https://www.facebook.com/113175701639082/

arfan_foodie, Hong Kong (2026)

27/04/2023

［尖沙咀］海港城”泰”有feel

因為好想去泰國旅行，但未有時間住🥲，所以去食住泰菜，止住心癢先啦😆。好耐之前我食過沙田分店，野食都唔錯，幾好食😳，所以今晚試下尖沙咀分店，係海港城，港威個邊，好易搵👍🏻。

餐廳係採用粉色系主題😍，又有藤系的裝飾
及家俬，感覺好chill and relax 。而且有一排枱對海景，地方好闊落，見到有8-10人的大枱，啱晒多人的gathering，重點，有空間感，可以傾到計。👏🏿

☁️ 小食-蝦餅$15
泰式香脆的蝦餅，係非常好的餐前小食😍，份量都多嫁。一黎已經食唔停口🤭。

☁️ 泰式椰子雞湯 $128 (少辣)
Lee 個湯🤩，色香味俱全，可辣可不辣，任君選擇。既有南薑，香茅和檸檬葉的香，同時有椰奶的甜，濃郁開胃同時，層次非常豐富。雞肉肉質彈牙和嫩滑，又唔肥，真係食唔停口😍。仲有爐仔，keep 住加熱，可以飲到熱辣辣的湯。

☁️ 黃咖哩珍寶蟹肉配蒜蓉包 $328 (每日限量供應)
香氣撲鼻，濃郁的咖哩，配上清甜的蟹肉，再舖上香脆的蒜蓉包，每一啖都超級大滿足🥰。咖哩同蟹肉份量都多，而且唔辣，鮮味十足。

☁️ 印度薄餅 $40
有啲驚喜😍，放左陣，個面都仲脆脆地，幾煙靭，幾香口，配咖哩，一流‼️

☁️ 泰式鹹魚炒芥蘭 $88
芥蘭爽口新鮮，用泰式鹹魚炒，味道適中，又唔會太鹹，調味份量👍🏻，配埋炸蒜，香口。

優點：
☁️地點方便
☁️價錢合理
☁️服務態度好
☁️地方闊落

整體
味道：🌕🌕🌕🌕🌑
環境：🌕🌕🌕🌗🌑
地區：
類別：

——————
Nara Thai Cuisine (港威商場) (尖沙咀)
尖沙咀廣東道3-27號海港城港威商場3樓3303號舖

Nara Thai Cuisine (新城市廣場) (沙田)
沙田沙田正街18號新城市廣場一期5樓507號舖

——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先

25/03/2023

［旺角］足料人氣香濃沾麵

想食lee 間拉麵好耐，但次次都好多人，就放棄左🥲。難得今日早，見無人排，終於可以食到。🥹

餐廳裝修簡單輕鬆日系風😍，未夠下午6點，已經差唔多坐滿人🏠😂，好彩早，唔洗排隊。

Lee 度的沾麵有凍/熱
☁️清湯底海老沾麵 $88🍜(熱)
鋪滿櫻花蝦的濃湯🤩，色香味俱全，小巧的櫻花蝦為濃湯增加了一份口感同鹹香。同時，青檸有提鮮作用。麵質彈牙，加上半肥瘦嘅火炙叉燒，真係好香口😍。仲有半隻流心半熟蛋🥚，正!

☁️ 特濃豚骨沾麵 $82(熱)
香氣撲鼻，熱辣辣濃郁豚骨湯，配沾麵，一流！個湯內都有豚肉嫁，好足料！最後加埋魚介清湯，好味，清晒🤭。

☁️ 雞軟骨棒$29
香脆的外皮，加上雞軟骨的香氣和咬口，再配上沙律醬同香蔥，非常美味。😍

☁️煎餃子$29
金黃色外皮，多肉汁的餃子餡。👍🏻

☁️綠茶汽水$20
出面餐廳少啲見，值得一試。

☁️SAGE冷泡茶桂花烏龍 $18
用原片茶葉，烏龍味夠清新，唔會太濃，
啱啱好。桂花味適中唔會搶曬啲茶味。成件事好夾。最重要係無糖！啱曬注重健康嘅人士飲！

優點：
☁️地點方便
☁️價錢合理
☁️上菜快，人手足，服務態度好
☁️用料足

整體
味道：🌕🌕🌕🌑🌑
環境：🌕🌕🌕🌗🌑
地區：
類別：

——————
一生懸麵 (旺角)
旺角通菜街73號地下
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #旺角美食 #拉麺 #沾麵 #日本拉麵 #海老沾麵 #一生懸麵 #豚骨沾麵

25/03/2023

［沙田］新開人氣高質Burger

之前係尖沙咀食過好多次honbo🥰，每次都要排好隊等，依家終於係沙田開左間honbo 啦😌

餐廳裝修係70,80年代美式快餐廳，old school style，有紅磚，霓虹燈。打卡一流。😍

☁️ HONBO $98
2x2oz BEEF PATTY, CHEESE. PICKLES, ONION, HOUSE SAUCE

☁️ DOUBLE CHEESE BURGER $158
2x4oz BEEF PATTY, 2x CHEESE, PICKLES. ONION, LETTUCE, HOUSE SAUCE

我欣賞它的位係，由醬汁，漢堡扒到麵包都是餐廳親自製作，有誠意。🥰而且漢堡扒牛味好濃，因為混合左本地和美國牛肉的不同部位。Beef Patty 做得好好，唔會碎曬，夠juicy，好味。

漢堡底面都有煎過，好香。生菜夠爽口，我平時就唔太好食酸瓜，怕太酸😝，但係呢度塊酸瓜唔太酸而且略帶甜味，中和返牛的濃味。

☁️ TATER TOTS $38
薯球熱辣辣，又脆口，相比薯條，有更佳嘅口感。份量好多，我鐘意😍。

☁️ CHEESE FRIES $58
芝士醬勁多，每條薯條都沾滿芝士醬，再配合埋Honbo 自家製獨特的醬料，少少辣，超級好食🤩。獨特醬料只係叫cheese Fries 或cheese tots 先有，食到停唔到口。🤫

☁️ MIKE'S LEMONADE $40
有薄荷葉，清新酸香的lemonade配上濃味的burger 同薯條，解膩開胃，絕配！👍🏻

☁️ APPLE PIE ICED TEA $40
蘋果批特飲，賣相靚，有肉桂味，又有茶味的清甜，同漢堡成對比。

優點：
☁️地點方便
☁️職員非常有線，服務態度好
☁️食物味道好

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
Honbo (沙田)
沙田正街18號新城市廣場3期3樓A326號舖
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #沙田美食

11/03/2023

［蘭桂坊］高質調酒極具玩味

想同同事chill 下，無意中係LKF搵到間樓上hidden bar 🥰正，又有得Shisha🤪同靚靚beer pong table，仲有打碟🎧

酒吧行cyber 路線，燈光的setting 幾有feel。地方好闊落，枱同枱之間有空間感，可以同朋友自成一角，玩得好enjoy 🤭。問開職員，先知有房可以book ，私隱度極高。👍🏻

而且COCKTAILS極具特色，充滿驚喜🥰。

優點：
☁️cocktails 有特色
☁️環境闊落
☁️服務態度好nice
☁️可以自成一角

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
Fuze Bar (中環)
中環德己立街40號好利商業大廈2樓
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先
#蘭桂坊 #中環樓上酒吧 **ha #蘭桂坊酒吧 Fuze LKF

23/02/2023

［荃灣］即燒熱辣辣石板牛肉

自己牛，自己燒😌
有得玩，又有得食😋

餐廳樓底好高，好有空間感，而且有特色牆，木系同園藝風，感覺好舒服同放鬆🥰。

見到差唔多全部客人都係叫香草吉列牛同鍋物，咁一定要試下啦😆，聞到隔離枱的肉香，已經忍不住，好想快啲食😝

☁️ 初見香草吉列牛配白飯、溏心蛋 $138
+$48 刺身+龍蝦湯+飲品

龍蝦湯，味道濃，唔錯👍🏻
刺身新鮮，帶子鮮甜，魚生新鮮彈牙😚

先將牛脂均勻塗在石板上，再煎香牛肉。牛肉色澤紅潤，一煎，牛肉香氣撲鼻🤩，煎香兩面後，可選擇沾海鹽/蒜蓉汁。我自己覺得蒜蓉汁係必沾‼️因為好夾同帶出牛的味道。加埋白飯，真係超好送飯。😌而且可以跟自己喜好，選擇牛肉熟的程度。🥰

☁️ 季節海鮮鍋龍蝦湯配白飯 $88
+$38 刺身+日式麵豉湯+飲品

我轉左讚岐烏冬+$8
烏冬彈牙，又熱辣辣，鐘意❤️
海鮮新鮮，而且海鮮同蔬菜份量都多。鍋的湯底幾好飲咼😍，跟飯的話，又係送飯一流，做湯飯都唔錯，因為有海鮮同菜的甜味。

☁️ 日式鐵板煎雞軟骨餃子5隻＄48
外層金黃色，餃子肉多汁，而且有粒粒雞軟骨，增加成個餃子口感🥰，I like it 🤪

優點：
☁️CP 值高
☁️餐廳環境舒服
☁️服務好
☁️上菜快

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
初見 (荃灣)
荃灣海壩街22號華達樓地下F號舖
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #初見 #石板燒 #香草吉列牛 #海鮮鍋物 #荃灣美食 #情侶好去處

18/02/2023

［九龍灣］人氣90分鐘任食台式美國牛肩邊爐

這幾天天氣忽然又凍返，最啱係食咩呢？😌當然港人最愛的打邊爐🍲🥹今晚就食台式火鍋放題🥳，真係好滿足啊！

餐廳裝修唔錯😍座位又好闊落，好舒服。
入面full house 🏠😂

美國極佳牛肩胛肉晚餐$298

我見到個自助吧，真係好開心🤩，好似去左台灣夜市咁，咩都有。

自助醬料區，乾淨企理，而且款式齊全。

自助區台式地道小食，有熱食和涼拌。有櫻花蝦炒飯，三杯豆芽，藥膳雞腳，烤腸仔，麻辣木耳，台南鹽酥雞等，有鹹同甜，任君選擇。💯

自助蔬菜吧+火鍋配料，選擇超級多😍，而且蔬菜好新鮮，有羽衣甘藍，蕃茄，菇類都有幾款，粉絲，丸類，麵款都有好多款😋

飲品方面，有三大個雪櫃，有涼茶，汽水，古早味茶，有桂花烏龍，梔子花綠茶等，有糖，無糖，無kcal 都有‼️😆

甜品區，有台式地瓜圓，蛋糕，雪糕，仲要有MOVENPICK同Häagen-Dazs😍，同埋其他雪糕雪條款式，仲有，仲有仙草涼粉芋圓🥰。

我地揀左桃膠士雞美人鍋，好大隻雞，好足料，桃膠非常養顏😂

樣樣都唔錯👍🏻
☁️ 美國極佳牛肩胛肉：肉質相對較軟滑，肉色鮮嫩，牛味濃厚
☁️上選安格斯牛肉：大理石花紋般的油花
☁️ 美國豬梅花：油脂分佈平均
☁️東港海班片:嫩滑
☁️墨魚滑: 好新鮮，好彈牙
☁️紐西蘭羊肉卷：羊味重
☁️牛胸爽：爽口
☁️新鮮海蝦：新鮮
☁️台灣鴨血
☁️老街蜂巢豆腐

優點：
☁️餐廳乾淨企理
☁️服務態度好
☁️選擇勁多❤️
☁️用料新鮮

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
犇殿台灣火鍋 (德福廣場一期) (九龍灣)
九龍灣偉業街33號德福廣場一期1樓F1號舖
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先
#台式邊爐 #犇殿 #任食火鍋 #台式火鍋 #美國牛肩 #美國牛

12/02/2023

［九龍灣］抵食惹味麻辣雞煲

放工後，去九龍灣搵朋友，大家都諗食咩個陣，佢就話之前食過樓下餐廳雞煲，唔錯，所以一於試下，唔使再諗來諗去😂

餐廳裝修幾光猛，乾淨企理😍，我地揀咗窗邊卡位，座位闊落，空間感足夠。

☁️ 麻辣雞煲（小） $168
雞煲一上枱，麻辣香，蒜香等，聞到已經非常吸引☺️。將雞件同d 汁搞勻後，香氣更加濃郁。聽到渣渣聲，已經食指大動。雞肉香滑，入口唔太辣的，但個after taste 個辣先出黎，都幾特別。而且個煲越煮越入味。份量都夠兩個人食。

☁生菜 ($23）
重點‼️將個生菜放入雞煲度煮，生菜吸收晒雞煲的麻辣味同雞肉的精華，好好好食‼️真心無得輸。又辣又香。送飯一流。😆

☁ 紅燒乳鴿 $58
乳鴿新鮮炸起，熱辣辣，味道唔錯，好入味，又唔會過鹹。餐廳好貼心💯，有手套提供，唔會整污糟隻手。

☁️ 鮮蝦炸雲吞 $48
蝦好新鮮，好彈牙，鍾意❤️。而且食到有香菇味道，雖然係炸，但雲吞餡有濕潤的感覺。

優點：
☁️餐廳乾淨企理
☁️價錢合理

整體
味道：🌕🌕🌕🌑🌑
環境：🌕🌕🌕🌗🌑
地區：
類別：

——————
麗晶軒 (九龍灣)
九龍灣宏光道80號麗晶花園商場地下G8號舖
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #麻辣雞煲 #乳鴿 #點心 #中菜

06/02/2023

［觀塘］型格紅磚工廈cafe

之前已經食過幾次，餐廳係懷舊型格紅磚的工廈cafe，感覺都幾正🤩，聽說會有時會有live band，有feel 🤟🏻。cafe 有WIFI提供，因為工廈真係未必收得好好😂，所以好欣賞💯。

☁️ 黑松露芝士焗薯條 $58
金黃色芝士和黑松露醬舖面，薯條仍然好香脆，無淋，黑松露好香☺️，而且一食到就停唔到口😆。

☁️ 西班牙欖油蒜片鳳尾蝦 $68
蝦🦐好新鮮同彈牙，加上蒜片的香味，係一個好好的starter😆。

☁️ 龍蝦汁焗青口薯蓉 ‼️FREE‼️
薯蓉超好食，做到入口即溶😍，好香滑，鍾意食薯蓉嘅朋友，一定要試吓。加埋龍蝦汁，冇得輸❤️。呢個係惠顧夠$300就會送嘅優惠‼️

☁️加拿大豬斧頭扒$238
斧頭扒份量大，肉質鮮嫩，肉味重。薯角好好食🤭。

Set-dinner
☁️ 精選濃湯及精選沙律
湯真係好濃，好香🥰，原來餐廳每兩日會轉湯的款式，夠晒有新鮮感😂

沙律菜🥗好新鮮，加上香甜生果做配搭😚，好fresh。

☁️ 松葉蟹肉露荀蟹籽意大利飯$128
好creamy，蟹肉同蟹子分量好多，mix 埋食，口感好好，好有誠意☺️

☁️ 泰式冬陰功鳳尾蝦意粉$138
非常彈牙的大蝦，加上每一條彈牙的意粉都充滿泰式風味的冬陰功汁，酸酸辣辣，好惹味🤩。

☁️香煎比目魚扒配薯菜 $158
一上枱已經好香，金黃色的外表，外脆內嫩，啖啖肉細嫩清新，d 細骨脆卜卜，好好食😆。

優點：
☁️CP 值高
☁️餐廳裝修型格
☁️服務好
☁️食物質素好

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
壹玖陸零 (觀塘)
觀塘成業街19-21號成業工業大廈1樓26號舖
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #1960 #壹玖陸零 #紅磚牆 #觀塘美食 #拍拖好去處

01/02/2023

［銅鑼灣］16小時慢煮法國油封鴨髀

食左好多日圍餐，所以想兩人世界下😏，我上網搵到間幾有feel 的餐廳，所以就試下 🤭

餐廳裝修好有情調，配合埋舒適和柔和嘅燈，而且環境寧靜加上抒情嘅輕音樂，啱晒情侶同閨蜜撐枱腳😍

☁️ 16小時慢煮法國油封鴨髀（每日限定） $328
16小時慢煮，聽個名，已經想試😋。鴨髀一上枱，鴨的油香，香氣撲鼻☺️，賣相已經好吸引，擺碟好靚。鴨髀外脆內嫩，外層金黃色，肉質嫩滑香口😍。配上酸甜的蕃石榴，可以中和口腔中鴨油膩嘅感覺，好match🤭。而且有牛蒡做配菜，好健康！🤩

️Set dinner
☁龍蝦湯 (+$20）
熱辣辣的湯，濃郁龍蝦🦞味，味道唔錯，又唔會好鹹。

☁煙三文魚杏仁芝士卷
有啲驚喜咼🤩，煙三文魚包住厚厚的芝士，而且入面有脆口的杏仁片，配上兩款的唔同的魚子，口感好豐富。

☁️ 日式海膽忌廉帆立貝意大利粉$368
海膽味好香，意粉好彈牙，Al dente 🍝，而且每條意粉都沾滿香濃的海膽汁，帆立貝又新鮮，鍾意❤️。

☁️ 紐約芝士蛋糕
Ok wo，又唔會好甜，口感幼滑，味道濃厚，而且好質感十分綿密濕潤。加上絕配酸忌廉，有助中和芝士的厚重感。為整個晚餐畫上完美句號。💯

優點：
☁️餐廳有情調
☁️地點方便
☁️食物味道👍🏻

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
MEMOIR (銅鑼灣)
銅鑼灣登龍街28號永光中心17樓
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #精緻西餐 #亞洲菜 #慢煮鴨髀 #16小時慢煮油封鴨脾 #拍拖好去處

20/01/2023

［尖沙咀］工業風特式burger

仲有幾日就🐇年，大家年尾應該同我一樣，頻頻做節，近期係咁食中菜😂。所以我決定今晚食返個西餐，就係burger 🍔，balance一下🙊，因為黎緊都要繼續食中菜🤣

餐廳裝修以美國工業風為主題，有倉庫，車呔，霓虹燈等型格裝飾，以營造寬敞的空間感及糙風格，打卡一流😍

☁️ 軟殼蟹漢堡 $115
軟殼蟹size好大，睇到都已經好開心🥳，勁滿足🥰。炸漿唔厚，又熱啦啦，加埋新鮮的蕃茄片和生菜，夾住濃濃的他他醬，好開胃，好吸引。漢堡包底面都有烘底，有誠意的。

☁️ 牛油果醬芝士雞柳漢堡 $100
漢堡包底面一樣都有烘底，金黃色presentation，唔錯👍🏻。雞柳好厚身，又煎得啱啱好，好Juicy，肉質嫩滑香口😍。配上豐富的牛油果醬和他他醬，食落好有層次感。而且cheddar芝士係半溶狀態嫁，正呀！🤩

☁️ 黑松露芝士薯條 $68
熱辣辣的薯條，加上舖滿黑松露芝士汁，絕對無得輸💯，味道唔錯，超濃芝士味🥰。而且黑松露味聞落好香。

☁️ 蜜桃冰茶 $38
唔會好甜，有果肉同重果味，鍾意❤️。

優點：
☁️餐廳座位寬躺
☁️地點方便
☁️服務態度良好

整體
味道：🌕🌕🌕🌑🌑
環境：🌕🌕🌕🌗🌑
地區：
類別：

——————
Burgeroom (美麗華廣場一期) (尖沙咀)
尖沙咀彌敦道132號美麗華廣場一期2 樓 207 號舖

Burgeroom (Fashion Walk) (銅鑼灣)
銅鑼灣百德新街50-56號Fashion Walk食街地下D舖

——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #收爐啦 #兔年2023 #大家發大財 #兔年快樂

14/01/2023

［沙田］抵食出色海南雞

每次假日經過天天海南雞，都看見勁多人排隊，難得今日閒日夜晚，無人排隊，就即刻想試下🤭，餐廳入面都滿座咁濟嫁😆

餐廳裝修以深藍和白色為主調，座位寬躺。我好鐘意餐廳的茶，係英式伯爵茶，好香😌，食中菜配西茶，夠創新。

諗緊食咩個陣，見到有個二人餐，有7.6折，見咁抵🤩所以就試下

新加坡米芝蓮二人套餐$499

☁️ 前菜-蝦皮素肉鬆凍豆腐
有驚喜🤩，凍盤，豆腐嫩滑，面頭舖了素肉鬆和香口的櫻花蝦，增加口感。味道方面，少少辣，因為有爆香的蔥花和辣椒，加埋鼓油的鹹香，提升成個豆腐嘅層次感，會更加開胃。

☁️ 小食-黑松露墨魚蝦多士
多士新鮮炸起，熱辣辣😍，而且又唔會好油，nice👍🏻。多士中間夾住彈牙墨魚滑，面頭有炸鮮蝦同黑松露醬，每啖都好滋味，而且又聞到黑松露嘅香味🤤。

☁️ 燉湯-鳳梨涼瓜干貝燉龍骨
料多，熱辣辣的湯，味道唔錯，家的味，唔會飲完口乾，正🥰。

☁️ 天天海南雞
雞肉顏色偏白，啖啖肉，皮薄少脂肪肉嫩，雞味唔太濃，大部份冇骨，除咗一兩件雞髀位有少量。落單時，侍應介紹天天海南雞和正宗海南雞的分別是前者冇骨，所以啱晒我這些懶人👍🏻🤩。海南雞嘅重點，就係個醬汁，三款任均選擇。配菜青瓜條，爽口清甜新鮮，最適合食完濃味食物後食。

☁️ 海南雜菜煲
雜菜煲有誠意的，熱上，煲底有蠟燭keep 住加熱。湯底濃郁，雜菜，雜茹和粉絲吸收晒湯嘅精華，鮮甜美味，送飯一流‼️💯

☁️ 雞油飯小煲
雞油飯唔會太油，而且食落有少少薑味同油香，飯粒粒分明，唔錯👍🏻。份量超多，抵食。

☁️ 50年代系列飲品X2
酸柑桔蜜（熱）
好有驚喜🤩，超級濃味，話梅絕對提升成杯柑桔蜜嘅重點，飲完有回甘味，超好味😍，超鍾意❤️。

滋養薏水（熱）
唔太甜，回南天飲最啱‼️

☁️ 新加坡原味豆腐花$22
唔太甜，豆味幾香，好滑。飯後甜品，正🤭

優點：
☁️食物質素好，有特色
☁️餐廳座位寬躺
☁️地點方便
☁️服務態度良好
☁️侍應醒目

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
天天海南雞飯 (新城市廣場) (沙田)
沙田沙田正街18號新城市廣場三期 3樓329及363號舖
——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #海南雞 #新加坡菜 #天天海南雞飯

10/01/2023

［觀塘］必試特色出色卷物

今晚同朋友又食古今二😂，所以我決定share 下

☁️ 龍卷風沙律$76
⭐️每次必點的沙律🥗，因為分量超大，沙律菜又新鮮爽口，加埋蟹籽，中華沙律，蟹柳，仲有脆脆鋪面，材料超級豐富🥰。而且味道方面，除咗沙律醬的清新，還有少少辣吊味，提升成個沙律嘅層次感，會更加開胃，仲可以促進食慾😆。

☁️ 金龍卷$98
聽個名，知唔知係咩嚟呢🙊？開估啦😌其實係芝士炸蝦三文魚卷物。由香濃的芝士加上三文魚鋪面，再配上香脆彈牙的炸鮮蝦，不但口感豐富，而且每啖都好滋味🤤。蝦🦐新鮮炸起，熱辣辣😍，而且又唔會好油，勁吸引❤️。

☁️搖滾樂 $82
另一特色的卷物🤩，係芝士鰻魚牛油果炸蝦卷物。肥美的鰻魚配上牛油果，再加上特色醬料，味道已經非常匹配🥰。依家再加上彈牙的炸蝦，增加口感之餘，成件事即刻豐富咗🤭。

☁️ 古今日式餃子 $56
🥟餃子皮的厚薄適中，煎得金黃色，外脆內軟，又唔會好油，餡料份量都多，而且肉汁都豐富😚。

優點：
☁️食物質素好，有特色❤️
☁️餐廳裝修有格調
☁️地點方便
☁️多分店

整體
味道：🌕🌕🌕🌗🌑
環境：🌕🌕🌕🌗🌑
地區：
類別：

——————
古今二 (官塘工業中心) (觀塘)
觀塘觀塘道436-446號官塘工業中心4期1樓B室

古今 (銅鑼灣)
銅鑼灣軒尼詩道525號澳門逸園中心21樓

古今二 (荃灣千色匯) (荃灣)
荃灣眾安街68號荃灣千色匯1期3樓3013號舖

古今二 (尖沙咀)
尖沙咀彌敦道100號The ONE5樓502號舖

古今二 (荃新天地) (荃灣)
荃灣楊屋道1號荃新天地1期1樓116號舖

——————
#香港美食 #香港餐廳 #香港美食指南 #香港美食日記 #香港美食推介 #食好西 #相機食先 #日本菜 #壽司 #卷物 #三文魚 #

arfan_foodie

27/04/2023

25/03/2023

25/03/2023

11/03/2023

23/02/2023

18/02/2023

12/02/2023

06/02/2023

01/02/2023

20/01/2023

14/01/2023

10/01/2023

Address

Website

Alerts

Shortcuts

Share

Category