kbear_food

kbear_food Contact information, map and directions, contact form, opening hours, services, ratings, photos, videos and announcements from kbear_food, Food & Drink, 皇后大道東183號, Hong Kong.

炮台山新張清湯腩店知道喺炮台山站一出冇幾遠，新開左間尚好記清湯腩店，今日想食清清地，就試吓啦。清湯牛坑腩河（$66）軟硬適中，河粉滑，唔碎。湯底清澈帶牛肉鮮味，食完唔會覺得口渴。炸排骨（$38）炸得香口，咬落軟熟。牛肉羹（$58）牛肉滑身大...
13/12/2025

炮台山新張清湯腩店

知道喺炮台山站一出冇幾遠，新開左間尚好記清湯腩店，今日想食清清地，就試吓啦。

清湯牛坑腩河（$66）軟硬適中，河粉滑，唔碎。湯底清澈帶牛肉鮮味，食完唔會覺得口渴。

炸排骨（$38）炸得香口，咬落軟熟。

牛肉羹（$58）牛肉滑身大小適中 。新酮人士都啱食。侍應會俾埋黑醋，配搭起嚟又幾好味。

腩汁蘿蔔（$20）冇根入味。

凍檸茶凍檸賓各跟餐加$8，都幾大杯，算抵飲。

座位舒適，裝修明亮。價錢唔貴，街坊都可以去試

#尚好記清湯腩 #香港美食 #香港必食餐廳 #香港打卡 #香港清湯腩 #香港魚蛋粉 #北角美食 #北角必食 #北角牛腩 #北角魚蛋粉 #北角

荃灣一人一鍋壽喜燒今晚嚟到海山板神，叫咗兩個壽喜燒套餐，一個係澳洲和牛（$178），一個係美國牛板肩 （$168）。兩款牛肉都重牛味，唔會太肥。我地先用牛油煎香一半牛肉，再加壽喜燒汁，超香。再蘸上生蛋，又再好食啲。之後再加湯做火鍋。兩款前菜...
17/10/2025

荃灣一人一鍋壽喜燒

今晚嚟到海山板神，叫咗兩個壽喜燒套餐，一個係澳洲和牛（$178），一個係美國牛板肩 （$168）。兩款牛肉都重牛味，唔會太肥。

我地先用牛油煎香一半牛肉，再加壽喜燒汁，超香。再蘸上生蛋，又再好食啲。之後再加湯做火鍋。

兩款前菜都幾開胃。蔬菜籃多種類又新鮮，份量十足。菜同烏冬吸收晒壽喜燒湯，烏冬又唔會太林，唔錯。

每個套餐都包一杯熱飲，凍飲都只係加$3。

值得一讚係呢度啲服務員，好勤力，又用心講解，非常有禮

#海山板神 #壽喜燒 #火鍋 #打邊爐 #香港必食 #香港好去處 #香港旅遊攻略 #食在香港 #香港探店 #香港美食 #香港打卡 #香港生活 #荃灣必食 #荃灣好去處 #荃灣旅遊攻略 #荃灣探店 #荃灣 #日式火鍋 #一人火鍋

12/07/2025

心血來潮想食龍蝦伊麵

今晚喺灣仔買完嘢，突然心血來潮好想食龍蝦伊麵。見近近地合和中心7樓有一間中菜廳國穗軒，就去左食喇。

我哋兩個人七點左右嚟到差唔多已經滿座。一坐低就叫咗半隻脆皮吊燒雞同主角上湯焗西澳龍蝦伊麵。

上湯焗西澳龍蝦伊麵（$368）：龍蝦好好肉。煮嘅時間控制得宜。肉質彈牙。淨係計啖啖肉嘅龍蝦肉粒都有差唔多成十粒，真係好滿足。伊麵吸收晒上湯嘅味道，好味呀。

脆皮吊燒雞（$38）：餐廳慶祝回歸，有短期優惠，$38就有半隻燒雞。沒有將貨就價。燒雞皮脆，肉嫩多汁。非常抵食。

芒果布甸（$20): 喺酒樓食晚飯就係習慣叫返個花奶芒果布甸作結。布甸震揗揗咁，而是兒時回憶返晒嚟

特別想讚嘅係，職員好勤快咁樣幫我哋換骨碟換咗好多次，又俾咗好多張濕紙巾俾我哋抹手，非常貼心

#國穗軒 #灣仔美食 #灣仔中菜 #香港必食 #香港好去處 #香港旅遊攻略 #食在香港 #香港探店 #香港美食 #香港打卡 #香港生活 #灣仔必食 #灣仔好去處 #灣仔旅遊攻略 #灣仔探店 #灣仔打卡

食物高質又有Live Band既西餐廳今晚帶咗朋友去銅鑼灣有live Band嘅西餐廳Zinger食飯。餐廳嘅氣氛好好，座位亦都好舒適。鱘魚子蟹肉牛油果卷$108: 賣相精緻，牛油果片入邊包住滿滿嘅蟹肉，加埋上面嘅鱘魚子，配埋旁邊嘅香醋，味...
24/05/2025

食物高質又有Live Band既西餐廳

今晚帶咗朋友去銅鑼灣有live Band嘅西餐廳Zinger食飯。餐廳嘅氣氛好好，座位亦都好舒適。

鱘魚子蟹肉牛油果卷$108: 賣相精緻，牛油果片入邊包住滿滿嘅蟹肉，加埋上面嘅鱘魚子，配埋旁邊嘅香醋，味道層次豐富

白酒煮藍青口$108: 青口新鮮。而且煮嘅時間啱啱好，所以口感好嫩。蒜蓉包都好香脆。

蒜蓉牛油焗大虎蝦蕃茄醬扁意粉$188: 意粉口感一流。大虎蝦厚肉，蝦味香濃，口感爽彈。

炸甜番薯條$48:炸番薯條甜甜地，同青芥辣蛋黃醬好夾。

Fruit comba $88 Virgin colanda $88: 兩杯飲品都口感幼滑，味道清新。

📍Zinger (銅鑼灣)
📍銅鑼灣駱克道491號京都商業中心10樓

15/01/2025

要為螺絲粉平反

你身邊有冇啲朋友，一啲話螺絲粉好好食，一啲話螺絲粉好臭好難食？我自己身邊就有呢兩批人喇

我自己食過一次即食杯麵嗰種，但真係唔識欣賞。朋友話我未去食過一間真正嘅螺絲粉所以先會咁comment。為咗唔好誣蔑螺螄粉，咁所以我今日特登去到西環試吓呢間好螺記。

招牌鍋燒螺絲粉（$52）：份量好大！配料有生菜，木耳絲，脆花生，酸豆角，蔥，薄脆同埋芫荽。鍋燒即係將豬肉件拎去炸，然後再切薄片，所以咬落去外面四邊都好脆（我覺得有少少似食緊薄片嘅燒肉咁）。豬肉半肥瘦，所以一啲都唔韌，果然係招牌。佢嘅湯底因為加咗酸豆角，食落酸酸辣辣咁。至於麵質，我覺得佢係煙靭版嘅米線，口感唔錯。舖頭仲接咗告示喺枱面話「加底加粉免費」，真係好好。

香酥蝦卷（$38）：一客有五條。即叫即炸，外皮炸得脆脆地咁。咬落彈牙。

酸梅湯（跟餐$6）：酸梅湯係自家製嘅。酸酸maymay又唔係咁甜,幾開胃。

今餐令我對螺螄粉改觀左。的確唔錯既。所以有陣時都係要靠自己食過先知

📍好螺記 (西環)
📍西環石塘咀德輔道西406號地舖

#好螺記 #香港美食 #西灣美食 #香港探店 #螺絲粉 #香港螺絲粉

西環好味燒雞！今日約咗朋友喺西環山道冰室食下午茶。喺香港大學站B2出口一出已經見到，地點相當方便。我地2:30嚟到，要等幾個位先入得，睇嚟都幾有人氣。秘製脆皮燒春雞（$88）：可以選配白飯/茄汁意粉/薯條/薯仔沙律。我揀咗薯條。佢仲有啲沙律...
12/01/2025

西環好味燒雞！

今日約咗朋友喺西環山道冰室食下午茶。喺香港大學站B2出口一出已經見到，地點相當方便。

我地2:30嚟到，要等幾個位先入得，睇嚟都幾有人氣。

秘製脆皮燒春雞（$88）：可以選配白飯/茄汁意粉/薯條/薯仔沙律。我揀咗薯條。佢仲有啲沙律菜跟埋。呢個燒春雞真係不得了。首先熱辣辣上枱。啲雞皮好薄好脆。雞肉非常多汁。真係好好味！果然係餐廳必食推介。

招牌常餐（$56）：佢哋嘅招牌常餐係沙嗲牛肉公仔麵，配火腿奄列及牛油厚多士。果然稱得上係招牌。佢哋嘅牛肉軟熟有牛味。沙嗲醬都好惹味。火腿奄列都做得好好，蛋夠滑火腿夠多。常餐會送熱飲，凍飲加$3。

法蘭西多士（$38）：佢係我鍾意嗰隻有花生醬喺入邊既西多士！餐廳用上厚身嘅方包去整呢個西多士。客人可以選擇要糖漿定係煉奶。我自己就習慣性地揀咗糖漿. 下午茶餐會送熱飲，凍飲加$3.

酥皮蛋撻（$8）：見佢啱啱出爐，即刻整返個先。熱到標煙，蛋漿好夠滑。

凍檸茶：茶味濃，檸檬有四片咁多。

#山道冰室 #香港美食 #西環美食 #茶餐廳美食 #香港探店 #香港美食 #香港必食餐廳 #香港打卡 #香港茶餐廳 #西環茶餐廳 #西環冰室 #燒雞

有串燒食嘅車仔麵店今日係長沙灣交收完，就喺附近食埋嘢先返屋企。唔肚餓，剩係想食少少嘢。見到有間叫三五碗車仔麵嘅舖頭入邊有串燒食，就入咗去喇。叫咗以下四款串燒同埋可樂。幾款串燒嘅火候都掌握得好好。燒生蠔-2隻（$58）：生蠔好大隻飽滿. 蠔味...
17/12/2024

有串燒食嘅車仔麵店

今日係長沙灣交收完，就喺附近食埋嘢先返屋企。唔肚餓，剩係想食少少嘢。見到有間叫三五碗車仔麵嘅舖頭入邊有串燒食，就入咗去喇。

叫咗以下四款串燒同埋可樂。幾款串燒嘅火候都掌握得好好。

燒生蠔-2隻（$58）：生蠔好大隻飽滿. 蠔味好鮮。用蒜蓉同蔥一齊燒製，好香。職員話佢哋嘅蠔係客人落單後先至開蠔殼，所以係非常新鮮。同埋呢啲蠔係街市買返嚟嘅新鮮貨。

燒魷魚（$48）：食得出係新鮮魷魚！非常鮮味，口感彈牙！呢度至少有兩隻魷魚仔。必點！

燒翠玉瓜串（$14）：一客有三片。翠玉瓜片厚度適中。燒製後嘅翠玉瓜更加香甜。

燒雞中翼串（$20）：一客有三隻。三隻都大大。雞翼永遠係我要串燒必點嘅item。用咗比較濃味嘅醬料醃製，好惹味。

📍 三五碗車仔麵 (長沙灣)
📍長沙灣青山道336號地舖

#三五碗車仔麵 #香港美食 #香港必食餐廳 #香港打卡 #港式串燒 #長沙灣美食 #長沙灣必食 #長沙灣串燒 #長沙灣車仔麵 #車仔麵

正九終於開到嚟港島區喇！之前喺九龍區食過佢三間唔同分店嘅出品都有一定嘅保證。最近知道佢終於喺北角開咗，終於唔使出九龍都可以食到喇。北角呢間分店個名係正九清湯腩冰室，同九龍幾間嘅舖頭唔同，呢間做埋冰室，有中式小炒可供顧客選擇添。我哋叫咗一個百...
11/08/2024

正九終於開到嚟港島區喇！

之前喺九龍區食過佢三間唔同分店嘅出品都有一定嘅保證。最近知道佢終於喺北角開咗，終於唔使出九龍都可以食到喇。北角呢間分店個名係正九清湯腩冰室，同九龍幾間嘅舖頭唔同，呢間做埋冰室，有中式小炒可供顧客選擇添。

我哋叫咗一個百搭套餐（包兩個白飯）$288。

鮮花椒酸菜魚：鮮花椒嘅味道就係同乾嘅唔同，花椒嘅香味更加突出惹味。魚肉好大片爽口。起碼有十幾片魚肉。應該係鱸魚肉黎（唔係嗰啲cheap cheap魚）。入邊仲有d芽菜同雲耳。另外佢個酸菜亦都令到成個湯好惹味。湯頭呈金黃色，色澤吸引。

椒鹽魷魚鬚：炸皮做得好酥脆。魷魚鬚軟熟唔un 易咬開。

冰梅欖角骨：大大嚿七嚿咁多。肉質彈牙。配埋冰梅欖角，味道層次豐富。

紅豆冰，菠蘿冰：呢兩個都係跟餐送嘅。夏日炎炎，飲呢個啱晒。

📍正九清湯腩．冰室 (美輪大廈) (北角)
📍北角英皇道442-456號美輪大廈地下12及12A號舖

#正九清湯腩冰室 #香港美食 #北角美食 #茶餐廳美食 #香港探店 #香港美食 #香港必食餐廳 #香港打卡 #香港茶餐廳 #北角茶餐廳 #北角中菜 #中菜 #清湯腩

無論雞煲定係椰子雞都係咁出色今晚一行五人去咗新開嘅天后雞煲。餐廳裝修好新淨，枱同枱之間有一定嘅距離，感覺舒服。其中有兩個朋友就話想食秘製雞煲，另外兩個朋友就話想食椰子雞。咁就一於兩個都叫晒啦。秘製雞煲有芫荽，紅椒，青椒，同大量嘅洋蔥落去煮，...
03/06/2024

無論雞煲定係椰子雞都係咁出色

今晚一行五人去咗新開嘅天后雞煲。餐廳裝修好新淨，枱同枱之間有一定嘅距離，感覺舒服。

其中有兩個朋友就話想食秘製雞煲，另外兩個朋友就話想食椰子雞。咁就一於兩個都叫晒啦。

秘製雞煲有芫荽，紅椒，青椒，同大量嘅洋蔥落去煮，好惹味。雞件入晒味，但肉質又唔會嚡。

椰子雞真係用三個新鮮嘅椰青水去整㗎，未食都已經覺得好潤。加埋一啲都唔肥嘅雞一齊去煮，啖湯真係好清甜鮮味。用返呢個湯底去打邊爐就啱晒。

雪花吊龍雙拼：三款唔同嘅牛肉部位喺齊一碟度。無論鍾意食爽口嘅，肉味濃嘅，定係林滑嘅都有齊喺度。梗有一款啱心水。

蔬菜拼盤：個拼盤好大份。全部菜都好新鮮，味道清甜。

三絲炒米粉：佢係用幼身嗰種米粉炒嘅。炒得幾乾身，冇乜油又唔會好燶。火喉控制得好好。

串燒：我哋叫咗烤五花肉，烤牛肋肉，烤豆角同埋烤土豆片。全部串燒都有加到啲椒鹽，好惹味，啱晒適合食濃味嘅我哋。串燒唔會燒得太乾👍。

📍 天后雞煲 (天后)
📍天后永興街10-12號田華閣地舖

#天后雞煲 #天后 #天后美食 #火鍋 #打邊爐 #雞煲 #香港必食 #香港好去處 #香港旅遊攻略 #食在香港 #香港探店 #香港美食 #香港打卡 #香港生活 #天后必食 #天后好去處 #天后旅遊攻略 #天后探店 #天后打卡

多種菜式選擇嘅中菜廳/茶餐廳發現咗灣仔開咗新嘅中菜廳，華韻廚房，入邊除咗有茶餐廳嘅嘢食，特色小菜仲有海南椰子雞。真係好多選擇。我哋叫咗以下嘅菜式。粉絲蒜蓉蒸開邊蝦（$108）：蒸嘅時間啱啱好，蝦肉保持Juicy。蒜蓉味惹味。粉絲係精粹，成碟...
17/05/2024

多種菜式選擇嘅中菜廳/茶餐廳

發現咗灣仔開咗新嘅中菜廳，華韻廚房，入邊除咗有茶餐廳嘅嘢食，特色小菜仲有海南椰子雞。真係好多選擇。

我哋叫咗以下嘅菜式。

粉絲蒜蓉蒸開邊蝦（$108）：蒸嘅時間啱啱好，蝦肉保持Juicy。蒜蓉味惹味。粉絲係精粹，成碟清晒。

清湯牛坑腩（$148）：估唔到佢個牛坑腩咁好食。牛味濃郁，而且肉質非常彈牙。仲好食過平時專食牛坑腩麵嗰啲舖頭。

啫啫福花煲（$78）：用咗大量蒜頭同乾蔥頭去整呢個福花煲，想唔好食都幾難。上枱嘅時候咋咋聲，好吸引。

冬菜蒸黃花魚（$78）：本身對呢個冇乜期望。但估唔到冬菜帶起黃花魚嘅鮮味，而且黃花魚本身嘅肉質都幾嫩。

臘味煲仔飯（$98）：必食！！飯焦脆脆哋，唔會好黑好燶。臘腸同臘肉嘅油香落晒啲飯度，香到呢～ 連我平時好少食飯，都忍唔住食咗好多。

是日例湯：今日係紅蘿蔔雞腳煲豬骨，好多料，味道唔錯。

凍檸茶（跟晚飯套餐加$8@）：食咗咁多嘢，飲番杯檸茶解下膩先。

📍華韻廚房 (灣仔)
📍灣仔灣仔道218-220B號利昌大廈地下D號舖

#華韻廚房 #香港美食 #灣仔美食 #茶餐廳美食 #香港探店 #香港美食 #香港必食餐廳 #香港打卡 #香港茶餐廳 #灣仔茶餐廳 #灣仔中菜

Address

皇后大道東183號
Hong Kong

Website

Alerts

Be the first to know and let us send you an email when kbear_food posts news and promotions. Your email address will not be used for any other purpose, and you can unsubscribe at any time.

Shortcuts

Share

Category