O-Farm

29/08/2026

近日甲醛菜、香港有機菜溝菜等事件鬧到沸沸揚揚，花生遍地，今早見到來田自耕自種嘅會員農友，都提及究竟坊間邊道可以買到可靠可信嘅蔬菜呢？
係咪真係靠以下呢啲因素就得呢？
有認證？（一樣可以溝菜）
有死忠粉推薦？（唔識分都可以係fans）
只賣時令菜？(內地都有種香港時令菜喎)
菜樣醜啲及有窿？（樣靚就一定落藥？）
價格貴啲？（鍾意賣平啲唔得咩😂）

最後大家得出嘅結論係，倒不如自己種啦！！花點時間，下點勞力，租塊田仔，由種子開始，自主決定你餐桌上嘅食物，既可把關食物安全，又可增加吸收維他命D，仲可以活動筋骨，身體一定健康啲！

#講真要扼實在好容易 🤣

02/08/2026

你知道連續下雨，狗兒是什麼味道的嗎？

27/07/2026

挑戰消暑極限👊冬瓜雪條
農友話個40幾斤冬瓜，分完俾親朋好友，煲完冬瓜水冬瓜湯，又炆埋火腩，仲有一大嚿，於是諗出這個創意冬瓜冰吃😚

大家快啲試下整啦😁

📍限定今日最後一天 @將軍澳一田超市
7：00pm前有復耕者聯盟青皮大冬瓜。

#香港青皮大冬瓜 #復耕者聯盟 #香港農青
#特別鳴謝農友贈相

27/07/2026

加了支撐的撑得住，無加嘅就倒塌啦，看似被洪水沖倒。

25/07/2026

「聊勝於無」

風暴襲來，最易受害的可算是蕉樹了。香蕉由拔筍至掛蕉收成需要18個月，上年多個颱風基本上完全摧毀了成熟預備掛蕾的蕉樹，今年是El Nino年，一般颱風路線都相對較少襲擾香港，但少並不代表無，希望今次風力弱雞些，因為現在剛剛 food forest嘅蕉樹正係進入掛蕾高鋒期，如無意外會有10～15棵會開花。

傍晚把握停雨空檔，把用於冬瓜掛瓜的大彔竹轉去支撐三棵已開花掛蕾的蕉樹，可算聊勝於無的功夫。

23/07/2026

【冬瓜。消暑天花板】
喺廣東華南一帶，冬瓜喺夏天蔬菜的地位根本無可替代。
👑 1. 超級補水
冬瓜含水量高達96%以上，喺所有蔬菜中名列前茅。夏日出汗多、人容易脫水，食冬瓜可以補充身體流失嘅水分。
🧊2. 中醫：清熱、利尿、消腫
冬瓜性微寒、味甘，清熱解暑，能清除體內積聚嘅暑熱。夏天高溫濕氣重，人容易感到疲倦、水腫。冬瓜（連皮連籽）有極強嘅利尿祛濕效果，達致「真 · 體內散熱」。
🍲3. 百搭無比，老少咸宜
冬瓜味甘淡，能完美吸收其他食材嘅鮮味。不論係老人、小朋友，冇人會拒絕夏日嘅一碗冬瓜湯。

💡 消暑小秘訣
家常降火神器：冬瓜生熟薏米水
冬瓜連皮切塊*（冬瓜皮清熱利水效果最強），配埋生熟薏米，煲大半小時，暑熱天飲一碗，頓覺神清氣爽，全身暑氣全消。
煮冬瓜湯記得*千萬唔好去皮*！洗乾淨連皮一齊煲，清熱消暑同利水消腫嘅功力會即時提升一倍！

📢盛夏限定
🛒 21-27/7 將軍澳一田
是日大暑，快嚟買件大冬瓜，品嚐屬於香港嘅原味道！

#青皮大冬瓜 #自留種 #半世紀傳承 #香港農業 #本土品種 #消暑良瓜 #冬瓜原味道 #食在地食當季

18/07/2026

【 重嚐冬瓜原味 】
上世紀 70 年代，「香港本地青皮大冬瓜」曾經係餐桌同酒家嘅常客，肉厚、冬瓜味濃郁，滾湯燜煮都一流。 可惜去到 80、90 年代，隨着外地品種湧入，本地農業轉型，呢個代表香港地道風味嘅品種幾乎消失…… 😢
幸好，我們O-FARM堅持守護。
由最初以業餘農夫心態保存珍貴種子，到多年復育努力，終於喺 2018 年以 #復耕者聯盟 名義推動 #冬瓜一萬斤 計劃，我哋將呢個香港人嘅集體回憶正式「重啟」，重新把大冬瓜帶返入銷售市場，讓更多人可以品嚐到呢份屬於香港本土嘅冬瓜味！

📢盛夏限定：一田超市有售！
由當日差點失傳嘅種子，到今日成為餐桌上嘅消暑佳品，青皮大冬瓜正式進駐以下一田超市啦！
🛒 14-20/7 大埔一田
🛒 21-27/7 將軍澳一田
快嚟支持香港農業，品嚐屬於香港嘅原味道！

#青皮大冬瓜 #自留種 #半世紀傳承 #香港農業 #本土品種 #消暑良瓜 #冬瓜原味道 #食在地食當季

11/07/2026

【香港特色・青皮大冬瓜】
一棵冬瓜，不僅是一種農作物，更是一段人與人、人與土地之間深厚情感的延續。

經歷半世紀、兩代人的悉心保留與傳承，孕育出這款本地獨有的青皮冬瓜。它外形獨特，肉質亦別具一格——既不像街市常見的深墨綠色冬瓜般硬實，也不似白皮冬瓜那樣鬆軟。 青皮大冬瓜，口感細膩，成為餐桌上百搭的主角。

我們堅持不施化肥、不用化學農藥。每一顆冬瓜從初生開始，皆由農夫親手套網防蟲，用心守護。從種子萌芽到成熟收成，它們吸收了150天陽光與泥土的養分，更凝聚了農夫日復一日的汗水與耐性。

青皮大冬瓜，是我們與你之間的約定。而你，亦是這段傳承旅程中不可或缺的一份子。

我們，繼承了本土種子，傳承了農技；
你，願意一同守護冬瓜的原味道，選擇健康、選擇本地、選擇與土地同行嗎？

📍嚟3間一田超市搵我哋啦
7 - 13/ 7 荃灣一田
14 - 20/ 7 大埔一田
21 - 27/ 7 將軍澳一田
#香港種植 #冬瓜一萬斤 #有機種植 #香港農青
#荃灣友 #九龍西 #新界西

26/06/2026

03/06/2026

落花