Cake & Bake

15/05/2025

05/05/2025

تابعوني على حساب التكتوك لمزيد من النصائح والمعلومات فيما يخص موضوع التوحد
والاكل الصحي 💜🩷❤️

30 likes, 8 comments. “ ❤️❤️ #عراقية #توحد #توحدي #نصائح #عراقي #بغداد ....

29/04/2025

أطفال التوحد

28/04/2025

#وصفاتي #صحةفطوركم . …. يسعد مساكم جميعا 🧡🧡 الوصفة على حساب التكتوك…https://www.tiktok.com/?_t=ZN-8vuvXO83NyA&_r=1… تابعوني للمزيد من الوصفات الصحية

19/02/2024

عروگ على طريقتي وطلع طعمها جدا لذيذ وان شاء الله دائما اعتمدها لان ابدا ما احب القلي وريحته وصرف الزيت بدون فائدة وانما كله مضره للجسم 😐
الطعم للامانة شبيه بكبة البرغل على طعم كباب وكلش هشة وطرية وابدا ما يبست بالفرن والطريقة كالاتي
كوب ونص جريش ونص كوب برغل اسمر ناعم
ننقعهم بمي ساخن حد بحد المي ونتركهم ربع ساعة
بهاي الاثناء نجهز الخلطة
حطيت بست البيت بصلة متوسطة وفلفل 🫑 واحمر بارد من كل وحدة نص وشوية معدنوس اني خطيت كزبرة خضرا وحبة طماطم وحدة
ثرمتهم ثرما مبرحًا
وبعدها صبيتهم على البرغل والجريش يكون امتص كل المياه وصفيت الحشوة من ميها قبل ما اضيفهم للعجينة وبهارات متنوعة وكمون وقرنفل ودارسين وفلفل احمر حار وهذا ممكن تستغنون عنه اذا ما تحبون الحرارات ونص كيلو لحم مثروم بيه كمية دهن حلوة
ونملح طبعا وشوية معجون طماطم وشوية زيت زيتون ونعجنهم واخر شي نخلي البيكنباودر ،،
وصبيتهم بصينيه بيها زيت زيتون شوية
واقسمهم بايدي قبل ما ادخله الفرن وعلى الوجه اخلط بيضة مع دبس الرمان وشوية معجون مع قطرات خل وفلفل اسود وشوية زيت زيتون وملح وامسح الوجه بيهم
وتقريبا تاخذ بالفرن نص ساعة او اكثر لحد ما تشوفوها تحمرت واستوت
ملاحظة هاي الكميةتسوي قالبين وممكن تجمدوه نصها اذا اللحم يكون فرش مو مجمد وذايب..
وملاحظة ثانية اذا اللحم بيه كمية دهن تصير اطيب ..
اتمنى تجربوها وتعجبكم 😍عروگ

02/02/2024

الدهين
حلاوة عراقية
من الذ الحلويات العراقية هي الدهين او الدهينة
منو يحبها 😍

23/11/2023

فاهيتا الدجاج 😋

25/10/2023

💖💖

04/04/2023

افكار لاطباق صحية 😍

03/02/2023

اصح فطار هو خضروات مع بروتين وقليل من الدهون او الزيوت وقليل من الكارب
وافضل انواع البروتين هو البيض
معلومة ع الطاير 😍

02/02/2023

افكار لافطار صحي 😍

24/12/2022

#اكلاتي #سانسباستيان #جيزكيك
حبايب الطعم طيب والوصفة جدا ناجحة وما بيها ولا غلطة والطريقة جدا سهلة
لكن اني مو كائن جيز كيكي 🫣حتى ما اخدعكم اني اصلا ما احب الجيز كيك
بس عائلتي انغرموا بيها وطبعا على اساس ما احب الجيز كيك بس هم دعبلت قطعة لمعدتي 😆😆
المهم المقادير كالاتي
ثلاث علب جبن فيلادليفا او اي نوعية تصلح للجيز كيك كل علبة تقريبا وزنها ٢٠٠ غرام
خمس بيضات
برش ليمونة
عصير ليمون ملعقتين اكل
كوب معياري سكر واني ضفت فوكاه ملعقة اكل ايضا (يعني كوب وملعقة )
٤٠٠ غرام دبل كريم
ملعقتين اكل طحين
والمكونات لازم بحرارة المطبخ يعني تطلعون الجبن والبيض قبل فترة من التحضير .
اول شي تخلون الجبن والسكر وتخفقوهم لحد ما يذوب الجبن كلش بعدها تضيفون البيض وحدة ورا الثانية لحد ما يمتزجون جيدا ،
على جهة تخلطون الطحين مع الدبل كريم لحد ما يتجانس وبعدين تصبوه على المزيج وتستمرون بالخفق وتضيفون فانيلا وعصير الليمون وبرش الليمون. وعلى سرعة متوسطة تبقون تخفقون لحد ما يصير المزيج ناعم جدا ..
وتحضرون القالب وتفرشون بيه طبقتين ورق زبدة بعد ما تعقجوهم زين وتصبحون المزيج بيه وتضربوه على الكاونتر حتى يطلع الهوا الي دخل بيه ،، تدخلوه الفرن ساعة الى خمسين دقيقة على حرارة ميتين وعشرين او اني خليته على رقم ٦ بفرني وبعدين رجعت عليته على رقم ٧ . ومن تطلعوها تحسوها رخوه وترجف من الخوف وهذا عادي ، لازم تتركوها تبرد كلش زين يلا تدخلوها الثلاجة شي اربع ساعات.. وبالتقديم تصبون عليها الغناج وتاكلوها بالف عافية
للامانة اني تابعت هواي وصفات لكن رسيت على وصفة علا طاشمان وحسيتها كلش مضبوطة 😍