Natural er

09/06/2026

有時間補返個post先❤️

超級感動呀🥹🥹好早起身就收到靚女客人既回圖，仲要半夜兩點佢仲打左好多字比我🙏🏻🙏🏻🙏🏻🥹好多謝呀❤️❤️❤️

如果你有頭瘡，頭痕，甩緊頭髮，頭皮超級油，不妨入手一支試吓，真心推介真心推介🫶🏻🫶🏻我自己真係用過無數支洗頭水，真心跌過幾萬蚊喺頭髮療程中心都無用，呢支洗頭水大家係可以日日用，係唔依靠藥物同療程下，相信大自然嘅威力🌿🌱🍀☘️🌴🔥🔥

(草本🌿洗頭水🧴下單即製，用完先再買，唔建議多買，了解一下）https://www.naturalerhk.com/product-page/herbalanti-hairlossoil-controlshampoo

#頭瘡
#甩頭髮
#誠意推介

08/06/2026

動力雞湯🥹好多謝大家嘅每一句說話同每一個留言❤️❤️❤️🫡🫡🫡呢個就係我哋一直唔加價嘅初心「人人買得起，個個用得到」。

除咗皇牌紫雲膏快速止痕之外，夏天相信大家都會着多左涼鞋或者拖鞋，腳趾長期外露容易造成皮膚容易乾燥或增厚，大家可以考慮使用「潤足膏」，有客人更加反映仲可以用嚟搽頸紋😎期待大家更多嘅新發現❗️

最後就係今年2月先推出嘅「老薑膏」，呢三隻產品之中我最鍾意就系呢隻❤️自己亦用得最密，經過反覆改良同收集意見後，新一批會有少少微熱效果，希望大家都鍾意啦❤️🫶🏻

以上產品可以到我哋嘅合作點或網站購買🫡

#心靈雞湯
#推動力的來源
#香港小店
#快速止痕癢

01/06/2026

【長文】因為一次對話，我地既紫雲膏，堅持咗 4 年都系呢個價。

多謝《晴報》嘅報導，我地個品牌終於捱出頭啦，更加多謝一路上支持我哋嘅每一個人。由創業到今日，我都無用錢系賣廣告度，因為我將所有資金放晒喺產品同埋信任我哋嘅客人身上（熟我哋嘅客人都知，我真係好鍾意送好多好多 free gift ）。我成日同自己講：「等下，我仲有時間……終有一日，大家會見到我哋嘅用心，會知道我哋呢個品牌！」

💡 4 年前嘅起步
時間番去 4 年前。嗰陣時啱啱創業無耐，資金好有限，好彩有機會同環保超市合作，但因為當時無咩錢，支紫雲膏基本上係接近「裸包」（如圖）就上架，定價 HK$15。上架後我都有落舖睇，心諗：「包裝咁簡單，究竟會唔會有人買架呢⋯⋯⋯⋯⋯」點知上架唔夠兩星期，對方WhatsApp 我話：「紫雲膏賣晒啦！」嗰一刻，我心裡面真係無限滾動，因為我真係無諗過，大家會願意去支持一個咁新、包裝咁樸素嘅本土品牌。好多謝大家願意畀機會我。

後來，慢慢收到好多客人嘅 feedback，知道大家用完之後都好鍾意，我就開始諗，不如將個包裝做好啲啦。到咗 2025 年，我哋進化到今日大家見到嘅多左張硬卡紙介紹既包裝。雖然成本多咗，但價錢一樣係 HK$15。

💬 一次深深震撼我嘅對話
呢 4 年嚟，身邊做生意嘅人總會同我講： 「妳個產品定價咁低，之後好難賣返貴架啦。得個做字，邊有錢賺？」
當我想將產品放上其他大平台嘅時候，又遇到好現實嘅問題： 「妳件貨價錢咁低，根本平衡唔到運費同宣傳成本，分成利潤亦太少，唔吸引，無得做。」現實嘅冷水一盆盆起頭淋落嚟，

直到有一次，我出席一個活動。正路大家都會互相交換名片，介紹自己公司做啲咩。坐喺我隔籬嘅女士係做 NGO嘅，佢一見到我張名片，好驚訝咁話：「呀！妳哋就係賣紫雲膏嗰間公司？」我當時都嚇一嚇，咁問：「妳用過呀？多謝支持呀！」佢同我講： 「唔係我用過。而係我跟進緊一個單身家庭，佢哋住劏房嘅。環境好差、蚊蟲多，小朋友夜晚瞓覺成日比嘢咬。個媽媽同我講，好在有妳哋支紫雲膏幫手止痕」聽完之後，我成個人呆咗一下，心入面有小小難受。原來喺呢個五光十色、好似個個都過得好精彩嘅香港，喺一啲我哋睇唔到嘅角落，好多家庭仲係生活得好艱難。我亦從來無諗過，自己一手一腳做出來嘅產品，竟然可以幫到經濟上有困難嘅家庭，更加幫到小朋友可以瞓個好覺。HK$15，對大部份消費者嚟講可能只係一杯凍飲嘅價錢，好抵買；但換個角度，對於另一組基層客群，呢個價錢，可能啱啱好係佢哋負擔得起、又可以守護到小朋友嘅極限。

❤ 創業嘅初心（人人買得起個個用得到）
呢次對話，解答晒我心入面所有嘅迷茫。做生意係要睇利潤、睇數據，但如果我淨係睇錢，呢支紫雲膏試完市場反應後一早就要加價，或者一早因為「無錢賺」而放棄咗。但個次之後我知道佢存在嘅價值。賺得極少，唔緊要；最緊要係佢真係可以幫到有需要嘅人。可以幫到基層嘅媽媽減輕少少負擔，可以令劏房嘅小朋友有一晚安穩嘅睡眠，呢一切都已經超越咗盤數上面嘅數字。

最後多謝幫襯過嘅每一位，我地呢間無賣廣告既品牌行到第5年都仲未死，仲生存緊。

最後，介紹多次，我地系香港品牌，希望呢支「紫雲膏」日後會成為香港🇭🇰手信。多謝！

30/05/2026

準備瞓覺時收到老友個WhatsApp，嚇我一跳😳😳😳
好多謝晴報嘅小編呀（希望江湖上有緣可以親自講聲多謝）🙏🙏🙏🙌🏻🙌🏻

我地會繼續做好香港品牌💪🏻💪🏻💪🏻💪🏻
人人買得起嗰個用得到🫶🏻

夏日神器｜ 網民實測本地出品$15「紫雲膏」退腫極快 兼治濕疹尿布疹！

#止痕膏 #防蚊 #止痕消腫

29/05/2026

面對厄爾尼諾現象同全球暖化，地球變得越嚟越熱。但正因如此，無論系作為生產者定係消費者，大家只要行多一步、做多小小，累積落嚟嘅小改變，就能夠凝聚成改變環境嘅大力量。

創業多年，我哋一直默默堅持「簡約包裝」嘅理念，減少不必要嘅浪費。今日，我哋好榮幸獲頒由香港品質保證局（HKQAA）發出嘅「香港綠色和可持續貢獻大獎2026」—— ESG Connect 先鋒金章（環境）獎項。

呢個獎項唔單止係對我哋嘅肯定，更系屬於每一位商業合作伙伴以及一直默默支持我哋簡約理念嘅「您」。

多謝大家，願意為地球降溫而行出嘅每一步。日後，我哋會繼續堅持這份綠色初心💚



#簡約包裝
#惜物減廢
#香港品牌

28/05/2026

作為一個中年港女，又點會唔留返啲回憶🤳🤣🤣
熱到妝都唔想化，好彩有美顏相機😆🤣

#世界好大唔睇好嘥
#真系好熱☀️
#新加坡之旅

27/05/2026

濃縮版1分鐘🛫
喺呢啲地方留低咗腳毛🙂

• Koon Seng Road Peranakan Houses (坤成路的土生華人彩色排屋)
• Singapore Cable Car (Mount Faber Line) (新加坡空中纜車 - 花柏山線)
• Faber Peak / Mount Faber Peak (花柏山頂與許願鐘觀景台)
• Sentosa Island (聖淘沙島)
• Universal Studios Singapore (新加坡環球影城)
• Siloso Beach / Palawan Beach (聖淘沙的海灘景色)
• Palawan Suspension Bridge (巴拉灣海灘吊橋)

16/05/2026

啱啱先做完手頭上嘅工作🫠
終於有時間出返個post（系呢個AI時代，仲可以收到手寫心意卡真系好難得，理事長真系好有愛❤️❤️❤️眨吓眼原來已經加入咗MCMIA （現代化中醫藥國際協會）2年了🫶🏻呢段時間學到好多行內知識、參加過好多活動同認識左好多唔同層面嘅人士，好開心可以成為其中一份子，日後會繼續努力學習同推動中醫藥文化💪🏻💪🏻

#現代化中醫藥國際協會
#多謝理事長
#成長路上的點滴
#學習無止境