12/01/2026
509.城市中找格調
//
今次介紹嘅餐廳之前去過食任食牛扒嘅晚餐，今次再去試下佢嘅Lunch Semi-buffet。
呢間餐廳真係一個「食得精緻又唔失份量」嘅好選擇。走入餐廳，低調型格嘅裝潢加上暖色燈光，已經有種細緻西餐嘅氛圍，無論平日放鬆午餐定係約會、慶祝，都好有格調。
Lunch Semi-buffet 嘅亮點係「主菜單點 + 自助前菜及甜品」。自助區選擇雖然唔算誇張多，但每款都走精品路線，新鮮沙律、冷盤、麵包同甜品都保各有選擇，調味清爽唔油膩，作為前奏真係剛剛好，食完都唔會搶走主菜風頭。
主菜方面，真心推薦佢哋嘅 10oz 紐西蘭肉眼扒，火候掌握得好，叫左medium ，外層微焦帶香，切開仲保持肉汁，牛味濃而不膩，配上香脆薯條同醬汁，係經典而不失細膩嘅演繹；另外 油封鴨髀 亦非常出色，皮脆肉嫩，底下配搭濃郁黑醋嘅菇汁，層次豐富，口感扎實但唔會過重。每一道都感受到廚房對火候同調味嘅用心，加上套餐仲包一杯飲品，整體性價比相當高。
總括嚟講，The Grill Room 嘅 Lunch Semi-buffet 係一個「有質感、有水準、又唔會太浮誇」嘅選擇。想喺繁忙市區搵一餐可以慢慢享受、又食得有品味嘅午餐，呢度絕對值得放入清單。
評分：8 / 10
The Grill Room
銅鑼灣駱克道463-483號銅鑼灣廣場二期3樓3B號舖
——————————————
#銅鑼灣 #好西 #半自助餐 #香港美食 #打卡熱點 #打卡美食 #牛扒 #銅鑼灣美食 #銅鑼灣西餐 #香港西餐 #香港好西推介 #食好西 #香港好去處
