https://www.facebook.com/101183775236665/

Lalalum.eat, Hong Kong (2026)

05/06/2026

歷史悠久西餐廳

呢間西餐廳經常食，今日試咗幾樣嘢，真心推介俾大家。

先講香煎羊架配薯菜，羊肉真係做到嫩滑又唔羶，煎得啱啱好，內質軟冧，入口仲保留到肉汁，配埋薯菜一齊食，好滿足。

跟住係香草燒雞脾芝士汁什菌意粉，份量適中，唔會太多又唔會太少，女仔食啱啱好。雞脾燒得好Juicy，香草味好出，加埋芝士汁同什菌意粉，Creamy又掛，真係越食越想食。

最後杯凍紅莓茶，有驚喜唔駛淨係飲檸茶。紅莓味清香帶微酸，凍飲透心涼，解膩之餘又Fresh！

🍽 茜廊餐廳 (德福廣場1期)
📌 九龍灣偉業街33號德福廣場1期平台P8號舖
☎️ 2756 2218
⏰ 星期一至日 07:00 - 22:00

#茜廊餐廳 # SidewalkCafé #九龍灣 #德福廣場 #西餐廳咖啡

28/05/2026

☕☕工廈好味咖啡屋

一坐低就點咗虎蝦帶子意粉，醬汁濃郁，虎蝦大隻彈牙，帶子鮮甜，意粉掛汁力強，好滿足。另一款明太子醬軟殼蟹意大利粉更加邪惡，軟殼蟹炸到金黃酥脆，明太子醬鹹香微辣，撈勻麵條口感豐富，好惹味。

小食方面，芝士煙肉薯條超大碟，芝士同煙肉份量好足料，每條薯條都沾滿芝士醬同煙肉碎，極度邪惡但忍唔住狂食。

最期待嘅吉士焦糖梳乎厘班戟係即時製作，所以要等一陣，但絕對值得！梳乎厘班戟超軟熟，面頭嘅焦糖脆脆，配埋吉士醬甜而不漏，食完一啖已經忍唔住再食。

最後飲番杯鹹檸柚子沙冰，酸甜鹹平衡，冰涼解膩，完美收尾。

整體來講，每道菜都高質，推薦呢間Cafe俾鍾意打卡嘅朋友，環境一流！

🍽 Four o Five Coffee & Eatery
📌 觀塘成業街19-21號成業工業大廈地下2號鋪
☎️ 2650 0028
⏰ 星期一至日 11:00 - 22:00

#梳乎厘

24/05/2026

豆乳甜品控請進

今日同朋友去咗呢間甜品店，試咗幾款嘢都好有驚喜。首先係日式紅豆豆乳豆冰樂，入面超多紅豆，而且紅豆好綿，最緊要係甜度啱啱好，唔會死甜，豆乳味亦好清香。

跟住係人氣產品香芒小芋宇宙，芒果控必試！碗入面有超多芒果，配埋小丸子軟糯嘅口感，食落好滿足。

飲品方面，呢支樽裝開心果豆乳真係好正，開心果味濃郁，配埋豆乳順滑嘅質地，飲落好舒服。

最後見到5月份有全新優惠！每日都有$28甜品/豆乳 Chill抵食優惠,每日都有唔同野揀，我就叫左芋泥西米露，個芋泥打得好綿滑，完全冇顆粒感，而且整體甜度適中，食完都唔會覺得膩。

呢間店用料真係好有誠意，下次一定會再嚟！

🍽️ 石磨樂豆 Jollibean (九龍灣)
📌 九龍灣偉業街33號德福廣場1期平台P41號舖
⏰ 星期一至六 07:30 - 22:00
星期日及公眾假期 09:00-22:00

#世一豆乳 #豆乳之鬼 #豆冰樂 #芒果 #豆乳

22/05/2026

牛頭角CHILL CHILL CAFE

今日去咗呢間Cafe食飯，驚喜十足！因為佢地每2個月係會轉一次menu，隔一排黎又可以試新野！

首先登場嘅係大啡菇青醬芝士班尼迪蛋多士餅，一刀切開，流心蛋漿湧出嚟，賣相超吸引。最驚喜係下層用Pancake，超鬆軟又特別，同平時食開嘅多士完全唔同，加上用料新鮮，青醬味好香。

主菜西班牙豬鞍扒伴焦糖菠蘿真係大大件，肉質厚實。最抵讚係個配菜沙律，新鮮好味，食完豬扒再食沙律，感覺好清爽，非常解油膩。

另外，套餐配既周打硯湯亦都好足料，啖啖都係鮮甜嘅硯肉。

最後飲埋椰子水忌廉咖啡同曲奇忌廉咖啡，咖啡香滑之餘，層次感亦好豐富，整體水準極高，值得再嚟！

#觀塘美食

11/05/2026

海鮮任撈自由煮

次次黎親千海，一定會畀佢個海鮮區吸引到，成個漁市場咁，可以自己揀海鮮，店員不停補貨無限量任撈！任煮！入坐之後拎起銀色筒仔將心儀嘅海鮮夾入，慢慢俾店員洗，等一陣就可以拎返埋位。正所謂有得揀先係老細，游水海鮮多到暈：蟹有花蟹、三點蟹、貝殼類有東風螺、沙白、花甲，仲有鮑魚！蝦就有大頭蝦、九節蝦，仲有瀨尿蝦！全部都新鮮游水。

仲有佢個自助吧，勁多嘢揀，眼花繚亂。除咗一般常見蔬菜，依度仲有類有水蓮、豆卜串同冰菜，小食有小籠包同燒賣、火鍋配料都好多，特別嘅有花膠同鵝腸。再行多兩步，甜品櫃都係選擇十分多，各式小蛋糕、布甸奶凍、糯米糍、雪糕雪條都應有盡有！

返到埋位即刻開餐。海鮮因為全部都係游水區新鮮拎出嚟，大力推介大頭蝦，蝦肉爽彈，蝦頭多膏，而蟹肉都好鮮甜，甲殼類完全冇腥味。最正係落得多海鮮，生蠔大大隻唔腥。個湯底越滾越鮮，愈食愈滋味，真係不得了！

除咗自己出去拎，仲可以手機點餐。燒物有蒜蓉燒蠔、西京燒比目魚、燒牛舌同燒羊架，仲有個超大驚喜——鵝肝多士！鵝肝燒到面頭香脆，配埋酸甜汁同多士，油膩感即時冇晒，好鬼好食。肉類方面有澳洲M5和牛、美國肩胛牛肉、澳洲羊肉片同美國豬梅肉片。

呢間「千海」任食火鍋，食物選項真係頂級咁多，最啱約齊三五知己喪食，保證個個飽到捧住個肚走！

🍽 千海水產海鮮火鍋放題
📌 九龍灣牛頭角道77號淘大商場3期2樓S154, S162及S155-S158號舖
☎️ 3622 2112 / 3622 2118
⏰ 星期一至日 12:00 - 23:00

#香港美食 #香港美食 #香港必食 #香港探店 #香港打卡香港旅游香港必喝香港放題探店

23/04/2026

觀塘新地標の三布目泰國好西

今晚黎呢度試咗三款招牌菜，全部都有驚喜！
首先係焗鮮蝦粉絲煲，上枱已經聞到香噴噴。啲蝦真係「新鮮彈牙大大隻」，咬落爽口鮮甜。粉絲吸盡蝦汁同蒜香，唔會太腍！

跟住係泰式黃咖哩蟹肉配蒜茸包，加配咗酥油餅。個咖哩椰香味好出，微辣帶甜，蟹肉唔會腥。蒜茸包烘到脆卜卜，點咖哩汁一流！酥油餅就更加正，層次分明，熱辣辣咁點咖哩食，食到停唔到口。

最後係芒果糯米飯，糯米佔飯「暖笠笠」，軟糯得嚟粒粒分明。淋上嘅椰汁真係「香濃順滑」，甜度剛好，唔會漏。芒果熟到透夠晒甜，冇起渣，同糯米一啖放入口，冷熱交織，完美收尾！

整體份量足，味道有層次，絕對會再encore！

🍽 Chao Thai Singa Viet
📌 觀塘巧明街98號The Millennity 9樓909 & 911號舖
☎️ 23078588
⏰ 星期一至日 11:00 - 22:00

#觀塘美食 #三布目 #泰國菜 #香港

09/04/2026

🌶️🌶️熱辣惹味の海鮮粉絲盛宴
😋 招牌沙爹花甲粉絲加羊肉片一上枱，沙爹醬嘅濃香撲鼻而來！花甲肥美無沙，爽晒秘製沙爹汁，鹹香中帶微甜；羊肉片嫩滑唔羶，同濃稠嘅醬汁緊緊掛在粉絲上，啖啖都係滋味。粉絲索盡湯汁精華，軟滑又掛湯，食到最尾都唔會變爛，抵讚！

😋香辣日本廣島蠔花甲粉絲就更刺激！廣島蠔脹卜卜，內裡爆漿般鮮甜，配上酸辣醒神嘅湯底，辣度啱啱好，愈食愈開胃。花甲同樣鮮味十足，湯底帶少少蒜香同椒香，飲一啖暖入心，冬天食簡直一流！

小店仲好貼心，可以轉菜底、米線，+$8轉日本稻庭烏冬仲正呀！加多少少錢就可以追加鴨血、肥牛、羊肉片、橡果豬等配料，自由度超高。貪心嘅我下次一定要試吓「蠔仔+烏冬+鴨血」配搭，肯定滿足！

#陳仔花甲粉 #色香味俱全 #麻辣濃湯 #鮮味濃湯 #香辣廣島蠔伊比利亞橡果豬羊肉九龍灣美食九龍灣好去處沙嗲湯 “

🍽 陳仔花甲粉 (九龍灣)
📌 九龍灣偉業街33號德福廣場2期5樓Foodeli 501B5號舖
⏰ 星期一至日 11:30 - 21:30

21/08/2025

🇯🇵🇯🇵抵食放題夜🍣🦪🍱

舊同學聚會，想大家坐得舒服，又食得盡興，最好可以飲返幾杯。其中一個舊同學提議食依間放題，正正就滿足晒上面嘅要求。

未入座，已經見到旁邊有好多唔同嘅飲品、冷盤、甜品、水果、前菜，當中最吸睛當然係有個朱古力噴泉，同埋有一籠籠嘅點心。

坐到位，正式開餐。我地都主打叫刺身，種類好多，有三文魚、帶子、油甘魚、赤蝦、甜蝦等等，當中我最鍾意係赤蝦，夠晒鮮甜多肉。

跟住就到熱食，火羊架夠晒肥美，燒得香口多汁。蒜蓉焗蠔面層d蒜蓉勁香口，蠔都夠肥美，見每桌人都叫咗唔少，就知係正野！而芝士焗扇貝，扇貝同樣夠大隻，味道就除咗芝士，仲有三色椒嘅香，同樣好食！

另外，仲有d唔係度度有嘅野食，好似燒乳鴿，真係皮脆肉嫩，鴿肉保留到好香嘅肉汁。燒榴槤都好好味，外層有香烤味，榴槤味都夠濃，而且係我鍾意嘅偏腍嘅質地。最意外係有d中菜，例如爆炒鱔片，炒得好香，鱔片夠厚肉。

另外仲有私心推介：鰻魚玉子燒、燒比目魚、燒菠蘿、芝麻雞翼同榴槤波波。

整體氣氛好開心，最正係有唔同嘅酒，除咗雪櫃有好多種類嘅啤酒，仲有紅酒、清酒同梅酒，舊同學們咁耐冇見，食下唔同野，話題自然有，飲多兩杯，更加可以促膝詳談。我圩已經約好，下次再一齊黎食！

🍽 御滿屋日本料理
📌 屯門屯順街1號屯門市廣場1期1樓1246-1266號舖
☎️ 2810 6068 / 2810 6338
⏰ 星期一至日 12:00 - 15:00
17:00 - 23:00

#御滿屋 # #屯門 #日式放題 #香港美食 #屯門美食 #香港探店 #香港旅游攻略 #香港旅游

28/07/2025

想試好耐台灣牛肉麵😋😋😋

今日試咗間新開嘅台灣小店，真係有驚喜！

蒜醬油麥菜夠晒爽脆，蒜香撲鼻，好開胃！小菜方面，鹽酥雞炸得金黃酥脆，咬落去juicy得嚟又唔油膩；三星蔥肉鍋餅外皮香脆，蔥香同肉餡完美配合，正呀！

主食分別同朋友試咗招牌紅燒腱心牛肉麵，牛肉燉到好淋，湯底濃郁得嚟唔會太鹹！另外濃湯燉雞麵就清甜滋潤，雞肉嫩滑，好啱鍾意清淡嘅朋友。

飲品方面，手工仙草凍鮮奶同黑糖珍珠鮮奶都係必點！仙草滑溜，黑糖珍珠煙韌有咬口，鮮奶香濃，飲完超滿足！

整體來講，呢間店水準唔錯，價錢合理，一定會再幫襯！

🍽 段純貞牛肉麵 (荃灣)
📌 香港荃灣楊屋道8號如心廣場一期1樓105-107號舖
☎️ 2662 0065
⏰ 星期一至日 11:30 - 21:30

#段純貞 #台灣牛肉麵 #灣仔 #灣仔台灣菜 #香港美食 #灣仔美食 #香港探店 #打卡酒吧 #香港旅游攻略 #香港旅游

20/06/2025

台式串燒店

🍜燒牛肉湯麵
呢碗牛肉麵嘅湯底好濃郁，辣辣地有少少川辣感。牛肉亦夠晒鮮嫩。

‼️好食指數 7/10
‼️推介指數 7/10

🍢🍢串燒
大漠燒羊肉串灑咗好香嘅孜然粉，真係有類似新彊羊肉串嘅風味。牛舌芯外皮有焦脆香，內裡肉質亦夠嫩。台灣小香腸外表有搽蜜糖燒過，又甜又脆，香腸保留到肉汁。

‼️好食指數 8/10
‼️推介指數 8/10

🦪蒜蓉扇貝及生蠔
蒜蓉係乾身的，金金脆脆的，扇貝有肉汁，蠔嘅蠔味夠出，配上靚蒜蓉，正爆！

‼️好食指數8/10
‼️推介指數8/10

🧃森林水果茶
食串燒最怕會好油膩，叫一杯熱情果茶解解膩就一流，清爽解渴，顏色都好靚又夠大杯！

‼️好食指數8/10
‼️推介指數9/10

燒韭菜
韭菜燒得啱啱好，保留咗韭菜本身嘅清甜同爽口，亦唔會太乾身。

‼️好食指數8/10
‼️推介指數8/10

🍆燒茄子及金菇
茄子本身夠厚身，蒜蓉味入晒茄子入面，大大啖食勁滿足。金菇亦都大大份，用鐵板上而且勁多蒜蓉。

‼️好食指數7/10
‼️推介指數8/10

🍽 KOKA小野人
📌 沙田正街2-8號新城市廣場三期3樓326A號舖
☎️ 2780 8210
⏰ 星期一至日 11:30 - 22:30

#台式 #串燒 #台灣

Lalalum.eat

05/06/2026

28/05/2026

24/05/2026

22/05/2026

11/05/2026

23/04/2026

09/04/2026

21/08/2025

28/07/2025

20/06/2025

Address

Website

Alerts

Contact The Business

Shortcuts

Share

Category