14/01/2026
｜玖拾後｜🖤🤍再會
多謝各位呢三年嘅支持同包容❤️🩹
我地兩個零經驗由攞牌 法例 裝修 規劃一步一步去成長
當中經歷一開始女店主好嚮往嘅Coffee Corner
男店主好自豪嘅燒賣魚蛋沙嗲醬
大家返工買早餐見到Gloria 放工買晚餐會見到Raymond
我地成日都好自豪咁對方講
「我啲熟客同你啲熟客係唔同😎」
到星期六日我地一齊開鋪 大家會話終於見到我地兩個一齊出現😆
好懷念同大家傾計 行過路過打招呼嘅日子
而家諗返嗰段日子需要辛苦 但真真正正喺富景建立關係
入面包含嘅都係無悔而且甜蜜嘅回憶💕
▪️
疫情嘅退散 我地各自回到原本嘅工作崗位
逐漸由幕前退到幕後
「玖拾後」首次經驗大轉變
第一次經歷招聘 由出汗出力到管理人事
拓展外賣平台 嘉年華 到會服務etc.
當中有迷失但仍有團結嘅時刻
▫️
「玖拾後」各位街坊見證我地兩個由情侶到
東主有囍❤️
喺鋪頭到步向第四年 好遺憾要同大家講一聲再見👋🏻
我地人生即將再次走入新階段🤫
我地希望將更多心力時間投放於家庭
為我地小家庭盡最大努力🏡
🔸
短短三年幾 憑信心去創造無限不可能💫
如果唔係年少衝動「玖拾後」可能唔會出現
好興幸我地當年嘅不顧一切 去成就呢一段永恆嘅回憶
感謝各位家人 各位左鄰右里喺呢段歷程中嘅義不容辭🫶🏼
感謝各位街坊 朋友嘅支持同鼓勵🙌🏻
雖然好唔捨得但我地喺呢三年幾真係好感激大家❤️
Gloria & Raymond
