08/11/2025
最近先發現，馬鞍山開咗間用足靚料嘅「牛油果先生」，想試咗好耐㗎啦。
用咗澳洲牛油果、香港維記乳酪、日本明治鮮奶、新鮮芒果/羽衣甘藍等等嘅材料，味道超好之餘令人飲得安心。
今次叫咗三杯嘢飲全家認證超高質，我嘅Top 1 係牛油果羽衣甘藍鮮芒果肉 （50%糖感覺啱啱好，唔會好甜），打出嚟係沙冰口感。本身仲諗緊羽衣甘藍可能會有草青味，但真係冇呀，意想唔到嘅夾。底層嘅鮮甜芒果令口感更豐富。
而第二杯牛油果明治鮮奶絕配芝士奶蓋就多咗牛奶嘅順滑口感，上一杯係沙冰，呢杯就係奶昔。特別鍾意佢嘅厚鹹奶蓋超好喝。
最後叫嘅鲜榨芒果芝士其實一樣出色，用咗真材實料新鮮芒果真係唔同啲。
其實每杯嘅份量都好多，建議share嚟飲。
牛油果先生 (馬鞍山)
馬鞍山鞍祿街18號MOSTown新港城中心(4期)2樓2004號舖
#牛油果先生 .avocado #牛油果控 #健康飲品 #打卡必食
