05/11/2024
📣📣📣
適逢荔枝角門市租約期滿！
醉後無事都決定要暫時告別大家喇！
完！
以下係一則廢苦之言 《長文慎入》
諗返起呢幾年
由IG shop 到尖沙咀寄賣店
再到建立到宜家嘅荔枝角社區中心💒
由醉後無事第1️⃣個IG被攻擊到宜家第3️⃣個IG
一路走嚟真係唔容易 更難得係得到大家一直大力支持
同各方好友相助 認識到你哋每一位真係好開心好感恩🫶🏻
不過以我嘅癡線佬性格🤪 又點可以困住自己呢
我成日都話 個世界咁大 啲酒係飲唔晒嘅
所以想趁仲有心有力出去闖蕩江湖 放眼世界🌍
係一定好唔捨得咁多位院友㗎啦 江湖見喇
但係大家請放心 等我裝備好自己
玩返排之後咩啊？🦾💨
將會以一個新面貌再出現喺你哋面前
到時千祈俾我嚇親😆
講返正經嘢先🤫
荔枝角門市同網店最後營業日係11月20號
時間表依舊每星期更新
歡迎大家上嚟社區中心打卡留念📸
最緊要提提大家
未拎貨就快啲嚟拎，或者盡早安排送貨🚚
20號之後未拎酒嘅，唯有我幫大家一鳩飲哂佢🤤
⭐️咁多位訂咗婚禮酒嘅新人們亦唔需要擔心 稍後醉後服務員會逐一聯絡大家送酒安排，我婚禮小王子係會繼續做婚禮酒嘅！💍👰🏻♀️🤵🏻👰🏻♀️👰🏻♀️🤵🏻🤵🏻
不厭其煩 順帶一提
其實社區中心門口位有個漂書架📚
希望遇到有緣人帶佢哋返屋企
同埋大家掛住我嘅可以珍藏一下：
- 醉後無事國際標準品酒杯（以後一路飲酒都會記起我）
- 醉後無事聯乘Saturday studio 設計師 (Kate Szeto） 創作出嘅「醉後無事T-shirt」（以後大家記得飲酒後切勿打俾前度）
最後最後
希望大家可以支持醉後無事慈善義賣毛巾
做善事同時揸緊醉後無事嘅宗旨
⭐️清醒不是唯一的出路 微醉才是人生的正途⭐️
再一次衷心多謝大家一路對醉後無事嘅支持🫂
各位江湖再見
陳大夫去放下假👐🏻
