廚房佬雜記

19/10/2025

The Coconut Song

08/09/2025

香草 Herbs，又叫［香料植物］，係指因為具有香氣而用喺食物、調味品、藥品同香料裡面嘅植物............
https://www.facebook.com/media/set/?set=a.122187417662242905&type=3

香草，又叫［香料植物］，係指因為具有香氣而用喺食物、調味品、藥品同香料裡面嘅植物。傳聞喺公元5000年前，蘇美人就已經喺醫藥中使用藥草。古埃及人亦喺公元1555年前左右使用茴香、芫荽、麝香草。古希臘喺西元162年時有一位叫蓋倫嘅醫生，使用含有100種香草成份嚟組合成嘅複雜草藥。

05/07/2025

糖（Sugar）係指一種甜味嘅食物或者調味料，通常係由甘蔗、甜菜等植物提取出來，或者人工合成嘅甜味物質。
https://www.facebook.com/media/set/?set=a.122187419342242905&type=3

糖（Sucrose）係一種甜味嘅嘢食，亦係調味品，佢嘅化學成份係醣，例如：葡萄醣、菓醣、蔗醣等。一般嘅食用糖係蔗糖，以蔗糖為主要成分嘅食糖根據純度嘅由高到低又分為：冰糖（99.9%）、白砂糖（99.5%）、綿白糖（97.9%）、赤砂糖（紅糖／黑糖 89%）。

13/02/2025

鱈場蟹備長炭燒

圖片：廚房佬 ＠ 台北上引水產

10/01/2025

香港銀仔 hoeng1 gong2 ngan2 zai2

香港一文（HONG KONG ONE MIL）

香港一文［hoeng1 gong2 jat1 man4］，唔好搞錯以為係叫［香港一缗（蚊）］。一文硬幣，係香港歷史上面值最低嘅硬幣，喺香港開埠初期流通。呢個幣值面額為千份之一港元（$0.001），即一文。

喺1861年，為咗要同當時清朝國內使用外圓內方嘅穿孔銅錢［通寶］互相銜接，港督威廉羅便臣提請殖民地部要求鑄造新幣。喺一連串書信往來同埋樣板修改之後，由倫敦皇家鑄幣廠喺1863年用青銅鑄造咗一批外圓內方，貌似清朝銅錢嘅［一文］硬幣。

香港一文硬幣，一面鑄有當時嘅王維多利亞女皇嘅徽號、年份同英文字［HONG KONG ONE MIL］，另一面就鑄有中文字［香港一文］。至到1866年中文字改為［香港一千］，意思即係一緡嘅千份之一，喺嗰年之後［一文］就停止鑄造。

其他資料［參考］

一文：等於壹圓千分之一，十文錢等於一仙。
　　　1863年發行，由青銅鑄造，至1865年停止。

一千：同一文面值一樣。
　　　只喺1866年發行過，由青銅鑄造。

一仙：等於壹圓百分之一，十仙錢等於一毫。
　　　1863年發行，由青銅鑄造，至1941年停止。
　　　戰後由一仙鈔票取代［1995年停止流通］。

五仙：俗稱［斗零］。
　　　1866年發行，由銀鑄造。
　　　1935年起由銀，改為鎳、鎳-銅或鎳-黃銅鑄造。
　　　1988年推出最後嘅五仙硬幣，1989年停止流通。

一毫：等於壹圓十分之一。
　　　1863年起發行，由銀鑄造。
　　　1935年改由鎳鑄造。
　　　1948年改由黃銅-鎳合金鑄造。
　　　1982年體積縮細。
　　　1984年被新一批一毫硬幣取代。
　　　1994年改由黃銅鍍鋼鑄造，改為洋紫荊圖案。
　　　2017年重新發行。

貳毫：1866年開始發行，由銀鑄造，至1905年停止。
　　　1975年起重新發行，改由黃銅鎳合金鑄造。
　　　［新香港貳毫改為波浪形設計］
　　　1993年改為洋紫荊圖案。

伍毫：當初名為［半圓］Half Dollar，意指壹圓嘅一半。
　　　1866年開始發行，由銀鑄造，至1905年止。
　　　1951年起重新發行伍毫硬幣，由紅銅-鎳合金鑄造。
　　　1977年改由黃銅-鎳合金鑄造。
　　　1993年改由黃銅鍍鋼鑄造，改為洋紫荊圖案。
　　　2015年重新發行。

壹圓：俗稱［一緡銀］或［一緡雞］。
　　　1866年開始發行，由銀鑄造，至1868年停止。
　　　1960年起重新發行，由紅銅-鎳合金鑄造。
　　　1978年體積縮細。
　　　1993年試用紅銅鍍鋼鑄造，改為洋紫荊圖案。
　　　［新壹圓唔成功，硬幣出現生鏽或磁化等問題］
　　　1994年重新發行，由紅銅-鎳合金鑄造。
　　　2013年重新發行。

貳圓：俗稱［兩緡銀］，波浪形狀設計。
　　　1975年開始發行，由紅銅-鎳合金鑄造。
　　　1993年改為洋紫荊圖案。
　　　2012年重新發行。

伍圓：俗稱［伍緡］，開始時係用十角形設計，但係容易被偽造。
　　　1976年開始發行，由紅銅-鎳合金鑄造。　　　
　　　1980年改用圓形設計，硬幣邊沿加上凹坑同刻字。
　　　1993年改為洋紫荊圖案。
　　　2012年重新發行。

拾圓：俗稱［十緡］，又叫［金銀閏］。
　　　外層由紅銅-鎳合金鑄造，
　　　內層由黃銅-鎳合金鑄造。
　　　1994年面世，喺1995年再發行一次。
　　　1996年因為硬幣容易被偽造而停止發行。
　　　2014年底重新發行80萬枚。

補充資料：
古代嘅貨幣單位，喺唐朝之前已經出現，一枚銅製鑄幣（方孔錢）為［一文］。為咗方便使用同保留呢啲銅錢，就將銅錢穿成串，一般每串為一千個銅錢［一千文］，漢朝叫做 ［一緡］ ，唐宋兩朝［一緡］、［一貫］互通，清朝叫做［一吊］，亦表示呢三個叫法都係同一個意思。不過因朝代唔同而造成嘅每枚銅錢嘅重量都會有唔同，而喺清朝時期，官方就制定為一千個銅錢就兌換一兩銀。

香港喺十九世紀中，為咗要同當時大清國內使用嘅穿孔銅錢互相銜接，就鑄造同發行香港［一文］銅幣，之後又定等值［一千文］、［一千千］為［壹圓］，以對應大清［一兩］嘅銀本單位，亦同當時喺香港流通嘅外國銀幣睇齊，例如俗稱［柱洋］嘅西班牙銀幣、［鷹洋］嘅墨西哥銀幣等等。

無聊通識科。廣東話資料館

29/12/2024

孜然芹（Cumin），又叫［香旱芹］，係傘形科孜然芹屬一年生草本植物，原產自中東至南亞一帶。果實作為香料時簡稱［孜然］，又叫［阿拉伯茴香］、［安息茴香］、［枯茗］等，主要用嚟調味、提取香精油等，係料理食品常用嘅上等佐料，亦係配製咖喱嘅主要原料之一。

圖片：網絡世紀

28/12/2024

茴芹（Anise），又叫［洋茴香］、［歐洲茴香］，係原產於埃同和地中海東部嘅一種傘形科香草植物，有帶甜味嘅果實同類似甘草同茴香嘅香味。通常用嚟提煉精油、製造糖果同埋釀酒，亦有藥用價值。

圖片：網絡世紀

27/12/2024

歐芹（Parsley），又叫［香芹］、［番荽］、［荷蘭芹］、［巴西利］、［洋香菜］、［洋芫荽］，係傘形科歐芹屬嘅兩年生草本植物，原產於地中海沿岸，係常見嘅食用蔬菜同香草，有清爽嘅香味同鮮綠色。喺古羅馬時代就已經用嚟煮食，亦係世界上最廣泛食用嘅一種香草。

圖片：網絡世紀

26/12/2024

茴香（Fennel），又叫［甜茴香］，中藥又叫［小茴香］，古代叫［蘹香］，係傘形科茴香屬嘅一種開花植物種。原產於地中海沿岸同東南亞嘅原生種，不過目前已經被廣泛種植喺世界好多地方，特別係喺海岸附近乾燥嘅土壤之上。

中文經常用［洋茴香］呢個詞嚟泛指蒔蘿（Dill）、茴芹（Anise）、孜然（Cumin）、葛縷（Caraway）等枝葉外型相似但大細唔同嘅草本植物，有時甚至又會將芫荽（Coriander / Cilatro）一齊混淆。

圖片：網絡世紀