14/05/2024
廣州融創好適合一大班朋友一齊去玩，酒店最好Book係附近，步行便可到達融創茂的，可以唔使諗交通安排，係嗰度玩幾日，時間充裕可以玩四日三夜，水世界，體育世界，雪世界，都係喺融創茂裏面，融創樂園係融創茂的對面，全部都係步行就可到達，融創茂喺一個商場，裏面購物和飲食店舖都有很多選擇，晚上融創茂外圍還有很多燒烤小食店，融創樂園出口步行幾分鐘左右便有一條美食街。
-水世界並不是全年開放的，去嘅時候留意番官方網站，同埋係室內恆溫，啱晒怕曬又鍾意玩水嘅人。
-體育世界有大大小小唔同類型嘅攀爬，彈跳，小朋友最愛嘅play house，揸車，射箭，雷射槍game嗰度都有得玩，如果買套票，唔陪玩嘅大人可以唔使買票，陪入去的先要比票，嗰度係自由進出的，除咗你入去玩嘅時候先要收票，有部份遊戲身高不夠指定高度係需要大人陪入去的。裏面仲有得玩高卡車，但要身高140cm和12歲以上才可以玩。
-融創樂園普通大大小小嘅機動遊戲都有，望落去設施仲好新淨，裏邊有一個馬戲團要收費，唔貴，幾值得去睇，樂園的優點係勝在唔使排隊就有得玩，大部份遊戲都係等下一輪就可以開始。
-雪世界的衫褲比較單薄，保暖效果一般，怕凍嘅人可能要自己帶褸，同埋最好早場去，比較無咁多人，但都係好多人，玩咩都要排隊，入去要排隊，攞衫要排隊，入到去玩項目都係要排隊，我哋三小時只係去娛雪都玩唔晒所有項目。
#廣州融創 #滑雪 #體育 #水上樂園 #樂園 #週末 #親子
