Foodie_doggie_honey

Foodie_doggie_honey Contact information, map and directions, contact form, opening hours, services, ratings, photos, videos and announcements from Foodie_doggie_honey, Food & Beverage, Hong Kong.

山林道高質鐵板燒盛宴✨龍亭出名出料高質，性價比高，所以紀念日book左同男友黎呢度慶祝， 揀左✨尊貴魚子醬松本和牛花龍蝦盛宴✨ 呢個 Set 好豐富，份量足，食味有驚喜，真係大滿足！🌟精選漬物三品紫蘇葉夾住三文魚牛油果醬食，齒頰留香；醋漬日...
03/03/2026

山林道高質鐵板燒盛宴✨

龍亭出名出料高質，性價比高，所以紀念日book左同男友黎呢度慶祝， 揀左✨尊貴魚子醬松本和牛花龍蝦盛宴✨ 呢個 Set 好豐富，份量足，食味有驚喜，真係大滿足！

🌟精選漬物三品
紫蘇葉夾住三文魚牛油果醬食，齒頰留香；醋漬日本三色紫洋蔥酸甜開胃；最特別係三文魚上顎軟骨，用黎做前菜口感爽脆，好有新鮮感！

🌟橡果巴馬火腿沙律🥗
巴馬火腿夠咸香，沙律分別可配兩旁伴碟嘅黑醋汁或海藻醬，各有風味。店員重細心提醒食定可以食埋粒橡果清清味蕾。

🌟原罐魚子醬伴鐵板鱈魚脆片
魚子醬原罐上真係好豪華🤩香脆鱈魚乾配蜜糖他他醬，魚子醬就搽上多士食，店員話可以隨自己喜好配搭。一啖魚子醬入口，咸、香、鮮幾種道味一齊按摩我個味蕾，太幸福啦🥰店員介紹嘅清酒味道清新，配搭呢個魚子醬同之後嘅主菜都好夾😊

🌟慢煮溏心鮑魚/鐵板原隻野生花龍蝦🦞
擺盤靚到唔捨得食😍但係都要趁熱食😆花龍蝦勁鮮甜，肉質爽口彈牙，配埋秘製蝦頭膏醬感覺太美妙😇 慢煮溏心鮑魚口感軟滑，撒上脆蒜增加層次感，如果想咸少少仲可以沾旁邊嘅海鹽泡泡，好玩又好味😋

🌟鐵板A5松本和牛薄燒🥩（可轉黑毛豬鞍，宮崎雞腿，高山小羊架，+$198和牛厚燒）
薄燒A5和牛肉包住蔥花，可以配wasabi，炸蒜同竹炭鹽。肉質軟嫩唔油膩。唔食牛有其他選擇，男友轉左黑毛豬鞍，佢話嗰肉勁鬆軟又juicy👍🏻

🌟花膠燉湯
花膠同麵豉湯配搭好新穎，選用厚身花膠，質地軟糯，湯入面重有海帶同豆腐，鮮甜美味😋

🌟黑松露海鮮炒飯🍚
炒飯上鋪滿蟹籽，魚籽同大蝦，賣相好澎湃😍一撈起就聞到松露香，米飯粒粒分明，炒到微微焦脆，好有口感，香氣十足！

🌟柚子雪芭🍨
雪芭味道清新，仲配有紅豆爆珠同黑糖燕窩，帶出多重口感。食食下甜品，店員重送黎可愛嘅畫碟，服務真係超貼心❤️

📍龍亭 (尖沙咀)
尖沙咀山林道38號銀座38 18樓

#山林道 #山林道美食 #油尖旺 #油尖旺美食 #油尖旺好去處 食好西 鐵板燒 香港鐵板燒 香港美食 香港好去處 香港打卡

出色牛丼，百搭滋味😋😋 Slow Cow（牛丼新造） 日式慢煮熟成牛肉飯專門店，主打自家熟成牛肉，之前希慎店一直未有機會試，早兩日喺尖沙咀K11行街竟然見到佢隱藏係一間傢俬店入面，就捉左男友入去🤣呢度肉類、主食、topping同醬汁都可以...
09/02/2026

出色牛丼，百搭滋味😋😋

Slow Cow（牛丼新造） 日式慢煮熟成牛肉飯專門店，主打自家熟成牛肉，之前希慎店一直未有機會試，早兩日喺尖沙咀K11行街竟然見到佢隱藏係一間傢俬店入面，就捉左男友入去🤣呢度肉類、主食、topping同醬汁都可以自己配搭，就算男友唔食牛都可以陪我一齊食🥳🥳

🌟 A4+日本和牛丼
(蒜香醬油炒泰國絲苗米飯+紅酒照燒汁)
呢個餐已經跟咗生蛋黃同蒜片！A4和牛粒鋪滿好似一個小山丘咁，牛味好濃，油脂細膩，連蒜片食，齒頰留香😌店員推介嘅紅酒照燒汁甜甜哋同牛肉好夾。炒飯有淡淡蒜香，撈埋自家製鮮忌廉同蛋黃食一流！

🌟慢煮極上日本豚拼日式炸雞
(日本珍珠白米飯+ 流心香煎日本蛋+砵酒黑椒昆布汁)
唔食牛嘅就索性叫個豚雞雙拼，加$28重可以升級招牌套餐 ~ 可以配味噌湯或沙律＋炸雞一件配日式漬物同非酒精飲品一杯，好豐富！
慢煮豚肉口感鬆軟又唔油膩，炸雞外皮香脆、內裡嫩滑多汁，再配上一隻流心煎蛋，一絕。醬汁好香砵酒味，黑椒味唔會太搶，唔會蓋過肉味👍🏻

🌟秘製熟成牛辣肉醬配經典脆炸薯條🍟
薯條即炸熱辣辣，香味撲鼻。牛辣肉醬肉味超濃，唔算辣，配薯條幾特別🤗

呢度除咗食物出色，店員都好親切友善，坐位又舒適，唔怪得咁隱閉都keep有住客流，推介！

📍SLOW COW (尖沙咀)
尖沙咀河內道18號K11購物藝術館2樓201B號舖

念念不忘壽喜燒專門店🇯🇵再訪✨「八不·壽喜燒」✨自從半年前發掘到呢間性價比超高嘅日式壽喜燒專門店！我同媽咪都對佢念念不忘❤️八不除左壽喜燒好味，其他小食同甜品一樣高質，上星期日我哋終於有機會再訪，叫到成枱都係人均都唔使$500，真心推薦！🌟...
06/02/2026

念念不忘壽喜燒專門店🇯🇵
再訪✨「八不·壽喜燒」✨

自從半年前發掘到呢間性價比超高嘅日式壽喜燒專門店！我同媽咪都對佢念念不忘❤️八不除左壽喜燒好味，其他小食同甜品一樣高質，上星期日我哋終於有機會再訪，叫到成枱都係人均都唔使$500，真心推薦！

🌟一人份稀有澳洲「全血」和牛Blackmore M9+
✨追加日本A5黑毛和牛100g

為左留肚食其他小食，今次叫左個一人餐再追加和牛。第一次食澳洲「全血」和牛，雖然係澳洲生長，但係全日本和牛血統，肉質一樣嫩滑。油脂均勻得黎比日本和牛少，無咁膩，重更濃肉香。
A5和牛嘅網狀油花又睇到我留口水🤤雖然油脂多啲，但食和牛就係要享受入口即化嘅效果，偶爾食一次再努力運動食更多🤣

🌟挪威三文魚刺身
今次又再encore 三文魚刺身，因為實在太抵食， 8片厚切只係$78，點忍得住唔叫🤣

🌟吉列海鮮拼盤二人盛
拼盤有蠔，大蝦同帶子，即叫即炸。廣島蠔同上次一樣鮮美，大蝦有我手掌咁長，帶子都係jumbo size，炸粉唔厚又鬆脆，又係抵食之選👍🏻

🌟日本抹茶蛋糕
質地厚實有質感，超濃抹茶味，食完齒頰留香，淡淡香甜，2個人share剛剛好。

📍 八不·壽喜燒 (太子)
太子大南街52號地舖

#太子 #太子美食 #太子好去處 #油尖旺 油尖旺美食 油尖旺好去處 食好西 壽喜燒 香港壽喜燒 香港美食 香港好去處 香港打卡

美味川菜+特色養生鍋✨ 係呀又係川菜呀！今次去咗成日經過嘅尖沙咀亞士厘道揾食🤗揀左楊記麻辣魚館，貪佢坐位舒服，菜式選擇多又可調整辣度，價錢唔貴無加一幾抵食👍🏻🌟特色水煮生魚片成日食酸菜魚，今次試下水煮魚，叫左小辣所以唔會成個面都係紅油，但...
29/01/2026

美味川菜+特色養生鍋✨

係呀又係川菜呀！今次去咗成日經過嘅尖沙咀亞士厘道揾食🤗揀左楊記麻辣魚館，貪佢坐位舒服，菜式選擇多又可調整辣度，價錢唔貴無加一幾抵食👍🏻

🌟特色水煮生魚片
成日食酸菜魚，今次試下水煮魚，叫左小辣所以唔會成個面都係紅油，但係麻椒香味依然撲鼻😊
魚片切得又大片又薄，魚肉新鮮口感好好👍🏻底下重有蔬菜同薯粉，吸盡惹味湯汁，小份足夠2-3人食🙌🏻

🌟大盆花菜
真係好大盆，花菜爽脆，加左辣椒同五花肉一齊炒，重落左類似內地串燒嗰種香料，估唔到菜都可以煮得咁香口惹味！

🌟小炒肉
青椒🫑炒肉係我哋習慣必點菜式，呢度用比較細嘅青椒，辣味更足。五花肉切得透薄，肥瘦層次分明，重有我最愛嘅白木耳同其他香料一齊爆炒，香辣下飯！

🌟楊記養生鍋🍲
以南瓜為基底嘅黃金湯頭，配以多種養生食材，包括薏米、粟米、蝦仁、紅蘿蔔、紅腰豆同✨海參✨等…其中加入脆米真係畫龍點睛！為呢個滋補暖胃嘅養生湯添加一重烤米香，感覺更comforting! 有營養又飽肚，份量比我想象中大，足夠4-5人分享，性價比超高，真心推薦！

📍楊記麻辣魚館 (九龍中心) (尖沙咀)
尖沙咀亞士厘道29-39號九龍中心地下B31 & B35號舖

應承我一定要去食呢間！ ✨更懂港人的湖南菜‼️湘菜排隊王‼️✨自從去過長沙旅行返黎，久唔久都會掛住嗰度嘅湖南口味，所以每次北上都會揾湘菜食頂下癮😂尋晚行旺角見到「辣湘湘 小炒湖南菜」呢個醒目招牌，男友話佢荃灣店長期排長龍，梗係即刻入去食啦...
02/12/2025

應承我一定要去食呢間！
✨更懂港人的湖南菜‼️湘菜排隊王‼️✨

自從去過長沙旅行返黎，久唔久都會掛住嗰度嘅湖南口味，所以每次北上都會揾湘菜食頂下癮😂尋晚行旺角見到「辣湘湘 小炒湖南菜」呢個醒目招牌，男友話佢荃灣店長期排長龍，梗係即刻入去食啦！

排隊王真係名不虛傳，呢度菜品豐富多樣，辣度就番香港人，有辣有唔辣，任君選擇🤗但菜式依然保持到湘菜風味，現點現炒，出餐快又道道有鑊氣！

🌟湘式拌魚皮
同平時食開麻辣味唔同，佢加左芥末，有另一番風味。魚皮份量多，爽脆無腥味，開胃之選👍🏻

🌟膠原脆皮豬手
必點小食！用湖南秘製滷水慢煮12個鐘，豬皮炸到脆卜卜但好乾身唔油膩，香料味好香，骨與骨之間都係軟糯嘅豬根肉，骨膠原爆棚，食完皮膚都滑啲！

🌟乾鍋肥腸
本身以為會好油膩，估唔到呢個腸肉厚身又肥膏，勁爽口！重加左好多香料配菜去猛火爆炒，非常惹味，一口接一口，越食越上癮！

🌟辣椒炒肉
必點嘅湘菜經典辣椒炒肉，上枱一樣熱氣騰騰！配料除咗青椒🫑重有我鐘意嘅白木耳，豬肉香辣入味，撈飯一流！

🌟湘味酸菜魚
賣相吸引又有份量，性價比超高！魚肉白滑，鮮嫩肉厚，金湯酸辣惹味，味食到停唔到口😋😋鐘意食酸菜魚嘅人一定唔會失望！

🌟麻花糍粑
超好食嘅甜品，一份有6大舊！做成麻花狀，又係炸得好好唔會滴油，就算擺到最後食都依然外脆內軟糯！紅糖漿有焦香風味，每口都令我懷念長沙傳統小食-糖油粑粑🥹

🌟鴨屎香檸檬茶(超大杯)&解暑西瓜檸檬茶
兩杯凍飲比我哋想像更有份量，啱哂我哋配辣菜🤭鴨屎香檸檬茶好飲，但西瓜檸檬茶更有驚喜🥳估唔到檸檬🍋同🍉一啲違和感都無！杯上面塊西瓜爭啲大過我塊面🤣🤣一啖咬落去勁甜勁爽，消暑又解辣！

食完餐飯先發現，原來「辣湘湘」係香港本土企業，咁令我更配服佢竟然做到堅持新鮮現點現炒出地道又符合港人口味嘅湘菜！重點係，我以後唔使北上，係香港就可以揾番我嘅湖南回憶啦！🥹應承我一定要去食呢間！

📍 辣湘湘 小炒湖南菜
➤荃灣店：大河道99號99廣場地下1A-1E號舖
➤旺角店：花園街3-5號鴻威大廈地下4-5號舖
（營業時間 11:00-23:30）

#本地人都鍾意食 #香港湘菜 #更懂港人的湘菜辣湘湘小炒湖南菜香港正宗湖南菜 香港性價比美食 旺角美食香港美食打卡 香港打工人飯堂 大声安利本地美食报恩西瓜夏日续命 小紅書的三餐四季吃下這一口煙火氣飯搭子本地人才知道的好地方漂亮飯

「容記小菜王」💫份量足，服務好❗️ 尋晚同男友去左太子附近買嘢，晚飯時間遠處見到「容記小菜王」大大個招牌好吸睛，就上左去食飯。港式菜館坐落都幾舒適，星期三晚客人都唔少，應該靠得住🤗餐牌有各式小菜同海鮮，琳瑯滿目，樣樣都想試🤭🌟得獎脆皮燒腩肉...
23/10/2025

「容記小菜王」💫份量足，服務好❗️


尋晚同男友去左太子附近買嘢，晚飯時間遠處見到「容記小菜王」大大個招牌好吸睛，就上左去食飯。港式菜館坐落都幾舒適，星期三晚客人都唔少，應該靠得住🤗餐牌有各式小菜同海鮮，琳瑯滿目，樣樣都想試🤭

🌟得獎脆皮燒腩肉
必叫嘅應該係佢個招牌脆皮燒腩，有米芝蓮推介果然名不虛傳！外皮香脆，肉質嫩滑鬆化，一層層肉肥瘦相間適中👍🏻推

🌟容記第一咀
呢味係酥炸墨魚咀，外皮酥脆，入面大大粒墨魚嘴爽口又彈牙。椒鹽味道適中，沾少少喼汁重可以減低油膩感，送酒一流，

🌟艇皇炒大蜆
勁大份炒蜆，隻隻都厚肉，炒得夠鑊氣又惹味。男友用呢個汁送左一大碗飯👍🏻

🌟鮮鳳梨炸大腸
擺盤好靚✨大腸夠厚肉，炸到脆卜卜😋醬汁酸酸甜甜，好似咕嚕肉咁嘅味道好開胃。配上冰凍鮮甜嘅鮮鳳梨，感覺好清新👍🏻

呢度啲小菜份量真係比一般菜館大，又足料又好味，其實重有好多款小菜想試，不過兩個人胃容量有限，唯有下次約多啲朋友再嚟食過。順帶一提，店員服務都好好，熱情又有笑容，動會不時主動幫我哋換骨碟同加熱茶，值得一讚💯

📍容記小菜王 (太子)
太子太子道西123號

⭐️⭐️⭐️⭐️⭐️尖沙咀抵食好食韓國餐🇰🇷@漢城美食 Han Sung Han Sung 係尖沙咀區咁多韓國餐廳黎講算係老店，價錢實惠，菜式種類豐富，滿有地道韓國家庭風味，每日重有唔同嘅優惠餐點，最啱收工同朋友黎食嘢吹下水🍻🌟韓式豬手 (...
16/10/2025

⭐️⭐️⭐️⭐️⭐️
尖沙咀抵食好食韓國餐🇰🇷
@漢城美食 Han Sung

Han Sung 係尖沙咀區咁多韓國餐廳黎講算係老店，價錢實惠，菜式種類豐富，滿有地道韓國家庭風味，每日重有唔同嘅優惠餐點，最啱收工同朋友黎食嘢吹下水🍻

🌟韓式豬手 (半份)
兩個人叫左半份，份量都係好足！擺盤吸引，重配埋生菜同兩款醬汁，不過個人覺得唔使點任何醬汁都好好味😋豬手肉質嫩滑有彈性，豬皮充滿骨膠原，燉得軟糯入味，又唔覺油膩👍🏻

🌟純豆腐海鮮鍋
海鮮有蜆同埋魷魚仔，湯頭就係好comforting嘅海鮮湯味，入面重有嫩豆腐同雞蛋，配埋白飯一流，，如果冬天食暖笠笠會更加正！

🌟韓式香辣雞肉芝士石鍋飯配海帶湯
石鍋飯係食韓國菜必點，平時食牛肉多，今次呢個雞肉芝士都好唔錯，唔太辣芝士又夠拉絲，配料新鮮又豐富！附上嘅海帶湯唔馬虎，好鮮味🤗

📍漢城美食 (尖沙咀)
尖沙咀金巴利道74-76號地舖

#香港韓國餐廳 #尖沙咀美食 #尖沙咀好去處 #香港韓餐 #韓式料理 #漢城美食

上環明軒小館💫全年都食到嘅蟹粉盛宴✨🥳moonlit 🦀蟹粉小籠包原個蒸籠上菜，一打開蒸汽騰騰，睇到都留口水🤤小籠包皮好薄，可以隱約見到內裡包裹嘅餡料同滿滿湯汁，要趁熱食同時都要小心爆汁😆外皮咬落有彈性，肉餡鮮甜，湯汁濃郁，正！🦀石鍋蟹粉豆...
03/10/2025

上環明軒小館💫全年都食到嘅蟹粉盛宴✨🥳moonlit

🦀蟹粉小籠包
原個蒸籠上菜，一打開蒸汽騰騰，睇到都留口水🤤小籠包皮好薄，可以隱約見到內裡包裹嘅餡料同滿滿湯汁，要趁熱食同時都要小心爆汁😆外皮咬落有彈性，肉餡鮮甜，湯汁濃郁，正！

🦀石鍋蟹粉豆腐
石鍋上菜時熱辣辣，嫩白嘅豆腐浸係沸騰嘅蟹粉汁入面，好吸引🤩豆腐又嫩又滑，吸收哂蟹粉嘅鮮味同油香，如果用黎撈飯應該可以食到兩碗😆😆

🦀至尊蟹粉撈麵
手工拉闊麵係用日本麵粉造，睇到師傅係開放式廚房即席拉麵條，唔怪得咁彈牙！蟹粉份量都非常足夠，食到最後一條麵都係掛滿金黃色嘅蟹粉，真心滿足😌

🦀至尊蟹粉正宗蝦仁鍋巴
媽咪話呢道菜係今晚嘅MPV🤭鍋巴炸得金黃香脆，店員係我哋面前將成碟蟹粉同蝦仁倒入石鍋，即時發出炸炸聲，香噴噴又好有儀式感！呢個蟹粉汁比豆腐鍋更濃稠，被包裹住嘅鍋巴依然有香脆口感，蝦仁又粒粒Q彈，層次好豐富🥰

明軒小館 (上環)
📍上環皇后大道中287-299號地下1號舖

閨蜜相聚好地方🍽️ .hongkong 同閨蜜好耐無見，諗住揾個地方食飯傾下計，之前黎過Mano環境舒適，食物質素又唔錯，咁啱見openrice訂座重有優惠，於是即刻訂位。🌟忌廉牛油蒜香雜菌 雜菌好爽口，勁香牛油蒜茸味，忌廉汁用嚟點面包一流...
17/09/2025

閨蜜相聚好地方🍽️ .hongkong

同閨蜜好耐無見，諗住揾個地方食飯傾下計，之前黎過Mano環境舒適，食物質素又唔錯，咁啱見openrice訂座重有優惠，於是即刻訂位。

🌟忌廉牛油蒜香雜菌
雜菌好爽口，勁香牛油蒜茸味，忌廉汁用嚟點面包一流！

🌟白酒煮蜆 配 墨汁意大利飯
大蜆隻隻都夠肥夠鮮味，墨魚汁Risotto 煮得剛好，米粒軟滑，重吸收咗墨汁嘅咸鮮味👍🏻

🌟意式烤安格斯肉眼扒配澳洲西蘭花苗
安格斯肉眼嘅肉質就一定有保證，重好juicy好有牛味。除咗燒汁之外，碟邊重有少量海鹽，可以自己選擇用邊種黎調味。

有美食加持下，不經不覺我哋傾計傾左兩三個鐘😆呢度真係閨蜜聚會嘅好地方🤗

📍Mano (銅鑼灣)
銅鑼灣駱克道459-461號The L. Square 5樓

香港「綠茶」🍃一樣有水準 有北上消費開嘅香港人應該對「綠茶餐廳」唔陌生。進駐香港之後已經係好幾個大商場設分店，重推出左會員app，有迎新優惠，性價比高！旺角店裝潢貫徹清幽淡雅嘅元素，令人感覺仿如於竹林中用餐。香港店由米芝蓮名廚俞斌先生擔任首...
15/09/2025

香港「綠茶」🍃一樣有水準


有北上消費開嘅香港人應該對「綠茶餐廳」唔陌生。進駐香港之後已經係好幾個大商場設分店，重推出左會員app，有迎新優惠，性價比高！

旺角店裝潢貫徹清幽淡雅嘅元素，令人感覺仿如於竹林中用餐。香港店由米芝蓮名廚俞斌先生擔任首席顧問，設計左一系列香港限定菜式！

🌟麵餅醬香五花肉✨香港限定✨
麵餅包住香脆五花肉，好似食緊片皮鴨，但又多左一重香脆口感。五花肉無多餘油份，配上蔥絲同青瓜等配料，更清爽唔油膩。

🌟粉絲裹蝦
不愧為人氣之選！蝦煲喺我哋面前即席煮熟，熱辣辣令人食慾大增。去殼大蝦爽口彈牙，粉絲吸晒大蝦、洋蔥蒜油等等嘅味道，超惹味，送飯首選！👍

🌟鮑魚小炒肉
又一個下飯菜式！青椒炒肉本身已經香口，加上鮑魚片又多左一重煙韌口感。有小火爐一路保温，食到第二碗飯小炒依然有鑊氣。

🌟西湖雷峰塔✨香港限定✨
必點打卡甜品！賣相好精緻！本身以為係豆腐做，試真原來係山藥奶凍、雪糕同青豆泥混合而成，唔怪之得奶味咁香濃，值得一試！

🌟龍井檸檬茶
檸檬茶底係龍井茶，味道淡雅，杯上有一隻以茶製成嘅小熊造型冰塊，除咗裝飾，融化後重可以保持茶味，十分貼心。

📍綠茶餐廳 (旺角)
旺角亞皆老街8號朗豪坊4A樓15-17號舖

#綠茶餐廳 #香港 #香港美食 #香港中菜 #西湖美景 #綠茶餐廳必點菜 #港飄 #黃竹坑 #平民美食 #米芝蓮主廚餐單 #新浙菜

值得推薦嘅懷舊扒房 牛屋餐廳係佐敦屹立逾50年，係一間充滿傳統風味嘅懷舊扒房，價格親民，一想食豉油西餐就會諗起佢，難怪平日晚市都坐無虛席。其中一樣我好欣賞嘅係呢度個餐包，上枱微温，一打開鬆軟嘅面包，見到入面滿滿溶化緊嘅牛油🧈就心心眼😍真係...
04/09/2025

值得推薦嘅懷舊扒房

牛屋餐廳係佐敦屹立逾50年，係一間充滿傳統風味嘅懷舊扒房，價格親民，一想食豉油西餐就會諗起佢，難怪平日晚市都坐無虛席。

其中一樣我好欣賞嘅係呢度個餐包，上枱微温，一打開鬆軟嘅面包，見到入面滿滿溶化緊嘅牛油🧈就心心眼😍真係邪惡，但非常難以抗拒😈

餐湯我飲羅宋湯，酸甜開胃。另外男友升級左酥皮忌廉湯，熱辣辣嘅程度真係即叫即焗嘅感覺！粟米忌廉湯超滑又充滿奶香😌

🌟招牌英國威靈頓牛柳🥩
叫咗五成熟，火候控制得好好。外層酥皮金黃香脆，肉質極鬆軟好易切開，入面重係粉嫩嘅色澤😌肉同酥皮之間係充滿油香嘅肉肝醬，口感層次豐富😌

🌟德國鹹豬手配蜜糖芥末汁
豬手超大隻，而且即炸，所以大家要有心理準備要等一等。豬手外皮好脆，肉同皮之間啲骨膠原係最正🤣點埋秘製蜜糖芥茉汁非常惹味！

而家懷舊扒房真係買少見少，有機會大家真係要多啲幫襯，保留呢種傳統嘅味道！

📍 牛屋餐廳 (佐敦)
佐敦吳松街143號地舖

#吃貨日常 #好西 #佐敦美食 #吃貨人生 #吃貨日記 #香港探店 #香港必食餐廳 #豉油西餐 #懷舊扒房

鬧市中嘅美味綠洲 每次去銅鑼灣廣場The Grill Room, 經過外面壽司店嘈吵嘅排隊人龍，都會覺得呢度係一個綠洲。呢度裝橫時尚優雅嘅氛圍，同外面真係兩個世界😆食物當然亦係唔同level，今次同閨蜜兩個傾偈食飯，就叫左3 course...
02/09/2025

鬧市中嘅美味綠洲

每次去銅鑼灣廣場The Grill Room, 經過外面壽司店嘈吵嘅排隊人龍，都會覺得呢度係一個綠洲。呢度裝橫時尚優雅嘅氛圍，同外面真係兩個世界😆食物當然亦係唔同level，今次同閨蜜兩個傾偈食飯，就叫左3 courses dinner set for 2 同埋做緊優惠嘅海鮮拼盤。

🌟全日海鮮拼盤
細嘅seafood platter只係$98，唔叫真係對唔住自己😆有生蠔，大青口同蝦，份量夠，味道鮮美，抵食👍🏻

🌟三文魚慕絲捲
賣相吸引，攞住個cone 好似食雪糕咁。三文魚慕絲咸咸香香，幾開胃。
🌟巴馬臣芝士黑松露脆薯
脆薯唔係薯條，係半隻新薯，上面有牛油果醬，感覺健康。新薯外皮烤到香脆，沾埋用有巴馬臣芝士同黑松露香嘅醬汁食，幾特別。

🌟香煎黑鱈魚配香檳忌廉汁
黑鱈魚充滿油香，魚肉嫩滑，魚皮重煎到勁脆！香檳忌廉汁再為魚肉添上奶嘅香滑同香草味🌿令菜式味道更有層次感。

🌟青口蜆海鮮紅椒汁大通粉
紅椒汁比較少食，原來味道都唔錯，同海鮮重幾夾。大通粉軟硬適中好掛汁，青口同蜆都新鮮👍🏻

🌟Tiramisu & Chef’s Dessert
最期待dessert time🤗Tiramisu無令我失望，又香又滑又唔會太重酒味。Chef’s dessert係朱古力撻，撻皮唔會死實實，朱古力底下重有香甜焦糖醬，層次分明。旁邊配上雲尼拿雪糕，為晚餐畫上完美句號🥰

📍 The Grill Room (銅鑼灣)
銅鑼灣駱克道463-483號銅鑼灣廣場二期3樓3B號舖

#吃貨日常 #好西 #銅鑼灣美食 #吃貨人生 #吃貨日記 #香港探店 #香港必食餐廳

Address

Hong Kong

Website

Alerts

Be the first to know and let us send you an email when Foodie_doggie_honey posts news and promotions. Your email address will not be used for any other purpose, and you can unsubscribe at any time.

Shortcuts

Share

Category