為食會計人肥Bob飲飲食食

為食會計人肥Bob飲飲食食 為食會計人從事會計審計工作十多年, 踏入中佬階段, 方發覺人生還有很多好玩之處, 決意放低工作, 玩樂人生, 飲飲食食

Miller & Carter中秋佳節，肥Bob幾窮幾忙都好（窮忙族族主），都要同老婆私底下過吓節。Solihull中菜麻麻地，不如鋸吓扒，呢間近屋企之餘，lunch 又唔貴。大家都知，響英國食牛扒都要撞彩，呢間煮得好，叫medium ...
26/09/2026

Miller & Carter

中秋佳節，肥Bob幾窮幾忙都好（窮忙族族主），都要同老婆私底下過吓節。
Solihull中菜麻麻地，不如鋸吓扒，呢間近屋企之餘，lunch 又唔貴。
大家都知，響英國食牛扒都要撞彩，呢間煮得好，叫medium rare就真係medium rare，起碼無嘥咗塊扒。

呢次真係吊鯉😂
15/09/2026

呢次真係吊鯉😂

琦興大排檔 Brimingham通常隔一排，就會去 #琦興大排檔食嘢，食物固然好食，抵食，但最重要，最重要，最重要，係個杯奶茶。佢嘅奶茶暫時係我響英國飲過最好飲嘅奶茶，所以逢茶癮起，就會去飲返杯，吊吊癮。今次叫咗二人餐三個人食：海...
12/09/2026

琦興大排檔 Brimingham

通常隔一排，就會去 #琦興大排檔食嘢，食物固然好食，抵食，但最重要，最重要，最重要，係個杯奶茶。
佢嘅奶茶暫時係我響英國飲過最好飲嘅奶茶，所以逢茶癮起，就會去飲返杯，吊吊癮。
今次叫咗二人餐三個人食：
海蜇燻蹄
涼瓜炒牛肉
咖喱牛腩
因為肥Bob一家都係牛怪，所以兩味自選都揀咗牛。

懷念鬼王，呢套係必睇之一。嚟緊仲有97家有囍事，新家法，賊公子，當然唔少得陰陽路系列。 #鬼王 #雷宇揚 #陰陽路
11/09/2026

懷念鬼王，呢套係必睇之一。
嚟緊仲有97家有囍事，新家法，賊公子，當然唔少得陰陽路系列。

#鬼王 #雷宇揚 #陰陽路

幾年前擺檔，偶遇女神王馨平🥰🥰
07/09/2026

幾年前擺檔，偶遇女神王馨平🥰🥰

前排碌IG, 見到呢間有放題，睇相又幾ok，價錢又唔算好誇張，就揸兩粒鐘落倫敦會一會佢。一開波，就叫咗中拖羅、帶子，甜蝦呢啲熱門壽司，呢啲生嘢，最緊要係新鮮，呢點係做到嘅。跟住試吓吉列豬扒飯，（放題食飯，好似幾戇居，但我又真係想試...
11/08/2026


前排碌IG, 見到呢間有放題，睇相又幾ok，價錢又唔算好誇張，就揸兩粒鐘落倫敦會一會佢。

一開波，就叫咗中拖羅、帶子，甜蝦呢啲熱門壽司，呢啲生嘢，最緊要係新鮮，呢點係做到嘅。

跟住試吓吉列豬扒飯，（放題食飯，好似幾戇居，但我又真係想試吓）豬扒炸得幾鬆化，可以一食。

之後有叫冷麵，呢個係夏季先有，味道可以，但可惜唔夠「冷」。

炸蝦天婦羅，好食。

炸雞同小丸子可以skip，真心唔掂，之後師傅有冇我哋意見，我哋都如實反映，炸雞嘅粉實在太多，基本上9成係粉，1成係雞肉，雖然「粒」雞肉係好食；小丸子都係類似情況。

拉麵係好食，湯亦夠熱，（雖然天氣好熱，但拉麵嘅湯唔夠熱，始終我都接受唔到）

中間叫咗粒雪糕糯米糍，普普通通，無特別。

之後再熱咗兩三轉壽司，都幾得嘅。

最後想要開心果焦糖燉蛋，同柚子牛奶布甸，竟然話太早未預備好，連抹茶布甸都無，之後就送咗個芒果雪葩比我哋，但4款甜品，竟然3樣都提供唔到，呢樣真係要扣分。

總括嚟講，一試無妨，可以緩解鄉愁。

我睇IG話如果要食放題，係要特別訂位嘅，我就響IG度訂位嘅。

同埋唔知點解，FB係揾唔到佢間嘢打卡。

Tsuki Ramen
 288 Upper Richmond Rd, London SW15 6TH

https://maps.app.goo.gl/Lgd7vwiDNq852Jop7?g_st=ic

桑坦德遊記4第二天行程係由Gemini推介嘅，就係坐渡輪去對岸嘅小鎮 Pedreña 同沙灘小鎮 Somo。個渡輪碼頭響酒店附近，尋晚其實都經過，距離酒店6-7分鐘步程，買完飛，（記得買來回飛）買早餐響碼頭附近食，食完上船，先去小鎮 Pe...
05/08/2026

桑坦德遊記4
第二天行程係由Gemini推介嘅，就係坐渡輪去對岸嘅小鎮 Pedreña 同沙灘小鎮 Somo。
個渡輪碼頭響酒店附近，尋晚其實都經過，距離酒店6-7分鐘步程，買完飛，（記得買來回飛）買早餐響碼頭附近食，食完上船，先去小鎮 Pedreña，響碼頭影吓相，行吓附近小店，就去 Restaurante La Trainera
食lunch，點知未開，又烈日當空，唯有去隔離間酒吧飲杯嘢啦，諗住十歐八歐無走雞啦，點知一杯生啤，一杯sangria ，只係4.3歐，同英國比，真係…….
查實間吧同間餐廳都係酒店嘅，根本係同一間，到夠鐘，餐廳嘅職員都叫我哋過去入座食嘢。
呢餐係我哋成個trip最貴嘅一餐，食咗啲海鮮（自己睇相），開咗支白酒，埋單100歐，好貴唔係，好抵又唔係，好過英國啲劣食咁啦。
跟住再搭船去Somo行沙灘，唔知點解我張來回飛係唔包呢程，要上船再補錢，2歐一位。
Somo嘅海灘真係正，沙靚水靚，仲有天體（可惜唔Po 得出嚟）人又靚🥰🥰，我指同我同行個位呀。
晚餐就因為食咗好多餐唔太熱嘅嘢，所以就冒險去食日本拉麵 Ramen Shifu Bar，諗住食啲熱嘢落肚，但真係上咗部直升機…. 伏伏伏伏…..

▶️Restaurante La Trainera

https://maps.app.goo.gl/BFpXYU9PyC5eCGMi7?g_st=ic

Av. Severiano Ballesteros, 134, 39130 Pedreña, Cantabria, 西班牙

桑坦德遊記3食完冬菇亭，我哋就行下Centro Botín（波丁藝術中心），同響附近海濱大道影吓相，望吓海。行下行下，就到咗Casa Lita呢間小酒館食Pintxo做晚餐喇。Pintxo 係一種傳統嘅西班牙食品，係用一支小竹籤將各種食材（...
21/07/2026

桑坦德遊記3
食完冬菇亭，我哋就行下Centro Botín（波丁藝術中心），同響附近海濱大道影吓相，望吓海。
行下行下，就到咗Casa Lita呢間小酒館食Pintxo做晚餐喇。
Pintxo 係一種傳統嘅西班牙食品，係用一支小竹籤將各種食材（例如：法式長麵包、生火腿、乳酪、醃鯷魚、章魚、蝦或烘蛋）串埋一齊。
當地嘅人通常食呢啲睇落去唔似正餐，加上小啤酒（Caña）或巴斯克微泡白酒（Txakoli），邊食邊飲邊吹水。
我哋當日7點去到就無咩人，之後就愈坐愈多人，果然當地人真係8點先開始食晚餐。
我哋總共試吓3款Pintxo ，唔好睇少佢包仔細細，慢慢食吓，飲吓酒，都飽飽地。
因為第二日諗住坐船去小島，所以食完就返酒店休息，結束第一日嘅行程。

#西班牙 #桑坦德

桑坦德遊記2酒店問題解決咗，咁第二個問題又點呢？我上網search桑坦德嘅旅遊資訊，真係唔太多，有嘅都係啲好公式嘅資料。好彩而家有AI，我問完自己隻龍蝦，又問Gemini，真係幫到手，起碼五日四夜嘅行程大約係點，邊日玩咩，要食啲咩，都有個大...
20/07/2026

桑坦德遊記2
酒店問題解決咗，咁第二個問題又點呢？
我上網search桑坦德嘅旅遊資訊，真係唔太多，有嘅都係啲好公式嘅資料。
好彩而家有AI，我問完自己隻龍蝦，又問Gemini，真係幫到手，起碼五日四夜嘅行程大約係點，邊日玩咩，要食啲咩，都有個大概。
第一次搭壞人航空，之前睇咗好多資訊，準備好哂所有嘢，好彩順利上機。
大約4:00到埗，之後去酒店check-in 個啲例牌嘢唔多講喇。
之後就梗要醫肚啦，可惜桑坦德口呢個地方嘅午飯時間係2-5，而晚飯時間係8:00開始，即係話我攞完酒店房，都已經過咗午飯時間。
我一放低行李，就search附近有無餐廳未收，可惜全部都響10分鐘之後收工，要到8點先再開門。
我唔理三七二十一，好似五朗先生咁，用直覺去揾食，終於好快揾到個冬菇亭，食咗我哋嘅第一餐：酥炸魷魚圈，伊比利亞火腿可樂餅。
求其食住啲，頂住肚先。8 點之後再食過。

 有用資訊：
Calamares Fritos (Rabas) ▶️酥炸魷魚圈

Croquetas Ibérico▶️ 伊比利亞火腿可樂餅

#西班牙 #桑坦德

20/07/2026

想知邊間餐廳咁正，用炭爐煮西班牙海鮮炒飯，就留意肥Bob嘅遊記喇。
#西班牙 #桑坦德

Address

15 Colmore Row
Birmingham
B3 2BH

Website

Alerts

Be the first to know and let us send you an email when 為食會計人肥Bob飲飲食食 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category