Eatingismylife

05/09/2026

📅 2026-09-02
🥢 The Oyster House
📍 灣仔皇后大道東 202 號 QRE Plaza 25 樓
🤤味道評分：8.5/10
📷賣相評分：8.5/10
🏞環境評分：8.5/10
🤵🏻服務評分：8.5/10
😍回頭指數：8.5/10
💰人均價錢：$323
🇭🇰【灣仔超抵食高質海鮮拼盤！情侶慶生浪漫約會首選🦪】
🌖Seafood Platter $199
海鮮拼盤真係好豐富，有齊生蠔、帶子、鮑魚、黃金螺同青口！每樣嘢食落都覺得好新鮮，性價比好高，做前菜超爽！如果星期一、二嚟嘅話只係$99，更加抵食！
🌖Lamb Chop $299
羊排揀咗五成熟，熟度掌握得啱啱好！切開好嫩滑，非常入味，重點係羶味唔算好重，平時少食羊嘅朋友都可以接受！
🌖Banoffee Pie $89
香蕉拖肥批賣相已經好吸睛，香蕉、忌廉同拖肥嘅比例拿捏得啱啱好，食落完全唔會太膩，整體甜度適中！如果係慶生嘅話餐廳仲會免費幫你喺甜品上面寫慶祝字句，仲會免費送張即影即有俾你留念，好貼心！
另外如果喺附近返工嘅話，嚟呢度食 Lunch 都幾抵，因為有「買三送一」（4人同行1人免費）優惠，好划算！


想睇同區食店介紹？可以參考👇🏻👇🏻


想睇同類食物介紹？可以參考👇🏻👇🏻

26/08/2026

📅 2026-08-23
🥢 霸嗎拉麵
📍 尖沙咀金巴利道26號地舖
🤤味道評分：7.5/10
📷賣相評分：7.5/10
🏞環境評分：8/10
🤵🏻服務評分：8/10
😍回頭指數：7.5/10
💰人均價錢：$88
🇭🇰【金巴利道拉麵小店！超貼心提供圍裙＋極濃雞白湯】店內有提供圍裙，怕食拉麵或拌麵濺到衫嘅朋友可以主動向服務生索取，相當貼心！不過圍裙需要自己開口叫，服務生唔會主動提供～
🌖雞叉燒味玉辛辣雞白湯拉麵 $98
湯底色澤紅潤，辣香同雞白湯嘅濃郁融合得啱啱好！雞叉燒切得厚身，配埋半熟味玉，食落非常過癮。
🌖溫泉蛋蔥油豚角撈麵 $78
配料鋪得超滿！將半熟溫泉蛋劃破拌勻，配埋大量蔥花、海苔絲、青瓜丁同香濃嘅蔥油，每口麵都掛滿醬汁。豚角肉質算軟，口感層次好豐富。
#霸嗎拉面

想睇同區食店介紹？可以參考👇🏻👇🏻


想睇同類食物介紹？可以參考👇🏻👇🏻

25/08/2026

📅 2026-08-13
🥢 漢城韓式料理
📍 尖沙咀金巴利道74-76號奇興大廈地下A舖
🤤味道評分：7.5/10
📷賣相評分：7.5/10
🏞環境評分：7.5/10
🤵🏻服務評分：7.5/10
😍回頭指數：7.5/10
💰人均價錢：$187
🇭🇰【尖沙咀平民韓仔野！高質蜜糖蒜蓉炸雞+消暑水冷麵】
價錢整體算係相當經濟實惠，最正係一站式可以食到超多款傳統韓國菜，連醬油蟹都有得食，真係好適合同朋友聚餐！漢城自2001年開到現在，算係香港好早期嘅原創韓國餐廳之一，一直主打年輕人路線，菜式選擇極多又夠平民，而且經常有特價優惠，CP值唔錯！
🌖辣炒魷魚套餐 $116
魷魚惹味爽口，跟套餐附送多款豐富小菜、白飯同熱湯，份量十足又夠抵食！特別要提嘅係前菜泡菜竟然加咗腸仔，第一次咁食估唔到又幾好味！
🌖蜜糖蒜蓉炸雞（半隻） $109
外皮金黃酥脆，裹滿香甜嘅蜜糖醬汁，最正係特別配埋整瓣炸蒜頭而非壓蓉切碎嘅蒜蓉，咬落蒜香味爆發又極有口感！雞肉保持到嫩滑有肉汁，熱辣辣食超級過癮！
🌖芝士雞翼（4件） $52
芝士味調得相當惹味，外皮炸得香脆！最驚喜係底下仲配埋炸年糕，食落外脆內煙韌，口感非常特別又有驚喜！
🌖水冷麵 $62
冰涼嘅酸甜湯底加上碎冰，喺夏日食極之消暑！冷麵口感極具彈性同咬口，配埋黃瓜絲同水煮蛋，仲可以隨自己喜好加芥辣同醋調味，非常開胃解膩！


想睇同區食店介紹？可以參考👇🏻👇🏻
#香港韓國餐廳 #尖沙咀美食 #尖沙咀好去處

想睇同類食物介紹？可以參考👇🏻👇🏻
#香港韓餐

10/08/2026

03/08/2026

📅 2026-07-22
🥢 The Woo 小窩庭
📍 旺角煙廠街33號朗廷軒地下B鋪
-
🤤味道評分：7/10
📷賣相評分：8/10
🏞環境評分：8/10
🤵🏻服務評分：7.5/10
😍回頭指數：7/10
💰人均價錢：$169
-
🇭🇰【旺角溫馨小店！高質熱辣辣即製千層麵＋邪惡蜂蜜法式吐司】
-
🌖肉醬千層麵 $95
呢度嘅千層麵真係新鮮即做，要耐心地等十幾至二十分鐘！不過等待係值得嘅～千層麵用咗新鮮蕃茄去整，味道清爽又唔會太酸，重點係醬汁份量超級多，每一口都沾滿醬汁！
🌗脆炸香蒜單骨雞翼 (8塊) $53
加配嘅單骨雞翼炸得好香脆！不過味道就相對比較淡味，如果有額外醬汁可以俾人沾埋一齊食就更好啦～
🌖蜂蜜法式吐司 (加雲尼拿雪糕球) $91
聽講係每日限量發售！吐司表面非常香脆，中間吸滿咗牛奶蛋液，咬落去綿密細膩，整體質感好有層次～再加上雪糕一熱一冷咁食，邪惡感爆燈！整體甜度比較高，非常適合螞蟻人，如果蜂蜜可以落少少可能會更加剛好～
🌗開心果麻糬 $68
呢款配搭幾新奇，好奇心重嘅朋友可以一試！質感軟腍嘅牛奶麻糬放喺溫熱嘅開心果糊入面，麻糬食落偏軟少少、缺咗少少煙韌口感；開心果糊質地濃厚且帶有香濃嘅果仁香氣，整體味道稍微偏甜。不過由於麻糬同開心果糊兩者都係偏柔軟嘅口感，整體配搭缺乏層次衝擊感，如果可以將麻糬轉做沾開心果醬同開心果碎，口感應該會更豐富突出！
-
#法式吐司

想睇同區食店介紹？可以參考👇🏻👇🏻


想睇同類食物介紹？可以參考👇🏻👇🏻

02/08/2026

📅 2026-07-30
🥢 茶大椰 TEADAYE
📍 新蒲崗太子道東638號Mikiki 1樓132號舖
🤤味道評分：7/10
📷賣相評分：7.5/10
🏞環境評分：8/10
🤵🏻服務評分：8/10
😍回頭指數：7/10
💰人均價錢：$28
🇭🇰【椰子主題茶飲店】
🌖貓山王椰子茶 $40
榴槤味算幾足，不過甜度方面偏甜少少，如果平時飲開少甜嘅朋友可能就唔係咁啱！
🌖椰子蛋撻 $15
蛋撻外層係酥皮底，咬落好有層次感，而且內餡食落非常滑溜，帶住淡淡椰香同蛋香味，做下午茶唔錯！
🌖椰遇茶時 $1
飲品感覺清爽，帶有椰子果凍，增加不同口感，仲要只係一蚊！！！
皆因舖頭參加咗恒生信用卡嘅「新假期必吃食店大獎2026 - 1蚊加碟餸日日+FUN」優惠活動！顧客只要消費滿指定金額就可以獲得抽獎卡，抽中即可以 $1 換購指定美食。除咗我幸運抽中價值 $29 嘅椰遇茶時之外，喺茶大椰仲有機會抽中換購價值 $50 嘅原味大椰凍，或者加配 7 款配料（如仙草、桃膠、雪燕、馬蹄爆珠等）！一蚊多杯嘢飲/甜品，真係超級抵呀！

#茶大椰

想睇同區食店介紹？可以參考👇🏻👇🏻


想睇同類食物介紹？可以參考👇🏻👇🏻

21/07/2026

📅 2026-07-20
🥢 聚薈火鍋海鮮菜館
📍 油麻地砵蘭街61-63號長盛中心地鋪
🤤味道評分：8.5/10
📷賣相評分：8/10
🏞環境評分：7/10
🤵🏻服務評分：8.5/10
😍回頭指數：8/10
💰人均價錢：$277
🇭🇰【油麻地鑊氣海鮮小菜！惹味蒜香避風塘鱔球與濃郁黑白胡椒鴨】
🌖蒜蓉粉絲蒸蟶子皇 $58
呢個蟶子皇就算叫一隻都冇問題。熟到啱啱好！入口微甜，而且師傅清潔得非常好，完全食唔到有沙。最欣賞佢嘅蒜蓉粉絲同豉油調味恰到好處，味道啱啱好，完全無搶走蟶子本身嘅鮮甜味，正！
🌖避風塘炒鱔球 $168
一上檯已經聞到好香，鋪滿晒金黃脆卜卜嘅蒜酥，惹味得嚟超級送酒！最爽嘅係佢完全無骨，大啖大啖肉，而且肉質維持到彈性，OK合格，絕對唔會霉，下酒一流。
🌖古法黑白胡椒鴨（半隻） $168
呢個好驚喜！一入口個胡椒味好濃郁，鹹鹹地又帶點胡椒嘅辛辣，勁惹味！最正係佢暖胃得嚟又唔會覺得熱氣。鴨肉嘅肉質控制得好好，唔會太肥，亦唔會太乾柴，絕對係另一款極佳嘅送酒之選。
#聚薈火鍋海鮮菜館

想睇同區食店介紹？可以參考👇🏻👇🏻


想睇同類食物介紹？可以參考👇🏻👇🏻

17/07/2026

📅 2026-07-15
🥢 貴緣小鍋米線
📍 北角和富道21-53號和富中心地下
🤤味道評分：7.5/10
📷賣相評分：7.5/10
🏞環境評分：7/10
🤵🏻服務評分：8/10
😍回頭指數：7.5/10
💰人均價錢：$54

🇭🇰【北角街坊無味精米線！酸辣順口連湯都飲得埋】
🌖招牌酸辣湯米線 $54
今次叫咗招牌酸辣湯配微辣嘅秘製豚肉同埋蘿蔔。湯底揀咗五分濃、小辣，真係啱啱好！原來店家主打無添加味精湯底，唔怪之得飲落去好順口，酸辣味道有層次得嚟唔會死鹹，味道真係幾唔錯，開胃到連湯都可以放心飲埋。
配料方面，秘製豚肉雖然唔肥，但食落非常軟嫩，好有驚喜！不過刀工方面就稍微爭咁啲；蘿蔔好清甜，可惜美中不足係仲有少少筋，如果店家切嘅時候可以去皮去深多幾毫米（mm），成件事就真係完美喇！ 仲有一讚嘅係，豚肉同埋湯底都帶有少少清甜嘅味道，兩者好夾！
另外呢度嘅服務亦都好貼心。雖然手機支架唔係主動提供，但如果想邊食邊睇片，可以主動同店員借用，成個用餐體驗都好有溫度！👍🏻
#貴緣小鍋米線

想睇同區食店介紹？可以參考👇🏻👇🏻


想睇同類食物介紹？可以參考👇🏻👇🏻

20/05/2026

📅進食日期：2026-05-17
🥢餐廳名：旺角音樂大排檔 GOGO MUSIC BAR & RESTAURANT
📍餐廳地址：旺角砵蘭街180號砵蘭街180+ 1樓
-
🤤味道評分：7.5/10
📷賣相評分：7.5/10
🏞環境評分：7.5/10
🤵🏻服務評分：7/10
😍回頭指數：7.5/10
💰人均價錢：$138.5
-
🇭🇰【九龍懷舊金曲夜！旺角鬧市樓上音樂大排檔 足料暖胃雲吞雞加邪惡炸蝦多士 🎤】
今次同朋友去咗旺角砵蘭街呢間「旺角音樂大排檔」，一上到去真係好似入咗時光隧道咁！門口大大個霓虹燈招牌，裏面仲有一個超吸睛、畫滿懷舊歌后巨星嘅金曲舞台，中間仲有個「飲勝」霓虹燈，玩味同打卡度真係畀足高分！現場播住經典金曲，氣氛熱鬧得嚟又帶點情懷，非常啱同朋友一齊吹水食飯。
🌖雲吞雞（$168/鍋）
一大鍋上枱熱辣辣，湯底熬得相當濃郁，帶點奶白色，飲落去鮮甜又有雞湯嘅油香，好暖胃。雞肉都幾嫩滑，唔會柴。入面有成 8 粒雲吞，粒粒都好飽滿，皮薄內餡足料，配埋雞湯一齊食，真係好滿足！
🌖蝦多士（$50/兩件）
炸得非常金黃香脆！厚厚嘅多士上面鋪了一隻原隻鮮蝦，誠意十足。一啖咬落去，外層酥脆到「咔嚓」一聲，裏面嘅蝦肉好彈牙，而且油份控制得幾好，唔會覺得好油膩。
🌖牛肉餅（$22/個）
表面煎到兩面金黃微焦，外皮帶點厚度同煙韌感。入面嘅牛肉餡調味啱啱好，煎得香口惹味之餘，味道相當唔錯，咬開嘅時候仲鎖住咗滿滿嘅肉汁，真係超級多汁！好食到覺得一人食一個先至啱，同人分完全唔夠喉！
-
#旺角音樂大排檔

想睇同區食店介紹？可以參考👇🏻👇🏻


想睇同類食物介紹？可以參考👇🏻👇🏻

14/05/2026

#松加