MyMy HK Limited

28/04/2026

17/02/2026

米米祝大家，身體健康，事事如意😍🙏

15/02/2026

小柴實習生歷險旅程下集😍

【 #運輸小姐之跟車生活 （下集）】承上集。

第二日，運輸哥哥決定為咗呢份緣分「休業一天」🚗 。親自帶 Meme 去漁護署填表申請暫時領養。署方根據晶片紀錄，嘗試過兩次即場致電畀登記主人，但可惜都係聯絡唔到。職員表示之後會再嘗試上門巡查，以及寄出掛號信件。如果到最後都係無回音，大約一至兩個月後，Meme 嘅主人身分就會自動轉到運輸哥哥名下。

不過，喺呢段時間入面，有網民就提醒運輸哥哥要留心，話喺執到 Meme嗰區，本身住咗隻 size 同Meme差唔多嘅柴犬，而且一直有被虐待嘅嫌疑🆘。但偏偏呢兩日就聽唔到狗狗嘅慘叫聲。大家紛紛叮囑，萬一真係有主人出現認領，都要打醒十二分精神，唔好隨便交返隻狗畀對方🤔。

面對網民嘅擔心，運輸哥哥亦都表現得好硬氣，仲豪言話：「雖然程序上如果真主人出現就要交還，或者要同佢講數，但係我唔理咁多啦，就算真係有人殺出嚟，我都一定會保護住佢！」😎💪🏻

去到星期三嘅下午，📞運輸哥哥收到漁護署嘅電話終於聯絡到主人。主人表示當時隻狗仔意外甩咗繩，由老人家帶住放狗，老人家根本追唔到。佢哋其實都有即刻報警、聯絡漁護署同愛護動物協會，只係因為屋企人冇用 Facebook 群組嘅習慣，所以先一直睇唔到網上嘅尋犬啟示。

狗狗原名叫「金魚」，係一隻陪伴犬，對屋企嘅老人家嚟講非常重要。雖然同「Meme」相處只有短短幾日，但大家已經建立咗好深嘅感情，去到要分別嘅一刻，運輸哥哥嘅老婆更加係唔捨得落淚，喊成淚人🥹。

分別嘅時候充滿咗不捨，但運輸哥哥同太太都好為狗狗感到開心。運輸哥哥仲大方（同私心想再見下Meme🤣）咁同主人講：「如果你遲啲去旅行想有人幫手睇住隻狗，或者返鄉下唔方便帶埋佢，隨時都可以搵我哋，我哋好 welcome 㗎！😆💕」

雖然故事中間有唔少波折同擔心，但最終都稱得上係一個皆大歡喜嘅結局。喺呢短短三日入面，「Meme」唔單止感受到了運輸哥哥一家嘅愛，仲順便體驗咗三日「運輸小姐」嘅跟車生活，帶住滿滿嘅回憶變身返「金魚」返屋企。💭

授權轉載：United Bright Logistics Ltd.

#毛城城 #動物趣聞 #柴犬 #走失協尋 #金魚 #跟車狗 #見義勇為 #情人節 #溫馨故事 #好人好事

= = = = = = = = = =
【 Facebook: 毛城城 MoCity】
【 Instagram: 】
【 YouTube Channel: 毛城城 MoCity】

= = = = = = = = = =
一站式 #寵物資訊平台
想分享溫馨動人毛孩故事，或者得意相片影片？
歡迎 FB Inbox #毛城城 或者 IG DM

15/02/2026

多謝「毛城城」小編，將我哋公司實習新嘅故事報道出來，祝福「金魚」這隻陪伴犬，和老人家的生活繼續幸福愉快！

【 #運輸小姐之跟車生活 （上集）】適逢情人節💘今日就同大家分享一個溫馨故事~🧅

星期一，早上七點左右。有位運輸哥哥喺屯門建生邨馬路中央見到有隻柴犬，因為擔心安危所以就先救起佢🐶 點知狗狗上咗車之後唔驚不突止，仲要挨住運輸哥哥嗲佢🤣💕

不過狗狗身上好香，毛髮亦好整齊，睇落完全唔似係被棄養。所以運輸哥哥托朋友喺走失協尋嘅 Facebook 群組，睇下有無人唔見咗狗狗。等主人「蒲頭」之際，運輸哥哥就帶狗狗體驗下社會生活先，又即係跟車出Job😆。途中都有去診所掃晶片尋主人同去買定啲日用品俾🐶🐶～

🌃但係直到夜晚，網上依然未有主人嘅消息。運輸哥哥見天色已晚，唔放心留佢喺車或者隨便交畀人，於是就帶埋狗狗返屋企，順便見下屋企嗰兩位貓主子🐱。點知令人意外嘅係，三位毛孩都相處得幾好～ 運輸哥哥見狗狗咁乖又同自己咁投緣，心入面都作好咗最壞打算：如果最後主人真係無出現，就由自己負起責任養埋佢，仲幫佢改埋個名做「Meme」。

咁到底 Meme 最後會唔會留喺運輸哥哥屋企？定係會搵返原本嘅屋企人？聽日話你知！

授權轉載：United Bright Logistics Ltd.

#毛城城 #動物趣聞 #柴犬 #走失協尋 #金魚 #跟車狗 #見義勇為 #情人節 #溫馨故事 #好人好事

= = = = = = = = = =
【 Facebook: 毛城城 MoCity】
【 Instagram: 】
【 YouTube Channel: 毛城城 MoCity】

= = = = = = = = = =
一站式 #寵物資訊平台
想分享溫馨動人毛孩故事，或者得意相片影片？
歡迎 FB Inbox #毛城城 或者 IG DM

04/02/2026

【大氣中見】
多謝商台《有誰共鳴》邀請我做今日嘅嘉賓。
估唔到日日聽《有誰共鳴》，今次輪到自己開咪分享✨ 由昔日一事無成嘅邊緣少年，行到今日一半人生路，點樣脫變，仲堅持緊做青年活動、回饋社會——呢段奇妙轉變，終於可以透過電波同大家講❤️

希望我嘅故事，可以喺空氣中散播多少正能量，輕輕推大家一把！🎧 星期五記得同我一齊，聽聽大氣中嘅「我」

播放時間 6/2 星期5
雷霆881:21:00-22:00
叱咤903 ：06:00-07:00

#有誰共鳴 #正能量 #商台 #叱咤903 #雷霆881 #曾駿𤋮

17/01/2026

17/01/2026

29/12/2025