Malaya SU

03/10/2026

ဝါသနာများစွာနဲ့ ကျမ🎸

01/10/2026

#၂၇ မှ သည် ၃၃ ဆီသို့ #

ပြောပြရင် ယုံကြမယ်တောင် မထင်ဘူး

*မွေးကတည်းကနေ အသက် ၂၇ နှစ် အထိ လူဖြစ်လာပြီး အသက်ရှင်သန်မှုဟာ အတိတ်ဘဝက ဝဋ်ကြွေး လာဆပ်ခြင်းပဲလို့ ခံယူခဲ့တယ်

*ဒါတောင် ကျမဟာ အလယ်အလတ်တန်းစား မိသားစု တစ်ခုက မွေးဖွားလာပြီး ဘာအပူအပင်မှ မရှိ မိဘ မောင်နှမ ချစ်ခြင်းမေတ္တာနဲ့အပြည့် မွေးဖွားလာတဲ့သူ

*ရှင်သန်ရင်း ရပ်တည်ရင်း ပျော်ရွှင်မှု ပျောက်ဆုံးပြီး လုပ်သင့်တာကို လုပ်နေခဲ့တဲ့သူ ဖြစ်သင့်သလောက်တော့ ဖြစ်နေတဲ့ လူတစ်ယောက်အနေနဲ့ရှိနေခဲ့တယ်

*၂၇ နောက်ပိုင်း အတွေးလေးတွေ ပြောင်းလဲလာတယ် ကမ္ဘာကြီးကို ချစ်တတ်လာတယ် သဘာဝ ပတ်ဝန်ကျင်းကို နှစ်သက်လာတယ် အသေးအဖွဲလေးတွေမှာ ပျော်ရွှင်မှုကို ရှာတွေ့တတ်လာတယ်

ဥပမာ ၊ ရုံးအပြန် bus station ကနေ အိမ်ပြန်လမ်းတစ်လျှောက် ညနေဆည်းဆာကြည့်ရင်း လမ်းလျှောက်ရတဲ့ ခံစားမှု

နေသာတဲ့တစ်နေ့ ပန်းခြံမှာထိုင်ရင်း တိမ်တွေရွေ့လျားတာကို ကြည့်ရင်း သီချင်းညည်းတဲ့ ခံစားချက်

စျေးသွားရင်း ပန်းဆိုင်က အန်တီကြီး ပန်းညှပ်နေတာကို မြင်တဲ့ မြင်ကွင်း

ကိုယ်နဲ့ type တူတဲ့ သူငယ်ချင်းနဲ့ အေးဆေး ကော်ဖီသောက်ရင်း လမ်းလျှောက်ရင်း ရောက်တတ်ရာရာ ပြောရတဲ့ ခံစားချက်

အိုးးးးးး သေးမွှာတဲ့အရာလေးတွေထဲက ရတဲ့ အရာရာဟာ ကြည်နူးစရာအတိပါ

အဲ့လို အရာလေးတွေကို မြင်တတ်ပြီဆိုရင် ကျမတို့ဟာ သိပ်မျှော်လင့်ချက် မများတဲ့ လူတစ်ယောက် ပျော်ရွှင်မှုကို သိနေတဲ့ လူတစ်ယောက်ဖြစ်နေပါပြီ

*၂၇မှ ဆိုပေမယ့် ကျမ နောက်ကျ မနေခဲ့ပါဘူး
ခုထိ ပျော်ရွှင်မှုဆိုတာကို မသိသေးတဲ့ လူတွေထပ်စာရင် ကျမ စောနေသေးတာပဲ

*တခါတလေ ပြောပြချင်တယ်
ပျော်ရွှင်မှုဆိုတာ saving money တွေ မဟုတ်ဘူး တိုက်တွေ ကားတွေ မဟုတ်ဘူး အပေါ်ယံ သူငယ်ချင်းတွေ မဟုတ်ဘူးဆိုတာ

#

17/10/2025

First timeမို့ လက်က မငြိမ်ဘူးရယ်😅

14/10/2025

ဘာရယ် မဟုတ်ပဲ ဒီနေ့ အစ်မတွေကို လွမ်းတယ်

လွမ်းတော့ ကျေးဇူးတရားတွေကို ပြန်အောင့်မေ့ရင်း ကျေးဇူးတင်ဖြစ်တယ်

လူတစ်ယောက် သတ္တိရှိရှိနဲ့ သူ လုပ်ချင်တာလုပ်ဖို့ သိပ်အများကြီး မလိုပါဘူး

သူ့ကို ထောက်ခံအားပေးနေတဲ့ မိသားစုနဲ့ ဆရာသမားကောင်း သူငယ်ချင်း မိတ်ဆွေကောင်း လူနည်းစု ရှိရင်ကို အစ’ကောင်းတစ်ခုကို ဖမ်းဆွဲမိနေပြီး

အနှောင်းသေချာဖို့ကလဲ အဲ့ဒီလူရဲ့ အားစိုက်ထုတ်မှုနဲ့ ခုနက လူနည်းစုရဲ့ အားပေးစကားတွေပဲ ထပ်လိုအပ်တာပါ

ဖြစ်စဉ်များစွာထဲက

နံပါတ် (၁)
ကျမ ၁၀တန်းတုန်းကပေါ့

အောင်စာရင်း မထွက်ခင် ညမှာပဲ ဘယ်သူတွေ ဂုဏ်ထူး ဘယ်နှစ်ခုတော့ ပါတယ် သတင်းကြားတဲ့အချိန် ကျမ နာမည် မပါလာခဲ့ဘူး

နောက်နေ့ အောင်စာရင်းထွက်တော့လဲ တကယ်ကြီးကို မပါခဲ့တာပါ

အိမ်ပြန်လာတဲ့အချိန် အမေနဲ့ အစ်မတွေက အိမ်ပေါ်မှာ လူစုနေလေရဲ့

ဘာလုပ်နေကြတာလဲ မေးတော့ အငယ်မ နင့်ကို ငါတို့ ဘာလုပ်ပေးရင် ကောင်းမလဲ ဘာလုပ်ပေးနိုင်မလဲဆ်ုတာ စဉ်းစားနေကြတာတဲ့

သူတို့ရဲ့ အငယ်ဆုံး သမီးလေး အငယ်ဆုံး ညီမလေးအတွက် မျှော်လင့်ချက်တွေ ကြီးခဲ့တယ် ဒီတစ်ယောက်တည်းသာ မိသားစုမှာ ထွန်းတောက်ဖို့ အခွင့်အရေးရှိတော့တာမို့

ဘဝ တစ်ဆစ်ချိုးအချိန်မှာ မျှော်လင့်သလို ဖြစ်မလာခဲ့ပေမယ့် ဆူခြင်း တစ်စက်ကလေးတောင် မရှိပဲ ပထမဦးဆုံး လုပ်ခဲ့တာက

‘ငါတို့ နင့်အတွက် ဘာလုပ်ပေးရမလဲ ဘာလုပ်ပေးနိုင်မလဲဆိုတာ စဉ်းစားနေတာ’ တဲ့လေ

ဆက်ရန်………..

29/09/2025

ဝေးဝေးနေသင့်တဲ့သူ ၃ မျိုး

(၁) အတင်းပြောတတ်တဲ့သူ

ကျမ အလုပ်မှာ အလုပ်လုပ်နေရင်း podcast နားထောင်းလို့ရတော့ motivational speaker တစ်ယောက် ပြောတာလေး သိပ်သဘောကျမိတယ်

မင်းကို တစ်ခြားသူ မကောင်းကြောင်း လာပြောတဲ့သူဟာ သူ ဒုတိယ ပြောမယ့် မကောင်းကြောင်းဟာ မင်းအကြောင်း ဖြစ်နေလိမ့်မယ်’ တဲ့

(၂) အချိန်ကို မလေးစားသူ

လက်ရှိ ပစ္စုပ္ပန်ကို ကျမတို့ဟာ ဘယ်တော့မှ ပြန်လာလို့ မရတော့ပါဘူး

ကိုယ်ကိုတိုင် စီမံခန့်ခွဲလို့ရတဲ့ ကိုယ့်ရဲ့ အချိန်ကိုတောင် အကျိုးရှိရှိ မသုံးစွဲနိုင်ရင် သူနဲ့ သွားပတ်သတ် ဆက်နွယ်နေမယ့် ကိုယ့်ရဲ့ အချိန်ကိုလဲ အလေးထားမှာ မဟုတ်ပါဘူး

(၃) ကတိမတည်သောသူ

ကျမအတွက်ကတော့ ကတိဆိုတာဟာ ပေးတဲ့သူရဲ့ တစ်ဖက်သူအပေါ် အလေးအနက်ထားမှု လေးစားမှု တာဝန်ယူ တာဝန်ခံမှု စိတ်စေတနာ လို့ အဓိပ္ပါယ် ဖွင့်ချင်တယ်

လုပ်ငန်းခွင်မှာတော့ တာဝန်ယူ တာဝန်ခံမှု ဖြစ်ပြီး လူမှုရေးမှာတော့ ဒါဟာ အလေးအနက်ထားမှု လေးစားမှု စိတ်စေတနာလို့ အဓိပ္ပါယ်ဖွင့်ပါတယ်

ဒီနေရာမှာ ကတိဟာ self love/ self respect နဲ့လဲ ပတ်သတ်မှုရှိပါတယ် ဘာကို ဆိုလိုတာလဲ ဆိုတော့ ကိုယ် မလုပ်ချင်တဲ့အရာကို အားနာနာနဲ့ လုပ်ပေးပါမယ်ဆိုတာဟာ ကိုယ့်ကိုယ်ကို ချစ်တာ မဟုတ်တော့ပါဘူး

အဲ့ဒီတော့ မလုပ်ပေးနိုင်ဘူးဆိုရင် ´No’ လို့ လူတိုင်း ပြောခွင့်ရှိပါတယ် ဒါဟာ self love/ self respect ပါ

သို့သော် ကိုယ် လုပ်ပေးနိုင်မယ်ထင်လို့ ပေးထားတဲ့ ကတိ မလုပ်ပေးနိုင်တာကတော့ ဒါဟာ တစ်ဖက်လူအပေါ် အလေးအနက်မထား မလေးစားပဲ ကတိကို လွယ်လွယ်ပေးတတ်တဲ့သူ ဖြစ်ပါတယ်

ဒါကြောင့် အထက်ပါ လူ သုံးမျိုးကတော့ ဝေးဝေးနေရင် အကောင်းဆုံးပါပဲ

တချို့သော မကောင်းမှုတွေက အလွယ်တကူ ကူးစက်တတ်တာ သဘာဝမဟုတ်လား။

( ဤစာအား စာရေးသူမှ တစ်ယောက်သော သူအား ၁၁:၃၅ ကားဖြင့် ခရီးသွားပါမည်ဟု အတန်တန်သတိပေးရင်းမှ တစ်ယောက်သောသူမှ ၁၂:၀၀ ရောက်ရှိလာခြင်းမှ idea ရ၍ ရေးသားခြင်း ဖြစ်၏)

24/06/2025

20/06/2025

Go where you feel the most alive.😉