶 أحمر حار والبابريكا والكروية ونهرسهم مليح في مقلاة نحط شوية زيت ونرمي عليه هاديك الدرسة ونحرك مليح ونزيد شوية ماء في المهراس ونفرغو على الدرسة نرجع للزرودية اللي فورتها نقليها ونقطرها مليح ونحطها في هاديك الدرسة تشرب مليح امبعد نزيدلها غير شوية ماء نخلوها 10د امبعد نزيدلها الخل ورشة كروية نطفي عليها و نزينها بالمعدنوس
شهية 😋 طيبة

وصفة بطاطا محمرة في المقلة المقادير:1كلغ بطاطا التوابل:ملح + فلفل اسود +زنجبيل +كركم +ثوم بودرة +بابريكا(عكري)زيت +زبدة ...
09/09/2026

وصفة بطاطا محمرة في المقلة
المقادير:
1كلغ بطاطا
التوابل:
ملح + فلفل اسود +زنجبيل +كركم +ثوم بودرة +بابريكا(عكري)
زيت +زبدة +معدنوس
طريقة التحضير:
نغسل البطاطا جيدا نغليها بشوية ملح كي طيب نصفيها نخليها تبرد نقشرها ونقطعها امبعد ناخد مقلة نضع فيها الزيت والزبدة يدوبو يسخنو مليح نحط البطاطا نحمرها مليح امبعد نزيدلها التوابل نخلطها جيدا ونحط عليها المعدنوس و نزيد نخلطهم مليح نطفي ونضيف رشة معدنوس وهكدا البطاطا راهي واجدة انا رافقتها بالدجاج المحمر وصلصة الجبن بنينة بزاف اما وصفة الصلصة هادو هوما المقادير:
نصف كأس حليب
كأس زيت
من 5 إلى 6 حبات جبن 🧀
ملعقة صغيرة موتارد(خردل)
شوية فلفل اسود
شوية ملح
2 ملاعق كبيرة خل ابيض
سنينة توم
طريقة التحضير:
في إناء الخاص بالمضرب الكهربائي نحط الجبن 🧀 الحليب التوابل سنينة توم الخردل والخل نخلطهم جيدا ونبدا نزيد الزيت غير بشوية حتى نتحصل على كريمة
شهية 😋 طيبة

وصفة الخبز 🍞 المقلي:المقادير:1 كأس ونصف حليب دافي ملعقة كبيرة ممسوحة خميرة الخبز ملعقة كبيرة سكر ملعقة صغيرة ملح جلجلان ...
08/09/2026

وصفة الخبز 🍞 المقلي:
المقادير:
1 كأس ونصف حليب دافي
ملعقة كبيرة ممسوحة خميرة الخبز
ملعقة كبيرة سكر
ملعقة صغيرة ملح
جلجلان +جبن مبشور
حليب باش نغطس فيها العجينة
الفرينة حتى تتلم و نتحصلو على عجينة تتلاسق شوية ونحطها تخمر حوالي 20 د أمبعد نكسرلها الاختمار ديالها ونقسمها الى عدة أجزاء ونشكلها كريات بلا ما نستعمل الفرينة ونحطها فوق منديل أمبعد ناخد الحليب يكون بدرجة حرارة المطبخ ناخد كرية نغطسها في الحليب ونرمدها في الجلجلان و نرش سطح العمل بالفرينة ونفتح العجينة بشكل دائري او بيضاوي و نعمل نفس الشي مع باقي الكريات حتى نكملهم كامل ونسخن الزيت ونبدا نقلي فيهم ونرمي عليهم الزيت يتنفخو ويتحمرو نروح نحضر الحشو
الحشو:
صدر دجاج 🐔 نقطعو قطع صغيرة ونتبلو بالملح الفلفل اسود توابل الدجاج 🐔 ملعقة صغيرة موتارد ملعقة كبيرة كريمة الطبخ 2ملاعق كبيرة زيت ملعقة صويا صوص أعشاب 🌿 عطرية ونخلي الدجاج 🐔 يتشرب بالتتبيلة ونطيبها ونضيفلها ملعقة كبيرة كريمة الطبخ وملعقة كبيرة جبن 🧀 ابيض ونطفي ونقلي حبات بطاطا ونعمر الخبز 🍞 المنفوخ و نضيف عليه الجبن 🧀 المبشور 🧀 وهكدا السندويشات راهم واجدين
شهية 😋 طيبة

وصفة كريات الدجاج 🐔 بصلصة الطماطم 🍅 المقادير:صدر دجاج 🐔 مطحون بقدونس 2 ملاعق كبيرة خبز 🍞 مرحي 4سنينات توم 🧄التوابل:ملح +...
08/09/2026

وصفة كريات الدجاج 🐔 بصلصة الطماطم 🍅
المقادير:
صدر دجاج 🐔 مطحون
بقدونس
2 ملاعق كبيرة خبز 🍞 مرحي
4سنينات توم 🧄
التوابل:
ملح +فلفل أسود +توابل الدجاج 🐔 +بابريكا +حبة بيض 🥚
صلصة الطماطم 🍅:
3حبات كبار طماطم 🍅
4 سنينات توم 🧄
ملح +فلفل أسود +بابريكا +ملعقة متوسطة طماطم 🍅 مصبرة
طريقة التحضير:
ناخد صدر الدجاج 🐔 المطحون نضيف عليه الخبز 🍞 اليابس المطحون التوابل البقدونس والتوابل ونشكلهم كريات نقليهم ونرجعهم في صلصة الطماطم 🍅 نخليهم يشربو الصلصة ونطفي عليها ونزينها بالمعدنوس والزيتون الأخضر
شهية 😋 طيبة

وصفة طاجين الورد :المقادير:4 حبات بطاطا صدر دجاج 🐔 3 حبات بصل زيت +زبدة +جبن ابيض +كريمة الطبخ معدنوس التوابل:ملح +فلفل ...
08/09/2026

وصفة طاجين الورد :
المقادير:
4 حبات بطاطا
صدر دجاج 🐔
3 حبات بصل
زيت +زبدة +جبن ابيض +كريمة الطبخ
معدنوس
التوابل:
ملح +فلفل أسود +زنجبيل +كركم +تابل الدجاج 🐔
4 حبات بيض +3 ملاعق كبار خبز 🍞 مرحي
طريقة التحضير:
نقشر البطاطا ونغسلها مليح ونقطعها دوائر ونقليها ونقطرها جيدا امبعد نحضر كريات الدجاج نرحي نصف صدر دجاج 🐔 ونحط عليه حبة بصل المعدنوس والتوابل خبز 🍞 مرحي حبة بيض ونشكلهم كريات امبعد ناخد طنيجرة نحط فيها الزيت والزبدة ندوبهم ونحط فيها الكريات نحمرهم ونضيف عليهم البصل نقليهم جيدا امبعد نزيدلهم التوابل ونمرق بالماء الساخن 🔥 ونرجع للنصف التاني من صدر الدجاج 🐔 نقليه بحبة بصل والملح و فلفل اسود و شوية زبدة كي يطيب نخليه يبرد نضيف عليه 3حبات بيض و فنجان كريمة الطبخ ونخلطهم مليح نتحصل على خليط شوية سائل نوزعو على قوالب والبطاطا نشكلها ورود ونحطها في القوالب ونحطهم يطيبو في فرن مسخن نطيبوهم من الاسفل و نخرجوهم ونحوهم من القوالب امبعد المرقة نضيفولها ملعقة جبن 🧀 ابيض و فنجان كريمة الطبخ كي تجهز المرقة نحط فيها ورود البطاطا وهكدا الطبق راهو جاهز
شهية 😋 طيبة

صابلي les russes المقادير:250غ مارغارين كأس الا ربع سكر ناعم نصف كأس نشاء +كاس كاوكاو محمص ومرحي بيضة واحدة + صفار بيضة ...
07/09/2026

صابلي les russes
المقادير:
250غ مارغارين
كأس الا ربع سكر ناعم
نصف كأس نشاء +كاس كاوكاو محمص ومرحي
بيضة واحدة + صفار بيضة
قرصة ملح
2ملاعق كاكاو من النوع الجيد
ملعقة صغيرة ممسوحة خميرة الحلويات
فانيليا
فرينة حتى تنطم العجينة
الكريمة:
100غ زبدة
2ملاعق كبار سكر ناعم
2ملاعق كبار شانتيي
1ملعقة كبيرة توفيا كراميل
للتزين:
شكولاطة + كاوكاو محمص ومرحي
طريقة التحضير:
في إناء نحط الزبدة قرصة ملح السكر الناعم و الفانيليا ونخلطهم جيدا امبعد نضيفلهم البيض ونواصل الخلط نضيف الكاوكاو ونمزجهم جيدا ونضيف النشاء و الكاكاو و نحط الفرينة وملعقة خميرة الحلويات حتى نتحصلو على عجينة طرية وملساء نبداو نفتحها ونقطعها دوائر ونحطها في صينية الفرن امبعد ندخلوها للفرن اللي يكون مسخن من قبل على درجة حرارة 170°وما نخلوهمش يطيبو بزاف ونخلوهم يبردوا تماما نروحو نحضرو الكريمة اللي نلسقو بيها les russes في إناء نحط الزبدة السكر الناعم الشونتيي و توفيا كراميل وفانيليا كي يبردو نلصق كل واحدة مع واحدة اخرى كي نكملو كامل الكريمة ندوب الشكولاطة على حمام مريم ونطلي كامل الصابلي ديالنا كي ينشف نعملو فوقو خطوط بالشوكولاطة ونزينو بالكاوكاو
شهية 😋 طيبة

وصفة سندويتش الطاجين:مقادير العجينة:2كؤوس فرينة ملعقة صغيرة سكر ملعقة صغيرة ممسوحة خميرة الخبز 🍞 ملعقة صغيرة ممسوحة ملح ...
07/09/2026

وصفة سندويتش الطاجين:
مقادير العجينة:
2كؤوس فرينة
ملعقة صغيرة سكر
ملعقة صغيرة ممسوحة خميرة الخبز 🍞
ملعقة صغيرة ممسوحة ملح
ربع كأس زيت
كأس حليب دافي
الحشو:
صدر دجاج 🐔
2حبات 🌶 فلفل(طرشي)
حبة بصل
3سنات ثوم
ملح فلفل اسود بابريكا توابل دجاج 🐔 أعشاب 🌿 عطرية نقلو الدجاج 🐔 والفلفل والبصل والتوم والتوابل مع بعض حتى يطيبو نحطو عليهم ملعقة كبيرة فرينة ونخلطوهم مليح حتى الفرينة تتجانس مع الدجاج 🐔 امبعد نحطو عليهم ملعقة كبيرة زبدة ونخلطوهم حتى دوب الزبدة نزيدو عليهم كأس ونصف حليب حتى نتحصلو على خليط تقيل ونبدا نضيف الجبن 🧀 المبشور والجبن الابيض و نخلطهم جيدا ونخلو الحشو يبرد تماما باش ما يقطعش العجينة أما العجينة في إناء نحطو الفرينة والسكر الخميرة الملح نخلط مليح النواشف امبعد نضيف الحليب حتى نتحصلو على عجينة طرية وملساء نحطوها ترتاح امبعد نشكلوها كريات ونخطوهم يرتاحو 5د ونبداو نفتحوهم رقاق ونحطو الحشو ديالنا ونزيدولو جبن 🧀 مبشور ونغلقوهم كيما البوراك ونسخنو الطاجين من قبل ونطيبوهم على نار 🔥 هادئة ونحمروهم على كل الجوانب وهكدا راهم واجدين
😋 شهية طيبة

سندويتش الكسرة المحشية مقادير العجينة:كاس دقيق رطبكأس ونصف فرينة(طحين أبيض )ملعقة صغيرة سكرملعقة صغيرة ملح ملعقة صغيرة خ...
06/09/2026

سندويتش الكسرة المحشية
مقادير العجينة:
كاس دقيق رطب
كأس ونصف فرينة(طحين أبيض )
ملعقة صغيرة سكر
ملعقة صغيرة ملح
ملعقة صغيرة خميرة الحلويات
ملعقة صغيرة خميرة الخبز
ملعقة كبيرة سانوج
ملعقة كبيرة معدنوس مجفف(اختياري)
ربع كاس زيت
ماء باش نلمو بيه العجينة
الحشو:
الحشو اختياري انا عملت فيه الفلفل الحلو(الطرشي) صدر دجاج
جبن ابيض وجبن مبشور
التوابل:
ملح-فلفل أسود-بابريكا
طريقة التحضير: في إناء نحط الدقيق والفرينة خميرة الحلويات وخميرة الخبز السكر والملح السانوج والمعدنوس المجفف والزيت نخلط كامل النواشف ونلم بالماء الدافئ ونحطوها ترتاح ونحضرو الحشو
كيما قولتلكم الحشو اختياري واش تحبو حطو فيه كي ترتاح العجينة نقسموها إلى عدة قطع ونبداو نفتحوها ونحطو فيها الحشو ونحطوها طيب في طاجين اللي نكونو حطينا فيه شوية زبدة أو زيت
شهية طيبة دعواتكم 🤲🙏🫶😘❤️
#بيتزا

قراتان الدجاج 🐔 واللحم المفروم 🍖المقادير:صدر دجاج 🐔 رطل لحم 🍖 مفروم 7 حبات بيض 🥚+ الجبن + كريمة الطبخ معدنوس(بقدونس )2 ح...
06/09/2026

قراتان الدجاج 🐔 واللحم المفروم 🍖
المقادير:
صدر دجاج 🐔
رطل لحم 🍖 مفروم
7 حبات بيض 🥚+ الجبن + كريمة الطبخ
معدنوس(بقدونس )
2 حبات بصل كبار 🧅🧅🧅+سنينات ثوم 🧄
التوابل:
ملح+ فلفل اسود + زنجبيل +بابريكا + كركم+كمون
الزيت والزبدة + حبات بطاطا
طريقة التحضير:
ناخد طنيجرة نحط فيها الزيت والزبدة ندوبهم ونحط الدجاج 🐔 نقليه مليح ونزيد البصل والثوم ونحط التوابل نقليهم نمرق بالماء الساخن 🔥 كي يطيب نحيه ونحتفظ بالمرقة نفتت الدجاج 🐔 نضيفلو الجبن 🧀 و 3حبات بيض والمعدنوس ونخلطهم جيدا ناخد مقلة نحط فيها الزيت والزبدة ندوبهم ونحط اللحم 🍖 المفروم البصل 🧅سنينات ثوم 🧄 الملح +فلفل اسود +بابريكا +رشة كمون ونطيبهم جيدا نضيفلو 3 حبات بيض والجبن الأبيض والمعدنوس نخلطهم جيدا ناخد صينية الفرن نفرش فيها ورق الطهي نحط الدجاج 🐔 كطبقة أولى أمبعد نحط اللحم 🍖 المفروم كطبقة ثانية في إناء نخلط كريمة الطبخ حبة بيض الملح و فلفل اسود ونوزعها على الطبق وندخل الصينية للفرن اللي يكون مسخن مسبقا ونخليهم يطيبو ونحمرها مالفوق هكدا الطبق راهو واجد ونرافق القراتان بالبطاطا المقلية
شهية 😋 طيبة

Adresse

Grenoble

Site Web

Notifications

Soyez le premier à savoir et laissez-nous vous envoyer un courriel lorsque Kamsou Délices publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type